28.9.2013
လယ်ယာမြေ စုံစမ်းရေးကော်မရှင်၏ အစီရင်ခံစာအရ မြန်မာတစ်နိုင်ငံလုံးတွင် မြေယာအငြင်းပွားမှု ပြဿနာ ၇၄၅ မှုရှိပြီးတစ်နှစ်အတွင်း ဆောင်ရွက်သွားမည်ဟု မြေအသုံးချမှု စီမံခန့်ခွဲရေး ဗဟိုကော်မတီ အဖွဲ့ဝင် ပတ်ဝန်းကျင် ထိန်းသိမ်းရေးနှင့် သစ်တောရေးရာဝန်ကြီးဌာန ပြည်ထောင်စုဝန်ကြီး ဦးဝင်းထွန်းက ပြောကြားသည်။
စက်တင်ဘာ ၂၇ ရက်က ပြုလုပ်သော မြေအသုံးချမှု စီမံခန့်ခွဲရေး ဗဟိုကော်မတီ၏ မြေစီမံခန့်ခွဲမှုဆိုင်ရာ သတင်းထုတ်ပြန် ရှင်းလင်းပွဲတွင် ပြည်ထောင်စုဝန်ကြီးက ထိုသို့ ထည့်သွင်းပြောကြားခဲ့ခြင်းဖြစ်သည်။
အဆိုပါ မြေယာအငြင်းပွားမှု ၇၄၅မှုမှာ ၁၉၆၄ ခုနှစ်မှ ၂၀၁၀ ပြည့်နှစ်အထိ မြေယာသိမ်းဆည်းမှု ဖြစ်စဉ်များဖြစ်ပြီး အစိုးရသစ်လက်ထက် ဖြစ်ပွားခဲ့သည့် ဖြစ်စဉ်များ မပါဝင်သေးကြောင်းနှင့် အဆိုပါ မြေယာအငြင်းပွားမှုတွင် တပ်မတော်မှ သိမ်းယူထားမှု ၅၆၅ မှု၊ မြို့ပြ တိုးချဲ့စီမံကိန်းနှင့် စက်မှုဇုန်စီမံကိန်းများအတွက် သိမ်းယူထားမှု ၆၃မှု၊ စိုက်ပျိုးရေးနှင့် မွေးမြူရေး လုပ်ငန်းများအတွက် သိမ်းယူထားမှု ၁၁၇မှု တို့ဖြစ်ကြောင်း သိရသည်။
လက်ရှိတွင် လယ်ယာမြေပြဿနာများ ဖြေရှင်းနိုင်ရန်အတွက် ဒုတိယသမ္မတ ဦးဉာဏ်ထွန်း ခေါင်းဆောင်သော ပြည်ထောင်စုဝန် ကြီးများ၊ တိုင်းဒေသကြီး ၀န်ကြီးချုပ်များ၊ ဒုဝန်ကြီးများ ပါဝင်သည့် မြေအသုံးချမှု စီမံခန့်ခွဲရေး ဗဟိုကော်မတီကို ဖွဲ့စည်းထားကြောင်း၊ ထိုမှတစ်ဆင့် နေပြည်တော်ကောင်စီ၊ တိုင်းဒေသကြီး ပြည်နယ်အဆင့်၊ ခရိုင်အဆင့်၊ မြို့နယ်အဆင့်၊ ရပ်ကွက်ကျေးရွာအဆင့် စီမံခန့်ခွဲမှုကော်မတီများ ဖွဲ့စည်းထားပြီး ဖြစ်သဖြင့် မူလမြေယာပိုင်ဆိုင်ကြောင်းကို သက်ဆိုင်ရာ ကော်မတီကို ပြန်လည် လျောက်ထားရမည်ဖြစ်ကြောင်းလည်း ပြည်ထောင်စုဝန်ကြီးက ပြောကြားသည်။
ရပ်ကွက်ကျေးရွာ ကော်မတီများမှ ကွင်းဆင်းစစ်ဆေးကာ မြို့နယ်ကော်မတီအဆင့် သက်ဆိုင်ရာ ကော်မတီအဆင့်ဆင့်သို့ တင်ပြပြီး စွန့်လွှတ်မြေ ခွဲဝေရန် ခွင့်ပြုချက်ရရှိပါက သက်ဆိုင်သူများသို့ ပြန်လည်ပေးရေး ဆောင် ရွက်ပေးသွားမည် ဖြစ်ကြောင်း မြေအသုံးချမှု စီမံခန့်ခွဲမှု ဗဟိုကော်မတီ အတွင်းရေးမှူး ပြည်ထဲရေးဝန်ကြီးဌာန ဒုတိယ၀န်ကြီးဗိုလ်မှူးချုပ် ကျော်ဇံမြင့်က ပြောကြားသည်။
စွန့်လွှတ်ခွဲဝေရရှိသောမြေသည် လယ်ယာမြေဖြစ်ပါက လယ်ယာမြေလုပ်ပိုင်ခွင့် လက်မှတ်ရရှိထောက်ခံခြင်း၊ အခြားမြေများဖြစ်ပါက သက်ဆိုင်ရာဌာန၏ ကျင့်သုံးလျက်ရှိသော တည်ဆဲဥပဒေ၊ နည်းဥပဒေများ၊ လုပ်ထုံးလုပ်နည်းများနှင့်အညီ ဆောင်ရွက်ပေးသွားမည်ဖြစ်ပြီး သက်ဆိုင်သူ များက ကျေနပ်မှုမရှိပါက အဆင့်ဆင့် အယူခံဝင်နိုင်ပြီး တိုင်းဒေသကြီး ပြည်နယ် မြေအသုံးချမှု စီမံခန့်ခွဲရေးကော်မတီ၏ အဆုံးအဖြတ်သည် အတည်ဖြစ်ကြောင်း ဗိုလ်မှူးချုပ်က ဆက်လက်ပြောကြားသည်။
ထို့အပြင် ဗဟိုကော်မတီ၏ ဆောင်ရွက်ချက်များကို နှစ်လတစ်ကြိမ် လွှတ်တော်သို့ တင်ပြ သွားမည်ဖြစ်ကြောင်းလည်း သိရသည်။ မြေလွတ်မြေရိုင်းများအား လုပ်ပိုင်ခွင့်ရယူထားပြီး ဥပဒေနှင့်အညီ အမှန်တကယ် လုပ်ကိုင်ခြင်းမရှိသည့် ကုမ္ပဏီ၊ လူပုဂ္ဂိုလ်များကို လည်း အရေးယူနိုင်ရန် ဆွေးနွေးသွားမည်ဖြစ်ကြောင်း မြေအသုံးချမှု စီမံခန့်ခွဲရေးဗဟိုကော်မတီ ဒုတိယဥက္ကဋ္ဌ လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမြင့်လှိုင်က စက်တင်ဘာ ၁၇ ရက်တွင် ကော်မတီအဖွဲ့ဝင်များ၏ ဖြေရှင်းဆောင်ရွက်ကြရမည့် လယ်ယာမြေဆိုင်ရာ ကိစ္စရပ်များနှင့် မြေလွတ်မြေရိုင်းများ အသုံးပြုခြင်း ကိစ္စရပ်များဆိုင်ရာ ညှိနှိုင်းဆွေးနွေးပွဲတွင် ပြောကြားခဲ့သည်။
Eleven Media Group
