နေတိုးက စက်တင်ဘာ ၉ရက်နေ့မှာ ဒါရိုက်တာဝင်းထွန်းထွန်းနဲ့အတူ ပြင်ဦးလွင်မြို့မှာ ‘စုန်းပြူး’ ဇာတ်ကားကို သွားရောက် ရိုက်ကူးနေပြီး ရက်၂ဝ လောက်ကြာမယ်လို့ သိရပါတယ်။ ‘စုန်းပြူး’ ဇာတ်ကားလေးထဲမှာတော့ ခပ်ဆိုးဆိုး လူတစ် ယောက်အဖြစ် သရုပ်ဆောင်ထားပါတယ်။ မိသားစုထဲမှာ စရိုက်ကြမ်းပြီးတော့ နှလုံးသားနုတဲ့ လူတစ် ယောက်ဖြစ်ပြီး မိသားစုထဲမှာဆိုးတယ်လို့ နာမည်ထွက်ပေမယ့် မိသားစုအပေါ်မှာ သိတတ်နေတာကို မိသားစုကမသိဘဲ ပရိသတ်ကိုသာ သိသာမြင်စေတဲ့ ကာရိုက်တာမျိုး သရုပ်ဆောင်ထားကြောင်း ပြောပြခဲ့ပါတယ်။ စက်တင်ဘာ ၇ရက်နေ့ညပိုင်းမှာ တွေ့ခဲ့ရတဲ့ နေတိုးက ဒါရိုက်တာပန်းချီစိုးမိုး ရိုက်ကူးခဲ့တဲ့ ‘ကြယ်စင်မော်ကွန်း’ ဇာတ်ကားကို ပြန်လည် ရိုက်ကူးနေတဲ့အတွက် အနုပညာသက်တမ်း တစ်လျှောက်မှာ ဇာတ်ကားတစ်ကား ကောင်းဖို့အတွက် နှစ်ခါပြန်ရိုက်ရတဲ့ အပေါ် နေတိုးရဲ့အမြင်ကို မေးကြည့်တော့.. ”ဘယ်ကားကိုမဆို အကောင်းဆုံးတော့ တည်ဆောက်ကြရတာပေါ့။ ပရိသတ်ကိုချပြတဲ့အခါမှာ ဒီကားရဲ့ ကြိုးစားထားမှုတွေ ကို အသိအမှတ်ပြုတယ်။ နောက်ဇာတ်အိမ် ဖွဲ့စည်းမှု၊ တပ်မတော် သမိုင်းကြောင်းရဲ့ ကားဖြစ်တော့ ဒီလိုကားမျိုးလေးကတော့ သရုပ်ဆောင်တွေ အနေနဲ့ တော်တော်လေးလည်း အားစိုက်ပြီးတော့ လုပ်ထားတဲ့ ဇာတ်ကားလည်းဖြစ်တယ်။ ကျွန်တော့်အနေနဲ့ ဒီကားလေးကို ပရိသတ် ကြိုက်မယ်လို့ မျှော်လင့်ပါတယ်”လို့ သူ့ရဲ့အတွေ့ အကြုံ၊ အမြင်သဘောထားကို ပြောပြသွားခဲ့ပါတယ်။သမိုင်းဝင်ဇာတ်ကားတစ်ကားဖြစ်တဲ့ ‘ကြယ်စင်မော်ကွန်း’ ဇာတ်ကားမှာ ကိုယ်ကျရာ ဇာတ်ရုပ်မျိုးကို တတ်သမျှပညာနဲ့ ကြိုးစားပြီး သရုပ်ဆောင်ထားခဲ့ပါတယ်လို့ ပြောပြ လာတဲ့ နေတိုးက..”ဇာတ်ညွှန်းအပေါ်မှာ ကျွန်တော်တို့ရဲ့ သရုပ်ဆောင်မှုတွေလုပ်ကြရတာပေါ့။ ဇာတ် ညွှန်းရဲ့ခိုင်းစေမှုအပေါ်မှာ ကျွန်တော့်ရဲ့လေ့ လာမှု၊ ကျွန်တော့်တို့ရဲ့ တတ်ကျွမ်းမှု၊ ဇာတ်ညွှန်းရဲ့စကားလုံးတွေနဲ့ တည်ဆောက်ထားတာပါ။ အဓိကက တစ်ဦးချင်းစီမှာတော့ တာဝန်ရှိကြတာပေါ့။ ကျွန်တော့်ရဲ့ တာဝန်ကိုတော့ အတတ်နိုင်ဆုံး ကျေပွန်အောင် ကြိုးစားထားပါတယ်”လို့ပြောပြခဲ့ပါတယ်။
‘ကြယ်စင်မော်ကွန်း’ ဇာတ်ကားဟာလည်း ရိုက်ခဲ့သမျှ စစ်ကားတွေထဲမှာတော့ အကြီးမားဆုံးစစ်ကားလို့ပြောခဲ့တဲ့ နေတိုးက… ”ဒီကားက ကျွန်တော်ရိုက်ခဲ့တဲ့ ကားတွေထဲမှာ အကြီးမားဆုံးစစ်ကားဖြစ်တယ်။ ဘာဖြစ်လို့လဲဆိုတော့ ဇာတ်အိမ်ဖွဲ့စည်းမှုရော၊ ရိုက်ကူးမှုတွေမှာပါ တော်တော်များများကို ကြိုးစားပြီးတော့ လုပ်ထားတဲ့ ဇာတ်ကားတစ်ကားပါ”လို့ ပြောပြသွားခဲ့ပါတယ်။
သိမ့်သိမ့်၊ဓာတ်ပုံ-ထွဋ်မြတ်
ref: Popular Myanmar
