Tuesday, September 25, 2012

အမေရိကန်ရောက် ခွန်ထွန်းဦးနှင့် VOA တွေ့ဆုံမေးမြန်းခန်း

0 comments
A
Khun_Htun_Ooမြန်မာနိုင်ငံရဲ့  အနာဂတ် ဖယ်ဒရယ် ပြည်ထောင်စု အရေးနဲ့ ပတ်သက်ပြီး ရှမ်းတိုင်းရင်းသား နိုင်ငံရေး ခေါင်းဆောင် တစ်ဦးဖြစ်တဲ့ ဦးခွန်ထွန်းဦးနဲ့ ဗွီအိုအေ ဦးကျော်ဇံသာတို့ 23.09.2012 မှာ ဆွေးနွေး ထားတာကို မြန်မာ့ ဒီမိုကရေစီ ရေးရာ အဖြစ် တင်ပြ ထားပါတယ်။
ဦးကျော်ဇံသာ ။ ။ အခုလို ကျန်းကျန်း မာမာနဲ့ တွေ့ရလို့ အထူး ဝမ်းသာပါတယ်။ နောက်တစ်ခုက ကျနော်တို့ကို တွေ့ဆုံမေ
းမြန်းခွင့် ပေးတဲ့ အတွက်လည်း အထူး ကျေးဇူးတင်ပါတယ်။ ပထမဦးဆုံး ဦးခွန်ထွန်းဦးဟာ နှစ်ပေါင်းများစွာ ထိန်းသိမ်းခံရတယ်။ ပြဿနာတွေ ကြုံခဲ့ရတာဟာ ဦးခွန်ထွန်းဦးရဲ့  ယုံကြည်ချက်ဖြစ်တယ်လို့ ကျနော်ထင်ပါတယ်။ အမျိုးသား ညီလာခံ ပထမဦးဆုံး သူတို့ စခေါ်ခဲ့တာ ဦးခွန်ထွန်းဦးဟာ လူမျိုးစု ပြည်ထောင်စု ဖွဲ့စည်းရေး တစ်နည်း ပြောရရင် ဖယ်ဒရယ် ပြည်ထောင်စု ဖွဲ့စည်းရေး ဆိုတဲ့ ရပ်တည်ချက်ကို တောက်လျှောက် တောင်းဆိုခဲ့တယ်။ လှုံဆော်ခဲ့တယ်။ ဒီကိစ္စနဲ့ ပတ်သက်လို့ပဲ နောက်ဆုံးမှာ ဦးခွန်ထွန်းဦးဟာ ထောင်ထဲကို ရောက်သွားတယ်လို့ ကျနော် ထင်ပါတယ်။ အခု သူတို့ လွတ်ပေးတယ်။ လျှော့ပေ့ါလိုက်တဲ့ သဘောတွေ ပြလာတယ်။ ဒါဟာ ဦးခွန်ထွန်းဦး ယုံကြည်တဲ့ ပြည်ထောင်စု စစ်စစ် ဖွဲ့စည်းရေး မူအပေါ်မှာ သူတို့ လျှော့ပေးလာတယ်လို့ ထင်ပါသလား။ သို့တည်း မဟုတ် တခြား နိုင်ငံရေး ရည်ရွယ်ချက်ကြောင့် လျှော့ပေးတာလား။

ဦးခွန်ထွန်းဦး ။ ။ တခြား နိုင်ငံရေး ရည်ရွယ်ချက်ကြောင့် လွတ်ပေးတယ်လို့ ကျနော်ထင်ပါတယ်။

ဦးကျော်ဇံသာ ။ ။ ဆိုတော့ ပြည်ထောင်စု စစ်စစ် ဖွဲ့စည်းရေး အပေါ်မှာ သူတို့ သဘောထား လုံးဝ မပြောင်းသေးဘူး ဆိုတဲ့ သဘောလား။

