ရန်ကုန်အပြည်ပြည် ဆိုင်ရာလေဆိပ်မှ အကျင့်ပျက် ဝန်ထမ်းများအကြောင်း

ရန်ကုန် အပြည်ပြည်ဆိုင်ရာ လေဆိပ်အတွင်းရှိ တရားမ၀င် မှောင်ခိုပစ္စည်း တင်သွင်းနေမှုများနှင့် သက်ဆိုင်ရာ တာဝန်ရှိ သူများ၏ ပါဝင်ပတ်သက် နေမှုများအား အသိပေး တင်ပြခြင်း..

ဦးသိန်းစိန်
နိုင်ငံတော်သမ္မတ
ပြည်ထောင်စုမြန်မာနိုင်ငံတော်
ရက်စွဲ ၂၀၁၃ ခုနှစ် အောက်တိုဘာလ ၉ ရက်
အကြောင်းအရာ။ ရန်ကုန် အပြည်ပြည်ဆိုင်ရာ လေဆိပ်အတွင်းရှိ တရားမ၀င် မှောင်ခိုပစ္စည်း တင်သွင်းနေမှုများနှင့် သက်ဆိုင်ရာတာဝန်ရှိသူများ၏ ပါဝင်ပတ်သက် နေမှုများအား အသိပေး တင်ပြခြင်း။

၁။ အထက်အကြောင်းအရာပါကိစ္စများနှင့်ပတ်သက်၍ သမ္မတကြီးနှင့် သက်ဆိုင်ရာ တာဝန်ရှိသူများ အနေဖြင့် အခြေအနေမှန်ကို သိရှိနိုင်ရန်နှင့် လိုအပ်သောအရေးယူဆောင်ရွက်မှုများကို ပြုလုပ်နိုင်ရန် အသိပေးတင်ပြခြင်းဖြစ်ပါသည်။ မိမိ၏ရည်ရွယ်ချက်မှာ မည်သူသာစေ မည်သူနာစေလိုသော ဆန္ဒမရှိဘဲ နိုင်ငံတော်၏ စီးပွားရေးမူဝါဒများ aအာင်မြင်နိုင်ရန်၊ ပြည်သူလူထု၏ ရရှိခံစားထိုက်သော နိုင်ငံတော် ဘဏ္ဍာငွေများ လေလွင့်ဆုံးရှုံးမှုမရှိစေရန်၊ နိုင်ငံ့ဝန်ထမ်းများ၏ အကျင့်စာရိတ္တ ရိုးသားဖြောင့်မတ်မှု ရှိစေရန်၊ စီးပွားရေးမသမာမှုများနှင့် ၀န်ထမ်းများအဂတိလိုက်စားမှုများကို နိုင်ငံတော်အဆင့် တာဝန်ရှိသူများ အနေဖြင့် အမှန်ကို အမှန်အတိုင်း သိရှိစေရန်နှင့် မည်သို့ ပြုပြင်ထိန်းသိမ်းဆောင်ရွက်ရ မည်ကို အလျင်အမြန်ဆုံးဖြတ်နိုင်ရန် ရည်ရွယ်ရင်း အသိပေးတင်ပြခြင်းဖြစ်ပါသည်။

၂။ ရန်ကုန်အပြည်ပြည်ဆိုင်ရာလေဆိပ် ဧရိယာ (၁)၊(၂)၊(၃)၊(၄) များတွင် လုံခြုံရေး၊ ထောက်လှမ်း ရေး၊ ၀န်ဆောင်မှုပေးရေး ကဏ္ဍများတွင် ယခုလက်ရှိ တာဝန်ထမ်း ဆောင်နေကြသောအဖွဲ့အစည်းများမှာ စစ်ဖက်ရေးရာလုံခြုံရေးအဖွဲ့ (စရဖ)၊ နိုင်ငံတော် အဆင့်အကြီးအကဲများ၏လုံခြုံရေးဆောင်ရွက်ရန် မြန်မာနိုင်ငံရဲတပ်ဖွဲ့ အကြမ်းဖက်အထူးတပ်ဖွဲ့၊ သတင်းတပ်ဖွဲ့၊ လေဆိပ်ရဲတပ်ဖွဲ့၊ အထူးစုံစမ်းစစ်ဆေးရေးဦး စီးဌာန (စစစ)၊ လုံခြုံရေးရဲတပ်ရင်း၊ လူဝင်မှုကြီးကြပ်ရေး(လ၀က)၊ အကောက်ခွန် ဦးစီးဌာန ၊ လေကြောင်းညွှန်ကြားမှုဦးစီးဌာန(DCA)၊ လေဆိပ်ဝန်ဆောင်မှုဆိုင်ရာ ပုဂ္ဂလိက Companyများနှင့် သက်ဆိုင်ရာလေကြောင်း လိုင်းများ တာဝန်ထမ်းဆောင်လျက်ရှိပါသည်။

