ကချင်ပြည်နယ် လုိုင်ဇာမြို့မှာ ဖွဲ့စည်းခဲ့တဲ့ တစ်နုိုင်ငံလုံး အပစ်အခတ်ရပ်စဲရေးဆိုင်ရာ ညှိနှိုင်းရေးအဖွဲ့ NCCT အဖွဲ့က တိုင်းရင်းသား လက်နက်ကိုင်ခေါင်းဆောင်တွေဟာ ဒီကနေ့မနက်ကစပြီး ထိုင်းနုိုင်ငံ ချင်းမုိုင်မြို့မှာ အပစ်အခတ်ရပ်စဲရေး မူဘောင်ဆိုင်ရာ အချက်တွေကို စတင်ဆွေးနွေးခဲ့ကြပါတယ်။
နှစ်ရက်ကြာကျင်းပမယ့် အဲဒီဆွေးနွေးပွဲမှာ လိုင်ဇာညီလာခံကျင်းပစဉ်က တိုင်းရင်းသားလက်နက်ကိုင် ခေါင်းဆောင်တွေ သဘောတူ ခဲ့တဲ့ တိုင်းရင်းသား လက်နက်ကိုင်အဖွဲ့တွေရဲ့တစ်နိုင်ငံလုံး အပစ်အခတ်ရပ်စဲရေး ဘုံသဘောထားရပ်တည်ချက်နဲ့ အစိုးရဖက် ကပေးအပ်ထားတဲ့ တစ်နုိုင်ငံလုံးအတိုင်းအတာ ပစ်ခတ်တုိုက်ခိုက်မှုရပ်စဲရေး သဘောတူညီချက်စာချူပ် (မူကြမ်း) အပေါ် အဓိကဆွေးနွေးသွားကြမှာ ဖြစ်တယ်လုို့ သိရပါတယ်။
ဒီကနေ့ ဆွေးနွေးပွဲပထမနေ့မှာတော့ လိုင်ဇာသဘောတူညီချက်ဖြစ်တဲ့ တိုင်းရင်းသား လက်နက်ကိုင်အဖွဲ့တွေရဲ့ တစ်နိုင်ငံလုံး အပစ်အခတ်ရပ်စဲရေး ဘုံသဘောထားရပ်တည်ချက် ၁၁ ချက်အပေါ် တစ်ချက်ချင်း အဓိပ္ပါယ်ကောက်ယူမှုအပေါ် အဓိကထားပြီး ထပ်မံဆွေးနွေးခဲ့ကြတယ်လို့ KNU အဖွဲ့ရဲ့ အထွေထွေအတွင်းရေးမှူးလည်းဖြစ် NCCT အဖွဲ့ရဲ့ ဒုတိယအဖွဲ့ခေါင်းဆောင်လည်းဖြစ်တဲ့ ပဒိုစောကွယ်ထူးဝင်းက ပြောပါတယ်။
“အဓိက အခြေခံမူကတော့ ကျနော်တို့မပြင်ဘူးလေ၊ ပြင်လို့မရဘူး၊ ဒါက တိုင်းရင်းသားခေါင်းဆောင်တွေ ချပေးတဲ့အခြေခံမူ ၁၁ ချက်၊ ဒါပေမယ့် ဒီအခြေခံမူရေးတဲ့နေရာမှာ အခြေခံမူကို အဓိပ္ပာယ်ဖော်တဲ့အခါ ပြည့်စုံရဲ့လား၊ မပြည့်စုံရင် ကျနော်တို့ ထပ်ဖြည့်တယ်၊ ပိုတာတွေရှိရင်လည်း အဓိပ္ပာယ်ကောက်လွဲတဲ့ဟာတွေရှိရင်လည်း ကျနော်တို့က ပြန်ပြင်တယ်၊ အထူးသဖြင့်ကတော့ ဒီစစ်ရေး ဆိုင်ရာကိစ္စတွေ၊ ဆိုလိုတာက ဒီတပ်ကိစ္စတွေ၊ ဘာဖြစ်လို့လဲဆိုတော့ အပစ်အခတ်ရပ်စဲရေး လုပ်မယ်ဆိုပြီးတော့ တပ်နေရာချ ထားမှု ညှိနှိုင်းဆောင်ရွက်ရမယ့်ကိစ္စတွေ၊ ဒီကိစ္စတွေဟာ ရှေ့ဆက်ပြီးညှိနှိုင်းရမယ့်ကိစ္စနဲ့ တချို့တော်တော်များများ ပူးပေါင်းဆောင်ရွက် ရမယ်ဆိုတဲ့ ဆိုလိုရင်းတော့ရှိတယ်”
လိုင်ဇာသဘောတူညီချက်ဟာ တိုင်းရင်းသားလက်နက်ကိုင် တော်လှန်ရေးအဖွဲ့အစည်း အချင်းချင်းအကြား သဘော တူညီချက်စာချုပ်ဖြစ်ပြီး အစိုးရနဲ့ နှစ်ဖက်သဘောတူစာချူပ်ဖြစ်စေဖို့ ရည်ရွယ်တာမဟုတ်တဲ့အတွက် နှစ်ဖက် သဘောတူညီချက် ရရှိလာစေဖို့ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ UPWC ရဲ့ မြစ်ကြီးနားမှာ အဆိုပြုခဲ့တဲ့မူကြမ်းကိုလည်း မနက်ဖြန်မှာ ဆက်ဆွေးနွေးသွားမှာ ဖြစ်တယ်လို့ သိရပါတယ်။
ဒီအတောအတွင်း ချင်းမိုင်မြို့အခြေစိုက် UNFC ညီညွတ်သော တိုင်းရင်းသားလူမျိုးများ ဖယ်ဒရယ်ကောင်စီ ခေါင်းဆောင်တွေ ဟာ ပြည်တွင်းအခြေစိုက် UNA ညီညွတ်သောတိုင်းရင်းသားလူမျိုးများ မဟာမိတ်အဖွဲ့တို့ ရန်ကုန်မြို့မှာ မနေ့က တွေ့ဆုံဆွေးနွေး ခဲ့ကြပါတယ်။
RFA
No comments:
Post a Comment