ဦးခွန်ထွန်းဦး ။ ။ အဲဒီလိုလည်း မဟုတ်ပါဘူး။ ဒီ အစိုးရကတော့ ပြောင်းလဲချင်တဲ့ ဆန္ဒရှိတယ်။ ပြောင်းလဲချင်တဲ့ ဆန္ဒ ရှိလို့လည်း ကျနော့်ကို ၉၃ နှစ် ပေးထားတာ ကနေ လွှတ်ပေးတယ်။ နောက်ပြီးတော့ လွှတ်ပေးပြီးတော့ မကြာခင်မှာ သူတို့ပြန်ပြီးတော့ သူ့တို့ရဲ့  လုပ်ငန်းတွေမှာ ပြန်ဝင် လုပ်ခိုင်းခဲ့တယ်။ ဥပမာ ငြိမ်းချမ်းရေး အဖွဲ့နဲ့ ဆွေးနွေးတယ်။ ငြိမ်းချမ်းရေး ယူထားတဲ့ အဖွဲ့အစည်းတွေနဲ့လည်း ဆက်သွယ် ခွင့်ပေးတယ်။ ဆက်သွယ်ခွင့် ပေးတာကိုလည်း သူတို့ သဘောကျတယ်။ နောက်ဆုံး အခြေအနေ ဒီကို မထွက်ခွာ လာခင်တုန်းကလည်း ကျနော့ကို ရခိုင် ကော်မရှင်ထဲမှာလည်း ထည့်ထားတယ်။ အဲဒီတော့ ဒီဟာတွေဟာ ကျနော့အတွက် ကောင်းလည်း ကောင်းတယ်။ အစိုးရကလည်း သူ့ရဲ့  ပြုပြင် ပြောင်းလဲမှု တွေကို သက်သေပြတယ်လို့ ယူဆပါတယ်။

ဦးကျော်ဇံသာ ။ ။ ဟုတ်ကဲ့။ လူတော်တော် များများဟာ အစိုးရထဲမှာ ပြုပြင်ပြောင်းလဲ လိုသူတွေနဲ့ ပြုပြင် ပြောင်းလဲရေးကို မလိုချင်တဲ့ လူတွေ ဆိုပြီး နှစ်ပိုင်း ရှိတယ်လို့ ပြောကြပါတယ်။ ဆိုတော့ တိုင်းရင်းသားတွေ အရေး ဖြေရှင်းဖို့၊ ပြည်တွင်းစစ် ရပ်စဲဖို့ ကိစ္စဟာ တော်တော် အရေးကြီးတဲ့ ကိစ္စပါ။ နိုင်ငံတကာ ကလည်း ဖိအားပေးတယ်။ တိုင်းပြည် အတွက်လည်း အမှန်တကယ် လိုအပ်နေတယ်။ သူတို့ကလည်း လိုချင်တယ်။ အခုန ဦးခွန်ထွန်းဦး ပြောသလို သဘောထား ရှိလာတယ် ဆိုတော့ ဘယ်နေရာမှာများ အဖုအထစ် ကြုံနေရလို့ ရှေ့ ကို မတိုးနိုင်တာလဲ။

