ကိုယ်ရေးအချက်လက် လုံခြုံမှုအတွက် Windows စနစ်ကို ဂရုပြုသုံးသင့်ဟု Microsoft လုံခြုံရေးအရာရှိတိုက်တွန်း

14.2.2014

အင်တာနက် အသုံးပြုသူများအနေဖြင့် အွန်လိုင်းတွင် ကိုယ်ရေးအချက် အလက်များ၊ ကုမ္ပဏီများ၏ အချက်အလက်များ ပေါက်ကြားခြင်းမရှိစေရန် အတွက် Windows စနစ်ကို ဂရုပြုသုံးသင့်သည်ဟု Microsoft ကုမ္ပဏီ၏ အာရှဆိုင်ရာလုံခြုံရေး အရာရှိချုပ်နှင့် အကြံပေးအရာရှိ Mr. Pierre Noel က ပြောသည်။

၎င်းက ရန်ကုန်မြို့ MICT တွင် ဖေဖော်ဝါရီ ၁၂ ရက်က ပြည်တွင်း ပညာရှင်များ၊ နည်းပညာလေ့လာသူ များဖြင့် Cyber security ခေါင်းစဉ်နှင့် ဆွေးနွေးပွဲပြုလုပ်စဉ်က ထည့်သွင်းပြောကြားခဲ့ခြင်းဖြစ်သည်။

Mr. Pierre Noel က “ ဒီမှာကြုံနေရတဲ့ လုံခြုံရေးနဲ့ပတ်သက်တဲ့ အခက်အခဲတွေကို သိပါတယ်။ ဒီကို လာတာက မိုက်ခရိုဆော့ဖ်ကို ရောင်းချင်လို့မဟုတ်ပါဘူး။ ဘယ်လိုလုပ်သင့်တယ်ဆိုတာကို ဆွေးနွေး ကြဖို့ရောက်လာတာပါ။ တကယ်လို့ pirate version (လိုင်စင်ဗားရှင်းမဟုတ်သော) ကို သုံးတယ်ဆိုရင် လည်း Microsoft ရဲ့ update တွေကို ဂရုပြုနေသင့်တယ်” ဟု ပြောသည်။

Windows စနစ်မလုံခြုံပါက အွန်လိုင်းမှတစ်ဆင့် အချက်အလက် ခိုးယူခံရခြင်း ဖြစ်နိုင်သောကြောင့် သတိထားသင့်သည်ဟုလည်း ၄င်းကဆိုသည်။

ပြည်တွင်း အသုံးပြုသူများအနေဖြင့် တရားဝင်Windows စနစ်ကို အသုံးပြုရာတွင် ငွေကြေးကုန်ကျမှုရှိ၍ မသုံးသော်လည်း ကုမ္ပဏီများအနေဖြင့် တရားဝင်Windows စနစ်ကို အသုံးပြုသင့်သည်ဟု အိုင်တီ ကုမ္ပဏီတစ်ခုဖြစ်သည့် Knowledge Centricity (Myanmar) က Solution Consultant ကိုထူးဝေငြိမ်း ချမ်းကလည်း ပြောသည်။

Mizzima - News in Burmese