အဆင့်မြင့်
နည်းပညာများဖြင့် တီထွင် ထုတ်လုပ်ထားသော နှစ်ပေါင်း ၂ဝဝ နီးပါး
သက်တမ်းရှိ ကျောက်မျက် ရတနာ စီခြယ်ထားသည့် ပိုးတုံးလုံး ရုပ်လေးကို
ဆွစ်ဇာလန် နိုင်ငံ ဂျီနီဗာမြို့ရှိ ဆော့ဘီ လေလံပြတိုက်တွင် လွန်ခဲ့သော
နှစ်နှစ် အတွင်းက အမေရိ ကန် ဒေါ်လာ ၄၁၅ဝဝဝ ကျော်ဖြင့် လေလံတင်
ရောင်းချခဲ့ကြောင်း အင်တာနက် သတင်းတစ်ရပ် အရ သိရသည်။ အဆိုပါ အရုပ်လေးကို
၁၈၂ဝ ပြည့်နှစ်က ဆွစ်ဇာလန် နိုင်ငံမှ
နာရီ
ထုတ်လုပ်သူ ဟန်နရီ မီလာဒတ်က ပြုလုပ်ခဲ့ခြင်း ဖြစ်ပြီး တရုတ်လူမျိုး
မင်းမျိုးမင်းနွယ် များအား ရောင်းချ ရန်အတွက် ရည်ရွယ် ပြုလုပ်ခဲ့ခြင်း
ဖြစ်သည်ဟု သိရသည်။ ထိုပိုးတုံးလုံး၏ ကိုယ်ထည်ကို အလင်း ဖောက်နိုင် သော
အနီရောင် အဆင်းရှိ ကြွေသားဖြင့် သွန်းလုပ်ထား၍ ၎င်းကိုယ်ထည်ပေါ်တွင် အဆစ် ၁၁
ဆစ် ပါရှိပြီး အဆစ်လေးများ ပေါ်တွင် ပုလဲ လုံးလေးများ စီခြယ်ထားသည်။
ထို့နောက် ပိုးတုံးလုံး ကိုယ်ထည် အစိတ်အပိုင်း ၁၁ ခုတွင် ရွှေကွပ်ထားသော
ပတ္တမြား ကျောက်များ၊ စိမ်းပြာရောင် ကျောက် များ၊ မြကျောက်များ၊
စိန်များဖြင့် စီခြယ် မွမ်းမံထားသည်။ ၎င်းပိုးတုံး လုံးအရုပ်တွင် သတ္တုဘီးများ
တပ်ဆင် ထားပြီး နာရီ သံပတ်ကဲ့သို့ သံပတ် ပါရှိကာ သံပတ် ပေးရုံဖြင့် တကယ့်
ပိုးတုံးလုံး တစ်ကောင် သွားလာသကဲ့သို့ စက်ရုပ် ခန္ဓာကိုယ်အား အထက်အောက်
လှုပ်ရှား သွားလာနိုင်သည်။ ၎င်းပိုးတုံးလုံး အရုပ်ကို အီသီယိုးပီးယား
ပိုးတုံးလုံးဟု အမည် ပေးထားပြီး အဆိုပါ အရုပ်ကို ဂျီနီဗာမြို့ရှိ ဆော့ဘီ
လေလံပြတိုက်တွင် ၂ဝ၁ဝ ပြည့်နှစ်က အမေရိကန် ဒေါ်လာ ၄၁၅၂၁၅ ဖြင့် လေလံတင်
ရောင်းချခဲ့ပြီး အာရှတိုက်သား တစ်ဦးက ဝယ်ယူခဲ့ကြောင်း သိရသည်။
မြ၀တီ
No comments:
Post a Comment