ဦးခွန်ထွန်းဦး ။ ။ ပွင့်ပွင့်လင်းလင်း ပြောရရင်တော့ဗျာ။ သူ့ခမျာ စေတနာ ပါတော့ ပါတယ်။ ဒါပေမဲ့ လုပ်နည်း လုပ်ဟန် လွဲနေတယ်လို့ ပြောရမှာပါ။ လုပ်နည်း လုပ်ဟန်တွေက နှစ်ပေါင်း (၅၀) ကျော် ကြုံခဲ့ရတဲ့ လုပ်နည်း လုပ်ဟန်တွေပဲ ဆက်သုံးနေတယ်။ အဲဒီတော့ ကျနော် ဆိုလိုတာကတော့ သက်ဆိုင်ရာ ဝန်ကြီးတွေနဲ့ တွေ့တော့လည်း သူတို့ကို ပြောပါတယ်။ အဓိကကတော့ အစိုးရ အနေနဲ့က ကတိသစ္စာ တည်ရမယ်။ နောက်ပြီးတော့ တကယ်တမ်း ရိုးရိုးသားသား၊ ဖြောင့်ဖြောင့် မတ်မတ် ဒီကိစ္စကို ကိုင်တွယ်ရမယ်လို့ ကျနော်ပြောခဲ့ပါတယ်။ အဲဒါကိုလည်း သူတို့ လက်ခံပါတယ်။ ဒါပေမယ့် အခု လက်တွေ့ ဆွေးနွေးတဲ့ အခါကျရင် အရင်အစိုးရ၊ အရင် လုပ်သွားတဲ့လူတွေ လောက်တောင် နည်းလမ်း ဟန်မကျသေးဘူး။ အရင် လုပ်သွားတဲ့ လူတွေဆိုတာ ဗိုလ်ချုပ်ခင်ညွှန့် ဦးစီးတဲ့ ထောက်လှမ်းရေးလောက် နည်းစနစ် သိပ်မကျသေးဘူး။ ဘာဖြစ်လို့လဲဆိုတော့ သူတို့က တစ်ရွာ တစ်ပုဒ်ဆန်း၊ တစ်တော တစ်ကြက်ဖ တွန် ဟာမျိုး လုပ်နေတဲ့သဘောမျိုး မြင်ရတယ်။ ဥပမာ SSA ကို ဆက်ဆံတာက ပြည်သူ့ စစ်အနေနဲ့ သတ်မှတ်တယ်။ ဒါပေမဲ့ SSPP နဲ့ RCSS ပေါ်တော့ ငြိမ်းချမ်းရေး ယူထားတဲ့သဘောပေါ့။ ငြိမ်းချမ်းရေး စာချုပ်ချုပ်ကြတယ်။ ဒါပေမဲ့ ငြိမ်းချမ်းရေး စာချုပ် ချုပ်ပြီးတဲ့ နေ့ကစပြီးတော့ SSPP, SSA ကော လက်ရှိ တပ်မတော်အစိုးရနဲ့ တိုက်ပွဲတွေဖြစ်နေတာ အကြိမ်ပေါင်း (၃၀) ရှိနေပြီ။ အစိုးရဖက်က ဘယ်လိုပဲ လုပ်လုပ် အောက်ခြေမှာရှိနေတဲ့ တပ်တွေက သဘောထားတစ်မျိုး ဖြစ်နေတယ်။ ဘယ်အထိ ဖြစ်လာသလဲဆိုရင် အဲဒါက သမ္မတပြောတာပဲ၊ အဲဒါ အစိုးရပြောတာပဲ။ ငါတို့က သမ္မတ အောက်မှာ မဟုတ်ဘူး။ ကာကွယ်ရေး ဦးစီးချုပ် အောက်မှာ၊ ကာကွယ်ရေး ဦးစီးချုပ်အမိန့်ပဲ လက်ခံမယ်။ ဘယ်အစိုးရ၊ ဘယ်သမ္မတမှ လက်မခံဘူးဆိုတဲ့ သဘောမျိုး ဖြစ်နေတယ်။

ဦးကျော်ဇံသာ ။ ။ အဓိကတော့ အာဏာပိုင်တွေဖက်က စစ်တပ်နဲ့ သမ္မတကြားမှာ တစ်သံတည်း မဟုတ်ဘူး။ လုပ်ရပ်ဟာ တစ်သဘောတည်း မဟုတ်ဘူးဆိုတဲ့ သဘောပေါ့။

ဦးခွန်ထွန်းဦး ။ ။ ဟုတ်ကဲ့။ အဲဒါ ဖြစ်နေတယ်။

ဦးကျော်ဇံသာ ။ ။ ဦးခွန်ထွန်းဦး တို့ ရှမ်းတိုင်းရင်းသားတွေဖက်ကရော အချင်းချင်း တစ်သံတည်း ဖြစ်နေပြီလား။ အဲဒီအထဲမှာ disunity ရှိနေသေးသလား။

ဦးခွန်ထွန်းဦး ။ ။ ကျနော်တို့ SSJAC နဲ့တော့ disunity မရှိပါဘူး။ တစ်မိန့်တစ်သံတည်း ဖြစ်နေပါပြီ။

