(၆၆)နှစ်မြောက် ပြည်ထောင်စုနေ့ အကြို ဂုဏ်ပြု ဆောင်းပါး

မတ်(၂၃)

 ''သွေးချင်း ညီအစ်ကိုများ စည်းလုံး ခြင်းသည် အင်အား'' ဆိုသည့် အတိုင်း ပြည်ထောင်စု သမ္မတ မြန်မာ နိုင်ငံတော်တွင် မှီတင်း နေထိုင်ကြသော တိုင်းရင်းသား အားလုံး တို့သည် စည်းစည်း လုံးလုံးနှင့် နေထိုင်ကြသော မိသားစုကြီး တစ်စု ဖြစ်သည်။

''တစ်ဦးအကြောင်း တစ်ဦး သိရှိ နားလည်မှု မှသည် လူမျိုး တစ်မျိုးနှင့် တစ်မျိုး တစ်ပြည်နှင့် တစ်ပြည် ချစ်ကြည် ရင်းနှီးရေးသို့''ဟူသော
ဆောင်ပုဒ်အတိုင်း ချစ်ကြည် ရင်းနှီးမှုသည် ခိုင်မာသော ယုံကြည်ချက်၊
ထွေးသော မေတ္တာနှင့် တုံ့လှည့်သော စေတနာတို့ တိုးပွားစေသည့် အ
တွက် လူသား တို့၏ အလျဉ်မပြတ်သော ပေါင်းစည်း ညီညွတ်မှုကို တည်
တံ့ ခိုင်မြဲစေခြင်း ဖြစ်သည်။

ပြည်ထောင်စု သမ္မတ မြန်မာ နိုင်ငံတော်၏ အရှေ့ပိုင်း တွင် တည်ရှိသော ရှမ်းပြည်နယ်သည် စတုရန်း မိုင်ပေါင်း ၆ဝ၁၅၅ ကျယ်ဝန်းပြီး လူဦးရေ စုစုပေါင်း ၅၅၇၃ဝ၇၅ ဦးဖြစ်သည်။ ရှမ်းတိုင်းရင်းသား များနှင့် အတူ ကချင်၊ ကိုးကန့်၊ တောင်ရိုး၊ ဓနု၊ ပလောင်၊ ပအိုဝ့်၊ ဗမာ၊ လီဆူ၊ ဝ၊ အာခါနှင့် အင်းသားစသည့် တိုင်းရင်းသား မျိုးနွယ်စုများ အတူတကွ ပူးပေါင်း
နေထိုင်ကြသည်။ ကုန်းမြင့် ဒေသတွင် တည်ရှိသော ရှမ်းပြည်နယ်အား
ခရိုင် (၁၃) ခု၊ ကိုယ်ပိုင် အုပ်ချုပ်ခွင့်ရ တိုင်း (၁) တိုင်း၊ ကိုယ်ပိုင် အုပ်ချုပ်ခွင့်ရ ဒေသ(၄)ခု၊ မြို့နယ် (၅၅) ခု၊ မြို့(၈၅)ခုနှင့် မြို့နယ် ခွဲ(၂၉) ခုဖြင့် ဖွဲ့စည်းထားသည်။

ဖေဖော်ဝါရီ ၇ ရက်သည် ရှမ်းပြည်နယ်နေ့ ဖြစ်သည်။ အင်းလေး ဖောင်တော်ဦး ဘုရားပွဲ၊ ပင်းတယ ရွှေဥမင်ဂူဘုရား ပွဲ၊ တောင်ကြီး မီးပုံးပျံပွဲ၊ မိုးဗြဲ ဘုရားပွဲ၊ ပအိုဝ့် မီးရှူးပွဲနှင့် သီပေါ ဘော်ကြို ဘုရားပွဲ တို့သည် ရှမ်းပြည်နယ် အတွင်း ထင်ရှားသော ပွဲတော်များ ဖြစ်သည်။

ပြည်နယ် တစ်ခုနှင့် တစ်ခု ပိုမို ရင်းနှီးမှု ရှိအောင် ပြည်နယ် အတွင်းရှိ ပြည်သူ အချင်းချင်း ရင်းနှီးမှု ပိုမို ရရှိစေရန်ရှမ်းပြည်နယ် တောင်ပိုင်းနှင့် မြောက်ပိုင်းကို
တိုက်ရိုက် ဆက် သွယ်ပေးသည့် သီပေါ-နမ့်လန်- ပန်ကေတုလမ်း၊ ရပ်စောက်- ကျောက်ဂူ - နောင်ချို လမ်းသစ်များ၊ မန္တလေးတိုင်း ဒေသကြီးနှင့် ရှမ်းပြည်နယ်ကို တွယ်ဆက်ပေးသည့် ဟန်မြင့် မိုရ်-မြို့ကြီး- ရွာငံလမ်းနှင့် ပင်လောင်း- ပျဉ်းမနား လမ်းများ ဖောက်လုပ် ပေးခဲ့သည်။

