ဧပြီ(၁၈)
လိင်တူ လက်ထပ်ခွင့်ကို နယူးဇီလန်နိုင်ငံ လွှတ်တော်က မနေ့က မဲခွဲဆုံးဖြတ်ရာမှာ ထောက်ခံမဲ ၇၇၊ ကန့်ကွက်မဲ ၄၄ ရရှိသွားပါတယ်။
ဒါကြောင့် နယူးဇီလန်ဟာ အာရှပစိဖိတ်ဒေသမှာ လိင်တူလက်ထပ်တာကို ဥပဒေအရ ခွင့်ပြုတဲ့ ပထမဆုံးနိုင်ငံ ဖြစ်သွားပါပြီ။
(ဓာတ်ပုံ - http://pjsaunders.blogspot.com)
ကမ္ဘာမှာတော့ ၁၃ နိုင်ငံမြောက် ဖြစ်ပါတယ်လို့ သတင်းတွေက ဆိုပါတယ်။
နယူးဇီလန်လွှတ်တော်က အတည်ပြုလိုက်တဲ့ ဒီဥပဒေဟာ လာမယ့် သြဂုတ်လမှာ အသက်ဝင်ပါလိမ့်မယ်။
ဒီဥပဒေကြောင့် လိင်တူ လက်ထပ်ထားတဲ့ စုံတွဲဟာ ကလေး ပူးတွဲမွေးစားခွင့်လိုမျိုး အခွင့်အရေးတွေ ရမယ်၊ တခြားနိုင်ငံတွေရောက်ရင်လည်း သူတို့ရဲ့အိမ်ထောင်ရေးအခြေအနေကို တရားဝင်အသိအမှတ်ပြုခံရမယ်လို့ သတင်းတွေက ဆိုပါတယ်။
နယူးဇီလန်မှာ ဒီဥပဒေကို အပြင်းအထန် ကန့်ကွက်ခဲ့တာကတော့ ရိုမန်ကက်သလစ်ဘုရားကျောင်း၊ ရှေးရိုးစွဲအုပ်စုတွေ ဖြစ်တယ်၊ မိသားစုတန်ဘိုး ပျက်ယွင်းစေတယ်လို့ သူတို့က ထောက်ပြပါတယ်။
ထောက်ခံသူတွေကတော့ ဒီဥပဒေကြောင့် ခွဲခြားဆက်ဆံခံရခြင်းက လွတ်ကင်းမယ်မဟုတ်ဘူးလို့ ယူဆပေမယ့် လူတွေကို မျှော်လင့်ချက် ပေးနိုင်မှာပါ လို့ ဆိုကြပါတယ်။
ဥရုဂွေးနိုင်ငံကလည်း ဒီလို ဥပဒေမျိုး ထွက်လာတော့မှာပါ။ လောလောဆယ် သမ္မတ လက်မှတ်ထိုးဖို့ လိုနေပါသေးတယ် တဲ့။
ပြင်သစ်ကလည်း ဒီလိုဥပဒေ ပြဋ္ဌာန်းဖို့ နီးစပ်နေပြီလို့ သတင်းတပုဒ်မှာ ဖတ်ရပါတယ်။
လိင်တူလက်ထပ်ခွင့်ဥပဒေပြဋ္ဌာန်းပြီး နိုင်ငံများ၊ ဒေသများ
- ကနေဒါ၊ စပိန်
- ဆွီဒင်၊ နယ်သာလန်
- ဘယ်လ်ဂျီယံ၊ တောင်အာဖရိက
- နော်ဝေ၊ ပေါ်တူဂီ
- အိုက်စလန်၊ အာဂျင်တီးနား
- ဒိန်းမတ်၊ မက္ကစီကိုစီးတီး
- အမေရိကန်ပြည်နယ်တချို့
မြန်မာပြည်မှာရော ဒီလိုအကြောင်းအရာကို တောင်းဆိုတာမျိုး မကြားမိသေးပါ။
တကယ်လို့ ဆွေးနွေးလာကြမယ်၊ တောင်းဆိုလာကြမယ် ဆိုရင် ဘယ်လိုသဘောရပါသလဲ၊ လွှတ်တော်မှာရော ဒီအဆို တင်လာနိုင်ချေ ရှိပါသလား၊
ဒီအကြောင်း ပြီးခဲ့တဲ့နှစ်က ကောက်ထားတဲ့ စစ်တမ်းတခု ရှိပါတယ်။ အဲဒီထဲက တုံ့ပြန်ချက်တချို့ကို ကောက်နုတ် ဖော်ပြလိုက်ပါတယ်။
နိုင်ငံရေးသမားတချို့ကို မေးမြန်းထားတာပါ။
-----------------------------------------------------------------------------
မြန်မာပြည်မှာ ဒါကိုတော့ လက်ခံကြမှာမဟုတ်ဘူးထင်တယ်၊ ယောက်ျားနဲ့မိန်းမ opposite sex (ဆန့်ကျင်ဘက်လိင်) ပေါင်းမှသာလျှင် အိမ်ထောင်တခုကို ထူထောင်လို့ရတာကိုး။
same sex ကျတော့ ကျနော်တို့ဓလေ့နဲ့တော့ မလွယ်ဘူးနဲ့တူတယ်။
တောင်းဆိုလာလို့ရှိရင်တောင်မှ အစိုးရက ကျနော်ထင်တယ် ပယ်ချမှာပဲ။
ဦးဒီထွန်းလင်း
ကရင်ပြည်သူ့ပါတီ (KPP) ဗဟိုအလုပ်အမှုဆောင် ကော်မတီဝင်
-----------------------------------------------------------------------------
ဒါက လုံးဝ မသင့်တော်ဘူး။
ကောင်းကျိုးမပေးဘူး အများအတွက်။
ဦးခင်မောင်လတ်
အမျိုးသားလွှတ်တော်
-----------------------------------------------------------------------------
ကျနော့် တဦးတည်းသဘောအရ ဆိုရင် ခွင့်မပြုသင့်ဘူးဗျာ။ တိုင်းပြည်ဖွံ့ဖြိုးလာတာနဲ့အမျှ နိုင်ငံတကာမှာ လူသားတွေ လုပ်နေတဲ့ လိုက်လျောညီထွေ လိုက်လုပ်တဲ့ အဆင့်ကို ရောက်လာမှာပါ။
အခုအချိန်က ကိုယ့်တိုင်းပြည်က သိပ်မဖွံ့ဖြိုးသေးတော့လည်း အဲဒီလောက်ကြီး လိုက်လုပ်ဖို့ဆိုတာ သိပ်မလွယ်လှသေးပါဘူး။
ဦးသက်ထွန်းမောင်
ရန်ကုန်တိုင်းဒေသကြီးလွှတ်တော်
-----------------------------------------------------------------------------
ဒီအကြောင်း မတွေးထားမိသေးပါဘူး။
ဒီထက် အရေးကြီးတဲ့ လူငယ်ဖွံ့ဖြိုးတိုးတက်ဖို့တို့ ၊ ရွာသူရွာသားတွေ အသိဥာဏ်ပညာ တိုးတက်ဖို့တို့ အဲဒီကိစ္စတွေကိုပဲ ကျနော်တို့က ဦးစားပေးထားတော့ ဒီအကြောင်းအရာက ပိုပြီးတော့ စိမ်းလည်းစိမ်း၊ ဝေးလည်း ဝေးပါသေးတယ်။
စိုင်းသူရိန်ဦး
ရှမ်းပြည်နယ်လွှတ်တော်
The Irrawaddy's Blog