၃။ ထိုသို့ တာဝန်များအသီးသီးထမ်းဆောင်ကြရာတွင် နိုင်ငံတော်ဝန်ထမ်းအဖွဲ့အစည်း(၂)ခုကို အခြေပြု၍ တရားမ၀င်မှောင်ခို ပစ္စည်းတင်သွင်းခြင်း၊ တရားမ၀င် မူးယစ်ဆေးဝါးများ တင်ပို့ခြင်း လုပ်ငန်းများ ကို အခြားလုံခြုံရေး ၀န်ထမ်းများမှ ၀န်ထမ်းများနှင့် ပူးပေါင်း ဆောင်ရွက်မှုများ ရှိနေပါသည်။ မြန်မာနိုင်ငံတွင် သမ္မတကြီးဦးဆောင်သော အစိုးရအဖွဲ့မှ ပြည်သူများအပေါ် စရိတ်စကလွန်စွာသက်သာသော မိုဘိုင်းလ် တယ်လီဖုန်းများကို ချထားပေးခဲ့သည်မှာ မိုဘိုင်းလ်သုံးစွဲမှုနှုန်း တစ်နိုင်ငံလုံး သုံးစွဲနိုင်မှု(၇)ရာခိုင်နှုန်း ကိန်းဂဏန်းအားဖြင့် ဖုန်းအလုံးရေ (၄) သန်းကျော် ချထားပေးခဲ့ပြီး ဖြစ်ပါသည်။ အဆိုပါအရေအတွက် အနက်ရန်ကုန်မြို့တွင် မိုဘိုင်းလ်ဖုန်းသုံးစွဲသူဦးရေ (၁) သန်းကျော်ရှိနေသည်ကို သက်ဆိုင်ရာ ၀န်ကြီးဌာန များမှ ထုတ်ပြန်သော စာရင်းကိန်းဂဏန်းများအရ သိရှိရပါသည်။ အဆိုပါ မိုဘိုင်းလ်ဖုန်းအရေအတွက်ကို ဖော်ပြနေရခြင်းမှာ ကြီးမားသော တရားမ၀င်မှောင်ခို ဈေးကွက်တစ်ခုဖြစ်ပေါ်လာမှုကို တင်ပြနိုင်ရန်အတွက် ကြိုတင် Point out လုပ်ခြင်းဖြစ်ပါသည်။

၎။ မြန်မာနိုင်ငံတွင် ၀ယ်လိုမှုလွန်စွာကြီးမားနေသော မိုဘိုင်းလ်ဖုန်း Hand Set ဈေးကွက်အတွင်း ရောင်းချသူ မိုဘိုင်းလ်ဖုန်းဆိုင်အရေအတွက်လည်း များပြားလာသည်ကို သမ္မတကြီးအနေဖြင့် သိရှိထားပြီး ဖြစ်ပါသည်။ အဆိုပါများပြားလှသော မိုဘိုင်းလ်ဖုန်း Hand Set ဈေးကွက်ကို ဖြည့်ဆည်းနိုင်ရန် မိုဘိုင်းလ်ဖုန်းနှင့် ဆက်စပ်ပစ္စည်းများကို တရားဝင်၊ တရားမ၀င် နည်းလမ်းများဖြင့် တင်သွင်းလာနေတာကို တွေ့ရှိနိုင်ပါတယ်။ ပြည်တွင်း မိုဘိုင်းလ်ဟမ်းဆက် လိုအပ်ချက်၏ ၃၀% ၊ နိုင်ငံခြား အဆင့်မြင့် မိုဘိုင်းလ်ဟမ်းဆက်များကို အဓိက တရားမ၀င် တင်သွင်းရာလမ်းကြောင်းမှာ ရန်ကုန် အပြည်ပြည်ဆိုင်ရာလေဆိပ်ဖြစ်နေပါသည်။

