ဇန်န၀ါရီလ
၆ ရက်နေ့တွင် ရှမ်းပြည်တောင်ပိုင်း၊ နမ့်စန်မြို့နယ်တွင် စိတ်ကြွမူးယစ်ဆေးဝါးများ ဖမ်းဆီးရမိခဲ့သည်။နမ့်စန်မြို့နယ်၊မိုင်းစိတ်ကျေးရွာအုပ်စု၊ နောင်စန်းကျေးရွာတွင် နေထိုင်သော ဒေါ်နန်းခင်၏
နေအိမ်အား တောင်ကြီး မူးယစ်အထူးအဖွဲ့ဝင်များ၊ သတင်းတပ်ဖွဲ့ဝင်များ၊ နမ့်စမ်မြို့နယ်ရဲများနှင့်
ရပ်ကွက် အုပ်ချုပ်ရေးမှူးများ ပါဝင်သော ပူးပေါင်းအဖွဲ့မှ မူးယစ်ရှာဖွေရေး ၀ရမ်းဖြင့် ၀င်ရောက်ရှာဖွေခဲ့သည်။
တရားခံ ဒေါ်နန်းခင်အား ၄င်း၏အိမ်ခန်းအတွင်းရှိ
ထင်းရူးသေတ္တာပုံးအတွင်း ပလတ်စတစ်ဖြင့် ထုပ်ထားသော WY စာတမ်းပါ စိတ်ကြွမူးယစ်ဆေးပြား
၂၀၀ စီပါသော အထုပ် ၂ ထုပ်၊ ဆေးပြား ၈၀ ပါသော အထုပ် ၁ ထုပ်၊ စုစုပေါင်း ၄၈၀ ပြား၊ ကာလတန်ဘိုး
၁၉ သိန်း ၂ သောင်းကျပ်နှင့် မူးယစ်ဆေးဝါးရောင်းချရာမှ ရရှိသောငွေ ၅ သိန်းကျပ်တို့နဲ့
အတူ ဖမ်းဆီးရမိခဲ့သည်။ တရားခံ ဒေါ်နန်းခင်အား ဥပဒေအရ ဆက်လက် အရေးယူဆောင်ရွက်လျက်ရှိကြောင်း
သတင်းရရှိပါသည်။
