စာရေးသူ ။ ။ သူငယ်ချင်းတို့ကောင်စီ ဥက္ကဋ္ဌ၊ ဒုတိယဥက္ကဋ္ဌနဲ့ အတွင်းရေးမှူးတို့ သုံးဦး ၁.၉.၂၀၁၃ ရက်နေ့က နေပြည်တော်မှာ သမ္မတကြီးနဲ့ သွားတွေ့ ပြီးနောက်ပိုင်း အလှူငွေလက်ခံမှုနဲ့ ပတ်သက်ပြီး သတင်းစာ၊ ဂျာနယ်အချို့မှာ ဝေဖန်၊ ပြစ်တင်တာတွေတွေ့ရလို့ အဖြစ်မှန် သိချင်ပါတယ်။
ကောင်စီဝင် ။ ။ သူငယ်ချင်း အရင်ဆောင်းပါး အမှတ် ၁ က အမှတ် ၆ အထိ စာနယ်ဇင်းကောင်စီရဲ့ လှုပ်ရှားရုန်းကန်ခဲ့ရတဲ့ ကိစ္စတွေ ပြောခဲ့ပြီးပါပြီ။ ဒီလှုပ်ရှားမှုမှာ အဓိကလုပ်ငန်း ကတော့ ပြန်ကြားရေးဝန်ကြီးဌာနနဲ့ သဘောထား မတိုက်ဆိုင်လို့ ညှိနှိုင်းဖြေရှင်းခဲ့ရတဲ့ ပုံနှိပ်/ထုတ်ဝေခြင်း ဆိုင်ရာ ဥပဒေမူကြမ်းကိစ္စ၊ ဒုတိယကတော့ သတင်းမီဒီယာကောင်စီ ဥပဒေ မူကြမ်းကို ပြန်ကြားရေးဝန်ကြီးဌာနက လွှတ်တော်တင်မပေးဘူး ပြောလို့ အပြန်အလှန် ဆွေးနွေးခဲ့ရပြီး နောက်မှာ ပါတီတစ်ခုရဲ့ လွှတ်တော်ကိုယ်စားလှယ် ကတစ်ဆင့် အမျိုးသားလွှတ်တော်ကို တင်ရတဲ့ကိစ္စပေါ့၊ ဒီလုပ်ငန်းတွေ လုပ်ဆဲမှာ ကောင်စီဟာ ပြည်ထောင်စုလွှတ်တော် နာယက (ပြည်ခိုင်ဖြိုးပါတီရဲ့ ဥက္ကဋ္ဌ)နဲ့ ပါတီလူကြီးတွေကို တွေ့တဲ့ကိစ္စ၊ NLDပါတီ ဥက္ကဋ္ဌနဲ့ တွေ့တဲ့ကိစ္စ၊ တစညပါတီ၊ လူ့ဘောင်သစ်ဒီမိုကရက်တစ် ပါတီ၊ ဒီငြိမ်းပါတီ တွေက ပုဂ္ဂိုလ်တွေနဲ့ တွေ့တာ၊ မျိုးဆက်သစ် ပွင့်လင်းအဖွဲ့နဲ့ တွေ့တဲ့ကိစ္စတွေ ပြောပြီးပါပြီ၊ ဒါတွေဟာ လွတ်လပ်တဲ့ သတင်းမီဒီယာလုပ်ငန်း အကျိုးအတွက် လုပ်ဆောင်ချက်တွေပါ။ ကောင်စီက သတင်းမီဒီယာ လွတ်လပ်ခွင့် အတွက် တွေ့ဆုံတင်ပြချင်တဲ့ လူကြီးတွေထဲမှာ နိုင်ငံတော်သမ္မတနဲ့ အမျိုးသား လွှတ်တော်ဥက္ကဋ္ဌပါ တွေ့ပါမယ်ဆိုတာ ကြေညာပြီးသားပါ။ ဒါကြောင့် နိုင်ငံတော်သမ္မတကြီးရဲ့ ခွင့်ပြုချက်နဲ့ ၁.၉.၂၀၁၃ မှာ သွားရောက်တွေ့ဆုံခြင်း ဖြစ်ပါတယ်။
