တောင်ကြီးတန်ဆောင်တိုင် ပွဲတော်အတွင်း ပြိုင်ပွဲဝင် မီးပုံးပျံ ၁၄၇ လုံး မီးလောင်ပြုတ်ကျခဲ့ပြီး လူတစ်ဦး ဒဏ်ရာရရှိ

တောင်ကြီးတန်ဆောင်တိုင် ပွဲတော်အတွင်း လွှတ်တင်ခဲ့သည့် ပြိုင်ပွဲဝင် မီးပုံးပျံ တစ်လုံးကို တွေ့ရစဉ်

27.11.2013

ရှမ်းပြည်နယ်၊ တောင်ကြီးခရိုင်တွင် ကျင်းပပြုလုပ်ခဲ့သည့် တောင်ကြီးတန်ဆောင်တိုင် ပွဲတော်တွင် ပြိုင်ပွဲဝင် မီးပုံးပျံ ၁၄၇ လုံး မီးလောင်ပျက်စီးကာ ပြုတ်ကျခဲ့ပြီး ပွဲကြည့်ပရိသတ်တစ်ဦး ဒဏ်ရာရရှိ ခဲ့ကြောင်း တောင်ကြီးခရိုင် ရဲတပ်ဖွဲ့မှူးရုံးမှ တပ်ဖွဲ့မှူး ဒုတိယ ရဲမှူးကြီး မြင့်ထူးက နိုဝင်ဘာ ၂၆ ရက်နေ့ တွင် ပြောကြားခဲ့ကြောင်း သိရသည်။

အဆိုပါ ပြိုင်ပွဲတွင် နေ့လွှတ်အရုပ် ၂၄၃ ရုပ် လွှတ်တင်ခဲ့ပြီး ၁၁၀ လုံး တက်ခဲ့ကာ ၁၃၃ လုံး ပျက်ကျ ခဲ့ကြောင်း၊ ညလွှတ်မီးပုံးပျံ ၁၀၁ လုံး လွှတ်တင်ခဲ့ကာ ၁၄ လုံး ပျက်ကျခဲ့ကြောင်း လုံခြုံရေးနှင့် စည်းကမ်း ထိန်းသိမ်းရေး လုံခြုံရေး ကော်မတီ၏ နိုဝင်ဘာ ၂၅ ရက် ထုတ်ပြန်ချက်အရ သိရသည်။

"တန်ဆောင်တိုင် ပွဲတော်ကာလမှာ ပြိုင်ပွဲဝင် မီးပုံးပျံ ၃၀၄ လုံး လွှတ်တင်ခဲ့တယ်၊ အဲဒီအထဲက ၁၄၇ လုံးက ပျက်ကျခဲ့တယ်၊ ပျက်ကျခြင်း အကြောင်းအရင်းကတော့ မီးပုံးပျံတွေ လွှတ်တင်တဲ့ အခါမှာ မီးစာက အရမ်းများတဲ့အတွက် လေးပြီးတော့ ပျက်ကျတယ်၊ လွှတ်တင်ပြီး သိပ်မကြာခင်မှာ မီးလောင်ပြီးတော့ ပျက်ကျတာတွေပဲ ဖြစ်ပါတယ်၊ အဲဒီလို ပျက်ကျတဲ့ အခါမှာ ပွဲလာကြည့်တဲ့ အမျိုးသားတစ်ဦး အနည်းငယ် ထိခိုက်ဒဏ်ရာ ရရှိခဲ့တယ်။ တခြား ကြီးကြီးမားမား ဖြစ်စဉ်တွေ တစ်ခုမှ မဖြစ်ခဲ့ပါဘူး" ဟု တောင်ကြီးခရိုင် ရဲတပ်ဖွဲ့မှူးရုံးမှ တပ်ဖွဲ့မှူး ဒုတိယ ရဲမှူးကြီးမြင့်ထူးက ပြောကြားသည်။

တောင်ကြီးမြို့ တန်ဆောင်တိုင် ပွဲတော်ကို နိုဝင်ဘာ ၁၀ ရက်မှ ၁၈ ရက်အထိ တောင်ကြီးမြို့ အဝေရာ မီးပုံးပျံ ကွင်းသစ်ကြီး၌ ကျင်းပခဲ့ပြီး ၁၀ ရက်နေ့တွင် ပြိုင်ပွဲဝင် မီးပုံးပျံ ၁၈ လုံး၊ ၁၁ ရက်တွင် မီးပုံးပျံ ၁၃ လုံး၊ ၁၂ ရက်တွင် မီးပုံးပျံ ၁၄ လုံး၊ ၁၃ ရက်တွင် မီးပုံးပျံ ၁၉ လုံး၊ ၁၄ ရက်တွင် မီးပုံးပျံ ၁၉ လုံး၊ ၁၅ ရက်တွင် မီးပုံးပျံ ၂၃ လုံး၊ ၁၆ ရက်တွင် မီးပုံးပျံ ကိုးလုံး၊ ၁၇ ရက်တွင် မီးပုံးပျံ ၃၂ လုံး စုစုပေါင်း ၁၄၇ လုံး ပျက်ကျခဲ့ကြောင်း သိရသည်။

Eleven Media Group