ဦးကျော်ဇံသာ ။ ။ ဆိုတော့ ဟိုဖက်က ဆက်ဆံတဲ့အခါမှာ တိုင်းရင်းသားအဖွဲ့တွေကြားမှာ သပ်လျှိုတဲ့သဘော၊ သွေးခွဲချင်တဲ့သဘောတွေ တွေ့ရသေးသလား။

ဦးခွန်ထွန်းဦး ။ ။ မတွေ့ရပါဘူး။ ဥပမာ အထူးသဖြင့်ဆိုရင် SSPP က ကျနော်တို့ကို လုပ်ပိုင်ခွင့် အပြည့်အဝ ပေးထားပါတယ်။

ဦးကျော်ဇံသာ ။ ။ ဆိုတော့ ကျနော် နောက်တစ်ခု သိချင်တာက လုပ်နည်းကိုင်နည်း မှားနေတယ်။ ထောက်လှမ်းရေး လောက်တောင် မကောင်းဘူး ဆိုတော့ ဗိုလ်ချုပ်ခင်ညွှန့်တို့ လက်ထက်တုန်းကလည်း စစ်မှန်တဲ့ ညှိနှိုင်းရေးတွေ မရခဲ့ဘူး။ ဆိုတော့ အခုလည်း လုပ်နည်း ကိုင်နည်း အမှန်ကို ဘယ်လိုလို့ ပြောရမလဲ။ ဥပမာအားဖြင့် အစိုးရကတော့ တိုင်းရင်းသား ပြဿနာကို သူတို့ဖက်က ပြောတာက လွှတ်တော်ထဲကို ဝင်ပြီး လွှတ်တော်မှာ ဆွေးနွေးမယ်။ ဒါပေမယ့် တိုင်းရင်းသားတွေ ဖက်ကတော့ လွှတ်တော်နဲ့ မလုံလောက်ဘူး။ အစတုန်းက ဦးခွန်ထွန်းဦး က သုံးပွင့်ဆိုင် ဆိုပြီး တောင်းဆို ခဲ့တယ်။ တိုင်းရင်းသား မျက်နှာစုံညီ အစည်းအဝေး။ အခု ဒုတိယပိုင်းမှာလည်း ဒုတိယပင်လုံ ကြွေးကြော်သံ ထွက်လာခဲ့တယ်။ ဘယ်ပုံစံနဲ့ ဖြေရှင်းသင့်တယ် ထင်ပါသလဲ။

ဦးခွန်ထွန်းဦး ။ ။ ကျနော်တို့ကတော့ လွှတ်တော်ကို ပြောရမယ်ဆိုရင်တော့ ဒီ တိုင်းရင်းသားတွေကလည်း အမှန်ပြောရရင်တော့ မကောင်းတတ်လို့သာ အမျိုးသား ညီလာခံကြီး ပြီးသွားခဲ့အထိ လိုက်သွားခဲ့တယ်။ ကျနော်တို့ကတော့ အမျိုးသားညီလာခံကြီးကို အယုံအကြည်လည်း မရှိဘူး။ အဲဒီ အမျိုးသား ညီလာခံက ရေးလိုက်တဲ့ အခြေခံ ဥပဒေကိုလည်း လက်မခံခဲ့ဘူး။ အခုတော့ ၂၀၀၈ အခြေခံဥပဒေ ပေါ်လာတဲ့ အခါကျတော့ ပိုပြီးတော့ မြင်နေရပါပြီ။ အခုဆိုရင် လွှတ်တော်က ဘယ်လိုမှ ရှေ့ ဆက်သွားလို့ မရတော့ဘူး။

ဦးကျော်ဇံသာ ။ ။ အဲဒီတော့ လွှတ်တော်မှာ တိုင်းရင်းသား ပြဿနာကို ဖြေရှင်းလို့ မရဘူးပေါ့။

ဦးခွန်ထွန်းဦး ။ ။ ဘယ်လိုမှ ဖြေရှင်းလို့ မရဘူး။ ဖြေရှင်းလို့လည်း ဘာမှမဟုတ်ဘူး။ ရလည်းမရနိုင်ဘူးလို့ ကျနော်က မြင်တယ်။

