ဧပြီ(၁၀)
ရှမ်းပြည်နယ်တောင်ပိုင်း၊ တောင်ကြီးမြို့၏အရှေ့ဘက် ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့အနီးတွင်ရှိသော ထမ်းစမ်းသဘာဝလိုဏ်ဂူတော်ကြီးတွင် ဗုဒ္ဓသာသနာ တိုးတက်ခိုင်မာ တည်တံ့ပြန့်ပွားရေးအတွက် ဟိုပုံးကိုရင်လေး အရှင်ပေါရိဿမှ ဦးဆောင်ပြီး ဌာနဆိုင်ရာများ၊ ဒေသခံ ပြည်သူများ၏ အင်အားဖြင့် ထမ်းစမ်းရွှေတိဂုံစေတီတော်နှင့်သာသနာပိုင်းဆိုင်ရာ အဆောက်အဦးတည်ဆောက်ရေးလုပ်ငန်းများကို အင်တိုက်အားတိုက် ဆောင်ရွက်နေပြီ ဖြစ်ပါသည်။
ရှမ်းပြည်နယ်တောင်ပိုင်း၊ တောင်ကြီးမြို့၏အရှေ့ဘက် ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့အနီးတွင်ရှိသော ထမ်းစမ်းသဘာဝလိုဏ်ဂူတော်ကြီးတွင် ဗုဒ္ဓသာသနာ တိုးတက်ခိုင်မာ တည်တံ့ပြန့်ပွားရေးအတွက် ဟိုပုံးကိုရင်လေး အရှင်ပေါရိဿမှ ဦးဆောင်ပြီး ဌာနဆိုင်ရာများ၊ ဒေသခံ ပြည်သူများ၏ အင်အားဖြင့် ထမ်းစမ်းရွှေတိဂုံစေတီတော်နှင့်သာသနာပိုင်းဆိုင်ရာ အဆောက်အဦးတည်ဆောက်ရေးလုပ်ငန်းများကို အင်တိုက်အားတိုက် ဆောင်ရွက်နေပြီ ဖြစ်ပါသည်။
တည်ဆောက်လျက်ရှိသော ထမ်းစမ်း ရွှေတိဂုံစေတီတော်
ပအိုဝ်းကိုယ်ပိုင်အုပ်ချုပ်ခွင့်ရဒေသရှိ ထမ်းစမ်း လိုဏ်ဂူ၏ နံရံတွင် သဘာဝအတိုင်း ဖြစ်ပေါ်နေသော ဆင်ရုပ်များ ကိုလေ့လာ နိုင်မည်ဖြစ်သည်။ ထို့ကြောင့် ယင်းဂူကို ရှမ်းဘာသာ စကား အရ ''ထမ်း''သည်''ဂူ''ဖြစ်ပြီး ''စမ်း' သည်''ဆင်''ဖြစ်သဖြင့် ဆင်ဂူဟု ခေါ်ဆို ခဲ့ခြင်းဖြစ်သည်။
အဆိုပါ ထမ်းစမ်းသဘာဝ လိုဏ်ဂူတော်ကြီးများအတွင်းသည် ကျောက်စာဂူ၊ ဘုရားလိုဏ်ဂူ၊ ဂမ္ဘီရဂူ ဟူ၍ တြိဂံပုံစံဖြင့် လိုဏ်ဂူတော်ကြီး(၃)ခု ရှိသည်။ ဘုရားလိုဏ်ဂူတော်ကြီးအတွင်းတွင် အံ့မခမ်းဖွယ်ရာ သဘာဝ ကျောက်စက် ပန်းဆွဲများ၊ အေးစက်နေသော စမ်းချောင်းများအပြင် ဂူ(၂)ဆင့် (၃) ဆင့်ရှိပြီး သဘာဝငွေထီးတော်၊ ကျောက်ယပ်တောင်၊ သဘာဝတံခါး၊ ပြတင်းများထူးခြား အံ့ဖွယ်ရှိနေပါသည်။ အဆိုပါ ထမ်းစမ်း လိုဏ်ဂူသည် မည်မျှရှည်လျားသည်ကို ပြောဆိုနိုင်ခြင်း မရှိသေးကြောင်း ဟိုပုံး ကိုရင်လေးမှ မိန့်ကြားခဲ့ဖူးပါသည်။
