''ဒီအရှေ့တောင်အာရှ အနုပညာ နှီးနှောဖလှယ်ပွဲဟာ ဒီနေ့ခေတ် အနုပညာရှင်တွေရဲ့ အတွေ့အကြုံတွေအပေါ် အရင်းတည်တဲ့ဖောက်ထွက်မှုတစ်ခု ဖြစ်လိမ့်မယ်လို့ ယုံကြည်ပါတယ်။ ဒီလိုပြပွဲတွေ၊ ဆွေးနွေးပွဲတွေကနေ မြန်မာနိုင်ငံက အနုပညာရှင်တွေ အာရှအနုပညာနယ်ပယ်ထဲကို ထိုးဖောက်ဝင်ရောက်နိုင်ဖို့၊ အနုပညာဖန်တီးမှုတွေကို နိုင်ငံတကာကို သိစေဖို့ ရည်ရွယ်ပြီး ဒီပွဲကိုလုပ်ဖြစ်တာပါ။ အခုက အရှေ့တောင်အာရှကိုစပြီး ကွန်ရက်တစ်ခုလို ချိတ်ဆက်ဖို့ ကြိုးစားတာပါ'' ဟု New Zero ArtSpace မှကိုအေးကိုက ပြောပြခဲ့သည်။
Southeast Asia Art အနုပညာ နှီးနှောဖလှယ်ပွဲ ဒုတိယပိုင်းအဖြစ် သြဂုတ်လ ၂၀ရက်နေ့မှ ၂၅ ရက်နေ့အထိ မြန်မာအနုပညာရှင် ၄၇ဦးနှင့် အာရှနိုင်ငံရှစ်နိုင်ငံမှ အနုပညာရှင်ရှစ်ဦးတို့၏ မော်ဒန်ပန်းချီကားများ၊ performance Art ၊ Installation Art များနှင့် photo Art များကို ပြသထားကြောင်း သိရသည်။ ဖိလစ်ပိုင်နိုင်ငံမှ Artist Ms. Dayang Yraola က ''အပြင်မှာ ဖြစ်ပျက်နေတာကို မကြည့်ခင် ကိုယ့်အဖွဲ့အစည်းထဲမှာ ဘာတွေဖြစ်နေတယ်ဆိုတာကို အရင်သုံးသပ်ပါ။ မြန်မာနိုင်ငံဟာ ယဉ်ကျေးမှုအနုပညာ ကြွယ်ဝသလောက် ဒါတွေကို ဘယ်လိုထိန်း သိမ်းပြုပြင်မလဲဆိုတဲ့အပေါ်မှာ စွမ်းရည်မြှင့်တင်ဖို့ အားစိုက်ရပါမယ်။ ကိုယ်ပိုင်မူကို တည်ဆောက်ရပါမယ်။ နိုင်ငံရပ်ခြားက ယဉ်ကျေးမှု၊ အနုပညာ၊ နိုင်ငံရေး၊ ပညာရေးနဲ့ ထင်မြင်ချက် စတာတွေကို အမြဲလေ့လာနေပြီး ကိုယ့်ထဲမှာ ဘယ်လိုလုပ်မလဲဆိုတာကို ကြံဆသင့်ပါတယ်'' ဟု အကြံပြုပြောပြခဲ့သည်။
Ref: Weekly Eleven