ဦးကျော်ဇံသာ ။ ။ ဆိုတော့ အခု တွေ့ဆုံ ဆွေးနွေးရေး လုပ်နေကြတဲ့ အထဲမှာ တိုင်းရင်းသားတွေ ဖက်က အထူးသဖြင့် ဦးခွန်ထွန်းဦး တို့ဖက်က မျက်နှာစုံညီ ဆွေးနွေးပွဲ၊ ဒုတိယပင်လုံလို ဖြေရှင်းနိုင်မယ့် နည်းလမ်းကို အဆိုပြုပါသလား။ ဘယ်လို ဖြေရှင်းမလဲ။

ဦးခွန်ထွန်းဦး ။ ။ ကျနော်တို့ ဖြေရှင်းနိုင်တာကတော့ တစိုက်မတ်မတ် ကျနော် ပြောလာတာကတော့ သုံးပွင့်ဆိုင် တွေ့သင့်တယ်။ သုံးပွင့်ဆိုင် ဆိုတာမှာ ကျနော်တို့ လွှတ်တော်ပြင်ပမှာ ရှိတဲ့ ၉၀ ခုနှစ် အခြေခံထားတဲ့ ဖွဲ့စည်းထားတဲ့ ပါတီအသစ်တွေ။ နဂိုမူလကလည်း UNA တိုင်းရင်းသားတွေ ပါရမယ်။ နောက်ပြီးတော့ ငြိမ်းချမ်းရေးယူထားတဲ့ တိုင်းရင်းသားတွေ ပါရမယ်။ နောက်ပြီးတော့ အပြင်မှာရှိတဲ့ အဖွဲ့တွေ အဲဒါတွေက ၂၁ ဖွဲ့တောင် ရှိတယ်။ တစုတတည်း ညီလာခံ ခေါ်စေချင်တယ်။

ဦးကျော်ဇံသာ ။ ။ နောက်တစ်ခုက ဦးခွန်ထွန်းဦးတို့ SNLD ပါတီရဲ့  လက်ရှိ ရပ်တည်ချက်။ ALD ကတော့ အခုလက်ရှိ RNDP နဲ့ ပေါင်းမယ်လို့ စီစဉ်နေကြတယ်လို့ ကြားပါတယ်။ SNLD ရဲ့  ရှေ့ ခရီးလည်း နည်းနည်းပြောပါ။ ကျားဖြူတို့ ဘာတို့နဲ့ ပေါင်းစည်းဖို့ ရည်ရွယ်ချက် ရှိပါသလား။

ဦးခွန်ထွန်းဦး ။ ။ ကျနော်တို့ကတော့ ရှင်းရှင်း ပြောရရင် ကျားဖြူပါတီနဲ့ ပေါင်းဖို့ အစီအစဉ် မရှိသေးပါဘူး။ ဘာဖြစ်လို့လဲဆိုတော့ ကျားဖြူက ကျနော်တို့နဲ့ မူဝါဒ ကွာပါတယ်။ ကျနော်တို့ ကတော့ စစ်မှန်တဲ့ ဖယ်ဒရယ်ပြည်ထောင်စု။ နောက်ပြီးတော့ တန်တူရေးနဲ့ ကိုယ်ပိုင်ပြဌာန်းခွင့်ကို အမြဲတမ်း တောင်းဆိုနေတယ်။

ဦးကျော်ဇံသာ ။ ။ အဲဒီ ရည်ရွယ်ချက်နဲ့ SNLD က ဆက်လက်လှုပ်ရှားမှာ။

ဦးခွန်ထွန်းဦး ။ ။ ဟုတ်ကဲ့။ အဲဒီ ရည်ရွယ်ချက်နဲ့။

ဦးကျော်ဇံသာ ။ ။ အဲဒီတော့ လှုပ်ရှားမှုက ပထမဦးဆုံး ၂၀၁၅ ရွေးကောက်ပွဲကျရင် ဝင်ရောက်ယှဉ်ပြိုင်ဖို့ အစီအစဉ် ရှိပါသလား။