စာရေးသူ ။ ။ သူငယ်ချင်းတို့ ကောင်စီလူကြီးတွေ သမ္မတကြီးနဲ့ တွေ့တဲ့အခါ ဘာတွေ တင်ပြခွင့်ရသလဲ၊ အဖြစ်မှန် သိပါရစေ။
ကောင်စီဝင် ။ ။ သမ္မတကြီးဟာ ကောင်စီဝင်တွေကို လွတ်လွတ်လပ်လပ် ပြောဆို ဆွေးနွေးကြဖို့ ပြောပါတယ်။ ကောင်စီလူကြီးတွေ ကလည်း ပထမပိုင်း သူဖွဲ့စည်းပေးခဲ့တဲ့ စာနယ်ဇင်းကောင်စီ သက်တမ်း တစ်နှစ်ပြည့်ခါနီးမှာ လုပ်ငန်းအကျဉ်း တင်ပြချင် တဲ့အကြောင်း စကားပလ္လင်ခံပြီး ဒီကာလအတွင်း ကောင်စီရဲ့အဖွဲ့ဝင်ဦးရေ၊ နေရာထိုင်ခင်း၊ စာရေးကိရိယာ၊ ရုံးသုံး ပရိဘောဂ၊ ရုံးခန်း စတဲ့ လုပ်ငန်းသုံးပစ္စည်း တွေကို ပြန်ကြားရေးဌာနရဲ့ အထောက်အပံ့ မယူဘဲ မိမိတို့ဆန္ဒအလျောက် ထည့်ဝင်တဲ့ ရန်ပုံငွေနဲ့ ထူထောင်ခဲ့ကြောင်း၊ နောက် ပြန်ကြားရေးဝန်ကြီးဌာနနဲ့ သဘော မတိုက်ဆိုင်တဲ့ ပုံနှိပ်/ထုတ်ဝေ လုပ်ငန်းဥပဒေကြမ်း၊ သတင်းမီဒီယာ ဥပဒေကြမ်းတွေမှာ အပြန်အလှန် ညှိနှိုင်းပြီး လွှတ်တော်အသီးသီးကို တင်သွင်းခဲ့ပုံတွေ ရှင်းပြပါတယ်။
ဒီနောက် ကောင်စီအတွင်းရေးမှူးက ကောင်စီက ရေးဆွဲတင်ပြတဲ့ ဥပဒေ ကြမ်းမှာပါတဲ့ သတင်းလွတ်လပ်ခွင့်ဟာ ဝန်ကြီးဌာနအကျိုး၊ ကောင်စီရဲ့ အကျိုးစီးပွား မဟုတ်ကြောင်း၊ ပြည်သူတွေ သတင်းလွတ်လပ်ခွင့်ကို ဥပဒေနဲ့ အညီရဖို့ ရေးဆွဲထားကြောင်း၊ အရှေ့တောင်အာရှ နိုင်ငံတွေမှ မြန်မာနိုင်ငံက သတင်းလွတ်လပ်ခွင့် အဆင့်စာရင်းမှာ အောက်ဆုံးနား ရောက်နေကြောင်း၊ သမ္မတကြီးရဲ့ နိုင်ငံတော်ပြုပြင်ပြောင်းလဲရေး လုပ်ငန်းမှာ သတင်းလွတ်လပ်ခွင့် မပါလျှင် မဖြစ်နိုင်ကြောင်း၊ သမ္မတကြီးရဲ့ ကျင့်ဝတ်သိက္ခာနဲ့ စာရိတ္တကို ပြည်သူတွေက လေးစား ယုံကြည်ကြောင်း၊ သို့ရာတွင် အစိုးရအဖွဲ့ဝင် အချို့နဲ့ ဝန်ထမ်းအချို့ရဲ့ လုပ်ရပ်ကြောင့် ပြုပြင်ပြောင်းလဲရေးကို ထိခိုက်နိုင်ကြောင်း၊ သတင်းလွတ်လပ်ခွင့် အတွက် စာနယ်ဇင်းရဲ့ ကျင့်ဝတ်သိက္ခာကို အလေးထားကြောင်း၊ ပြန်ကြားရေးဝန်ကြီးဌာနက ရေးဆွဲတင်ပြနေတဲ့ (PSM-Law) အများပြည်သူဝန်ဆောင်မှု မီဒီယာဥပဒေ မူကြမ်းကို ကောင်စီက လက်မခံကြောင်း၊ ဘာကြောင့်လဲဆိုရင် အစိုးရသတင်းစာ နှစ်စောင်ကိုသာ (PSM-Law) လို့ သတ်မှတ်တာ ဖြစ်သင့်ကြောင်း၊ ပုဂ္ဂလိက သတင်းစာ၊ ဂျာနယ်တွေကလည်း အများပြည်သူဝန်ဆောင်မှု မူအရ ပြည်သူတွေအတွက် ရေးသားရင် ယင်းဥပဒေနဲ့ အကျုံးဝင်သည်ဟု သတ်မှတ်နိုင်ကြောင်း၊ အရှေ့ တောင်အာရှမှာ PSM-Law မရှိကြောင်း၊ PSB ခေါ် အများပြည်သူ ရုပ်သံလွှင့်လုပ်ငန်းကို ထူထောင်ခြင်းကို မူအရလက်ခံကြောင်း တင်ပြပါတယ်။
တတိယပိုင်းအနေနဲ့ သတင်းစာလောကမှာ တော်လှန်ရေးကောင်စီ ခေတ်ကိုမီတဲ့ ကောင်စီ ဒုတိယဥက္ကဋ္ဌက ၁၉၆၂ ခုနှစ်ကစပြီး သတင်းစာနဲ့ အစိုးရ အပြန်အလှန် ယုံကြည်မှုတည်ဆောက်ခဲ့ပုံ နောက်ပိုင်း စာနယ်ဇင်းလောက ဖိနှိပ်ခံရပုံ သာဓကများ တင်ပြခဲ့တယ်။ ခုအချိန်မှာ အစိုးရက ပြည်သူလူထုကို မယုံသလို ပြည်သူကလည်း အစိုးရကို မယုံမကြည် ဖြစ်နေလို့ ရှေ့ဆက်ရမည့်လုပ်ငန်းများ အခက်အခဲရှိနိုင်ကြောင်း၊ ပုဂ္ဂလိက သတင်းစာများထုတ်ရာတွင် နေ့စဉ် ငွေသိန်းနဲ့ချီပြီး အရှုံးပေါ်နေကြောင်း၊ အစိုးရသတင်းစာသည် ပုံနှိပ်စက်၊ လူအား၊ ငွေအားက အစ ပြည်သူဘဏ္ဍာ ငွေနှင့် လုပ်ကိုင်ခွင့်ရ၍ ပုဂ္ဂလိကသတင်းစာတွေက မပြိုင်နိုင်ကြောင်း၊ သို့ရာတွင် ပုဂ္ဂလိက သတင်းစာများသည် ပြည်သူတွေ သိသင့်သော သတင်း စကားကို ဖော်ဆောင်နိုင်သည့် အာသီသဖြင့် ထုတ်ဝေနေကြောင်း၊ ပုံနှိပ်စက်၊ စာရေးကိရိယာ၊ အခွန်အခ၊ ဝန်ထမ်းစရိတ်မှစ၍ ကြီးလေးသော ဒဏ်ခံရကြောင်း၊ ကောင်စီဝင်များ ခုအချိန်ထိ မိမိစရိတ် မိမိကျခံပြီး နေပြည်တော်ကို သွားလာနေခြင်း ဖြစ်ကြောင်း၊ ရန်ပုံငွေထဲက တစ်ပြားတစ်ချပ်မှ မသုံးကြောင်း၊ ယခုအချိန်အထိ အစိုးရက ဒီအခက်အခဲတွေကို ဖြေရှင်းပေးခြင်း