မြန်မာနိုင်ငံတွင် ပထမဆုံး ပြည်ပကုန်သည်၊ စက်မှုအသင်းချုပ် ဂျာမနီကဖွင့်မည်

11.2.2014

မြန်မာနိုင်ငံတွင် ပထမဆုံး ဖွင့်လှစ်ခွင့်ရမည့် ပြည်ပကုန်သည်များနှင့် စက်မှု လုပ်ငန်းရှင်များ အသင်းချုပ် ရုံးခွဲကို ဂျာမနီ နိုင်ငံက လာရောက်ဖွင့်လှစ်မည် ဖြစ်ကြောင်း ပြည်ထောင်စုသမ္မတ မြန်မာနိုင်ငံ ကုန်သည်များနှင့် စက်မှု လက်မှု လုပ်ငန်းရှင်များ အသင်းချုပ် (UMFCCI) ဥက္ကဋ္ဌ ဦးဝင်းအောင်က ပြောကြားသည်။

ယင်းသို့ ဖွင့်လှစ်နိုင်ရန် အဆိုပါ ဂျာမနီကုန်သည်၊ စက်မှုအသင်းချုပ်နှင့် UMFCCI တို့ နားလည်မှုစာချွန်လွှာ ရေးထိုးမည် ဖြစ်ကြောင်း ၄င်းက ပြောကြားသည်။

နှစ်နိုင်ငံ အသင်းချုပ် နှစ်ခုအကြားတွင် စီးပွားရေးအပြန်အလှန် ပူးပေါင်း ဆောင်ရွက်ရေး၊ စီးပွားရေးလုပ်ငန်းရှင် အချင်းချင်း တွေ့ဆုံဆွေးနွေးနိုင်ရေး၊ နှစ်နိုင်ငံ စီးပွားရေး လုပ်ငန်းပြပွဲများ ပြသနိုင်ရေး စသည့် စီးပွားရေးဆိုင်ရာ ပူးပေါင်းဆောင်ရွက်နိုင်ရေး တို့အတွက် နားလည်မှု စာချွန်လွှာ ရေးထိုးခြင်း ဖြစ်ကြောင်း ၄င်းကဆိုသည်။

မြန်မာ-ဂျာမနီ ပုဂ္ဂလိကစီးပွားရေး ကဏ္ဍ ပူးပေါင်းဆောင်ရွက်မှုသည် နှစ်ပေါင်း ၂၀ ကျော်အတွင်း မြန်မာနိုင်ငံသို့ ပထမဆုံးအကြိမ် လာရောက်မည့် ဂျာမနီသမ္မတ၏ ခရီးစဉ်နှင့်အတူ တစ်ပါတည်း ပါလာခြင်းဖြစ်သည်။

မြန်မာနိုင်ငံတွင် ယခင်က ပြည်ပကုန်သည်၊ စက်မှုအသင်းချုပ် အနေနှင့် ဖွင့်လှစ်ထားသော ရုံးခွဲ မရှိသေးသော်လည်း ဂျပန်စီးပွားရေး လုပ်ငန်းရှင်များ မြန်မာနိုင်ငံတွင် ရင်းနှီးမြှုပ်နှံမှု ပြုလုပ်ရန် ဂျပန်ကုန်သည်၊ စက်မှုအသင်း ရန်ကုန်ရုံးကို ၁၉၉၆ ခုနှစ်မှ စတင် ဖွင့်လှစ်ထားကြောင်း ဂျပန်ပြည်ပ ကုန်သွယ်မှု အဖွဲ့အစည်း (JETRO) ထံမှ စုံစမ်းသိရှိရသည်။

ဂျာမနီသမ္မတ ခရီးစဉ်နှင့်အတူ ဂျာမနီနိုင်ငံနှင့် အာရှဒေသတွင်းရှိ ဂျာမနီ စီးပွားရေး လုပ်ငန်းရှင်ပေါင်း ၁၅၀ ခန့် မြန်မာနိုင်ငံသို့ လာရောက်ကြောင်း UMFCCI ထံမှ သိရသည်။

ဂျာမနီနိုင်ငံ သမ္မတ Mr.Joachim Gauck မှာ ဂျာမနီ-မြန်မာ စီးပွားရေးဖိုရမ် တက်ရောက်ရန် ဖေဖော်ဝါရီလ ၉ ရက်နေ့က မြန်မာနိုင်ငံသို့ ရောက်ရှိနေပြီ ဖြစ်သည်။

The Voice Weekly