ရှမ်းပြည်နယ် (မြောက်ပိုင်း) လားရှိုးမြို့ အမှတ် (၂) ရပ်ကွက် ပြည်ထောင်စု လမ်းရှိ အစိုးရ အသိ အမှတ်ပြု စေတနာ ယာဉ်မောင်း သင်တန်းကို ဒီဇင်ဘာ ပထမ ပတ်၌ ဖွင့်လှစ် သွားမည် ဖြစ်ပြီး သင်တန်းသားများ စတင် လက်ခံနေပြီ ဖြစ်ကြောင်း သိရသည်။
အဆိုပါ စေတနာ ယာဉ်မောင်း သင်တန်းမှ သင်တန်းသား၊ သင်တန်းသူများ အတွက် သင်ကြားမှု စာတွေ့၊ လက်တွေ့ မော်တော်ယာဉ် မောင်းနှင်မှု ဆိုင်ရာ အတတ်ပညာ၊ မော်တော်ယာဉ် ထိန်းသိမ်းမှု ဆိုင်ရာ အတတ်ပညာ၊ မော်တော်ယာဉ် လမ်းကြောင်းနှင့် လမ်းကြောင်း မှန်ကန်စွာ အသုံးချမှု ဆိုင်ရာ အတတ်ပညာ၊ မော်တော်ယာဉ် စည်းကမ်းနှင့် နည်းဥပဒေ ဆိုင်ရာ အတတ်ပညာ စသည်တို့ကို သိရှိနားလည် တတ်ကျွမ်း သော အရည်အချင်း ပြည့်ဝသည့် သင်တန်းသားများ ပေါ်ထွက် လာစေရန် အတွေ့အကြုံ ရင့်ကျက်သော ဆရာများဖြင့် သင်ကြား ပေးသွားမည် ဖြစ်ကာ သင်တန်းသား၊ သင်တန်းသူများ အတွက် ''ခ'' ယာဉ်မောင်း လိုင်စင် ရသည်အထိ နည်းစနစ် တကျ တာဝန်ယူ သင်ကြား ပေးသွားမည် ဖြစ်ကြောင်း သတင်း ရရှိသည်။
မြ၀တီ
No comments:
Post a Comment