ယခင်က ကွမ်းလုံ တံတားနှင့် တာကော်တံတား ဟူသည့် သံလွင်မြစ်ကူး တံတား နှစ်စင်းသာ ရှိခဲ့သော်လည်း ယခု အခါ တန့်ယန်း မြို့နယ်မှ သံလွင် တံတား (တာကော်အက်) နှင့် မိုင်းပန် မြို့နယ်မှ သံလွင်တံတား (တာဆန်း)
နှစ်စင်း ထပ်မံတည်ဆောက် ပေးခဲ့ပြီး ဖြစ်သည်။

ထို့ပြင် ရှမ်းပြည်နယ် (တောင်ပိုင်း) ပင်လောင်း - ပျဉ်းမနား လမ်းပေါ်၌ တံတား အလျားပေ ၁၇၆ဝ ရှိသော လိန်းလီတံတားကို တည်ဆောက်
ပေးနိုင်သည့် အတွက် ကူးသန်း သွားလာ ရောင်းဝယ် ဖောက်ကားရေး
ပိုမို အဆင်ပြေလျက် ရှိသည်။

သတင်း အချက်အလက်နှင့် ဆက်သွယ်ရေး နည်းပညာ ထွန်းကား
နေသော ယနေ့ ခေတ်၌ နိုင်ငံတကာနှင့် ရင်ပေါင်တန်း နိုင်စေရန် အ
တွက် ဆက်သွယ်ရေး စွမ်းအား ထွန်းကားစေရန် မိုဘိုင်းလ် တယ်လီဖုန်းများ၊ အော်တို အိတ်ချိန်းနှင့် မိုက်ကရိုဝေ့ဖ် စခန်းများ၊ ဖိုင်ဘာ ကေဘယ်လ် ဆက်ကြောင်းများ၊ ကွန်ပျူတာ ကြေးနန်းများနှင့် အီးမေးလ် အင်တာနက် လုပ်ငန်းများ ဆောင်ရွက် ပေးလျက် ရှိသည်။

တိုင်းရင်းသား လူမျိုးအားလုံး လူနေမှု အဆင့်အတန်း မြင့်မား တိုးတက်ရေး
နှင့်ပြည်ထောင်စုကြီး တစ်ခုလုံး ခေတ်မီ ဖွံ့ဖြိုးရေး ဖော်ဆောင် ပေးရာတွင် တိုင်းရင်းသား ပြည်သူများ ပညာရည် မြင့်မားရေး၊ ဥာဏ်ပညာ ထူးချွန် ထက်မြက်ရေးနှင့် အသိအမြင် အယူအဆ မှန်ကန် မျှတရေး တို့သည် ပဓာနကျ သော အခြေခံ အကြောင်းတရား များပင်ဖြစ်သည်။

ထို့ကြောင့် ပညာခေတ်၏ စိန်ခေါ်မှုကို အောင်မြင်စွာ ကျော်လွှားပြီး ပြည်
ထောင်စုကြီး ရေရှည် တည်တံ့ ခိုင်မြဲကာ တိုင်းရင်းသား လူမျိုးများ အားလုံး တည်တည် ငြိမ်ငြိမ် ဖွံ့ဖြိုး တိုးတက်စေရန် နှင့် ဒေသခံ တိုင်းရင်းသားများအဆင့်မြင့် ပညာကို လွယ်လင့် တကူ သင်ယူ နိုင်စေရန် နိုင်ငံတော်က တက္ကသိုလ်၊ ဒီဂရီ ကောလိပ်ငါးခုနှင့် ပညာရေး ကောလိပ် တစ်ခု တိုးမြှင့် တည်ဆောက် ပေးခဲ့သည်။

လူ့စွမ်းအား အရင်းအမြစ် ဖွံ့ဖြိုးရေး တိုးမြှင့် ဆောင်ရွက်ရာတွင် နိုင်ငံတော်
က ရှမ်းပြည်နယ်၏ ဖွံ့ဖြိုးရေး အထူး ဒေသကြီး လေးခုဖြစ်သော တောင်ကြီး၊ လားရှိုး၊ ကျိုင်းတုံနှင့် ပင်လုံ ဒေသတို့တွင် နည်းပညာ တက္ကသိုလ် တစ်ခုစီ၊ ကွန်ပျူတာ တက္ကသိုလ် တစ်ခုစီနှင့် အစိုးရ နည်းပညာ အထက်တန်းကျောင်း တစ်ခုစီ ဖွင့်လှစ် ပေးခဲ့ပြီး ပညာရေး ကဏ္ဍ မြင့်မားအောင် ဖော်ဆောင်ခဲ့သည်။