ဦးခွန်ထွန်းဦး ။ ။ ၂၀၁၅ ဆိုတာ ခရီးက အများကြီး ကျန်ပါသေးတယ်။ ၂၀၁၅ မှာလည်း မည်ကဲ့သို့သော ရွေးကောက်ပွဲ ဆိုတာလည်း သတ်မှတ် ရဦးမယ်။ ဘာဖြစ်လို့လဲဆိုတော့ အခုဆိုရင် PR ၁၂ ကို အကောင်အထည် ဖော်ဖို့ ဆိုပြီး အချို့  အဖွဲ့အစည်းတွေက တိုက်တွန်းလာပြီ။ အဲဒီတော့ ၂၀၁၅ မှာ PR ၁၂ နဲ့ပဲ သွားမလား။ သို့မဟုတ် ဒီအတိုင်းပဲ နိုင်တဲ့လူ အကုန် ယူစတမ်း ဆိုတဲ့ စနစ်နဲ့ သွားမလား - the winners take it all - အဲဒီလို ဖြစ်နေတော့ ရွေးကောက်ပွဲကို မစဉ်းစား သေးပါဘူး။ ဒါပေမယ့် ကျနော်တို့ ပါတီ အနေနဲ့တော့ ကျနော်တို့ရဲ့  သဘောထားကို လူထုသိအောင်၊ ကျစ်လစ်အောင် ကျနော်တို့က စည်းရုံးနေပါတယ်။

ဦးကျော်ဇံသာ ။ ။ ရွေးကောက်ပွဲကို မစဉ်းစား သေးဘူးဆိုတာ။ ရွေးကောက်ပွဲ ဘယ်ပုံဘယ်နည်း ကျင်းပမယ်ဆိုတာ မပြတ်သားသေးလို့ပေါ့။

ဦးခွန်ထွန်းဦး ။ ။ ဟုတ်ပါတယ်။

ဦးကျော်ဇံသာ ။ ။ ဦးခွန်ထွန်းဦးတို့ ဖြစ်စေချင်တာ ဘယ်ပုံစံ သဘောကျပါသလဲ။

ဦးခွန်ထွန်းဦး ။ ။ ကျနော်တို့ ကတော့ လောလောဆယ် လူထုလည်း နားလည်နေပြီ။ ကျင့်သားရနေပြီ ဆိုရင်တော့ အခုလက်ရှိ သွားနေတဲ့စနစ်က အကောင်းဆုံးပါ။ PR စနစ်ကတော့ လူထုကို အများကြီး ပညာပေးရဦးမယ်။ နောက်ပြီးတော့ အထူးသဖြင့် အခု သံလွင်မြစ်အရှေ့ ခြမ်း ဝေးသီခေါင်ဖျားတဲ့ ဝ တွေ ထိန်းချုပ်ထားတဲ့နယ်မြေက ဘယ်လိုမှ ဝင်တိုးလို့ရမှာ မဟုတ်တော့ဘူး။ အဲဒါကြောင့် အဲဒီဟာတွေကို ဒီလိုမျိုး တွေ့ဆုံဖို့ရယ်။ စနစ်ကလည်း ဒီအတိုင်းသွားဖို့ကို လိုလားပါတယ်။

ဦးကျော်ဇံသာ ။ ။ အခုလက်ရှိ အခြေအနေ နည်းနည်း သိချင်ပါတယ်။ အခု ၂၀၀၈ ဖွဲ့စည်းပုံနဲ့ တက်လာတဲ့ သမ္မတဦးသိန်းစိန် လက်ထက်မှာ မြို့ ပေါ်မှာ မီဒီယာတွေ နည်းနည်းပါးပါး လွတ်လပ်မှု ရှိလာတယ်လို့ လူတွေ ပြောရဲဆိုရဲ ရှိလာတာတွေ ရှိပါတယ်။ တိုင်းရင်းသား ဒေသတွေက ပြည်သူတွေကို ဘယ်လို အကျိုး သက်ရောက်မှု ရှိပါသလဲ။ စီးပွားရေးအရဖြစ်တော့ သိပ်ထိရောက်မှု မရှိသေးဘူး။ ပညာရေး မပြောင်းလဲသေးဘူး ဆိုတယ်။ သို့ပေမယ့် လူတွေရဲ့  နေမှုထိုင်မှု၊ လွတ်လပ်မှု၊ ပြည်တွင်း ငြိမ်းချမ်း သာယာမှုတွေ အခြေအနေတွေကို နည်းနည်းပြောပါဦး။ ရှမ်းပြည်ဘက်မှာ။

