သြဂုတ်လ(၁၄)ရက်
တောင်ကြီးမြို့၊ လမ်းမတော်၊ နေပြည်တော်ပုံနှိပ်တိုက်တွင် ပုံနှိပ်သော ဦး (စပ်စိန်ဖူး) အထွေထွေအတွင်းရေးမှူး၊ စေတီတော်၊ ဘဏ္ဍတော်ထိန်းအဖွဲ့ တောင်ကြီးမြို့မှတ်တမ်းမှ သမိုင်းကို ရှာဖွေတင်ပြလိုက်ပါသည်။
တောင်ကြီးမြို့မှတ်တမ်း
တောင်ကြီးမြို့ကို မြန်မာသက္ကရာဇ် ၁၂၄၉ ခုနှစ်တွင် နယ်ခြားဆိုင်ရာ အရေးပိုင် မင်းတစ်ဦး (ဟေရီဗျန်)ဆိုသူက မိုင်းသောက်စစ်တပ်စခမ်းမှ ရွေ့ပြောင်းလာပြီး ယခုခေါ်နေကြသော (ထီသိမ်ရွေး) အရပ်တွင် တောင်ကြီးမြို့ဟောင်းကို ခေတ္တမြို့တည်ခဲ့ပါသည်။
တောင်ကြီးမြို့ဟောင်း တည်နေရာဌာနသည် ကျန်းမာခြင်းနှင့် မညီညွတ်သဖြင့် ပအိုဝ်းအခေါ်အားဖြင့် (မွဉ်ခြဲမ်ကျေင်း) ကို အမှီပြု၍ ယခုတောင်ပိုင်းရပ်ရှိ ပဌမတောင်ကျောင်းကြီးအနီးတွင် တောင်ကြီးမြို့ကို တည်ထောင်စတင်ခဲ့ပါသည်။ ထိုအချိန်အခါ၌ ရွာကြီး (၄) ရွာအနက်မှ မွဉ်ခြဲမ်ရွာ၊ ၀ါးပြားရွာ၊ တောင်ကြီးရွာတလုပ် တံတားရွာ ဟု၍ ရှိကြပါသည်။ အနောက်ဘက်တွင် တောင်တန်းကြီးတည်ရှိနေပြီး၊ ရွာအမည်ကလည်း တောင်ကြီးရွာဟု ရှိနေခြင်းဖြစ်၎င်း၊ တောင်ကြီးရွာကို အစွဲပြု၍ တောင်ကြီးမြို့ဟု ခေါ်တွင်ခဲ့ပါသည်။
ထိုအချိန်၌ လူများတို့သည် (“တောင်သူ” ခေါ်) ပအိုဝ်း နှင့် တောင်းရိုး၊ ရှမ်းအနည်းငယ်သာရှိပြီး၊ ၄င်းတို့၏ အယူဝါဒမှာ ဗုဒ္ဓဘာသာဝင်များဖြစ် ကြပါသည်။ ထိုသူများသည် လယ်ယာကိုင်းကျွန်း လုပ်ကိုင်ခြင်း၊ လိမ္မော်နှင့် သနပ်ဖက်များကို စိုက်ပျိုးလုပ်ကိုင် စားသောက်ကြသည်။
သီရိဓမ္မသောကမင်းကြီး တည်ထားခဲ့သော အရှေ့တောင်တန်းပေါ်ရှိ တန်ခိုးကြီးဘုရားမှာ ရွေမုဌောစေတီနှင့် အခြားရွေမြင်တင်စေတီ၊ ဆုတောင်းပြည့်စေတီ၊ ဘုရားနီစေတီနှင့် ဓါတ်တော်ကြီးစေတီများ ဖြစ်ကြပါသည်။ (ဓါတ်တော်ကြီး စေတီမှာ ယခုအချိန်၌ မရှိတော့ပါ။)
