ထောင်အာဏာပိုင်တွေ နဲ့ ဖောက်ထွင်းဝိဇ္ဇာ

ဧပြီ(၂၆)

တစ်ခါတုံးက ထောင်အာဏာပိုင်တွေ နဲ့ ဖောက်ထွင်းဝိဇ္ဇာ တစ်ယောက် အကြားမှာ ထူးထူးခြားခြာ အားပြိုင်မှု တစ်ခု ဖြစ်ခဲ့ဖူးသည်။ ..အဲ့ဒီ ဖောက်ထွင်း ၀ိဇ္ဇာ က ကမ္ဘာ့အတော်ဆုံး သော့ဝိဇ္ဇာ လို့ ပြောလို့ရသည် ...။ သူမဖျက်နိုင်တဲ့ တံခါး .. သူမဖောက်နိုင်တဲ့ တံခါး မရှိဘူးလို့ ကြွေးကြော်ထားသူဖြစ်သည် ...။ သူ့ကို ဘယ်ထောင်ထဲမှာမှ လည်း ပိတ်လှောင်ထားလို့ မရ ..။ တစ်နည်းမဟုတ် တစ်နည်းနဲ့ ထောင်ဖောက်ပြီး ပြေးတာချည်းပင်...။ သော့ဝိဇ္ဇာ ကိုးဗျ ...။ သူ ကြုံးဝါးထားတာ တစ်ခုရှိသေးသည် ..။ အဲ့ဒါက ဘယ်လိုသော့ ဘယ်လို တံခါးမျိုးပဲ ဖြစ်ဖြစ် ၅ မိနစ်အတွင်း သူ့စိတ်တိုင်းကျဖြစ်အောင် ဖောက်နိုင်တယ် ဆိုပဲဗျ ..။

ဒါနဲ့ သူ့ကို ဒီလို လွှတ်ထားလို့တော့ မဖြစ်တော့ဘူး ...။ တစ်ခုခု တော့ စီမံ ရမယ်ဆိုပြီး သက်ဆိုင်ရာထောင်အာဏာပိုင်တွေက အဲ့ဒီ သော့ဝိဇ္ဇာ ဆီကို ရအောင်ဆက်သွယ်သည် ..။ ပြီးတော့ သူ နှင့် သဘောတူညီချက် တစ်ခုကို လုပ်ဆောင်ကြသည် ...။ အဲ့သည့် သဘောတူညီချက်က ..

သော့ဝိဇ္ဇာ ကို အခန်းတစ်ခုမှာ ပိတ်ထားမည် ...။ သူက အဲ့သည့် အခန်းတံခါးသော့ကို ဖျက်ပြီး အပြင်ရအောင် ထွက်ရမည် ..။ သတ်မှတ်ချိန်က ၁၀ မိနစ် ...။ ၁၀ မိနစ် အတွင်းမှာ အဲ့ဒီ သော့ဝိဇ္ဇာ အပြင်ရောက်အောင် ထွက်နိုင်ရင် သူ့လုပ်ခဲ့တဲ့ ရာဇ၀တ်မှု အပြစ်တွေကို စာရင်းမှ ဖျောက်ဖျက်ပေးမည် ..။ ၁၀ မိနစ်အတွင်း မရ ခဲ့ ရင်တော့ သူ့ရဲ့ ရာဇ၀တ်မှုတွေအတွက် ဥပဒေအရ အရေးယူမှုကို ကျေကျေနပ်နပ် လက်ခံ ရမည် ...။ သော့ဝိဇ္ဇာက အဲ့သည့် စိန်ခေါ်မှုကို လက်ခံလိုက်သည် ..။

၁၀ မိနစ်ဆိုတာ သူ့အတွက် များလွန်းနေတယ် လို့ တောင် ခပ်ပြုံးပြုံးပြောလိုက်သေး ...။

သတ်မှတ်ထားတဲ့ ရက် .. သတ်မှတ်ထားတဲ့ အချိန်လဲ ရောက်ရော ... သတ်မှတ်ထားတဲ့ အခန်းထဲကို သော့ဝိဇ္ဇာကို ထည့် ပြီးတော့ အခန်းတံခါးကို ပိတ်လိုက်သည် ..။ အထဲက သူ ဆီမှာတော့ ဘာမှ ထွေထွေထူးထူးပါမသွား ..။ ၀တ်နေကျ ကုတ်အကျီင်္တစ်ထည်သာ ပါသွားသည် ..။ အချိန်စ မှတ်ပြီ ...။