ဦးခွန်ထွန်းဦး ။ ။ တိုင်းရင်းသားတွေ အနေအထားအရတော့ အစိုးရကလည်း ခက်တာက စနစ်မျိုးစုံနဲ့ ကျနော်တို့ ပြောနေတဲ့ကြားက စနစ်မျိုးစုံနဲ့ ဆက်ဆံနေတယ်။ ဥပမာ အခုန ကျနော်ပြောခဲ့ပြီးပြီပဲ - အဲဒီလိုမျိုး ခွဲခြားပြီး ဆက်ဆံခံလိုက်ရတာက တစ်ကြောင်း။ ဥပမာ SSPP ကို ဗိုလ်မှူးချုပ် သိန်းဇော်တို့က တာဝန်ယူပြီးတော့ ဆက်ဆံတယ်။ နောက်ပြီးတော့ ဟိုဖက် (၃) ဖွဲ့ကြတော့ ဝန်ကြီး ဦးအောင်မင်းက ဦးဆောင်ပြီး ဆက်ဆံနေတယ်။ အဲဒီမှာလည်း စည်းစနစ်ချင်းက တပြေးညီ မကျဘူး။ မကျတဲ့ အခါကျတော့ တိုက်ပွဲတွေက ဖြစ်နေတယ်။ ဆိုလိုတာက ဒီဟာတွေ အားလုံးက အမှန်ဆိုရင်တော့ တစ်စားပွဲတည်း ထိုင်ပြီးတော့ တိုင်းရင်းသားတွေကို လွတ်လွတ်လပ်လပ် တာဝန် ပေးပြီးတော့ သူတို့ ရချင်တဲ့ ဟာကို လွတ်လွတ်လပ်လပ် ဆွေးနွေးခွင့် ပေးပြီးတော့ ဆွေးနွေးခွင့်ပေးမယ် ဆိုရင်တော့ ဒါ ပြည်ထောင်စုကြီးအတွက် စစ်မှန်တဲ့ အဖြေ တစ်ခုတော့ ရလိမ့်မယ်လို့ ကျနော်ထင်တယ်။ အဲဒီလို တွေ့ခွင့်မပေးတော့ တစ်ဖွဲ့နဲ့ တစ်ဖွဲ့ ခွဲခြား ဆက်ဆံ နေသရွေ့ တော့ ဒုံရင်းဒုံရင်း ပြန်သွားမယ်။

ဦးကျော်ဇံသာ ။ ။ ဖယ်ဒရယ် စစ်မှန်တဲ့ ပြည်ထောင်စု ဖွဲ့စည်းရေးနဲ့ ပတ်သက်ပြီးတော့ ဒီလို အဖုအထစ်တွေ ရှိနေတာဟာ သူတို့ကိုယ်၌က တကယ် မပေးချင်လို့လား။ တကယ် လက်တွေ့မှာ လုပ်ရမှာ ခက်ခဲလို့လား။ သို့တည်းမဟုတ် မပေးချင်တဲ့ လူတွေရဲ့  ဖိအားကို သူတို့ရင်ဆိုင်နေရလို့လား။ သူတို့ဖက်ကိုကြည့်ရင် ဘယ်လိုသဘောရပါသလဲ။