ရပ်နီးရပ်ဝေးမှ လူပေါင်းရာနှင့်ချီ၍ လုပ်အားကုသိုလ်ပြုလျက်
ထမ်းစမ်းဂူ၏ အပေါ်ဘက်ရှိ ကျောက်စက် ပန်းဆွဲများက ကျလာသော ကျောက်စက်ရေ များသည်အောက်ဘက်ရှိ ကျောက်ဆိုင် ခဲများပေါ်သို့ ကျရောက်ပြီး တဖြည်းဖြည်း ကျောက်များဆက်သွားကြသည် ဟု သိရသည်။ ထို့ကြောင့် ဘုရားဖူး လာရောက်ကြသော ပြည်တွင်းပြည်ပ ခရီးသွားများက ထိုဂူသို့ ရောက်ရှိခြင်း အထိမ်းအမှတ်အဖြစ် ကျောက်တုံး၊ ကျောက်ခဲက လေးများကို ဆင့်၍ထား ရှိခဲ့ကြသည်။ အလားတူ ဂူ၏ အတွင်းပိုင်းမှ စီးဆင်းလာသော ရေချောင်းများမှ ရွှံ့သဲများကို ယူ၍ ဂူနံရံများတွင် စေတီပုံများ တည်၍ ရောက်ရှိခြင်း အထိမ်းအမှတ် ပြုလုပ်ကြ သည်ကိုလည်း တွေ့ခဲ့ရသည်။
ရွှံ့သဲများကို ယူ၍ ဂူနံရံများတွင် စေတီပုံများ တည်၍ လှူဒါန်းစဉ်
လိုဏ်ဂူ အပေါ်ဘက် နံရံတွင် သဘာဝအတိုင်း ဖြစ်ပေါ်နေသည့် ရွှေထီး၊ ငွေထီး တော်ကိုလည်း ထူးခြားစွာ ဖူးတွေ့ရသည်။ ထို့အပြင် သဘာဝ ကျောက်စိန်ဖူးတော် ကိုလည်း ဖူးမြော်နိုင်ပြီး ၎င်းစိန်ဖူးတော် ၏ အနောက်ဘက်ရှိ သဘာဝကျောက် ဆိုင်များ၏ လှပမှုက ဆေးခြယ်ထား သည်ဟု အငြင်းပွားရ လောက်အောင် ထူးခြားစွာ တွေ့ရမည် ဖြစ်သည်။
ထမ်းစမ်း လိုဏ်ဂူတော်ကြီးတွင် ရပ်နီးရပ်ဝေးမှ လူပေါင်း ရာနှင့်ချီ၍ လုပ်အား ကုသိုလ်ပြုလျက်ရှိကြသည်။ ဟိုပုံးကိုရင်လေးမှ ကိုရင်လေးကျောင်းတိုက် သို့လည်းကောင်း၊ ဘုရားသို့ လည်းကောင်း၊ လိုဏ်ဂူတော်ကြီးသို့လည်းကောင်း၊ လာရောက်ကြကုန်သောဘုရားဖူးနှင့် လုပ်အားကုသိုလ်ရှင် ရာနှင့်ချီပြီး နေ့စဉ် (၂၄)နာရီ သားသတ်လွတ် ထမင်းကျွေးလျက်ရှိသည်ကို တွေ့ရသည်။ သားသတ်လွတ်ထမင်းစားဆောင်တွင်လည်း ဤဆိုင်းဘုတ်အား ထားရှိပေးပါသည်။ မေတ္တားခမ်းတန်မှ ကြိုဆိုပါ၏ ထမင်းဟင်း မှန်မှန်ခူး မဖိတ်စေနဲ့ မသွန်ပစ်နှင့် ကျေးဇူးတင်ပါသည်။ ပအိုဝ်းမြန်မာ (၂)ဘာသာဖြင့် အသိပွား ပညာပေး စာပုဒ်လည်း ကပ်ထားပေးပါသည်။
