ချင်းနှင့် နာဂဒေသ ဖွံ့ဖြိုးရေး ငါးနှစ်ဆက်တိုက် အိန္ဒိယ ထောက်ပံ့မည်

ဇွန်လ ၂၂ ရက်

 
အိန္ဒိယနိုင်ငံအစိုးရက မြန်မာနိုင်ငံ၏ ဖွံ့ဖြိုးမှု နိမ့်ကျနေသောဒေသ များဖြစ်သည့် ချင်းပြည်နယ်နှင့် ကိုယ်ပိုင်အုပ်ချုပ်ခွင့်ရ နာဂဒေသတို့တွင် ပညာရေးနှင့် ကျန်းမာရေး ဖွံ့ဖြိုး တိုးတက်ရေးအတွက် လက်ရှိ ဘဏ္ဍာနှစ် မှစတင်ကာ အမေရိကန်ဒေါ်လာ ၂ ဒသမ ၅ သန်းကို ငါးနှစ် ဆက်တိုက် ထောက်ပံ့ပေးမည်ဖြစ်ကြောင်း မန္တလေး အိန္ဒိယကောင်စစ်ဝန် ရုံးထံမှ သိရသည်။

ယခုနှစ်အတွက် ဖွံ့ဖြိုးရေးလုပ်ငန်းများ ဆောင်ရွက်နိုင်ရန် ချင်းပြည်နယ်နှင့် နာဂဒေသအတွက် သက်ဆိုင်ရာ နယ်စပ်လုံခြုံရေးနှင့် နယ်စပ်ရေးရာ ဝန်ကြီးကို စုစုပေါင်း အမေရိကန်ဒေါ်လာ တစ်သန်း ပေးအပ်ထား ပြီးဖြစ်ကြောင်း အဆိုပါရုံးမှ ထပ်မံ သိရသည်။

နာဂဒေသတွင် ကျေးရွာအချို့မှာ သောက်သုံးရေ လုံလောက်စွာ မရခြင်းနှင့် ဒေသဖွံ့ဖြိုးရေး အားနည်းခြင်းတို့ကြောင့် ကျေးရွာသုံးရွာ တွင် နေအိမ် ပြောင်းရွှေ့ပေးခြင်းများ ပြုလုပ်ပေးလျက်ရှိကြောင်း နယ်စပ် တောင်တန်းနှင့် ကမ်းရိုးတန်းဒေသ ဗုဒ္ဓဘာသာ သာသနာပြန့်ပွားရေး အသင်းထံမှ သိရသည်။

ယင်းကဲ့သို့ ပြောင်းရွှေ့သည့် အိမ်ထောင်စု ၄၅ စုအတွက် အိမ်မိုးသွပ်များနှင့် အခြား ထောက်ပံ့မှုများ ဆောင်ရွက်လျက်ရှိကြောင်း အဆိုပါ အသင်းထံမှ ထပ်မံ သိရသည်။

The Voice Weekly