နိုင်ငံတော်အစိုးရမှ ဆက်သွယ်ရေး မိုဘိုင်းလ်ပစ္စည်းများကို (ကန့်သတ်ပစ္စည်းများမှ လွဲ၍) အခွန်အကောက်ဆိုင်ရာ များကို လျော့ပေါ့ပေးခဲ့သော်လည်း၊ ပစ္စည်းထုတ်ယူရန် အချိန်ယူရမှု၊ အကောက်ခွန် လုပ်ငန်းဆောင်ရွက်ရာတွင် လုပ်ငန်းမကျွမ်းကျင်မှု၊ တရားမ၀င် မှောင်ခိုတင်သွင်းရာတွင် အချိန်ကုန်သက်သာမှု၊ အခွန်ပိုင်းဆိုင်ရာ ငွေကြေးသက်သာမှု၊ လုပ်ငန်းလျင်မြန်စွာ ပြီးစီးမှုတို့ကြောင့် အဆိုပါ မိုဘိုင်းလ်တရားမ၀င်တင်သွင်းမှုများမှာ တွင်ကျယ်စွာ ဖြစ်ပေါ်လာနေသည် ကိုတွေ့ရှိရပါသည်။ထို့ပြင် အခြားကုန်ပစ္စည်းများအနေဖြင့် တရားမ၀င်ဆေးမှောင်ခို တင်သွင်းမှုများ၊ နိုင်ငံခြားဖြစ် တန်ဖိုးကြီးအရက်၊ ဆေးလိပ်တင်သွင်းမှုများ၊ တန်ဖိုးကြီး အလှကုန်ပစ္စည်း တင်သွင်းမှုများလည်း ဖြစ်ပေါ် လျက်ရှိသည် ကို တွေ့ရှိရပါသည်။

၅။ ထိုသို့တရားမ၀င်မှောင်ခိုပစ္စည်းတင်သွင်းမှုလမ်းကြောင်းတွင် အဓိကအကျဆုံးအချက်မှာ လေဆိပ် အခြေခံဝန်ဆောင်မှု လုပ်သားများနှင့် အကောက်ခွန်ဦးစီးဌာန၀န်ထမ်းများဖြစ်နေသည်ကို တွေ့ရှိရပါသည်။ မှောင်ခိုပစ္စည်း တင်သွင်းမှုလမ်းကြောင်းတွင် လာရောက်ထုတ်ယူမည့် ကုန်ပစ္စည်းပိုင်ရှင်များအနေဖြင့် မိမိတို့ကုန်ပစ္စည်း တင်ဆောင်လာသော လေယာဉ်မဆိုက်မှီ အခြေခံဝန်ဆောင်မှု လုပ်သားများမှတစ်ဆင့် သက်ဆိုင်ရာ အကောက်ခွန်ဝန်ထမ်းများကို လိုင်းဝင်ရပါသည်။ လိုင်းဝင်ကြေးအတွက် သက်ဆိုင်ရာ ကုန်ပစ္စည်း၏ တန်ဖိုးအနည်းအများ၊ ပုံမှန်ဆောင်ရွက်နေမှု ရှိ/မရှိ အပေါ်မူတည်၍ အမျိုးမျိုးကွဲပြားလျက် ရှိပါသည်။

အဆိုပါ တရားမ၀င်ကုန်ပစ္စည်းများ လေဆိပ်သို့ရောက်ရှိလာပါက ကုန်ပစ္စည်း အနည်းအများကို မူတည်၍ ခွဲတမ်းပေးရမည့် အဖွဲ့အစည်းအရေအတွက်အလိုက် ခွဲတမ်းငွေကြေးများကို သက်ဆိုင်ရာ အကောက်ခွန် ဦးစီးအရာရှိများမှ တစ်ဆင့် ရယူပါသည်။ ထို့နောက် လေဆိပ်အတွင်း သက်ဆိုင်ရာ တာဝန်ထမ်းဆောင် နေကြသော အဖွဲ့အစည်း ငွေကြေးရှာဖွေရေး တာဝန်ခံများမှတစ်ဆင့် ခွဲတမ်း ငွေကြေးများကို ပေးအပ်ပါသည်။ အကောက်ခွန်ဝန်ထမ်းများမှတစ်ဆင့် ခွဲတမ်းရရှိသော အဖွဲ့အစည်းများမှာ စရဖအဖွဲ့၊ လေဆိပ်ရဲတပ်ဖွဲ့၊ အကြမ်းဖက်နှိမ်နှင်းရေး အထူးရဲတပ်ဖွဲ့၊ သတင်းတပ်ဖွဲ့၊ စစစအဖွဲ့နှင့် ကြားခံ ဆောင်ရွက်ပေးသော အခြေခံဝန်ဆောင်မှု လုပ်သားများဖြစ်ပါသည်။