စက်မှုကဏ္ဍ တွင်လည်း အေးသာယာ စက်မှုဇုန်တို့ တည်ထောင်ခဲ့ပြီး စားသောက်ကုန် လုပ်ငန်း၊ ကုန်ကြမ်း ပစ္စည်း ထုတ်လုပ်ရေး၊ ဓာတ်သတ္တု
ပြုပြင် ထုတ်လုပ်ရေး၊ အထွေထွေ စက်မှု အလုပ်ရုံများ ဆောင်ရွက်ခဲ့ပြီး လုပ်ငန်း စုစုပေါင်း(ကြီး၊ လတ်၊ ငယ်) ၃၆၂၂ ခု ရှိခဲ့သည်။

ပြည်နယ်အတွင်း ငြိမ်းချမ်းသာယာမှ ဖွံ့ဖြိုး တိုးတက်မှု လုပ်ငန်းများ
ဆောင်ရွက်နိုင်သည့် အတွက် နိုင်ငံတော် အစိုးရ၏ ငြိမ်းချမ်းရေး ကမ်း
လှမ်းချက် အရ ၂ဝ၁၁ ခုနှစ် စက်တင်ဘာ ၆ ရက်က 'ဝ'အထူးဒေသ (၂) ငြိမ်းချမ်းရေး အဖွဲ့မှ ငြိမ်းချမ်းရေး ဖော်ဆောင်ရေး အဖွဲ့ဝင်များ ဖြစ်သော ဦးကျောက်ကွမ်အမ်း (အဖွဲ့ ခေါင်းဆောင်)နှင့် အဖွဲ့ ဝင် တို့သည် ရှမ်းပြည်
နယ် အစိုးရ အဖွဲ့၏ ငြိမ်းချမ်းရေး ဖော်ဆောင်ရေး အဖွဲ့ဝင် များနှင့် ကျိုင်း
တုံမြို့တွင် တွေ့ဆုံပြီး ငြိမ်းချမ်းရေး တည်ဆောက်ရန် ပဏာမ သဘော တူညီချက်(၄) ချက် လက်မှတ် ရေးထိုး နိုင်ခဲ့သည်။

အလားတူ ၂ဝ၁၁ ခုနှစ် စက်တင်ဘာ ၇ ရက်တွင် မိုင်းလား အဖွဲ့ ငြိမ်းချမ်းရေး
ဖော်ဆောင်ရေး အဖွဲ့မှ အဖွဲ့ဝင်များ ဖြစ်ကြသော ဒုတိယ ဥက္ကဋ္ဌ ဦးစံပေ့သည်
ရှမ်းပြည်နယ် အစိုးရ အဖွဲ့၏ ငြိမ်းချမ်းရေး ဖော်ဆောင်ရေး အဖွဲ့ဝင် များနှင့် ကျိုင်းတုံမြို့တွင် တွေ့ဆုံပြီး ငြိမ်းချမ်းရေး တည်ဆောက်ရန် ပဏာမ သဘော တူညီချက် (၄)ချက်ကို လက်မှတ် ရေးထိုးပြီး ဒီဇင်ဘာ ၂ ရက်တွင် ရှမ်းပြန်
လည် ထူထောင်ရေး ကောင်စီ (RCSS/SSA) ငြိမ်းချမ်းရေး ဖော် ဆောင်ရေး အဖွဲ့မှ ဦးစိုင်းလူးနှင့် အဖွဲ့တို့သည် ရှမ်းပြည်နယ် အစိုးရ အဖွဲ့၏ ငြိမ်းချမ်း
ရေး ဖော်ဆောင်ရေး အဖွဲ့ဝင် များက တောင်ကြီးမြို့တွင် လက်မှတ် ရေးထိုး
နိုင်ခဲ့သည်။

မျိုးချစ် စိတ်ဓာတ်ကို အခြေခံ၍ ပြည်ထောင်စု မပြိုကွဲအောင် ပူးပေါင်း တည်ဆောက်ရေး၊ တိုင်းရင်းသား စည်းလုံး ညီညွတ်မှု မပြိုကွဲအောင် ပူးပေါင်း တည်ဆောက်ရေးနှင့် အချုပ်အခြာ အာဏာ တည်တံ့ ခိုင်မြဲအောင် ပူးပေါင်း တည်ဆောက်ရေးတို့ အပြင် ထာဝရ ငြိမ်းချမ်းရေး ရရှိသည် အထိ ဆွေးနွေး ညှိနှိုင်းမှုများ ပြုလုပ်သွားရန် ကြိုးပမ်း ဆောင်ရွက်လျက် ရှိရာ ပြည်ထောင်စု အဆင့် ငြိမ်းချမ်းရေး ဆွေးနွေးရေး အဖွဲ့နှင့် ရှမ်းပြည်နယ် တိုးတက်ရေး ပါတီ (SSPP) ရှမ်းပြည် တပ်မတော် ငြိမ်းချမ်းရေး ဆွေးနွေးရေး အဖွဲ့တို့သည်
ဒေသတွင်း ငြိမ်းချမ်းရေး တည်ဆောက်ရေး အတွက် ၂ဝ၁၂ ခုနှစ် ဇန်နဝါရီ ၂၈ ရက် မွန်းလွဲ ၁ နာရီတွင် ပြည်နယ်အဆင့် ပဏာမ သဘော တူညီချက် (၅)ရပ်နှင့် ပြည်ထောင်စု အဆင့် သဘော တူညီချက် (၅)ရပ်ကို ရှမ်းပြည်နယ်
(တောင်ပိုင်း) တောင်ကြီးမြို့၌ လက်မှတ် ရေးထိုး ခဲ့ကြသည်။

