အစိုးရနှင့် KIA အဖွဲ့တို့သည် တရုတ်နိုင်ငံရွှေလီမြို့တွင် မတ်လ ၁၁ရက်နေ့တွင် ငြိမ်းချမ်းရေး ထပ်မံ ဆွေးနွေးမည်ဟု သိရှိရပါသည်။
ငြိမ်းချမ်းရေးဆွေးနွေးရန်အတွက် ကချင်ပြည်နယ် ငြိမ်းချမ်းရေး အကျိုး တော်ဆောင် အဖွဲ့ (PCG ) အဖွဲ့သည် မတ်လ ၇ရက်နေ့တွင် မြစ်ကြီးနားမြို့မှ ရွှေလီသို့ ထွက်ခွါမည်ဖြစ်ကြောင်း၊ ငြိမ်းချမ်းရေး အကျိုး တော်ဆောင်အဖွဲ့မှ ဦးယွပ်ဇော်ခေါင်နှင့် ဦးလမိုင်ဂွန်ဂျာတို့မှ ဦးဆောင်ပြီး အစိုးရအဖွဲ့နှင့် KIA တို့ဘက်မှ မည်သူတွေက ဆွေးနွေးပွဲကို တက်ရောက်မည်ကို အတည်ပြုပြော ကြားခြင်း မရှိသေးကြောင်း သိရှိရပါသည
KIA အဖွဲ့ အတွင်းတွင် ငြိမ်းချမ်းရေးနှင့် ပတ်သတ်ပြီး သဘောထားအနည်းငယ် ကွဲလွဲမှု ရှိနေကြသေး သော်လည်း ကချင်ပြည်နယ်မှ ဒေသခံများနှင့် KIA တပ်ဖွဲ့ဝင်များက ငြိမ်းချမ်းရေးကို လိုလား နေကြကြောင်း၊ တိုက်ပွဲများကို ဆက်လက်မဖြစ်ပွားလိုကြောင်းသိရှိရပါသည်။ ငြိမ်းချမ်းရေး ထပ်မံဆွေးနွေး မည်ဆိုသောကြောင့် ကချင်ပြည်နယ်မှ ဒေသခံများက ပျော်ရွှင်နေကြပြီး အမြန်ဆုံး ငြိမ်းချမ်းရေး ရရှိစေရန်လိုလားနေကြောင်း သိရှိနေရပါသည်။
KDN
No comments:
Post a Comment