တာချီလိတ်မြို့တွင် (၅)ကြိမ်မြောက် အာခါရိုးရာ ခါးထောင်းဖား စုပေါင်းနှစ်သစ်ကူးပွဲတော် ကျင်းပပြီးစီး

ဒီဇင်ဘာ(၂၂)

ရှမ်းပြည်နယ်အရှေ့ပိုင်းတွင် အများဆုံးနေထိုင်လျှက်ရှိသော အာခါတိုင်းရင်းသားများ၏ အာခါရိုးရာ ခါးထောင်းဖား စုပေါင်းနှစ်သစ်ကူးပွဲတော်ကို ဒီဇင်ဘာလ(၁၈)ရက်နေ့မှ (၂၀)ရက်နေ့ထိ တာချီလိတ်မြို့ရှိ ရှမ်းရိုးမကွင်းတွင် စည်းကားသိုက်မြိုက်စွာ ပြုလုပ်ကျင်းပခဲ့ကြပါတယ်။

အဆိုပါပွဲ၏ ဖွင့်ပွဲကို ဒီဇင်ဘာ(၁၉)ရက်နေ့ နံနက်(၁၀)နာရီမှာပြုလုပ်ခဲ့ပြီး စစ်ဗျူဟာအဖွဲ့(အခြေချ) စစ်ဗျူဟာမှူး ဗိုလ်မှူးကြီး ကျော်အောင် နှင့် ဌာနဆိုင်ရာများ၊ အာခါတိုင်းရင်းသားခေါင်းဆောင်များနှင့် ရပ်နီးရပ်ဝေးမှ အာခါတိုင်းရင်းသားများစွာ လာရောက်ခဲ့ကြတာကိုတွေ့ရပါတယ်။

ပွဲတော်၏ဖွင့်ပွဲတွင် အာခါရိုးရာအကများကို ဖျော်ဖြေရာမှာ ရပ်နီးရပ်ဝေးနေ အာခါတိုင်းရင်းသားများမှ ကပြဖျော်ဖြေခဲ့ကြပြီး အာခါရိုးရာ ခါးထောင်းဖား စုပေါင်းနှစ်သစ်ကူးပွဲတော်၏ ဖွင့်ပွဲအပြီး နောက်ဆုံးအစီအစဉ်တွင် ထူးခြားမှုတစ်ခုအနေဖြင့် မြန်မာဘက်မှ လူကုန်ကူးတားဆီးနိမ်နင်းရေးအဖွဲ့နှင့် ထိုင်းနိုင်ငံဘက်မှ လူကုန်ကူးတားဆီးနိမ်နင်းရေးအဖွဲ့ နှစ်ဖွဲ့တို့ ပူးပေါင်းပြီး လူကုန်ကူးနိမ်နင်းရေး အသိပညာပေး အာခါစကားပြော ဇာတ်လမ်းတိုလေးကို စီစဉ်တင်ဆက်ခဲ့ကြပါတယ်။

Popout 

{လူကုန်ကူးနိမ်နင်းရေးအသိပညာပေး အာခါစကားပြော ဇာတ်လမ်းတို}

[ဖုန်းနဲ့ရိုက်ထားတာကြောင့် တုန်ခါမှုများအတွက်သီးခန့်ကြည့်ရှုပါရန်]} 

 

 အာခါရိုးရာ ခါးထောင်းဖား စုပေါင်းနှစ်သစ်ကူးပွဲတော်၏ ဈေးပွဲတန်းတွင် အရောင်အသွေးစုံလင်လှသော အာခါရိုးရာဝတ်စုံများကို ခင်းကျင်းရောင်းချထားသည်မှာ လှပနေပြီး ရပ်ဝေး ရပ်နီးမှ လာရောက်ပျော်ပါးနေကြသော အာခါတိုင်းရင်းသားများစွာတို့ကိုလည်း တွေ့ခဲ့ရပါတယ်။

ယခုပြုလုပ်သော အာခါရိုးရာ ခါးထောင်းဖား စုပေါင်းနှစ်သစ်ကူးပွဲတော်သည် (၅)ကြိမ်မြောက်ဖြစ်ပြီး ပထမအကြိမ်ကိုတော့ (၂၀၀၈)ခုနှစ်မှစတင်၍ ပြုလုပ်ခဲ့တာဖြစ်ပါတယ်။

တာချီလိတ်အွန်လိုင်းစာမျက်နှာ