၂ မိနစ် .... အေးအေးဆေးဆေးပင် ထိုင်လျှက် ရှိနေသေးသည် ...။

၃ မိနစ် ... ကုတ်အကျီင်္ အိတ်ထဲမှ ဆေးလိပ်ဘူးကို ထုတ် ... ဘူးထဲမှ ဆေးလိပ်တစ်လိပ်ကို ပါးစပ်ထဲခဲ .. မီးအသာညှိပြီး ခပ်လေးလေး ဖွာထုတ်လိုက်သည် ...။

၎ မိနစ် ... ထိုင်နေရာက အသာထပြီး တံခါးဆီကို လျှောက်သွားလိုက်ပြီး သော့ပေါက်ထဲကို သူ၏ ကုတ်ထဲမှ ကရိယာများအသုံးပြုပြီးသော့ဖျက်ခြင်းလုပ်ငန်းစတင်သည် ..။

၅ မိနစ် ...
၆ မိနစ် ...
၇ မိနစ် ...

သော့ဝိဇ္ဇာကြီး ချွေးပြန်လေချေပြီ ..။ ဘယ်သော့ကိုမှ သူဒီလောက် မဖောက်ခဲ့ရဖူးဘူး ...။ အခုဟာက သူမှန်းထားတာထက် ပိုကြာနေပြီ ...။

၈ မိနစ် ... လုံးဝ မရသေး ..။
၉ မိနစ် ...
၁၀ မိနစ် ...

အတော်ဆုံးပါလို့ သတ်မှတ်ခံထားရတဲ့ သော့ဝိဇ္ဇာခမျာမှာ တံခါးတစ်ခုရှေ့မှာ ကျဆုံးခဲ့လေသည် ...။ သူရှုံးကြောင်း အာဏာပိုင် တွေ ရှေ့ကို ရောက်လာပြီး ခံဝန်ကတိ လက်မှတ်ထိုးပြီးသွားတော့ သူက မေးခွန်းတစ်ခု မေးသည် ..။

"ခင်ဗျားတို့ ဒီတံခါးကို ဘယ်သော့နဲ့များ ပိတ်ထားတာလဲဟင် ... ကျုပ်တသက် ဒီလိုမျိုးတစ်ခါမှ မတွေ့ဖူးဘူး"

အာဏာပိုင်တို့ကလည်း ပြန်ဖြေသည် ..။

"တကယ်တော့ အဲ့ဒီတံခါးက သော့ကိုပိတ်မထားတာ ... တံခါးက စေ့ရုံလေးစေ့ ထားတာ ခင်ဗျားတွန်းဖွင့်လိုက်ရင်တောင်တံခါးက ပွင့်တယ်ဗျ"

===========================
ဒါက တကယ်ဖြစ်ခဲ့တဲ့ အဖြစ်အပျက်လေးတစ်ခုပါ .. ဇာတ်လမ်းလေး ဆုံးသွားပေမယ့် ကျွန်တော် ကတော့ အတွေးမဆုံးသေးဘူး ..။
ကျွန်တော် တို့ ဘ၀မှာလည်း ဒီလိုတံခါးမျိုးတွေ ခဏခဏ တွေ့ခဲ့ရဖူးမည် ..။ အသာလေးတွန်းဖွင့်လိုက်ရုံလေးဆိုပေမယ့် မပွင့်ပွင့်အောင် နည်းမျိုးစုံရှာကြံပြီး အပင်ပန်းခံကြရသည် ..။ သို့ပေမယ့် တွန်းဖွင့်ကြည့်ဖို့ကိုတော့ အရင်ဆုံးမကြိုးစားမိ ...။

အလှမ်းကျယ် ပြီး အလယ်တော့ မလပ်စေနဲ့ပေါ့ဗျာ ....။ အရိုးဆုံး နည်းလမ်းတွေကနေ စပြီးချဉ်းကပ်တာ အကောင်းဆုံးပဲ ...။ တစ်ခါတစ်လေမှာ ရိုးရိုးလေး တွန်းဖွင့်လိုက်ရင်တောင် လိုရာရောက်နိုင်ပါတယ်ဗျ ...။ ကဲ .. ကျွန်တော် ပြောသလောက်နဲ့ မကျေနပ်သေးရင် .. ဆက်ပြီးတွေးလိုက်ပါဦး ...

 

လူဗိုလ်ဟူသည် ...