28-10-2013
လက်ရှိ အလုပ်ရှင်အလုပ်သမား ပဋိပက္ခတွေကို ဖြေရှင်းဖို့ဆိုရင် အလုပ်သမားဥပဒေသစ် ရေးဆွဲဖို့ထက် ရှိပြီးသားဥပဒေတွေထဲက ပြင်ဆင်သင့်တာတွေပြင်ဆင်ဖို့ လိုအပ်နေတာသာဖြစ်တယ်လို့ ရန်ကုန်တိုင်းဒေသကြီး မဲဆန္ဒနယ်မှ ဒေါက်တာ မြတ်ဉာဏစိုးက ဒီနေ့ အမျိုးသားလွှတ်တော် အစည်းအဝေးမှာ ပြောကြားသွားပါတယ်။
ရန်ကုန်တိုင်းဒေသကြီး မဲဆန္ဒနယ်ကိုယ်စားလှယ် ဒေါက်တာမြင့်ကြည်က အလုပ်သမားအခွင့်အရေးတွေ ကို ပြန်လည်သုံးသပ်ပြီး အလုပ်သမားဥပဒေရေးဆွဲဖို့ အဆိုတင်သွင်းတာကို ဒေါက်တာ မြတ်ဉာဏစိုး က ပြန်လည်ဆွေးနွေးခဲ့တာဖြစ်ပါတယ်။
လက်ရှိ အလုပ်ရှင်အလုပ်သမား ပဋိပက္ခတွေမှာ သမဂ္ဂ၀င်အလုပ်သမားတွေကို အလုပ်ထုတ်ပစ်ကြတာ များကြောင်း အမျိုးသားဒီမိုကရေစီအင်အားစု ရန်ကုန်တိုင်းဒေသကြီး မဲဆန္ဒနယ် ကိုယ်စားလှယ် ဒေါ်ခင် ၀ိုင်း ကြည် ကလည်း အခုလို ဆွေးနွေးသွားပါတယ်။
“ထုတ်ပစ်လိုက်တဲ့ ကလေးတွေကို ကြည့်တဲ့အခါမှာ အလုပ်သမားသမဂ္ဂနဲ့ အလုပ်သမားအဖွဲ့အစည်းက ကလေးတွေများတယ်ဆိုတာ ကျမတို့သွားတွေ့ရတယ်၊ ထုတ်ပစ်တဲ့အခါကျတော့လည်း သူတို့ကခေါ် ပြီးတော့ မှ ငွေပေးမယ် လက်မှတ်ထိုးခိုင်းတယ်၊ ချက်ချင်းထုတ်ပစ်လိုက်တယ်၊ အဲဒါမျိုးတွေဖြစ်ပါတယ်၊ အဲဒီတော့ အလုပ်ရှင်ကခေါ်တယ်၊ ခေါ်တော့ သမဂ္ဂမှာပါတဲ့ဥက္ကဌတွေ၊ အတွင်းရေးမှူးတွေ၊ ဘဏ္ဍရေး မှူးတွေ ဒီသုံးယောက်ကိုပဲခေါ်တယ်၊ ခေါ်ပြီးတော့ ပိုက်ဆံပေးပြီး လက်မှတ်ထိုးခိုင်းတယ်၊ အဲဒီမှာ လက်မှတ် ထိုးပြီး အခုချက်ချင်းထွက်သွားပါဆိုပြီးထုတ်တယ်”
အလုပ်သမားအခွင့်အရေးတွေကို ပြန်လည်သုံးသပ်ပြီး အလုပ်သမားဥပဒေတစ်ခု ရေးဆွဲဖို့အဆိုကို အမျိုးသားလွှတ်တော်ကိုယ်စားလှယ် ၃ ဦးက ဆွေးနွေးပြီး အလုပ်သမား အလုပ်အကိုင်နှင့် လူမှုဖူလုံရေး ၀န်ကြီးဌာန ဒုတိယ၀န်ကြီး ဒေါ်ဝင်းမော်ထွန်းကလည်း ဆွေးနွေးခဲ့ပါတယ်။
အဲဒီအဆိုကို အမျိုးသားလွှတ်တော်မှ မှတ်တမ်းတင်ထားရှိဖို့ သဘောတူအတည်ပြုဆုံးဖြတ်ပါတယ်။
RFA
No comments:
Post a Comment