အင်းလေး ဖောင်တော်ဦးဘုရား (ဓာတ်ပုံ – myanmartravelinformation.com)
အင်းလေးကန် အတွင်းရှိ လျှပ်စစ်မီး မရသေးသောရွာများ ကိုယ့်အားကိုယ်ကိုး စနစ်ဖြင့် မီးရရှိရေး ဆောင်ရွက်ရန် ရှမ်းပြည်နယ် အစိုးရအဖွဲ့က ယခုနှစ်အတွက် ကျပ်သိန်း ၂၆၀၀ ထုတ်ချေး ပေးထားကြောင်း သိရသည်။
ယင်းဒေသသည် ညောင်ရွှေမြို့နယ်အတွင်း၌ ပါဝင်သော်လည်း ကျေးရွာများဖြစ်သောကြောင့် မြို့နယ်စည်ပင်သာယာ နယ်နိမိတ်အတွင်း မပါဝင်သည့်အတွက် နိုင်ငံတော် စားရိတ်ဖြင့် လျှပ်စစ်မီးရရေး ဆောင်ရွက်ပေးနိုင်ခြင်း မရှိကြောင်း ရှမ်းပြည်နယ် အစိုးရအဖွဲ့ လျှပ်စစ်ဝန်ကြီး ဦးစိုင်းထွန်းယဉ်က ဧရာဝတီသို့ ပြောသည်။
“မီးလင်းသွားတဲ့ရွာက ချေးငွေကို ပြန်ဆပ်ပြီးရင် ကျန်တဲ့ရွာတွေကိုလည်း ဒီချေးငွေနဲ့ လည်ပတ်ပြီးတော့ လုပ်ပေးသွားမှာပါ ” ဟု သူက ပြောသည်။
ရွာတရွာလျှင် အနည်းဆုံး ကျပ်သိန်း ၁၀၀ မှ သိန်း ၅၀၀ အထိ ချေးယူထားကြကြောင်း၊ ၂၀၁၂ ခုနှစ် အောက်တိုဘာလကမှ စတင် ထုတ်ချေးပေးလျှက်ရှိရာ ရွာပေါင်း ၁၂ ရွာအထိ ထုတ်ချေးပေးပြီး ဖြစ်ကြောင်း၊ ရွာများတွင် မီးလင်းရေး ကော်မတီများ ဖွဲ့စည်းထားကြကြောင်း သိရသည်။
ချေးယူထားသော ငွေများကို လျှပ်စစ်မီးရရှိပြီးမှသာ ပြန်ပေးရမည်ဖြစ်ကြောင်း၊ မဟာဓာတ်အားလိုင်းမှ လျှပ်စစ်မီးကို ဆွဲယူ သုံးစွဲခွင့် ရှိသော်လည်း မီးကြိုးနှင့် ဓာတ်တိုင်ဖိုး အတွက် ငွေကြေးအဆင်မပြေ ခြင်းကြောင့် ရွာများတွင် လျှပ်စစ်မီး သုံးစွဲ နိုင်ခြင်း မရှိခဲ့ကြောင်း ပြည်နယ် လျှပ်စစ်ဝန်ကြီးက ပြောသည်။
အင်းလေးဒေသ အထူး ဖွံ့ဖြိုးရေးခေါင်းဆောင် ကိုရေအေးက ချေးငွေ ထုတ်ချေးပေးသည့် အတွက် ၀မ်းသာသော်လည်း၊ အင်းလေးကန်ထဲ၌ ရွာပေါင်း၂၀၀ ကျော်ရှိနေရာ ရွာတရွာ မီးလင်းရန် အနည်းဆုံး ကျပ်သိန်း ၂၀၀ ကျော် လိုအပ်သည့်အတွက် ချေးငွေသည် လုံလောက်မှု မရှိနိုင်ကြောင်း၊ ရေပြင်တွင် ဓာတ်တိုင် ထူရခြင်းကြောင့် သစ်တိုင် တတိုင်လျှင် အနည်းဆုံး ကျပ် ၂ သောင်းခွဲ ကုန်ကျနိုင်ကြောင်းနှင့် လျှပ်စစ်မီး မရသည့်အတွက် ရွာများအနေဖြင့် သစ်ခုတ်၍ ထင်းသုံးခြင်း၊ မီးသွေးဖုတ် ခြင်းတို့ကြောင့် သစ်တောများ ပြုန်းတီးနေရခြင်း ဖြစ်ကြောင်း ရှင်းပြသည်။
“အင်းလေးကန်ကနေ တနိုင်ငံလုံး လျှပ်စစ်မီးသုံးဖို့ ၆၅ ရာခိုင်နှုန်း ထုတ်ပေးနေပေမယ့် လျှပ်စစ်မီး အရသာကို အင်းသားတွေက မခံစားရပါဘူး၊ ကျနော်တို့ ဒေသမှာ သစ်ပင် လာစိုက်ပေးမယ့်အစား လျှပ်စစ်မီးသာ ရအောင်လုပ်ပေးပါ” ဟု ကိုရေအေးက ဆိုသည်။
လက်ရှိ အနေအထားအရ အင်းလေးကန်ထဲမှ ရေများကို မိုးဗြဲရေကာတာဖြင့် ထိန်းထားပြီး လောပိတ ရေအားလျှပ်စစ်မှ တဆင့် လျှပ်စစ်ဓာတ် ထုတ်လုပ်၍ တနိုင်ငံလုံးသို့ ဖြန့်ဖြူးပေးလျှက်ရှိသည်။ အလားတူ လောပိတ ရေအားလျှပ်စစ် တည်ရှိရာ ကယားပြည်နယ်မှ ရွာအများစု သည်လည်း လျှပ်စစ်မီး မရသေးကြောင်း သိရသည်။
