ကချင်ပြည်နယ်နေ့ ဖြစ်ပေါ်လာပုံ

၁၉၄၈ခုနှစ်၊ ဇန်နဝါရီလ (၄) ရက်နေ့တွင် ပြည်ထောင်စု မြန်မာနိုင်ငံတော်သည် ဗြိတိသျ အစိုးရ အုပ်ချုပ်ခဲ့သည့် လက်အောက်မှ လွတ်လပ်ရေး ရရှိခဲ့ပြီး နောက်ထပ် ၆ရက်အကြာ ဇန်နဝါရီလ (၁ဝ)ရက်နေ့ကို ကချင်ပြည်နယ်နေ့ သတ်မှတ် ...

၁၉၄၈ခုနှစ်၊ ဇန်နဝါရီလ (၄) ရက်နေ့တွင် ပြည်ထောင်စု မြန်မာနိုင်ငံတော်သည် ဗြိတိသျ အစိုးရ အုပ်ချုပ်ခဲ့သည့် လက်အောက်မှ လွတ်လပ်ရေး ရရှိခဲ့ပြီး နောက်ထပ် ၆ရက်အကြာ ဇန်နဝါရီလ (၁ဝ)ရက်နေ့ကို ကချင်ပြည်နယ်နေ့ သတ်မှတ်ပေးလိုက်သည်။

 ထိုနေ့တွင် မြစ်ကြီးနားမြို့၊ စီတာပူမနောကွင်း၌ နံနက် ၈းဝဝနာရီတွင် မြန်မာနိုင်ငံ၏ ပထမဦး ဆုံးသော သမ္မတကြီး ဦးစပ်ရွှေသိုက် ကိုယ်တိုင် တက်ရောက်၍ မနော မဏ္ဍပ်ကြီးဖွင့်လှစ်ကာ ပထမဆုံးသော ကချင်ပြည်နယ်၏ ပြည်နယ်ကောင်စီကို စတင် ဖွဲ့စည်းခဲ့သည်။

အဆိုပါ ပြည်နယ်ကောင်စီ အစည်းအဝေး၌ ဦးဆမားဒူဝါဆင်ဝါးနောင်အား ကချင်ပြည်နယ်၏ ပထမဆုံးသော ဥက္ကဋ္ဌအဖြစ် ရွေးချယ်တင်မြှောက်လျှက် နိုင်ငံတော်သမ္မတ၏ ရှေ့မှောက်တွင်ပင် ကျမ်းသစ္စာ ကျိန်ဆိုစေခဲ့သည်။ ပြည်ထောင်စု မြန်မာနိုင်ငံတော်၏ ဖွဲ့စည်းပုံအခြေခံ ဥပဒေစာအုပ်ကို ကချင်ပြည်နယ်၏ ဥက္ကဋ္ဌသစ်ဖြစ်သော ဦးဆမားဒူဝါဆင်ဝါးနောင်၏ လက်သို့ နိုင်ငံတော် သမ္မတကြီးမှ အပ်နှံပေးခဲ့သည်။

ထို့ပြင် ကချင်ပြည်နယ် အစိုးရကိုလည်း ထိုနေ့တွင်ပင် ဖွဲ့စည်းလျှက် ဇန်နဝါရီလ (၁ဝ)ရက်နေ့ကို “ကချင်ပြည်နယ်နေ့”ဟူ၍ သတ်မှတ် အတည်ပြုထားခဲ့ခြင်းဖြစ်သည်။ ထိုနေ့မှစကာ နှစ်စဉ် ဇန်နဝါရီ (၁ဝ) ရက်နေ့ ရောင်းတိုင်း ပြည်နယ်အစိုးရမှ ကြီးမှူး၍ မြစ်ကြီးနား၊ စီတာပူမနောကွင်းကြီးတွင် ကချင်ပြည်နယ်နေ့ အထိမ်းအမှတ်အဖြစ် ကချင်ရိုးရာ မနောပွဲတော်ကို ကျင်းပလေ့ ရှိခဲ့ကြသည်။

ဤကဲ့သို့ ဖြစ်ပေါ်လာသော ကချင်ပြည်နယ်နေ့ အထိမ်းအမှတ် မနောပွဲတော်သည် ၁၉၆၂ ခုနှစ် တော်လှန်ရေး အစိုးရ တက်လာသည့်အချိန်မှ စပြီး၊ ခေတ်ကာလတစ်ခု မှေးမှိန်သွားခဲ့လေသည်။ ၁၉၉၃ ခုနှစ် ပြည်တွင်း ငြိမ်းချမ်းရေးရခါစ တစ်ဖန် ကချင်ပြည်နယ်နေ့ မနောပွဲတော်ကြီးအား ပြန်လည် ကျင်းပလာခဲ့ကြသည်။ သို့သော်နှစ်စဉ် အကြောင်းအမျိုးမျိုးကြောင့် ကျင်းပနိုင်ခွင့် မရှိခဲ့ပေ။ ၂ဝဝ၅ခုနှစ်၊ ဇန်နဝါရီ (၁ဝ)ရက်နေ့တွင် (၅၇) နှစ်မြောက် ကချင်ပြည်နယ်နေ့ မနောပွဲတော် အထိမ်း အမှတ် အား နှစ်စဉ်နှစ်တိုင်း ကျင်းပနိုင်ခဲ့ခြင်းဖြစ်သည်။

ယခုနှစ်ကျရောက်မည့် ကချင်ပြည်နယ်နေ့သည့် ၆၃ကြိမ်မြောက် ကချင်ပြည်နယ်နေ့ မနောပွဲတော် အထိမ်း
အမှတ်နေ့ဖြစ်သည်။ မြန်မာနိုင်ငံ မြောက်ပိုင်းတိုင်းစစ်ဌာနချုပ်မှတိုင်းမှူးဗိုလ်ချုပ်ကြီး  ဇေယျာအောင်မှ
ဦးဆောင်ကာ မနောပွဲတော်အားကျင်းပနေခြင်းဖြစ်သည်။

စာကိုး

(၁) ကိုလိုနီခေတ်မြန်မာနိုင်ငံသမိုင်း၊ `ဗန်းမော်တင်အောင်’

(၂) Minami Organ   by:- Izumiya Tatsuro

(3) Ja hte Lungseng Jubli Laika.. ‘Myitung Sut Nau’

(4) ကချင်ပြည်နယ်သမိုင်း၊ ပထမတွဲ၊ မူကြမ်း၊ ‘လဝမ်လီ’

(5) Jinghpaw mung hte Ngai .. Wabaw Zau Rip

(6) An Article of Taung Paline from ‘The Working People’s Daily’

(7) Sauka Mai

KDN