၆။ ရန်ကုန်အပြည်ပြည်ဆိုင်ရာလေဆိပ်ရှိ တာဝန်ထမ်းဆောင်လျက်ရှိသော ဌာနအဖွဲ့အစည်းများ အနေဖြင့် မိမိတို့၏ လုပ်ငန်းတာဝန်များအပြင်တရားမ၀င်ကုန်ပစ္စည်းတင်သွင်းရာတွင်အဓိက နေရာများဖြစ်သည့် လေယာဉ်ကုန်ပစ္စည်းချရာနေရာများ၊ ကုန်ပစ္စည်းအား ပဏာမ စစ်ဆေးရာနေရာများ၊ ကုန်ပစ္စည်း နောက်ဆုံးထွက်ခွာရာ နေရာများတွင်လေဆိပ်လုပ် သက်ရင့် ဝန်ထမ်းများအား စောင့်ကြပ်စေ၍ မိမိတို့အား ကွက်ကျော် ဆောင်ရွက်ခြင်း ရှိ/မရှိကို အချိန်နှင့်တပြေးညီ စောင့်ကြည့်နေ ကြသည်မှာလည်း အလွန်စိတ်ပျက်စရာ ကောင်းသော ဆောင်ရွက်ချက်များဖြစ်ပါသည်။ မိမိတို့အား အပ်နှင်းထားသော တာဝန်နှင့် လုပ်ပိုင်ခွင့်များကို တလွဲ အသုံးချနေခြင်းသာဖြစ်ပါသည်။

၇။ လေဆိပ်တာဝန်ကျ အကောက်ခွန် ၀န်ထမ်းအများစုမှာ အမျိုးသမီးအရာရှိ အများစုဖြစ်ပြီး ကျန်လေဆိပ်လုံခြုံရေး တာဝန်ထမ်းဆောင်နေကြသည့် ၀န်ထမ်းအဖွဲ့အစည်းများတွင် အမျိုးသားအများစုသာ တာဝန်ထမ်းဆောင်နေကြပါသည်။ အကောက်ခွန် အမျိုးသမီးဝန်ထမ်းများ၏ ယူနီဖောင်းဝတ်စားဆင် ယင်မှု ကြော့ရှင်းမှု၊ ၀င်ငွေဖြောင့်ဖြူးမှု၊ တရားမ၀င် ပူးပေါင်းဆောင်ရွက်ရာတွင် အဆင်ပြေမှုတို့ကို အကြောင်းပြု၍ ကျန်အမျိုးသား ၀န်ထမ်းများနှင့် ပုဂ္ဂိုလ်ရေးခင်မင်မှု လမ်းကြောင်းကို အသုံးချကာ သက်ဆိုင်ရာလူကြီး လမ်းကြောင်းရှိ/မရှိ သတင်းများ၊ ထူးခြားဖြစ်စဉ်သတင်းများ၊ Mobile Team ၀င်ရောက် စစ်ဆေးနိုင်မှု သတင်းများကို နှိုက်ယူနိုင်နေသည်ကိုလည်း တွေ့ရှိရပါသည်။

