31.10.2013
တောင်ငူခရိုင် ရေတာရှည်မြို့နယ် ဆွာမြို့တွင် အောက်တိုဘာလ ၂၈ ရက်နေ့ ည ၁၀နာရီက ဆွာချောင်း ရေလှောင် တမံ ကျိုးကျခြင်းမရှိစေရန် ရေပိုလွှဲပေါက်မှ ရေဖောက်ချခဲ့ရာ ရေလှောင်တမံ ကျိုးသည်ဟု သတင်းများ ထွက်ပေါ်ခဲ့ခြင်းကြောင့် ဆွာမင်းလမ်း တံတားကြီး မျောက်လွှတ်ကုန်း၊ သရက်တောကျေးရွာ တို့မှ အိမ်ထောင်စု ၁၀၀ ကျော်ရှိ လူဦးရေ ၁၀၀၀ ကျော် ဆွာမြို့ပေါ် သို့ ရေဘေးတိမ်းရှောင် လာခဲ့ကြောင်း ရေတာရှည်မြို့နယ် အုပ်ချုပ်ရေးမှူးက ပြောကြားသည်။ဆွာချောင်း ရေလှောင်တမံ၏ ရေသိုလှောင်နိုင်အားမှာ ၃၃၇ ပေသာ ရှိသော်လည်း သုံးရက်ဆက်တိုက် မိုးအဆက်မပြတ် ရွာသွန်းမှုကြောင့် ၃၄၁ ဒသမ ၂ပေ အထိ ရောက်ရှိလာသဖြင့် ရေပို လွှဲပေါက် မှ ရေဖောက် ချခဲ့ခြင်း ဖြစ်ကြောင်း ရေတာရှည် မြို့နယ် အုပ်ချုပ်ရေးမှူးက ပြောကြားသည်။
“လူတစ်ထောင်နီးပါး အတွက် ကယ်ဆယ်ရေးစခန်း သုံးခု ဖွင့်ထားပါတယ်” ဟု ၄င်းကဆိုသည်။
ဆွာမြို့ ချောင်းကမ်းပါးတွင် ရေကြီးရေလျှံမှုကို ဆွာချောင်းတမံ ကျိုးသည်ဟု ကောလာဟလများ ထွက်ပေါ်လာခဲ့ရာ ချောင်းကမ်းပါးအနီး နေထိုင်သူ ၇၀၀ ကျော်ခန့်က ဆွာမြို့ပေါ်သို့ ရောက်ရှိလာခဲ့ ကာ စာသင်ကျောင်းနှင့် ဘုန်းကြီးကျောင်း များတွင် နေရာချထားပြီး ဒေသခံများက ထမင်းထုပ် များ ဖြန့်ဝေလျက်ရှိကြောင်း ရေတာရှည်မြို့နယ် အမျိုးသားဒီမိုကရေစီ အဖွဲ့ချုပ် အတွင်းရေးမှူး ဦးချစ်ထွေးက ပြောကြားသည်။
အောက်တိုဘာလ ၂၈ရက် ညနေ ၆နာရီမှ စတင်ကာ ဆွာမြို့ (ရန်ကုန် – မန္တလေး လမ်းဟောင်းတွင် )ရေတစ်ပေခွဲခန့် မြင့်တက်ခဲ့ပြီး ရေနီ၊ သရက်တော၊ တံတားကြီးကျေးရွာ၊ သဖန်းစင်ကျေးရွာ တို့မှ လူ ၂၀၀ ခန့်ကို စက်ရုံကြီးကျောင်းတိုက်၊ ဥယျာဉ်ကျောင်းတိုက်၊ ရွာဦးကျောင်းတိုက် တို့တွင် နေရာ ချထားပေးလျက် ရှိကြောင်း၊ မူလတန်းကျောင်း နှစ်ကျောင်း၊ အလယ်တန်းကျောင်း တစ်ကျောင်း အပါအဝင် ကျောင်းသုံးကျောင်းကို ခေတ္တပိတ်ထားရကြောင်း ဆွာမြို့နယ် အရန်မီးသတ်တပ်ဖွဲ့မှ မီးသတ် အရာရှိတစ်ဦးက The Voice သို့ ပြောကြားသည်။