အင်းလေးကန် အပါအ၀င် ညောင်ရွှေမြို့နယ် အတွင်းရှိ ရွာပေါင်း ၁၁၇ ရွာ လျှပ်စစ်မီး ရရှိခဲ့ပြီးဖြစ်ကြောင်း ညောင်ရွှေမြို့နယ် အုပ်ချုပ်ရေး အဖွဲ့၏ အချက်အလက်အရ သိရသည်။
လျှပ်စစ်ဝန်ကြီးကနေ ကျေးရွာများတွင် မီးလင်းရေးကော်မတီများ လိုက်လံ ဖွဲ့စည်းပေးနေသကဲ့သို့၊ အင်းလေးဒေသ အထူး ဖွံ့ဖြိုးရေး အဖွဲ့ကလည်း ရန်ကုန်မြို့မှ YTE အောင်သောင်း ထရန်စဖော်မာ ကုမ္ပဏီဖြင့် ချိတ်ဆက်ပြီး အရစ်ကျ စနစ်ဖြင့် ထရန်စဖော်မာများ ၀ယ်ယူ၍ မီးလင်းရေးလုပ်ငန်းများ လုပ်နေကြောင်းလည်း သိရသည်။
တနှစ်ထက်တနှစ် ရေများခမ်းခြောက်လာပြီး ရေမျက်နှာပြင် နိမ့်ကျလာခြင်း၊ ဟိုတယ်နှင့် စားသောက်ဆိုင်များ တိုးပွားလာခြင်း၊လူဦးရေ ထူထပ်လာခြင်း၊ ခရီးသွားလုပ်ငန်းများ၏ စွန့်ပစ်ပစ္စည်းများ များပြားလာခြင်းနှင့် ကျွန်းမျှော စိုက်ခင်းများတွင် ပိုးသတ်ဆေး အသုံးပြုမှု များခြင်းကြောင့် အင်းလေးကန်အတွင်း ရေထုညစ်ညမ်းခြင်း ပြဿနာများကြုံတွေ့နေရသည်။
အင်းလေးကန် ထိန်းသိမ်းရေးအတွက် နော်ဝေ အစိုးရက မြန်မာအစိုးရအား အမေရိကန်ဒေါ်လာ ၂ သန်း ထောက်ပံ့ ပေးထားကြောင်းနှင့် ကမ္ဘာ့ကုလသမဂ္ဂ ဖွံ့ဖြိုးရေး အစီအစဉ် (UNDP) မှ ယင်းငွေများအား စီမံခန့်ခွဲနေကြောင်း သိရသည်။
ရန်ကုန်မြို့ ချက်ထရီယန် ဟိုတယ်၌ ယမန်နေ့က ပြုလုပ်ခဲ့သည့် ကမ္ဘာ့ဘဏ် သတင်းစာရှင်းလင်းပွဲတွင် မြန်မာနိုင်ငံ၌ လူ ၄ ဦးလျှင် တဦးသာ လျှပ်စစ်ဓာတ်အား သုံးစွဲခွင့်ရရှိပြီး လျှပ်စစ်စွမ်းအား ၀န်ကြီးဌာန၏ လက်ရှိ ဓာတ်အား ပေးဝေနိုင်မှုမှာ အမှန်တကယ် လိုအပ်ချက်၏ ၃၀ ရာခိုင်နှုန်း အောက်သာ ရှိကြောင်း ပြောသွားခဲ့သည်။
မြန်မာနိုင်ငံ လျှပ်စစ်ဓာတ်အား ပိုမိုရရှိရေး စီမံချက်တွင် လျှပ်စစ်ဓာတ်အား တိုးမြှင့် ထုတ်လုပ်ရေး၊ ဆက်သွယ်ရေးစနစ် အဆင့်မြှင့်တင်ရေးနှင့် ဘဏ်ပိုင်းဆိုင်ရာ ကိစ္စရပ်များအတွက် အတိုးနှုန်းမပါသော မတည်ငွေ ဒေါ်လာ ၁၆၅ သန်းကို ကမ္ဘာဘဏ်မှ ပံ့ပိုးသွားမည်ဖြစ်ကြောင်း သိရသည်။
ဧရာဝတီ
+%E1%80%B1%E1%80%90%E1%80%AC%E1%80%84%E1%80%B9%E1%82%80%E1%80%80%E1%80%AE%E1%80%B8%E1%81%BF%E1%80%99%E1%80%AD%E1%80%B3%E1%82%95%E1%80%94%E1%80%9A%E1%80%B9%E1%80%A5%E1%80%80%E1%81%A0%E1%80%8C+%E1%80%A5%E1%80%AE%E1%80%B8%E1%80%B1%E1%80%85%E1%80%AC%E1%80%9A%E1%80%BC%E1%80%94%E1%80%B9%E1%80%B8%E1%80%95%E1%80%AD%E1%80%AF%E1%80%84%E1%80%B9%E1%80%99%E1%80%BD+%E1%80%90%E1%80%84%E1%80%B9%E1%80%BB%E1%80%95%E1%80%B1%E1%80%94%E1%80%95%E1%80%B6%E1%80%AF.JPG)
.jpg)
