ဒီဇင်ဘာ(၄)
ပြည်ထောင်စုသမ္မတ မြန်မာနိုင်ငံတော် ဒုတိယသမ္မတ ဒေါက်တာစိုင်းမောက်ခမ်းသည်
ကုလသမဂ္ဂ လူသားချင်းစာနာထောက်ထားမှု အကူအညီပေးရေးဆိုင်ရာ လက်ထောက်
အတွင်းရေးမှူးချုပ် Ms. Baroness Valerie Amos ဦးဆောင်သည့် ကိုယ်စားလှယ်
အဖွဲ့အား ယနေ့ ညနေ (၃) နာရီ (၁၀) မိနစ်တွင် နေပြည်တော်ရှိ
နိုင်ငံတော်သမ္မတအိမ်တော် သံတမန်ဆောင် ဧည့်ခန်းမ၌ လက်ခံတွေ့ဆုံသည်။
ထိုသို့ တွေ့ဆုံရာတွင် ဒုတိယသမ္မတဒေါက်တာစိုင်းမောက်ခမ်းနှင့်အတူ
ဒုတိယဝန်ကြီးများ ဖြစ်ကြသည့် ဗိုလ်ချုပ်ဇော်ဝင်း၊ ဦးဇင်ယော်၊
ဦးကျော်ကျော်ဝင်း၊ ဒေါ်စုစုလှိုင်နှင့် ဌာနဆိုင်ရာ အကြီးအကဲများ
တက်ရောက်ကြပြီး ကုလသမဂ္ဂ လက်ထောက် အတွင်းရေးမှူးချုပ် ဦးဆောင်သည့်
ကိုယ်စားလှယ်အဖွဲ့နှင့်အတူ မြန်မာနိုင်ငံရှိ ကုလသမဂ္ဂ အဖွဲ့အစည်းများ
ဆိုင်ရာ ညှိနှိုင်းရေးမှူး Mr. Ashok Nigam လည်း တက်ရောက်သည်။
တွေ့ဆုံရာ၌ မြန်မာနိုင်ငံတွင် ကုလသမဂ္ဂက လူသားချင်းစာနာထောက်ထားမှု
အကူအညီများ ပေးအပ်ရေးနှင့် မြန်မာနိုင်ငံနှင့် ကုလသမဂ္ဂတို့ ပိုမိုပူးပေါင်း
ဆောင်ရွက်ရေးဆိုင်ရာ ကိစ္စရပ်များကို ရင်းနှီးပွင့်လင်းစွာ ဆွေးနွေးကြသည်။
Myanmar President Office
Subscribe to:
Post Comments (Atom)