Saturday, October 20, 2012

ရပ်စောက်-ပင်းတယကားလမ်းပေါ်မှ လူသတ်မှု

0 comments
အောက်တိုဘာ(၂၀)


အသတ်ခံရသူ ဦးငွေတိုး



ရှမ်းပြည်နယ်၊ တောင်ကြီးမြို့၊ ဘုရားဖြူရပ်ကွက်၊ ပန်းသစ္စာလမ်းနေ ဦးငွေတိုး(ကုန်သည်)သည် ရပ်စောက်-ပင်းတယ ကားလမ်းပေါ်တွင် အောက်တိုဘာ(၁၁)ရက်နေ့ မနက်ပိုင်းက  အသတ်ခံခဲ့ရကြောင်း သိရပါတယ်။

တောင်ကြီးမြို့၊ ညောင်ရွှေဟော်ကုန်းရပ်ကွက်တွင်နေထိုင်သူ ဦးငွေစိုးမှ အောက်တိုဘာလ(၁၂)ရက်နေ့တွင် ၄င်း၏ညီဖြစ်သူ ငွေတိုးသည် ပင်းတယသို့ ကုန်အရောင်းအ၀ယ်လုပ်ရန် Toyota Vitz အမျိုးအစား ချောက လက် ရောင် တစ်စီး၊ zip star အနက်ရောင်ဆိုင်ကယ်တစ်စီး၊ GSM ဖုန်းတစ်လုံးနှင့် ငွေ (၁၅၀၀၀၀) ကျပ် တို့ နှင့်အတူထွက်သွားခဲ့ရာ ယနေ့အထိပြန်လည်မရောက်လာဘဲ ဖုန်းအဆက်အသွယ်ပါ ပြတ်တောက်နေ တဲ့အတွက် တောင်ကြီးမြို့ အမှတ်(၂)ရဲစခန်းသို့ အောက်တိုဘာလ (၁၉)ရက်နေ့တွင် လာရောက် တိုင်ကြား ခဲ့ကြောင်း သိရပါ တယ်။

 တရားခံဇော်မျိုးစိုး

`` ကျွန်တော့ညီ ငွေတိုးဟာ ပင်းတယဘက်မှာရှိတဲ့ ရွာတွေမှာ အသီးအနှံ အရောင်းအ၀ယ်အလုပ် လုပ်ပါ တယ်။ အခု သီးနှံတွေ ပေါ်ချိန်ဆိုတော့ အခြေအနေသွားကြည့်တယ်။ အသွားတုန်းက ကျွန်တော့အိမ်ကိုဝင် သွားပါသေးတယ်။ (၂/၃)ရက်ကြာရင် ပြန်လာမယ်လို့ ပြောသွားပါတယ်။ အခု တစ်ပတ်ကျော်တောင် ကြာ သွားပြီး ဖုန်းဆက်တော့လည်း ဖုန်းက ပိတ်ထားတယ်။ ဒါကြောင့် စိုးရိမ်ပြီး ရဲစခန်းမှာ လာအမှုဖွင့် အကြောင်းကြားတာပါလို့ ´´ ဦးငွေစိုးမှ ပြောကြားသွားပါတယ်။

 တရားခံညီညီဝင်း

တောင်ကြီးမြို့၊ အမှတ်(၂)ရဲစခန်းမှ အခြားမြို့များရှိ ရဲတပ်ဖွဲ့ဝင်များနှင့် ဆက်သွယ်ဆောင်ရွက်ခဲ့တာကြောင့် သက်သေပစ္စည်းများနှင့်အတူ ကလောမြို့မှ တရားခံ(၂)ဦးကို ဖော်ထုတ်နိုင်ခဲ့ပါတယ်။ ၄င်းတို့ ၂ ဦးမှ ဦးငွေတိုး အားသတ်ဖြတ်ပြီး ရပ်စောက်-ပင်းတယကားလမ်းပေါ်ရှိ တံတားအမှတ်(၄၉)မြောင်းထဲသို့ ပစ်ချထား ခဲ့ ကြောင်းနှင့် ပစ္စည်းများအား ယူဆောင်ထားကြောင်း ထွက်ဆိုခဲ့ပါတယ်။

တောင်ကြီးမြို့၊ အမှတ်(၂)ရဲစခန်းမှ အဖွဲ့ဝင်များဟာ ဦးငွေတိုးအလောင်းအား သွားရောက် ရှာဖွေကာ တောင်ကြီးမြို့၊ စ၀်စံထွန်းဆေးရုံသို့ သယ်လာခဲ့ပြီး တရားခံ ဇော်မျိုးစိုးနဲ့ ညီညီဝင်းတို့ နှစ်ဦးအား ဥပဒေအရ အမှုဖွင့်အရေးယူထားကြောင်း သိရပါတယ်။

Leave a Reply

 
Shan News © 2011 DheTemplate.com & Main Blogger. Supported by Makeityourring Diamond Engagement Rings

You can add link or short description here