မူးယစ်ဆေးဝါးတိုက်ဖျက်ရေးအတွက် မြန်မာအစိုးရ နှင့် UNODC အပါအ၀င် RCSS/SSA တို့ တွေ့ဆုံဆွေးနွေး

အောက်တိုဘာ(၂၉)

ရှမ်းပြည်နယ် အစားထိုးဖွံ့ဖြိုးရေးနှင့် တရားမ၀င်မူးယစ်ဆေးဝါး တိုက်ဖျက်ရေးဆိုင်ရာဆွေးနွေးပွဲကို မြန်မာဘက်မှ သက်ဆိုင်ရာအကြီးအကဲများနဲ့ UNODC နဲ့ RCSS/SSA အဖွဲ့ဝင်တို့ ၂၀၁၂ခုနှစ် အောက်တိုဘာ(၂၇/၂၈)ရက်နေ့က တာချီလိတ်မြို့ရှိ အောင်မြတ်ခန်းမမှာ မူးယစ်ဆေးဝါး တိုက်ဖျက်ရေးအတွက် တွေ့ဆုံဆွေးနွေးခဲ့ကြပါတယ်။

{ တွေ့ဆုံဆွေးနွေးပွဲကျင်းပနေစဉ် }

အဆိုပါဆွေးနွေးပွဲမှာ  ရှမ်းပြည်နယ် နယ်စပ်ရေးရာဝန်ကြီး ဗိုလ်မှူးကြီးအောင်သူ၊ မူးယစ်ဗဟိုအဖွဲ့ မူးယစ်ဆေးဝါး ပပျောက်ရေးဌာနမှ  ခေတ္တတွဲဖက်အတွင်းရေးမှူး ရဲမှူးကြီး မြင့်အောင် အပါအ၀င် ကိုယ်စားလှယ်အဖွဲ့ဝင်များ နဲ့ မြန်မာနိုင်ငံအခြေစိုက် UNODC မှ Country Manager   Mr.Jason Eligh  အပါအ၀င် RCSS/SSAမှ အဖွဲ့ခေါင်းဆောင် ဗိုလ်မှူးချူပ် ပေါင်ခေး ဦးဆောင်တဲ့ အဖွဲ့ဝင်များ တက်ရောက်ကြတာကို တွေ့ရပါတယ်။

Popout{သတင်းမှတ်တမ်း ဗီဒီယို}

မူးယစ်ဆေးဝါးတိုက်ဖျက်ရေးအတွက် တွေ့ဆုံဆွေးနွေးရာမှာ  RCSS/SSAမှ အဖွဲ့ခေါင်းဆောင် ဗိုလ်မှူးချူပ် ပေါင်ခေးက  "နိုင်ငံတော်အစိုးရ ၊ ရှမ်းပြည်ပြန်လည်ထူထောင်ရေး ကောင်စီ နဲ့ UNODC မှ ကိုယ်စားလှယ်များပါဝင်တဲ့ မူးယစ်ဆေးဝါးတိုက်ဖျက်ရေး ကော်မတီတရပ် ဖွဲ့စည်းပူးပေါင်း လုပ်ဆောင်သွားရန်ဖြစ်ပါတယ်။ ဤသို့ ပူးပေါင်းဆောင်ရွက်နိုင်မှသာလျှင် လက်တွေ့ အကောင်အထည်ဖော် လုပ်ဆောင်ရာမှာ မြန်ဆန်လွယ်ကူပြီးတော့ အစီစဉ်ချောမွေ့စွာဖြင့် ကျွန်တော်တို့၏ ရည်မှန်းထားတဲ့အတိုင်း လုပ်ငန်းအောင်မြင်နိုင်မယ်”လို့ ပြောကြားသွားပါတယ်။

ယခုနှစ်ရဲ့ အောက်တိုဘာလထဲမှာ ပြည်ထဲရေးဝန်ကြီး ဒုဗိုလ်ချုပ်ကြီး ကိုကိုက မြန်မာနိုင်ငံ မူးယစ်ဆေးဝါး ပပျောက်ရေးစီမံကိန်းကို ၂၀၁၄ မှ ၂၀၁၉ သို့  ထပ်မံပြောင်းရွှေ့လိုက်ကြောင်း ကြေငြာပြီးနောက်ပိုင်းမှာ အခုလို မြန်မာအစိုးရ ဘက်မှ တာဝန်ရှိသူများနဲ့ RCSS/SSAတို့ ထပ်မံတွေ့ဆုံ ဆွေးနွေးရန်ဖြစ်ပေါ်လာခဲ့တယ်လို့ သတင်းမီဒီယာများမှ ဖော်ပြခဲ့ကြတာကို တွေ့ရပြီး ရှမ်းပြည်နယ်အတွင်း မူးယစ်ဆေးဝါးတိုက်ဖျက်ရေးအတွက် (၆)နှစ်သတ်မှတ်ထားကာ ပူးပေါင်း ဆောင်ရွက်သွားကြမည်ဖြစ်ကြောင်း သိရပါတယ်။

တာချီလိတ်အွန်လိုင်းစာမျက်နှာ