မရှိသေးကြောင်း၊ သတင်းစာသမား တစ်ဦး၏ ဂုဏ်သိက္ခာသည် ပြည်သူက မယုံကြည် မထောက်ခံသောနေ့တွင် “မြောင်းထဲ” ရောက်သွားမည်ဟု လက်ခံထားကြောင်း၊ ကောင်စီသက်တမ်း တိုးရင်လဲ မိမိလူကြီးများ မပါတော့ဘဲ လူငယ်တွေသာ ပါဝင်သင့်ကြောင်း တင်ပြတယ်။
စာရေးသူ ။ ။ သမ္မတကြီးက ဘာပြန်ပြောသလဲ။
ကောင်စီဝင် ။ ။ သူကတော့ စိတ်ရှည်သည်းခံတတ်သူ ပီပီ သူ့ကိုပင် Facebook မီဒီယာအချို့က ပုဂ္ဂိုလ်တွေ တိုက်ခိုက်ရေးသားမှုတွေ တွေ့ရကြောင်း၊ သို့သော် စိတ်ရှည်သည်းခံကြောင်း၊ တိုင်းရင်းသား လက်နက်ကိုင်များနဲ့ တွေ့ဆုံရာမှာ နိုင်ငံတော်ကို မချစ်တဲ့သူရှိက လက်ထောင်ကြပါဟု မိမိပြောသည့်အခါ ဘယ်သူမှ လက်မထောင်ကြောင်း၊ ဒါကြောင့် မီဒီယာ သမားများလည်း သည်းခံပြီး စတုတ္ထမဏ္ဍိုင်ပီသအောင် ဆောင်ရွက်ပါက တိုင်းပြည်အတွက် အကောင်းဆုံး ဖြစ်ကြောင်း၊ လူ့လောကကို ဟီရိသြတ္တပ္ပ တရားက ထိန်းချုပ်ထားကြောင်း၊ ဤအချက်ကို အဖွဲ့အစည်းတိုင်းက မမေ့သင့်ကြောင်း၊ နိုင်ငံတော် သံဃမဟာနာယကအဖွဲ့ ဥက္ကဋ္ဌ ဆရာတော်ရဲ့ တရားခွေမှာ မှန်သော်လည်း အချိန်မသင့်လျှင် မပြောသင့်သောအချက်၊ ပြောရင် ယဉ်ကျေးစွာ ပြောရေး၊ မှန်ကန်မှုရှိရေး၊ အကျိုးရှိသောကိစ္စ ကိုသာ ပြောသင့်သည်ဟု ဟောကြားထားကြောင်း၊ ပုဂ္ဂလိက သတင်းစာများဟာ နိုင်ငံတော်မှာ မရှိမဖြစ် ဖြစ်ကြောင်း၊ ခုလို အသက်ကြီးသူများ ပါဝင်တဲ့ စာနယ်ဇင်းကောင်စီရဲ့ အားထုတ်မှုကို ကျေးဇူးတင်ကြောင်း၊ မိမိဘက်က တတ်နိုင်သမျှ ကူညီမည်ဖြစ်ကြောင်း၊ သတင်းမီဒီယာဥပဒေ အကောင်အထည်ပေါ်အောင် ဆက်လက်ဆောင်ရွက်ကြဖို့ မေတ္တာရပ်ခံကြောင်း၊ အစိုးရအဖွဲ့အစည်း ဌာနတွေမှလည်း သတင်းထုတ်ပေးရေး တာဝန်ခံများ ထားပေးရမည် ဖြစ်ကြောင်း၊ ဝန်ကြီးများ သည်လည်း မှန်တာလုပ်ရင် စာနယ်ဇင်းသမားများကို ကြောက်စရာမရှိကြောင်း၊ မိမိတို့ ရပ်တည်ချက် မှန်ဖို့သာလိုကြောင်း၊ ကောင်စီသက်တမ်းကို တိုးပေးမည်ဖြစ်ကြောင်း ပြောလိုက်ပါတယ်။
