မြန်မာနိုင်ငံကို နိုင်ငံပေါင်း ၁၉၇ နိုင်ငံမှ အလွယ်တကူ ငွေလွှဲနိုင် ရန်အတွက် အင်္ဂလန်နိုင်ငံ အခြေစိုက် Money Gram Limited အပါအဝင် မလေးရှားနိုင်ငံ International Money Express (IME) နှင့် ပူပေါင်းကာ နိုင်ငံတကာ ငွေလွှဲလုပ်ငန်းများကို ဆောင်ရွက်နိုင်ရန် စီစဉ်လျက်ရှိကြောင်း ဘဏ်အသိုင်းအဝိုင်းမှ သိရသည်။ ယင်းကဲ့သို့ ငွေလွှဲလုပ်ငန်းများ ဆောင်ရွက်ရန်အတွက် ပြည်တွင်းရှိ အသေးစားနှင့် အလတ်စား စက်မှုလုပ်ငန်း ဖွံ့ဖြိုးရေးဘဏ်၊ သမဝါယ မဘဏ်၊ မြဝတီဘဏ်၊ ဧရာဝတီဘဏ်နှင့် မြန်မာ အရှေ့တိုင်း ဘဏ် တို့ ဆောင်ရွက်လျက်ရှိကြောင်း သိရသည်။ ဒေါက်တာသန်းထွန်းက “တစ်ကမ္ဘာလုံးနဲ့ ချိတ်ဆက် လုပ်ကိုင်သွားမှာပါ။
ဘယ်လောက် ငွေပမာဏပို့ပို့ ကျွန်တော်တို့ ဘက်က ဆောင်ရွက်ပေး သွားမှာပါ။ ငွေလွှဲပို့ပြီးပြီ ဆိုတာနဲ့ ကျွန်တော်တို့ဘက်က အကြောင်း ကြားပေး မယ်။ ဒါမှမဟုတ် အိမ်တိုင်ရာရောက် ပို့ပေးသွားဖို့ အစီအစဉ်တွေ ရှိပါတယ်” ဟု ယင်းက ပြောသည်။ ထိုသို့ ဆောင်ရွက်ရာတွင် နိုင်ငံပေါင်း ၁၀၀ ကျော်နှင့် ချိတ်ဆက်လုပ်ကိုင် ဆောင်ရွက်သွားမည်ဖြစ်ပြီး ယင်းသို့ လုပ်ဆောင်ရာတွင် ကိုယ်စားလှယ် ဌာနများ ရှိသည့် နေရာများ တွင် သာ ဆောင်ရွက်ပြုလုပ်မည် ဖြစ်ကြောင်း ယင်းကဆက် လက် ပြော သည်။
ယင်းသို့ အင်္ဂလန်နိုင်ငံ အခြေစိုက် Money Gram Limited နှင့် မလေးရှားနိုင်ငံရှိ International Money Express (IME) နှင့် ချိတ် ဆက်၍ နိုင်ငံတကာ ငွေလွှဲလုပ်ငန်းများကို ဆောင်ရွက်ခြင်းကို အခြားသော ဘဏ်လုပ်ငန်းများ ဖြစ်သည့် သမဝါယမဘဏ်၊ မြဝတီဘဏ်၊ ဧရာဝတီ ဘဏ်၊ မြန်မာအရှေ့တိုင်းဘဏ်များနှင့်လည်း ချိတ်ဆက် ဆောင်ရွက်နိုင် ရန် စီစဉ်လျက်ရှိကြောင်း သိရသည်။ ယင်းသို့ ၁၉၇ နိုင်ငံနှင့် ချိတ် ဆက် ဆောင် ရွက်သော်လည်း မြန်မာစီးပွားရေး လုပ်ငန်းရှင်များ အတွက် ငွေလွှဲခွင့်ပေါ်လစီအား အစိုးရဘက်က ပြောင်းလဲချမှတ်ပေးရန် လိုကြောင်း မြန်မာနိုင်ငံ ဆန်စပါးအသင်း ဥက္ကဋ္ဌ ဒေါက်တာစိုးထွန်းက ပြော သည်။
ယင်းက ဆက်လက်၍ “ဒီလို ချိတ်ဆက်မှုတွေ ရှိလာတာ ကတော့ ကောင်း ပါတယ်။ နိုင်ငံပေါင်းများစွာနဲ့ ချိတ်ဆက်လို့ရပေမယ့် ကျွန်တော် တို့နိုင်ငံ ထဲမှာ ငွေလွှဲခွင့်မရှိရင် အလကားပါပဲ” ဟု ယင်းက ပြောသည်။ Money Gram ဖြင့် ချိတ်ဆက် လုပ်ကိုင်ရာတွင် ပုဂ္ဂိုလ်တစ်ဦးနှင့် တစ်ဦး ငွေလွှဲပို့ ရာတွင် မိနစ်ပိုင်းအတွင်း ဆောင်ရွက်နိုင်ပြီး နိုင်ငံပေါင်း ၁၉၇ နိုင်ငံတွင် လုပ်ငန်းပေါင်း ၂၉၃၀၀၀ ကျော်ရှိပြီး လုပ်ဖော်ကိုင်ဖက်များအဖြစ် အာရှနိုင် ငံများ ဖြစ်သည့် ထိုင်းနိုင်ငံ၊ မလေးရှားနိုင်ငံ၊ တရုတ်နိုင်ငံ၊ အင်ဒိုနီးရှားနို င်ငံ များရှိ ကိုယ်စားလှယ်များကို ငွေလွှဲစနစ်နှင့် သင်တန်းများ ပို့ချပေးခြင်း များကို ဆောင်ရွက်ပေးလျက်ရှိကြောင်း သိရသည်။
လက်ရှိတွင် မြန်မာဘဏ်များ အနေဖြင့် ဥရောပနိုင်ငံများ၊ အာရှနိုင်ငံ များနှင့် ငွေလွှဲခြင်း လုပ်ငန်းများကို Western Union အပါအဝင် အခြားသော ဒေသတွင်း ငွေကြေးအဖွဲ့များဖြင့် အာရှနိုင်ငံ ငွေလွှဲလုပ် ငန်းများကို ကျယ်ပြန့်စွာ ဆောင်ရွက်လျက် ရှိကြောင်း သတင်းရရှိသည်။
by
