စတော့တန်ဖိုးအရ အက်ပဲလ်ကုမ္ပဏီသည် သမိုင်းတစ်လျှောက် တန်ဖိုးအရှိဆုံး ကုမ္ပဏီဖြစ်လာ

စတော့တန်ဖိုး အခြေပြုတွက်ချက်မှုအရ အက်ပဲလ်ကုမ္ပဏီသည် ကာလရှည်ပြိုင်ဘက် မိုက်ခရိုဆော့ဖ်ကိုကျော်ပြီး အမေရိကန်သမိုင်းတစ်လျှောက် တန်ဖိုးအရှိဆုံး ကုမ္ပဏီဖြစ်လာခဲ့ပြီး အမေရိကန်ဒေါ်လာ ၆၂၃ ဒသမ ၅၁ ဘီလျံအထိ တန်ဖိုးရှိလာခဲ့သည်။ အက်ပဲလ်က အိုင်ဖုန်းအသစ်၊ အိုင်ပက်မီနီ၊ အက်ပဲလ်တီဗွီများကို စတင်ပြသရောင်းချတော့မည်ဟု သတင်းများ ထွက်ပေါ်နေခြင်းကြောင့် Nasdaq စတော့အိပ်ချိန်းပိတ်ချိန်တွင် ရှယ်ယာတစ်ခုလျင် ၆၆၅ ဒသမ ၁၅ ဒေါ်လာအထိ မြင့်တက် သွားခဲ့သည်။ ၁၉၉၉ ခုနှစ်က မိုက်ခရိုဆော့ဖ် တင်ထားခဲ့သည့် အမေရိကန်ဒေါ်လာ ၆၁၉ ဘီလျံ စံချိန်ကို ချိုးနိုင်ခဲ့ခြင်းလည်းဖြစ်သည်။

Ref: Weekly Eleven