မတ်(၇)
ပစ်ကပ် ကားအချို့အား လုပ်ငန်းသုံးယာဉ်အဖြစ် တင်သွင်းခွင့်ကို မတ်လ ၁ ရက်နေ့မှ စတင်၍ ခွင့်ပြုလိုက်ပြီ ဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ တဆင့် သိရသည်။
“ပစ်ကပ်အမျိုးအစားထဲက Pick Up (2 Door ) Extended Cab/ Space Cab ယာဉ်တွေ တင်သွင်းခွင့်ကို မတ်လ ၁ ရက်နေ့ကစပြီး လုပ်ငန်းသုံးယာဉ်အဖြစ် သတ်မှတ်ပြီး အခွန်အခတွေကိုလည်း လုပ်ငန်းသုံးယာဉ်တွေအဖြစ် သတ်မှတ်ကောက်ခံသွားမှာပါ” ဟု ဝန်ကြီးဌာနမှ ဒုတိယ ညွှန်ကြားရေးမှူး ဦးကျော်မင်းနိုင် က ပြောသည်။
ယင်းကားများမှာ ယခင်က ပစ်ကပ် လူစီးယာဉ်အုပ်စုအဖြစ်သာ တင်သွင်းခွင့် ပြုခဲ့သဖြင့် အခွန် ၈၀ ရာခိုင်နှုန်း ပေးဆောင်ခဲ့ရပြီး ယခုအခါ လုပ်ငန်းသုံးယာဉ်အဖြစ် သတ်မှတ်လိုက်၍ အခွန် ၅ ရာခိုင်နှုန်းသာ ပေးဆောင်ရတော့မည် ဖြစ်သည်။
“ပစ်ကပ်တွေကို နိုင်ငံတကာမှာလည်း လုပ်ငန်းသုံးယာဉ်အဖြစ်ပဲ သတ်မှတ်တာပါ။ အိမ်နီးချင်း ထိုင်းမှာလည်း အဲဒီလိုပဲ သတ်မှတ်ထားပါတယ်။ ဒီကားတွေက နယ်က လုပ်ငန်းသမားတွေ အတွက် တကယ် အသုံးတည့်မယ့် ကားတွေ ဖြစ်ပါတယ်။ ဖြေလျှော့မှုတွေအတွက် ကျေးဇူးတင်ပါတယ်” ဟု ရန်ကုန်မြို့ အခြေစိုက် ကားအရောင်းပြခန်း တခုမှ အရောင်းမန်နေဂျာ ဦးမြတ်ကို က ဆိုသည်။
Pick Up 2Door-2013 မော်ဒယ်အမျိုးအစားမှာ တစီးလျှင် အမေရိကန် ဒေါ်လာ ၁၆,၁၀၀ နှုန်းဖြင့် ပြည်ပမှ တင်သွင်းနိုင်ကြောင်း သိရသည်။
မဇ္ဈိမ
