ကချင်လွတ်လပ်ရေးအဖွဲ့ KIO ၏ ဌာနချုပ်ဖြစ်သော လိုင်ဇာတွင် တိုင်းရင်းသား လက်နက်ကိုင်အဖွဲ့များ၏ ထိပ်သီးဆွေးနွေးပွဲကို အောက်တိုဘာလကုန်တွင် ကျင်းပရန်ရှိနေသည်။ ဤဆွေးနွေးပွဲသည် တိုင်းရင်းသား လက်နက်ကိုင်တပ်ဖွဲ့များ၏ ပထမဆုံးသော ထိပ်သီးဆွေးနွေးပွဲလည်း ဖြစ်ပေလိမ့်မည်။
အစိုးရနှင့် တိုင်းရင်းသား လက်နက်ကိုင်အဖွဲ့များ အပစ်အခတ်ရပ်စဲရေး လက်မှတ်မထိုးမီ တိုင်းရင်းသား လက်နက်ကိုင်များအားလုံး ကြိုတင်ပြင်ဆင်သည့်အနေဖြင့် KIO က ကမကထလုပ်ကာ ဆွေးနွေးမည့် ဆွေးနွေးပွဲလည်းဖြစ်သည်။
ဆွေးနွေးမှုများအတွင်း လက်နက်ကိုင် တိုင်းရင်းသားတို့၏ ဘုံသဘောတူညီမှုရရှိရန် ဆွေးနွေးချက်များ ပါဝင်မည်ဖြစ်သကဲ့သို့ အစိုးရနှင့် အပစ်အခတ်ရပ်စဲရေး လက်မှတ်မထိုးမီ ဦးစွာ သဘောတူထားရမည့် အချက်များ၊ စာချုပ်တွင် ပါဝင်ရမည့် အချက်များကိုလည်း ထိပ်သီးဆွေးနွေးပွဲတွင် ထည့်သွင်းဆွေးနွေးကြမည်ဖြစ်သည်။
KIO သည် အစိုးရနှင့် အပစ်အခတ်ရပ်စဲရေး ၁၇ နှစ်ကြာ ပြုလုပ်ခဲ့ပြီးနောက် ငြိမ်းချမ်းရေးပျက်ပြယ်သွားခဲ့ရ
အလားတူပင် ညီညွတ်သောတိုင်းရင်းသားများ ဖက်ဒရယ်ကောင်စီ UNFC ၏ အဖွဲ့ဝင်များဖြစ်သော KIO အပါအ၀င်၊ ကရင်အမျိုးသား အစည်းအရုံး၊ မွန်ပြည်သစ်ပါတီ၊ ချင်းအမျိုးသားတပ်ဦး၊ ရှမ်းပြည်တပ်မတော်စသည့် အဖွဲ့အစည်းများ ပါဝင်ဆွေးနွေးကြမည်ဖြစ်ရာ တိုင်းရင်းသားအားလုံး၏ အထွေထွေသော အမြင်များ၊ လိုအင်ဆန္ဒများကို ထိပ်သီးဆွေးနွေးပွဲတွင် ဆွေးနွေးဖလှယ်ကာ ခိုင်မာသည့် အပစ်အခတ်ရပ်စဲရေးသို့ တက်လှမ်းနိုင်ရန် လိုအပ်ပါလိမ့်မည်။
အပစ်အခတ်ရပ်စဲပြီးနောက် ဖွံ့ဖြိုးမှု နောက်ကျကျန်နေခဲ့သော တိုင်းရင်းသားဒေသများတွင် ဖွံ့ဖြိုးရေး လုပ်ဆောင်နိုင်မည်ဖြစ်သကဲ့သို ပညာရေး၊ ကျန်းမာရေးမှအစ၊ လမ်းပန်းဆက်သွယ်ရေးအဆုံး လုပ်ဆောင်ရန် အချက်များစွာ ရှိနေပါသေးသည်။ ထို့ကြောင့် အပစ်အခတ်ရပ်စဲကာ ဖွံ့ဖြိုးရေးလုပ်ငန်းများ လုပ်ဆောင်ပြီး နိုင်ငံရေးဆွေးနွေးပွဲများ ဆက်လုပ်ဆွေးနွေးနိုင်ပါစေကြောင်
