မိုဘိုင်းလ်ဆက်သွယ်ရေး ဝန်ဆောင်မှုများ ပိုမိုချဲ့ထွင် လုပ်ကိုင်နိုင်ရန်နှင့် ပိုမိုကောင်းမွန်ရန် မြန်မာနိုင်ငံ တစ်ဝန်းလုံးတွင် ဆက်သွယ်ရေး တာဝါတိုင် ၄၀၀ ခန့် ထပ်မံတိုးချဲ့သွားမည် ဖြစ်ကြောင်း မြန်မာ့ဆက်သွယ်ရေး လုပ်ငန်းထံမှ သိရသည်။
“တည်ဆောက်ဖို့ တင်ဒါခေါ်ထားပါတယ်။ ရန်ကုန်တို့၊ မန္တလေးတို့ကတော့ နယ်မြေအနေအထား လိုအပ်ချက်အရ တာဝါတိုင် များရင်များမှာပေါ့” ဟု မြန်မာ့ဆက်သွယ်ရေးလုပ်ငန်း အင်ဂျင်နီယာချုပ်ရုံးမှ တာဝန်ရှိသူတစ်ဦးက ဆိုသည်။
မြန်မာ့ဆက်သွယ်ရေးလုပ်ငန်းက
“တာဝါတိုင်တွေ တိုးချဲ့တပ်ဆင်ဖို့လုပ်တာ ကောင်းတဲ့ကိစ္စပဲ။ မြန်မာ့ ဆက်သွယ်ရေး လုပ်ငန်းကလည်း ပြည်ပကုမ္ပဏီတွေနဲ့ ပြိုင်ရတော့မှာဆိုတော့ ကြိုတင် ပြင်ဆင်မှုတွေ လုပ်ရတော့မှာပေါ့” ဟု မြန်မာ့ဆက်သွယ်ရေးလုပ်ငန်း အငြိမ်းစားအရာရှိ ဦးသန်းဦးက ဆိုသည်။
တင်ဒါရွေးချယ်မှု ပြီးဆုံးပါက လုပ်ငန်းတည်ဆောက်မှုများကို အမြန်ဆုံးစတင်မည် ဖြစ်ကြောင်း မြန်မာ့ဆက်သွယ်ရေးလုပ်ငန်းထ
လက်ရှိ မြန်မာနိုင်ငံတွင် မိုဘိုင်းလ်ဖုန်း သုံးစွဲသူ အရေအတွက် ၅ ဒသမ ၂ သန်းကျော်ရှိပြီး မိုဘိုင်းလ် ဆက်သွယ်ရေး တာဝါတိုင်ပေါင်း ၂၀၀၀ ကျော် ရှိကြောင်း ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာနထံမှ သိရသည်။
အေးချမ်းမွန် Credit To > The Voice Weekly
No comments:
Post a Comment