စာရေးသူ ။ ။ အဲဒီနေ့က သမ္မတကြီးက ကောင်စီကို သူဘယ်လောက် လှူမယ်လို့ ပြောလိုက်သလား။
ကောင်စီဝင် ။ ။ လုံးဝမပြောပါ။ သူတတ်နိုင်သမျှ ကူညီမယ်လို့ ကတိပြုတာပါ။ ငွေကျပ်သိန်း ၅၀၀ လှူတဲ့ကိစ္စက ကောင်စီဝင်တွေ ရန်ကုန်ပြန်ရောက်ပြီး ၂.၉.၂၀၁၃ ရက်နေ့ ညကျမှ ပြန်ကြားရေးဝန်ကြီးဌာနရဲ့ ညွှန်ချုပ်တစ်ယောက်က ဖုန်းဆက်မှ ငွေဘယ်လောက် ဆိုတာ သိရပါတယ်။ ဒ့ါကြောင့် ကောင်စီဝင်တစ်ဦးက ဒီငွေသိန်း ၅၀၀ ကို ကောင်စီလူကြီးများက တိတ်တိတ် လက်ခံလာပြီး သူ့ကို ၃.၉.၂၀၁၃ ရက်နေ့ အစည်းအဝေးကျမှ ပြောတာ သူမကျေနပ်ကြောင်း၊ မရိုးသားကြောင်း ကြေညာပြီး ကန့်ကွက်လိုက်တာပါ။ အဖွဲ့ဝင်တစ်ဦးက သတင်းစာတစ်စောင်မှာ ၃.၉.၂၀၁၃ ရက်နေ့ က ဖော်ပြလိုက်တယ်။ ကောင်စီမှာ ငွေရေးကြေးရေး အခက်အခဲရှိရင် ဦးဆောင်ဖြေရှင်းသူ တစ်ဦးဖြစ်တဲ့ ကောင်စီဝင်က ငွေကျပ်သိန်း ၅၀၀ ရခဲ့တာကို ကြိုတင် မပြောရကောင်းလား ဆိုတဲ့ သဘောနဲ့ပြောတာ အပြစ်မတင် ပါဘူး။ ဒါပေမဲ့ တချို့ဆောင်းပါးရှင် တွေက ကောင်စီဝင်တစ်ဦးစီ ငွေဘယ်လောက် “ပွ” သွားပြီလို့ ရေးကြတယ်။ ဒီငွေတွေနဲ့ ကောင်စီဝင်တွေ လာဘ်ထိုးတယ်လို့ စွပ်စွဲတာကတော့ ဘောင်ကျော်ပါတယ်။ ကောင်စီဝင်တွေဟာ ကိုယ့်ထမင်း ကိုယ်စား၊ ကိုယ့်စရိတ်နဲ့ကိုယ် နေပြည်တော်ကို အလီလီအခါခါ သွားပြီး စာနယ်ဇင်းလွတ်လပ်ခွင့် အတွက် တိုက်ပွဲဝင်တဲ့ နေရာမှာ ကိုယ့်အကျိုးစီးပွား အတွက် ကောင်စီရန်ပုံငွေကို တစ်ပြားတစ်ချပ်မှ အသုံးမပြုဘဲ “ကြီးတော်နွား အငှားကျောင်း” နေတာ သူတို့သိဖို့ လိုပါတယ်။ ကောင်စီဟာ ဘယ်သူရဲ့ လက်ကိုင်တုတ်အဖြစ်မှ လက်မခံဘဲ မူလရပ်တည်ချက်အတိုင်း သွား/မသွား စောင့်ကြည့်ကြပြီးမှ ပြောရင် မီဒီယာသမားကျင့်ဝတ် ပီသမှာပါဗျာ။
(မီဒီယာချစ်သူ)