တောင်ကြီးမြို့တွင် ပဌမတောင်ကျောင်းကြီးတစ်ကျောင်းသာ မြို့တည်သည့်အခါကစ၍ ရှိနေပြီး ဖြစ်ပါသည်။ နောက်မှ ကုန်းသာကျောင်း၊ မင်းကျောင်း၊ မင်္ဂလာရာမကျောင်း၊ ကံဦးကျောင်း၊ နဂါးပွတ်ကျောင်းများ တည်ရှိဖြစ်ကြပါသည်။ ထိုနောက်မှတဖန် အောင်မြေသာစည်ကျောင်း၊ သိမ်တောင်ကျောင်း၊ ဘုရားကြီးမြောက်ကျောင်း ဘုရားကြီးအနောက်ကျောင်းဟု ဖြစ်လာသည်။
အရှေ့တောင်တန်းကြီးပေါ်ရှိ စေတီများတွင် ရှေးအခါက တစ်နှစ်တကြိမ် ကဆုန်လဆန်း (၁၄) ရက်မှ ကဆုန်လဆုတ် (၁) ရက် (၂) ရက်နေ့အထိ၊ နှစ်စဉ်ပွဲများ ပြုလုပ်ကျင်းပခဲ့ကြသည်။ ထိုနောက် အစိုးရမင်းတို့သည် ထိုအရှေ့တောင်းတန်းကို သစ်တောကြိုးဝိုင်း ပြုလုပ်သဖြင့် ထိုဘုရားပွဲအစား ၁၂၆၈ ခုနှစ်တွင် ပဌမတောင်ကျောင်းကြီး ဆရာတော်ဘုရားကြီး (ဦးယာသ) ကိုယ်တော်နှင့် မြို့သူကြီး ဦးကျော့အုပ်တို့က ကမကထပြုလုပ်၍ ယခုအနောက်တောင်းတန်းရှိ မဏိစည်သူမင်းတရားကြီး တည်ထားခဲ့သော ရတနာဇေယျစေတီကို ၁၂၇၁ ခုနှစ်တွင် ထပ်မံမွန်းမံတည်ထား ကိုးကွယ်၍ ကဆုန်လဆန်း (၁၃) ရက်မှ လဆုတ် (၂) ရက်နေ့အထိ ပွဲတော်ကို နှစ်စဉ်ကျင်းပပြုလုပ်ကြပါသည်။
နောက်များမကြာမီ ၁၂၈၄ ခုနှစ်တွင် မြို့မရပ် သမာဓိမြို့ဝန်ဘုရားတကာ ဦးညွန့်က ဦးစီး၍ မြို့မပေါ်ရှိ လူကြီးလူကောင်းများနှင့် မြို့နီးနားရှိ ၀ါးပြားရွာအစရှိသော ရွာများမှ လူကြီးများနှင့် တိုင်ပင်ညှိနှိုင်း၍ မန္တလေးမြို့မှ မဟာမြတ်မုနိကိုယ်စားတော်ကြီးကို ပင့်ဆောင်လာပြီး ရတနာဇေယျာစေတီ အရှေ့ဘက်တွင် တည်ထား၍ ၁၂၈၇ ခုနှစ်တွင် အပြီးသတ် တည်ထားကိုးကွယ်ကြသည်။
၁၂၉၅ ခုနှစ်တွင် မန္တလေးမြို့မှ ရသေ့ကြီး ဦးခန္တီက ရပ်တော်မူဘုရားကြီးကို ကြွရောက် တည်ထားကိုကွယ်ကြသည်။
ရွာကြီး (၄) ရွာ၏ တည်နေရာဌာနများ
၁။ ၀ါးပြားရွာ - ယခုလက်ရှိရွာပင်ဖြစ်သည်။
၂။ မွဉ်ခြဲမ်ရွာ - တောင်ကျောင်းကြီးမြောက်ဖက်တွင် ဖြစ်သည်။
၃။ တောင်ကြီးရွာ - ကန်ရှေ့ရပ်၊အ ရှေ့ပိုင်း-၀န်ကြီးလမ်းဘက်တွင် ဖြစ်သည်။
၎။ တလုပ်တံတားရွား- ရဲအတတ်သင်ကျောင်း- တောင်ဘက် ဦးကျန်သစ်ဆိုင်အနီးမှ တလုပ်တံတားအထိ ဖြစ်သည်။ တလုပ်တံတားရွာမှာ ယခုညောင်ပင်သာရပ်ကွက် ဖြစ်ပါသည်။
တောင်ကြီးတိုင်းမ်
