ဂျပန် AICHI GAKUIN တက္ကသိုလ်နှင့် မန္တလေးတက္ကသိုလ် ပညာရေး ပူးပေါင်းရန်စီစဉ်

 29.8.2013

ပညာရေး အဆင့်မြှင့်တင်ရေးများ လုပ်ဆောင်လျက်ရှိသော မန္တလေးတက္ကသိုလ်သည် ဂျပန်နိုင်ငံ AICHI GAKUIN တက္ကသိုလ်နှင့် ပညာရေး ပူးပေါင်းဆောင်ရွက်ရန် သြဂုတ်လ ၂၆ ရက်နေ့တွင် ဆွေးနွေးခဲ့ကြောင်း မန္တလေးတက္ကသိုလ် ဒုတိယပါမောက္ခချုပ်က ပြောကြားသည်။

သြဂုတ်လ ၁၀ ရက်နေ့က ဂျာမနီနိုင်ငံ Cologne တက္ကသိုလ်နှင့် နားလည်မှုစာချုပ် သဝဏ်လွှာ (MOU) ထိုးပြီးနောက် ဂျပန်နိုင်ငံ Aichi Gakuin University မှ ပါမောက္ခသည် မန္တလေးတက္ကသိုလ်သို့ ရောက်ရှိခဲ့ပြီး ယင်းကဲ့သို့ ပညာရေးပူးပေါင်း ဆောင်ရွက်ရန် ဆွေးနွေးခဲ့ခြင်း ဖြစ်ကြောင်း ၎င်းထံမှ သိရသည်။

မန္တလေးတက္ကသိုလ်ရှိ နိုင်ငံတကာ ဆက်ဆံရေးပညာဌာန၊ သမိုင်းဌာန၊ မြန်မာစာဌာန၊ ပထဝီဌာနတို့နှင့် ပညာရေး အပြန်အလှန် ပူးပေါင်းဆောင်ရွက်ရန်၊ သုတေသနများ ပူးပေါင်းဆောင်ရွက်ရန်၊ ပညာသင် စေလွှတ်မှုများနှင့် အခြားပညာရေး အဆင့်မြှင့်တင်နိုင်ရန်အတွက် ဆွေးနွေးခဲ့ကြကြောင်း ၎င်းက ထပ်မံပြောကြားသည်။

အဆိုပါ ဂျပန်နိုင်ငံတက္ကသိုလ်သည် သုတေသနဆိုင်ရာ နည်းပညာများ အဓိက ပံ့ပိုးပေးမည်ဖြစ်ပြီး နှစ်နိုင်ငံ အပြန်အလှန် ပညာရေးပူးပေါင်း ဆောင်ရွက်ရန် ပြောကြားသွားကြောင်း ဒုတိယပါမောက္ခချုပ်က ဆိုသည်။

လက်ရှိတွင် ဂျပန်နိုင်ငံ ကျိုတိုတက္ကသိုလ်နှင့် မန္တလေးတက္ကသိုလ်တို့

နားလည်မှု စာချွန်လွှာ လက်မှတ်ရေးထိုးနိုင်ရန် စီစဉ်လျက်ရှိပြီး ယခုလာရောက် ဆွေးနွေးသည့် Aichi Gakuin တက္ကသိုလ်နှင့်လည်း နားလည်မှု စာချွန်လွှာထိုးရန် အစီအစဉ် ရှိကြောင်း ၎င်းကထပ်လောင်း ပြောကြားသည်။

မန္တလေးတက္ကသိုလ်နှင့် နားလည်မှု စာချွန်လွှာ ရေးထိုးထားသည့် ဂျာမနီနိုင်ငံ Cologne တက္ကသိုလ်သည်လာမည့် အောက်တိုဘာနှင့် နိုဝင်ဘာလ၌ မန္တလေးတက္ကသိုလ် ပထဝီဌာနတွင် လာရောက် သင်ကြားပေးမည်ဖြစ်ကာ သုတေသနလုပ်ငန်းများ ဆောင်ရွက်မည် ဖြစ်ကြောင်း ၎င်းက ဆိုသည်။ 

Aichi Gakuin တက္ကသိုလ်ကို ၁၈၇၆ ခုနှစ်တွင် တည်ထောင်ခဲ့ပြီး ပုဂ္ဂလိက တက္ကသိုလ်တစ်ခု ဖြစ်သည်။

The Voice Weekly