ဒိန်ဖန်ဖူးသူရဲကောင်း ဗီယက်နမ်ဗိုလ်ချုပ်ကြီး ငုရင်ဂီယက် ကွယ်လွန်

AFP

ပြင်သစ်နှင့် အမေရိကန်တို့ကို အောင်မြင်စွာတိုက်ထုတ်နိုင်ခဲ့သည့် ဗီယက်နမ်
ဗိုလ်ချုပ်ကြီး ငုရင်ဂီယက် (VoNguyenGiap) သည် အသက် ၁၀၂ နှစ်အရွယ်တွင် ကွယ်လွန်သွားခဲ့ကြောင်း အောက်တိုဘာ ၆ ရက်က အေအက်ဖ်ပီသတင်းဌာနမှ ဖော်ပြထားသည်။

၁၉၅၄ ခုနှစ်တွင် ဒိန်ဖန်ဖူး (DienBienPhu) ၌ ပြင်သစ်တပ်ဖွဲ့များကို အောင်မြင်စွာ ဦးဆောင်တိုက်ထုတ်နိုင်ခဲ့ရာ ဒေသတွင်းတွင် ပြင်သစ်ကိုလိုနီအုပ်ချုပ်မှု အဆုံးသတ်သွားခဲ့သည်။

တောင်ဗီယက်နမ်တပ်ဖွဲ့များကို ကူညီနေခဲ့သည့် အမေရိကန်တပ်များကို ဆန့်ကျင်တိုက်ခိုက်ခဲ့သော ၁၉၆၈ ခုနှစ် တက် (Tet) စစ်ဆင်ရေးကို မြောက်ဗီယက်နမ်တို့ ပြုလုပ်ခဲ့စဉ်က ဗိုလ်ချုပ်ကြီး ငုရင်ဂီယက် သည် မြောက်ဗီယက်နမ်၏ ကာကွယ်ရေးဝန်ကြီးဖြစ်သည်။ အမေရိကန်တပ်ဖွဲ့များ ဗီယက်နမ်မှ ဆုတ်ခွာရေးတွင် ထိုစစ်ဆင်ရေးမှာ အဓိကကျသည့် စစ်ဆင်ရေးတစ်ခုဟု ဆိုကြသည်။

ဗိုလ်ချုပ်ကြီး ငုရင်ဂီယက်သည် စစ်မဟာဗျူဟာနှင့်ပတ်သက်သည့် စာအုပ်စာတမ်းတချို့ကိုလည်း ရေးသားထုတ်ဝေခဲ့သည်။

ဗိုလ်ချုပ်ကြီးငုရင်ဂီယက်မှာ လယ်သမားမိသားစုမှ မွေးဖွားလာခဲ့သူဖြစ်ပြီး၊ ထိုအချိန်က ပြင်သစ်၊ အင်ဒိုချိုင်းနားပိုင်နက်အတွင်းရှိ Quang Binh ပြည်နယ်အလယ်ပိုင်းတွင် ဖွားမြင်ခဲ့ခြင်း ဖြစ်သည်။

သူသည် အသက် ၁၄ နှစ်အရွယ်တွင် မြေအောက်တော်လှန်ရေးလှုပ်ရှားမှုအဖွဲ့ တစ်ဖွဲ့ထဲသို့ ၀င်ရောက်ခဲ့သည်။

၁၉၃၈ ခုနှစ်တွင် ဟိုချီမင်းခေါင်းဆောင်သည့် အင်ဒိုချိုင်းနားကွန်မြူနစ်ပါတီ၏ အဖွဲ့ဝင်တစ်ဦး ဖြစ်လာခဲ့ပြီး၊ ဗီယက်နမ်ကို ဂျပန်များ မကျူးကျော်မီတွင် ဟိုချီမင်းနှင့်အတူ တရုတ်နိုင်ငံသို့ ထွက်ပြေးလွတ်မြောက်ခဲ့သည်။

တရုတ်နိုင်ငံသို့ တိမ်းရှောင်နေစဉ် ကာလအတွင်း၌ ဗိုလ်ချုပ်ကြီး Giap သည် စစ်တပ်တစ်ခု ဖွဲ့စည်းခဲ့သည်။ ထို့နောက် ကျူးကျော်ဝင်ရောက်လာသော ဂျပန်များကို ပြောက်ကျားစစ်ဆင်နွှဲရန်အတွက် အင်ဒိုချိုင်းနားသို့ ပြန်လာခဲ့သည်။

သူ ဗီယက်နမ်ပြင်ပသို့ ရောက်ရှိနေချိန်တွင် သူ၏ ပထမဇနီးမှာ အဖမ်းခံခဲ့ရပြီး ပြင်သစ်အကျဉ်းထောင် တစ်ခုထဲတွင် သေဆုံးသွားခဲ့သည်။ နောက်ပိုင်းတွင် သူသည် ထပ်မံလက်ထပ်ခဲ့ပြီး သမီးသုံးဦးနှင့် သား နှစ်ဦး ထွန်းကားခဲ့သည်။

ပြင်သစ်တို့ကို တိုက်ထုတ်ခဲ့သည့် စစ်ပွဲအတွင်းက သူ၏အခန်းကဏ္ဍအပြင်၊ ၁၉၆၈ ခုနှစ်က၊ အမေရိကန် တပ်ဖွဲ့များကို တိုက်ထုတ်ခဲ့သည့် တက် (Tet) စစ်ဆင်ရေးတွင် သူ၏ဦးဆောင်မှုကို ဂုဏ်ပြုမှတ်တမ်းတင်ခဲ့ကြသည်။

သူ၏ အမိန့်အောက်တွင် မြောက်ဗီယက်နမ်တပ်ဖွဲ့များသည် မြို့ပေါင်း ၄၀ ကျော်ကို တိုက်ခိုက်ခဲ့ကြကာ၊ ထိုစဉ်က တောင်ဗီယက်နမ်၏ မြို့တော်ဖြစ်သည့် ဆိုင်ဂုံသို့ ၀င်ရောက်ခဲ့ကြကာ အမေရိကန်သံရုံးကိုလည်း ခေတ္တသိမ်းပိုက်ခဲ့သည်။ သို့ရာတွင် သူ့အနေဖြင့် ထိုစစ်ဆင်ရေးတွင် ကိုယ်တိုင်ကိုယ်ကျပါဝင်ခဲ့ခြင်းမျိုးတော့ မဟုတ်ပေ။ သူသည် ထိုစဉ်က ဘူဒါပက်စ်မြို့တွင် ရောက်ရှိနေခဲ့ခြင်းကြောင့် ဖြစ်သည်။

ထိုစစ်ပွဲအပြီးတွင် ဗိုလ်ချုပ်ကြီး ငုရင်ဂီယက်သည် သူ၏ ကာကွယ်ရေးဝန်ကြီးရာထူးကို ဆက်လက်ထိန်းသိမ်းထားနိုင်ခဲ့ပြီး ၁၉၇၆ ခုနှစ်တွင် ဒုတိယ၀န်ကြီးချုပ်အဖြစ် ခန့်အပ်ခြင်းခံခဲ့ရသည်။
သို့ရာတွင် အစိုးရအဖွဲ့၏ ဘေးဖယ်ပထုတ်ထားမှုကို ခံခဲ့ရပြီး၊ နောက်ထပ် ခြောက်နှစ်အကြာ၌ အစိုးရအဖွဲ့မှ အငြိမ်းစားယူခဲ့သည်။

Mizzima - News in Burmese