အဆိုပါ အရေးကြီး ထူးခြားဖြစ်စဉ် လမ်းကြောင်းများရှိလျင် လေဆိပ်အတွင်း တရားမ၀င် လမ်းကြောင်းများရှင်းထားခြင်း၊ မည်သည့်တရားမ၀င်အလုပ်ကိစ္စများကိုမှ မပြုလုပ်ခြင်းတို့ဖြင့် ၄င်းတို့၏ လုပ်ရပ်များကို ဖုန်းကွယ်ထားနိုင် သည်ကို တွေ့ရှိရပါသည်။ အဆိုပါ သတင်းပေါက်ကြားမှု ဖြစ်စဉ်မှာ ၄င်းတို့ တရားမ၀င် လုပ်ငန်းအတွက် လုံခြုံမှုစိတ်ချ ရသော်လည်း အခြားတစ်ဘက်တွင် လုံခြုံရေး သတင်းကျိုးပေါက်မှုကြောင့် နိုင်ငံတော်အဆင့် အကြီးအကဲများ၏ လုံခြုံမှုအားနည်းပြီး မလိုလားအပ်သော ကိစ္စရပ်များ ဖြစ်ပေါ်လာနိုင်ခြင်း၊ သက်ဆိုင်ရာ အဖွဲ့အစည်းများ၏ လုပ်ငန်း အကောင်အထည် ဖော်ဆောင်ရွက်နိုင်မှုများကို ထိခိုက်မှုများ ဖြစ်ပေါ်စေနိုင်သည်ကို တွေ့ရှိရပါသည်။

ဖြစ်စဉ်တစ်ခုကို ဥပမာပေးရလျင် ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးကိုကို ရန်ကုန် အပြည်ပြည်ဆိုင်ရာလေဆိပ်သို့ လုပ်ငန်းလည်ပတ် မှုချောမွေ့ရေးအတွက် ၀င်ရောက်စစ်ဆေးမည်ကို အဆိုပါလေဆိပ် ရှိ အောက်ခြေ၀န်ထမ်းများမှ တစ်ရက်ခန့် ကြိုတင်သိရှိ နေကြပါသည်။

ထိုသို့သတင်းပေါက်ကြားမှု အဓိကတာဝန်ရှိသူများမှာ အကြမ်းဖက် အထူးရဲတပ်ဖွဲ့မှ ဒုရဲမှူး (အမည်မသိ) အမျိုးသမီးအရာရှိနှင့် ဒုရဲအုပ် သုခဌေးဆိုသူ လက်ကိုင်ဖုန်း အမှတ် (၀၉ ၄၂၁၇၅၇၇၆၀)၊ (၀၉ ၃၁၂၄၀၂၃၄)၊ (၀၉ ၄၀၁၅၅၅၁၄၄) တို့ ၂ ဦးနှင့် လေဆိပ်ရဲတပ်ဖွဲ့မှ ရဲအုပ်အဆင့်ရှိသူ တို့မှ လေဆိပ်တာဝန်ထမ်းဆောင်ရာ အဖွဲ့အစည်းများကို ကြိုတင်သတင်း ဖြန့်ဖြူး၍ တရားမ၀င်လုပ်ငန်းများ ခေတ္တရပ်ဆိုင်းထားရန် တရားမ၀င်အကြောင်းကြားခဲ့ သည်ကို ကိုယ်တိုင် တွေ့ရှိခဲ့ရပါသည်။

ဒုရဲအုပ်သုခဌေးဟု သိရှိရသည်မှာ ၎င်းမှ အကောက်ခွန်ဝန်ထမ်း ဦးစီးအရာရှိ ဒေါ်အေးအေးဝင်းဆီသို့ တိုက်ရိုက်ဖုန်းဆက်အကြောင်းကြားရာတွင် မိမိကိုယ်တိုင် နားနှင့်ဆတ်ဆတ် ကြားသိခဲ့ရခြင်းဖြစ်ပါသည်။ နောက်ပိုင်းမှ သိရှိရသည်မှာ ဒုရဲအုပ်သုခဌေးနှင့် ဒေါ်အေးအေးဝင်းတို့မှာ ပုဂ္ဂိုလ်ရေး ခင်မင်မှု အလွန်အကျွံရှိပြီး၊ သုခဌေး၏ ကိုယ်ရေးကိုယ်တာကိစ္စများတွင် ဒေါ်အေးအေးဝင်းမှ ပါဝင်ကူညီ ဆောင်ရွက်ပေးလျက်ရှိနေသည်ကို ထပ်မံသိရှိခဲ့ရပါသည်။
၈။ လေဆိပ်တွင် တာဝန်ထမ်းဆောင်လျက်ရှိကြသောအဖွဲ့အစည်းများမှ ၄င်းတို့၏ စားသောက်ရေး အတွက်ဟု အကြောင်းပြကာ တစ်ပိုင်တစ်နိုင် ဧည့်သည်ကြိုခြင်းလုပ်ငန်းများ လုပ်ကိုင်လျက်ရှိနေသည် ကိုလည်း သိရှိခဲ့ပါသည်။

