ရန်ကုန်တက္ကသိုလ်ဝင်တန်းကို ထူးချွန်စွာအောင်မြင်ပြီး ပညာဆက်လက်သင်ယူရန် အခက်အခဲရှိသော အသင်းဝင်မိသားစုများ၏ သားသမီးများကိုပညာသင်ထောက်ပံ့ကြေးပေးအပ်သွားမည် ဖြစ်ကြောင်း မြန်မာနိုင်ငံဆန်စပါးအသင်းချုပ် အထွေထွေအတွင်းရေးမှူး ဦးရဲမင်းအောင်ကပြောသည်။
မြန်မာနိုင်ငံဆန်စပါးအသင်းချုပ်နှင့် ညီနောင်အသင်းဝင်များ၏ မိသားစုဝင်များအား ပညာသင်ထောက်ပံ့ ကြေးပေးအပ်ခြင်းသည်ပထမဆုံးအကြိမ်ဖြစ်ပြီး အရေအတွက် ကန့်သတ်မထားဘဲ လျှောက်လွှာ
တင်သော ကျောင်းသား/သူ၏ အရည်အချင်းပေါ်မူတည်ပြီး စိစစ် ရွေးချယ်သွားမည် ဖြစ်သည်။
ထို့အပြင် ကျေးလက်ဒေသမှ အသင်းဝင်တောင်သူလယ်သမားများ၏ သားသမီးများကို ဦးစားပေး ရွေးချယ်သွားမည်ဖြစ်ကြောင်း သိရသည်။ ထို့အပြင် ထူးချွန်ထက်မြက်သော ကျောင်းသား/သူများကို ဘွဲ့လွန်ပညာရပ်များအတွက် ပြည်ပနိုင်ငံများသို့ စေလွှတ်ပြီးပညာသင်ကြားစေမည် ဟုသိရသည်။
ဒေသအသီးသီးရှိ အသင်းဝင်တောင်သူများအနေနှင့် အသေးစိတ်အချက်အလက်များကို သိရှိလိုပါက
ဇွန် ၁၈ ရက်မှစပြီး မြန်မာနိုင်ငံဆန်စပါးအသင်းချုပ် ဖုန်းနံပါတ်၀၁-၂၁၈၂၆၇၊ ၀၁-၂၁၈၂၆၈ ကို ဆက်သွယ်စုံစမ်းနိုင်ကြောင်း Zin YawNews မှသိရသည်။
SkyNet TV Browser
No comments:
Post a Comment