ကမ္ဘာ့ရန်ပုံငွေအဖွဲ့ HIV တိုက်ဖျက်ရေးအတွက် ဒေါ်လာသန်း ၁၆၀ ကျော် ကူညီမည်

ဇွန်လ ၂၂ ရက်

 
မြန်မာနိုင်ငံအတွင်း ကျန်းမာရေးဝန်ကြီးဌာန အပါအဝင် HIV/AIDS တိုက်ဖျက်ရေး ဆောင်ရွက်နေသော ပြည်တွင်းပြည်ပ အဖွဲ့အစည်း များအတွက် လေးနှစ်တာ စီမံကိန်းကာလ ထောက်ပံ့ကြေးအဖြစ် ကမ္ဘာ့ရန်ပုံငွေအဖွဲ့ကြီး (Global Fund) က အမေရိကန် ဒေါ်လာ သန်း ၁၆၀ ကျော် ကူညီမည်ဖြစ်ကြောင်း ဇွန်လ ၁၉ ရက်နေ့က ထုတ်ပြန်သည်။

ယခု ရရှိသောထောက်ပံ့ငွေကြေးများ သည်ှုံဠ။ဗှီု နှင့် နေထိုင်သူများ အတွက် ဆေးဝါးနှင့် အခြား ထောက်ပံ့မှုများ တိုးမြှင့်ရာတွင် အသုံးပြု သွားမည့်အပြင် နှစ်သိမ့် ဆွေးနွေးမှုနှင့် HIV ပိုး စမ်းသပ် စစ်ဆေးမှုများ အလွယ်တကူ ပြုလုပ်ရာ၌လည်း အသုံးချသွားရန် ရည်ရွယ်ကြောင်း အဆိုပါ ထုတ်ပြန်ချက်တွင် ဖော်ပြထားသည်။

ပြည်တွင်းတွင် ကမ္ဘာ့ရန်ပုံငွေ အဖွဲ့၏ ထောက်ပံ့ကြေးများကို နိုင်ငံတကာ အဖွဲ့အစည်း တစ်ခုဖြစ်သော Save The Children နှင့် ကုလသမဂ္ဂ အဖွဲ့အစည်း တစ်ခုဖြစ်သော UNOPS တို့က ခွဲဝေ ပေးလျက်ရှိကြောင်း၊ ယင်းကြောင့် ကျန်းမာရေး ဝန်ကြီးဌာန၏ အမျိုးသား ခုခံအား တိုက်ဖျက်ရေး စီမံချက်အတွက် ထောက်ပံ့ငွေ ပမာဏကို မသိရှိရသေးကြောင်း အဆိုပါ စီမံချက် ညွှန်ကြားရေးမှူး ဒေါက်တာမြင့်ရွှေက The Voice သို့ ပြောကြား သည်။

"သာမန်အားဖြင့်တော့ INGO တွေက ၆၀ ရာခိုင်နှုန်းလောက်ပဲရတယ်။ အမျိုးသား AIDS စီမံချက်နဲ့ သူနဲ့ တွဲဖက်လုပ်တဲ့ အဖွဲ့အစည်းတွေက ၄၀ ရာခိုင်နှုန်းရတယ်" ဟု ၎င်းက ထပ်လောင်းပြောကြားသည်။

ထောက်ပံ့မှုများပေါ် မူတည်ကာ ရှေ့ဆက် ဆောင်ရွက်သွားမည့် စီမံချက် များအတွက် လာမည့် တစ်ပတ်အတွင်း အစည်းအဝေး ပြုလုပ်ကာ လုပ်ငန်း ဆောင်ရွက်ချက်များ ချမှတ်သွားရန်ရှိကြောင်း ဒေါက်တာမြင့်ရွှေက ဆိုသည်။

မြန်မာနိုင်ငံတွင် မူးယစ်ဆေးဝါး သုံးစွဲသူများ၊ လိင်လုပ်သားနှင့် လိင်တူ ဆက်ဆံသူတို့ထံတွင် HIV ပိုးအသစ် ကူးစက်မှုနှုန်းသည် တဖြည်းဖြည်း လျော့ကျလာသည့်အပြင် ART ဆေးရရှိသူ အရေအတွက် လည်း နှစ်စဉ် တိုးတက်လာကြောင်း ယင်းထုတ်ပြန်ချက်တွင် ရေးသား ထားသည်။

The Voice Weekly