၎င်းတို့၏ သက်ဆိုင်ရာ ပုဂ္ဂိုလ်ရေးခင်မင်မှုများမှတစ်ဆင့် တရားမ၀င် ပစ္စည်းများကို မိမိတို့ ဧည့်သည်မိတ်ဆွေများဟု အကြောင်းပြကာ တရားမ၀င်ပစ္စည်းများ ပါဝင်နေသည်ကို သိလျက်နှင့် X-Rayစက်များ၊ စစ်ဆေးမှုများကို မပြုလုပ်စေခြင်း၊ ဦးစီးအရာရှိများကိုယ်တိုင် တစ်ခါတစ်လေ ယူနီဖောင်းဝတ်ဖြင့် ခရီးသည်များ၏ အထုပ်အပိုးများကို လက်တွန်းလှည်းများ ကိုယ်တိုင်တွန်းကာ ခိုးထုတ် ခြင်းများပြုလုပ်လျက်ရှိပါသည်။

ထိုသို့ကိစ္စရပ်များပြုလုပ်ရာတွင် လိုင်းဝေစုကို တစ်ဦးတစ်ယောက် တစ်ဖွဲ့တည်းကသာ ရရှိသဖြင့် အချို့သော အဖွဲ့အစည်းများမှ ကျေနပ်မှုမရှိ၍ လေကြောင်းရဲတပ်ဖွဲ့ လေဆိပ်တာဝန်ခံ ဒုရဲမှူးကြီး ဥက္ကာကို ထံသို့ တိုင်ကြားခြင်းများပြုလုပ်ခဲ့ကြကြောင်း၊ ဒုရဲမှူးကြီးဥက္ကာကိုမှ သက်ဆိုင်ရာအဖွဲ့အစည်း အဆင့်မြင့်အရာရှိများထံသို့ ဖုန်းဖြင့်ဆက်သွယ်အကြောင်းကြားခြင်း၊ အပေါ်ယံ စစ်ကြောစာထုတ်ခြင်းများကို ပြုလုပ်ခဲ့ကြောင်း သိရှိရပါသည်။

အဆိုပါကိစ္စဖြင့် လေဆိပ်တွင်နာမည်ကြီးထင် ရှားသူမှာ အထူးစုံစမ်းစစ်ဆေးရေးဦးစီးဌာနမှ ဦးစီးအရာရှိ ဦးသန်းဦးဖြစ်ပြီး၊ ၎င်းမှာ လေဆိပ်တွင် တာဝန်ကျကျ မကျကျ လာရောက်၍ တရားမ၀င်အထူး ဧည့်ကြိုလုပ်ငန်းလုပ်ကိုင်သူ အဖြစ် လေဆိပ် ၀န်ထမ်းများအတွင်း နောက်ပြောင်ပြောဆိုနေကြသည်ကိုလည်း ကြားသိခဲ့ရပါသည်။ အကောက်ခွန် ဦးစီးအရာရှိဖြစ် သူ ဒေါ်အေးအေးဝင်းမှ “ TG ဆိုက်ရင် ဦးသန်းဦးရှိတယ်”ဟု မိမိအား နောက်ပြောင် ပြောဆို ခဲ့ဖူးပါသည်။

၉။ ယခုအခါရန်ကုန်အပြည်ပြည်ဆိုင်ရာလေဆိပ်သည် နိုင်ငံခြားခရီးစဉ်လေယာဉ်များ ပိုမိုများပြားစွာ ဆိုက်ရောက်လျက်ရှိပြီး ပြည်တွင်းပြည်ပခရီးသည်များလည်း များပြားလျက်ရှိသည်ကို သမ္မတကြီးတို့ အသိပဲဖြစ်ပါသည်။