ထို့ပြင် နိုင်ငံတော် အစိုးရသည် ရှမ်းပြည်နယ် တာလေ မြို့နယ်ခွဲ၌ ၂ဝ၁၁ခုနှစ် မတ်လ ၂၄ ရက် ည ၈ နာရီခွဲအချိန် အင်အား ရစ်ခ်ျတာစကေး ၇ ရှိ ငလျင် လှုပ်ခတ်ခဲ့သည့် တာလေမြို့မ ရပ်ကွက် နာယောင်း ကျေးရွာအုပ်စု မိုင်းလင်း (ရှေ့/နောက်) ကျေးရွာ အုပ်စု၊ မိုင်းကိုးအုပ်စု၊ ကျကူနီကျေးရွာ တို့၌ အဆောက်အအုံ စုစုပေါင်း ၁၂၂၉ လုံးပျက်စီးခဲ့ပြီး သေဆုံးသူ ၇၆ ဦး၊ ဒဏ်ရာရသူ ၁ဝဝ၊ ပျက်စီးမှုပေါင်း ငွေကျပ်သန်း ၃ဝ၃၁ ဒသမ ၃ဝ ခန့် ဆုံးရှုံး ခဲ့သည်။ ပြည်နယ် အစိုးရသည် မြေငလျင် ဒဏ်သင့် ဒေသများ ကယ်ဆယ်
ရေးနှင့် ပြန်လည် ထူထောင်ရေး ကော်မတီတို့ ဖွဲ့စည်းပြီး အခင်း ဖြစ်
ပွားရာသို့ ဒုတိယ သမ္မတ ဒေါက်တာ စိုင်းမောက်ခမ်းနှင့် ပြည်ထောင်စု ဝန်ကြီးများ၊ တပ်မတော် အရာရှိကြီးများ၊ တိုင်းရင်းသား လုပ်ငန်းရှင် များတို့က ဘေးသင့် ပြည်သူ များနှင့် တွေ့ဆုံ အားပေးစကား ပြောကြား
ခြင်း၊ကယ်ဆယ်ရေး ပစ္စည်းများနှင့် အလှူငွေများ ပေးအပ်ခြင်း၊ လိုအပ်သည်များ ပံ့ပိုးဖြည့်ဆည်း ပေးခြင်းများ ဆောင်ရွက်ခဲ့သည်။

အရေးကြီးလျှင် သွေးနီး ဆိုသည့် စကားအတိုင်း ဒေသခံ ပြည်သူအ
တွက် လတ်တလော လိုအပ်ချက်များ ဖြည့်ဆည်း ဆောင်ရွက်မှုသည်
နိုင်ငံတော်၏ စေတနာ များပင် ဖြစ်သည်။

ယခုအခါ နိုင်ငံတော် အစိုးရသည် ပြည်နယ်များ အလျင်အမြန် ဖွံ့ဖြိုး တိုးတက်မှု ရှိစေရန် ပံ့ပိုးကူညီ ပေးခဲ့ပြီး ထာဝရ ငြိမ်းချမ်းရေး ရရှိရေး အတွက် ဖော်ဆောင်လျက် ရှိသည်။ ထို့ကြောင့် ပြည်နယ် အတွင်းရှိ တိုင်းရင်းသား လူမျိုး အသီးသီးတို့သည် ငြိမ်းချမ်းခြင်းနှင့် ဖွံ့ဖြိုး တိုး
တက်မှု အသီး အပွင့်ကို ခံစားပြီး အမိ နိုင်ငံတော်ကြီး ခေတ်မီ ဖွံ့ဖြိုး တိုးတက်အောင် ကြိုးပမ်း ဆောင်ရွက် ကြပါစို့ဟု(၆၆)နှစ်မြောက်
ပြည်ထောင်စု နေ့ကို ကြိုဆို ဂုဏ်ပြုလျက် ရေးသား တင်ပြ လိုက်
ရပါသည်။ ။

မြ၀တီ