“မိုးကရွာနေသေးတော့ ရေထပ်တက် မတက်ကို စောင့်ကြည့်နေရပါတယ်၊ ကယ်ဆယ်ရေး လည်း ဆောင် ရွက် နေပါတယ်” ၄င်းက ပြောကြားသည်။အလားတူ တောင်ငူမြို့နယ် အနိမ့် ပိုင်းရပ်ကွက်များ ဖြစ်သော (၉) ရပ်ကွက်၊ ၂၀ရပ်ကွက်နှင့် ကျေးရွာ အုပ်စုနှစ်ခုတို့တွင် အိမ်ခြေ ၆၀၀ ခန့် ရေအနက် လေးပေမှ ခုနစ်ပေအထိ ရေဝင်ရောက်လျက်ရှိ ကြောင်း ဒေသခံများက ပြောကြားသည်။
“ကျွန်တော်တို့ရပ်ကွက်က အနိမ့်ပိုင်းမှာ ရှိနေတာကြောင့် ရေဝင်တဲ့ အိမ်ခြေ က ၃၀၀ ကျော်ပါတယ်။ ကယ်ဆယ်ရေး စခန်းမဖွင့်ထားသေးဘူး။ နီးစပ်ရာ ဘုန်းကြီးကျောင်းတွေမှာ သွားနေကြတာတော့ ရှိပါတယ်။ အခုထိ စောင့်ကြည်နေပါတယ်” ဟု တောင်ငူမြို့ (၉) ရပ်ကွက် အုပ်ချုပ်ရေးမှူး ဦးသာထိုက်က ပြောကြားသည်။
တောင်ငူခရိုင်အတွင်း စက်တင်ဘာလ ၂၆ ရက်နေ့ နံနက်ပိုင်းမှ စတင်ကာ မိုးဆက်တိုက် ရွာသွန်းမှု များကြောင့် စစ်တောင်းမြစ်ရေသည် စက်တင်ဘာလ ၂၉ ရက် ညနေ ၆ နာရီခွဲတွင် တိုင်းထွာချက် များအရ တောင်ငူမြို့၏ စိုးရိမ်ရေမှတ် အထက် ၆၃၆ စင်တီမီတာကို ကျော်လွန်၍ ၆၄၂ စင်တီမီတာ သို့ ရောက်ရှိနေ သောကြောင့် အထက်ပါမြို့များ၏ အနိမ့်ပိုင်းရပ်ကွက် များတွင် မြစ်ရေဝင်ရောက်ခြင်း ၊ ရေတာရှည် မြို့နယ် ဆွာမြို့တွင် ရန်ကုန်-မန္တလေး လမ်းဟောင်း ရေကျော်ခြင်းတို့ ဖြစ်ပေါ်လျက် ရှိကြောင်း ဒေသခံများနှင့် တောင်ငူခရိုင် မိုးလေဝသနှင့် ဇလဗေဒညွှန်ကြားမှု ဦးစီးဌာနထံမှ စုံစမ်းသိရှိရသည်။
စစ်တောင်းမြစ်ရေသည် ၆၄၅ စင်တီမီတာ မကျော်လွန်သရွေ့ တောင်ငူ ခရိုင်တွင်းရှိ မြို့များ တွင် မြစ်ရေကြီးသည့် ဘေးအန္တရာယ် ကြီးကြီးမားမား မကျရောက် နိုင်ကြောင်း တောင်ငူခရိုင် မိုးလေဝသနှင့် ဇလဗေဒညွှန်ကြားမှု ဦးစီးဌာန ခရိုင်ဦးစီးမှူး ဦးမျိုးမြင့်အောင်က သုံးသပ်ပြောကြား သည်။
၂၀၁၁ ခုနှစ် သြဂုတ်လ ပထမပတ်က တောင်ငူမြို့တွင် စစ်တောင်းမြစ်ရေ စိုးရိမ်မှတ် ကျော်လွန် ခဲ့သဖြင့် တောင်ငူမြို့နယ် ရပ်ကွက်ပေါင်း ၂၀ ကျော်မှ လူဦးရေ နှစ်သောင်းနီးပါးကို ရေဘေးဒုက္ခသည် စခန်း ၁၉ ခု ဖွင့်လှစ်၍ ရက်ပေါင်း ၂၀ ခန့် နေရာ ချထားပေးခဲ့ကြောင်း တောင်ငူမြို့နယ် အုပ်ချုပ်ရေးမှူးရုံးထံမှ စုံစမ်းသိရှိရသည်။
The Voice
