29.10.2013
ပြည်တွင်းပဲဈေးကွက်အတွင်း၌ တရုတ်၊ အိန္ဒိယအ၀ယ်များသောကြောင့် ပဲဈေးကျပ်တစ်သိန်းကျော်ခန့်
မြင့်တက်နေကြောင်း ပဲလုပ်ငန်း ရှင်များ အတွင်းရေးမှူး ဦးမင်းကိုဦးက ပြောကြားသည်။
ယခုလတ်တလောတွင် ပြည်ပကအ၀ယ်များသော်လည်းရာသီဥတု ဖောက်ပြန်မှုကြောင့် ပြည်တွင်းကုန်သည်
လှောင်သမားများက အ၀ယ် နည်းနေပြီး မူဆယ်၊ တရုတ်နယ်စပ်မှ တရုတ်ကုန်သည်များက မန္တလေးပဲ ကုန်စည်ဒိုင် အတွင်းသို့ ၀င်ရောက်ဝယ်ယူနေကြောင်း မန္တလေး ပဲကုန်စည်ဒိုင်အတွင်း ရှိ ပဲကုန် သည် များ ထံမှ စုံစမ်းသိရှိရသည်။
“၀ယ်လိုအားများတော့ ဈေးတက်လာတဲ့ သဘာပေါ့၊နောက်ပြီး အခုက ပဲအဟောင်းပဲ ရှိတယ်။ ဒါကြောင့်
ဈေးတက်တာ”ဟု မန္တလေးမြို့ ပဲ ကုန်စည်ဒိုင်အတွင်းရှိဝါရင့်ပဲကုန်သည် ဦးသောင်းဉာဏ် က ပြောကြား သည်။
ယင်းကဲ့သို့ ပြည်ပ ၀ယ်လိုအားများနေခြင်းသည် ပြည်တွင်း ပဲစိုက်တောင်သူများအတွင်း အကျိုးအမြတ် ရှိပြီး ယခင်လပဲဈေးကျပ် ၅ သိန်းမှ ယခုလကျပ် ၆၂၀၀၀၀ ခန့် ဖြစ်လာကြောင်း ပဲလုပ်ငန်း ရှင်များ အသင်းအတွင်းရေးမှူး ဦးမင်းကိုဦးက ပြောကြားသည်။
“လစဉ်တန် ၅ သောင်း တင်ပို့ရာက အခုတန်း ၆ သောင်းတင်ပို့ရတယ်၊ FOB ဈေး အမေရိကန်ဒေါ်လာ ၅၂၀ မှ အခု အမေရိကန်ဒေါ်လာ ၆၅၀ ထိ ဖြစ်လာပြီ”ဟု ၎င်းကPeople Power ညနေခင်းသတင်းစာ သို့ ပြောကြားသည်။
မြန်မာနိုင်ငံမှာ ပဲမျိုးစုံကို အိန္ဒိယ၊ တရုတ်နယ်စပ်မှ နှမ်းနှင့်ပြောင်းလည်း အ၀ယ်များနေကြောင်း ကုန်သည်များထံမှသိရသည်။
တရုတ်အ၀ယ်များသော မန္တလေးကုန်စည်အတွင်း ပဲ၊ပြောင်း၊ နှမ်း ဈေးများမှာ V2 ကျပ် ၅၃၀၀၀၊ ထိုင်ဝမ်
ကုလားပဲ ကျပ် ၄၈၅၀၀၊ ပဲစင်းငုံနီ ကျပ် ၅၆၅၀၀၊ မတ်ပဲကျပ် ၅၇၀၀၀၊ ပြောင်းကျပ် ၂၂၀၀၀၊ နှမ်းညိုကျပ် ၁၂၀၀၀ နှင့်နှမ်းနက်ကျပ် ၁၇၃၀၀ တို့ဖြစ်ကြောင်း သိရသည်။
People power
No comments:
Post a Comment