ထိုသို့ခရီးစဉ်များ ပိုမိုများပြားလာသည့်နည်းတူ လေဆိပ်တာဝန်ကျ ၀န်ထမ်းများအနေ ဖြင့် အလုပ်လုပ်ချိန်များ ပိုမိုလာသည်ကိုလည်း တွေ့ရှိရပါသည်။ ယခင်က ည ၈ နာရီကျော်လျင် လေယာဉ် ပါးသွားပြီဖြစ်သဖြင့် လေဆိပ်ညပိုင်းတာဝန်ကျ အမျိုးသားအရာရှိ ၀န်ထမ်းများအနေဖြင့် မိမိတို့၏ ကိုယ်ပိုင် လွတ်လပ်ချိန်အဖြစ် အသုံးချကာ လေဆိပ်အနီးအနားရှိ စားသောက်ဆိုင်များ၊ ကေတီဗွီများ၊ မာဆတ်များတွင် မိမိတို့တစ်နေ့တာရရှိထားသော တရားမ၀င်ငွေကြေးများနှင့် သုံးဖြုန်းစားသောက်နေကြ သည်ကိုလည်း မနှစ်မြို့ဖွယ်တွေ့ရှိ ခဲ့ရဖူးပါသည်။ ယခုလို လေယာဉ် ခရီးစဉ်များပြားလာသည့်အချိန် ညဘက်များတွင်လည်း အချို့သော အမျိုးသားအရာရှိဝန်ထမ်းများမှာ ရသည့်အချိန်ကို အရက်သေစာများ စားသောက် ပျော်ပါးနေကြသည်ကိုလည်းတွေ့ရှိရပါသည်။ ထိုသို့အရက်သေစာ သောက်စားပြီးနောက် တာဝန်ပြန်လည် ထမ်းဆောင်ရာတွင် အလုပ်အပေါ် အာရုံစူးစိုက်မှုေ လျာ့နည်းပြီး ခရီးသွားပြည်သူများနှင့် မလိုလားအပ်သော ပြဿနာများ ဖြစ်ပွားနေပြီး ခရီးသည်များအပေါ် စိတ်မရှည်မှု ဧည့်ဝတ်မကျေပွန်မှုများကြောင့် မိမိတို့နိုင်ငံ၏ ဂုဏ်သိက္ခာကျဆင်းမှုများ ဖြစ်ပေါ်လာနိုင်ပါသည်။

အချို့စားဝိုင်းသောက်ဝိုင်းများသည် မိမိတို့ ၀န်ထမ်းအဖွဲ့များဖြင့် သီးခြားပြုလုပ်ကြသော်လည်း အချို့ဝိုင်းကြီးများမှာ လေဆိပ်ရှိ တာဝန်ခံအကြီးအကဲ များအတွက် သီးသန့်ပြုလုပ်ပေးသော စားဝိုင်းများဖြစ်နေသည်ကို တွေ့ရှိရပါသည်။ အနိမ့်ဆုံးသော စားသောက်ဝိုင်းသည် အမြည်းဖိုးသီးသန့် အရက်မပါလျင်တောင် ၈၀၀၀၀ မှ ၁၀၀၀၀၀ ခန့်ကုန်ကျသည်ကို သိရှိရပါသည်။ နိုင်ငံခြားဖြစ် အရက်များကိုတော့ အပြင်ထက်ပိုမိုဈေးသက်သာသော Duty Free ဆိုင်များ မှ ၀ယ်ယူလာသည်ကို စားသောက်ဆိုင် စားပွဲထိုးများမှတစ်ဆင့် သိရှိရပါသည်။