ထို့အတူ ပြည်တွင်းပြည်ပ ခရီးသွားများသည် ရှမ်းပြည်နယ်တောင်ပိုင်းဒေသရှိ ထင်ရှားပြီး လူသိများသော နေရာများ ဖြစ်သည့် ကလော၊ တောင်ကြီး၊ အင်းလေး၊ ညောင်ရွှေ၊ ရွှေညောင်၊ ပင်းတယ၊ ခေါင်တိုင်၊ ရေပူစမ်း၊ ကက္ကူနှင့် ထမ်းစမ်းဂူ စသည့် အထင်ကရ နေရာများကိုလေ့လာကြကြောင်း သိရသည်။
ထမ်းစမ်းဂူသည် ဟိုပုံး ကိုရင်လေး ကျောင်းနှင့် မနီးမဝေးတွင် တည်ရှိသဖြင့် ဟိုပုံး ကိုရင်လေး ရှင်ပေါရိဿက ဘုရားဖူး လာရောက် သူများကို ကြုံကြိုက်ပါက ငါးပါးသီလများ ဆောက်တည် ပေးလျက် ရှိကြောင်းနှင့် ကြုံကြိုက်မှု မရှိပါက အဆိုပါ ကျောင်းသို့ သွားရောက်ဖူးမြော် နိုင်ကြောင်း သိရသည်။
ထမ်းစမ်းဂူသို့ ရောက်ရှိပါက ဗုဒ္ဓရုပ် ပွားတော်များ၊ စေတီတော်များ၊ ရဟန္တာ အရှင်မြတ်ရုပ်တုတော်များကို ဖူးမြော်နိုင်ပြီး အခြား သဘာဝ အလျောက်ဖြစ်ပေါ် နေသည့် လေ့လာစရာများ ရှိကာ ဘုရားဖူးလာရင်း တရား ဘာဝနာပွားများအားထုတ် လိုသူများ အတွက် အေးချမ်းမှုများ ပေးစွမ်းနေသော သဘာဝ လိုဏ်ဂူတော် ဖြစ်သည်။
ထူးခြားအံ့ဖွယ် ထမ်းစမ်း သဘာဝ လှိုဏ်ဂူတော်ကြီး ပြည်တွင်းပြည်ပ ခရီးသွားများ စိတ်ဝင်တစား လေ့လာလျက်ရှိသော သဘာဝ လိုဏ်ဂူ ကြီးလည်းဖြစ်ပါသည်။ ဟိုပုံး ကိုရင်လေးကျောင်းတိုက်သည် ဟိုပုံးမြို့၏အရှေ့ဘက် (၅)မိုင်ခန့်အကွာတွင်တည်ရှိပြီး ထမ်းစမ်းလိုဏ်ဂူတော်ကြီးသည် တောင်ကြီးမြို့၏အရှေ့ဘက်(၂၅)မိုင်ခန့်အကွာ တောင်ကြီး-လွယ်လွိုင်- မွိုင်ပွဉ်- ကျိုင်းတုံ- နှင့်တာချီလိတ်သို့ သွားရာ ကားလမ်းမကြီးနံဘေး တွင်တည်ပြီး တင်ပြလိုက်ရပါသည်။
+%E1%80%B1%E1%80%90%E1%80%AC%E1%80%84%E1%80%B9%E1%82%80%E1%80%80%E1%80%AE%E1%80%B8%E1%81%BF%E1%80%99%E1%80%AD%E1%80%B3%E1%82%95%E1%80%94%E1%80%9A%E1%80%B9%E1%80%A5%E1%80%80%E1%81%A0%E1%80%8C+%E1%80%A5%E1%80%AE%E1%80%B8%E1%80%B1%E1%80%85%E1%80%AC%E1%80%9A%E1%80%BC%E1%80%94%E1%80%B9%E1%80%B8%E1%80%95%E1%80%AD%E1%80%AF%E1%80%84%E1%80%B9%E1%80%99%E1%80%BD+%E1%80%90%E1%80%84%E1%80%B9%E1%80%BB%E1%80%95%E1%80%B1%E1%80%94%E1%80%95%E1%80%B6%E1%80%AF.JPG)