၁၀။ ယခုအချိန်အခါကဲ့သို့ နိုင်ငံတော်သမ္မတကြီးမှ ဦးဆောင်၍ ပြုပြင်ပြောင်းလဲမှုများကို လုပ်ဆောင်နေချိန်၊ အာဆီယံဥက္ကဌရာထူးကို အောင်မြင်စွာ လက်ခံဆောင်ရွက်နိုင်ရန် ပြင်ဆင်နေချိန်များ တွင်၊ ယခုကဲ့သို့ အောက်ခြေရှိဝန်ထမ်းများ၏ ကိုယ်ကျိုးရှာ လုပ်ဆောင်မှုများသည် နိုင်ငံတော်နှင့် ပြည်သူ တို့အကြား အယုံအကြည်ကင်းမဲ့မှုများကိုပိုမိုတိုးပွားလာစေနိုင်ပြီး၊ နိုင်ငံတော်၏ ရှေ့ဆက်သွားမည့် မူဝါဒလမ်းစဉ်များနှင့် လုံးဝ သွေဖယ်နေသည်ကို နိုင်ငံတော်သမ္မတကြီးနှင့်တကွ သက်ဆိုင်ရာ နိုင်ငံတော် အကြီးအကဲများမှ အမှန်အတိုင်းသိရှိပြီး အချိန်မှီ ကုစားမှုပြုနိုင်ပါရန်နှင့် ဒေသတွင်းနိုင်ငံများ အလယ်တွင် မြန်မာနိုင်ငံကို အထင်အမြင် ယုတ်လျော့စေနိုင်သော ကိုယ်ကျိုးရှာဝန်ထမ်းများကို ထိန်းသိမ်းဆောင်ရွက် နိုင်ပါရန် လေးစားစွာအသိပေးတင်ပြအပ်ပါသည်။

မှတ်ချက်။ မိမိသည် လေဆိပ်သို့ ပုံမှန်အ၀င်အထွက်ရှိသော ခရီးသွား Company တစ်ခုမှ ကိုယ်စားလှယ်တစ်ဦးဖြစ်ပါသည်။ မိမိ၏ ကိုယ်တိုင်မြင်တွေ့ ကြားသိရမှုများကို နိုင်ငံတော်အကြီးအကဲ အဆင့်ဆင့်မှ သိရှိသဘောပေါက် နားလည်စေရန်သာရည်ရွယ်ပြီး၊ မည်သူတစ်ဦးတစ်ယောက်၏ ကိုယ်ကျိုးစီးပွားပျက်စီးစေမှုကို မရည်ရွယ်ပါ။ မိမိ၏ အလုပ်အကိုင်နှင့် မပတ်သက်သော ကိစ္စတစ်ခုကို အများအကျိုးအတွက် တင်ပြခြင်းသာဖြစ်သဖြင့် မိမိ၏ Company မှ မိမိအား အလုပ်အကိုင် ထိခိုက်လာမည်ကို စိုးရိမ်သဖြင့် တိုင်ကြားသူ နာမည်အပြည့်အစုံကို မဖော်ပြထားခြင်းဖြစ်သည်ကို နားလည်စာနာမှုပေးနိုင်ပါရန် မေတ္တာရပ်ခံအပ်ပါသည်။

ပြည်သူ့ကိုယ်စားလှယ်တစ်ဦး
မိတ္တူကို
- ဒေါက်တာစိုင်းမောက်ခမ်း
ဒုတိယ သမ္မတ(၁)

- ဦးဥာဏ်ထွန်း
ဒုတိယ သမ္မတ(၂)

- သူရဦးရွှေမန်း
ပြည်ထောင်စုလွှတ်တော်ဥက္ကဌ
- ဦးခင်အောင်မြင့်
အမျိုးသားလွှတ်တော်ဥက္ကဌ

- ဒေါ်အောင်ဆန်းစုကြည်
ပြည်သူ့လွှတ်တော်ကိုယ်စားလှယ်
တရားဥပဒေစိုးမိုးရေးကော်မတီ

- သူရဦးအောင်ကို
ပြည်သူ့လွှတ်တော်ကိုယ်စားလှယ်

- ဒုတိယဗိုလ်ချုပ်ကြီးကိုကို
ပြည်ထောင်စုဝန်ကြီး
ပြည်ထဲရေးဝန်ကြီးဌာန

- ဦးစိုးမောင်
ပြည်ထောင်စုဝန်ကြီး
သမ္မတရုံးဝန်ကြီးဌာန

- ဦးတင်နိုင်သိန်း
ပြည်ထောင်စုဝန်ကြီး
သမ္မတရုံးဝန်ကြီးဌာန

- ဦးဝင်းရှိန်
ပြည်ထောင်စုဝန်ကြီး
ဘဏ္ဍာရေးဝန်ကြီးဌာန

- ရဲချုပ်ဇော်ဝင်း
မြန်မာနိုင်ငံရဲတပ်ဖွဲ့ဌာနချုပ်

ဒီမိုဝေယံ