ဦးခွန်ထွန်းဦး ။ ။ အဲဒါကတော့ မပေးချင်တဲ့လူလည်း ရှိတယ်။ နောက်ပြီးတော့ ဖယ်ဒရယ်စနစ်ဟာ ခွဲထွက်တယ်ဆိုတာ ဦးနေဝင်း လက်ထက်က ပြောခဲ့တာရှိတယ်။ လူတွေက ဒါတွေပဲ ခေါင်းထဲဝင်နေတယ်။ ဖယ်ဒရယ်အကြောင်း ပြောမယ်ဆိုရင် ဒါက ခွဲထွက်မယ့် အလုပ်လို့ ဖြစ်နေတာ။ မဟုတ်ဘူးဗျ … ဖယ်ဒရယ်ဆိုတာ ဥပမာ ဂျာမဏီ၊ အမေရိကန်တို့ လိုမျိုး သူတို့ သိပါတယ်။ ဒါတွေက ဖယ်ဒရယ်နိုင်ငံတွေပဲ။ ဖယ်ဒရယ် မပြောသည့်တိုင် တိုးတက်မှုက အတိုင်းအထက် အလွန်ပေါ့။ ကျနော် အမေရိက ရောက်လာပြီ။ တိုးတက်မှုတွေ အတော်လေး တွေ့နေရတယ်။ အဲဒါ ဖယ်ဒရယ်စနစ်ရဲ့  အရသာပဲ။

ဦးကျော်ဇံသာ ။ ။ ဒါပေမဲ့ ဖယ်ဒရယ်စနစ်ရဲ့  စနစ်မှန်၊ သရုပ်မှန်ကို ဘယ်သူတွေ ပညာပေးမလဲ။ သူတို့က မလိုလားတော့။ တကယ်တော့ ဒီဟာ ပညာပေးမှု တစ်ဆင့်ကို လိုလိမ့်မယ် ထင်တယ်။ ပြည်သူတွေ အကြားမှာ အထူးသဖြင့် ဗမာအရေး လှုပ်ရှားကြတဲ့ ဗမာ တိုင်းရင်းသား တချို့ ဟာ လက်မခံချင်ကြဘူး။ အထူးသဖြင့်။ ဒါပေမယ့် ၈၈ မျိုးဆက် ကျောင်းသားတွေ ကတော့ နားလည်တယ်။ လက်ခံတယ်။ သူတို့က သိတယ်။ အဲဒါကို ဘယ်လိုပညာပေးရမလဲ။

ဦးခွန်ထွန်းဦး ။ ။ အခုဟာကတော့ ကျနော်တို့ ၈၈ ကျောင်းသားတွေလည်း ဒီ အိုင်ဒီယာကို ဝင်လာပြီ။ အခုဝင်လာတဲ့ ဖွင့်ပေးလို့ လာတွေ့တဲ့ လူတွေ တော်တော် များများကလည်း ဖယ်ဒရယ် စနစ်ကို လက်ခံတယ်။ လက်ခံတဲ့ အကြောင်းရင်းက သူတို့က အပြင်မှာသွားနေရတော့ အပြင်မှာ သူတို့က အနှိမ်ခံဘဝနဲ့ သွားနေခဲ့ရတာ။ အဲဒီတော့ အနှိမ်ခံ ဘဝ ရောက်မှပဲ ဖယ်ဒရယ်ကို လိုလိုလားလား ဖြစ်လာတယ်။ ဘာပဲဖြစ်နေဖြစ်နေ ကျနော်တို့ကတော့ အသက်ရှင်နေသရွေ့  နောက်လာနောက်သားတွေ မှတ်သားသွားနိုင်အောင်၊ ကျန်ခဲ့အောင် ဖယ်ဒရယ် စနစ်ကိုတော့ ကျနော်တို့က သွေးဖီသွားမှာ မဟုတ်ဘူး။ တစိုက်မတ်မတ် ပြောနေရမှာပဲ။ ဒီ ဖယ်ဒရယ် စနစ်က တိုင်းပြည်ကို ဖျက်ဆီးစရာ မဟုတ်ဘူး။ တိုင်းပြည်ကို လုပ်ပေးနေတာ။

ဦးကျော်ဇံသာ ။ ။ လက်ရှိ အာဏာပိုင်တွေရဲ့  မျိုးဆက်မှာ ဖြစ်နိုင်ပါ့မလား။ တကယ်လို့ ၈၈ မျိုးဆက်လို ပုံစံမျိုး နောင်လူငယ်ပိုင်းတွေ၊ လူလတ်ပိုင်းတွေက နေရာယူလာမယ်။ သူတို့ နားလည်သဘောပေါက်တယ်။ ဖယ်ဒရယ် အကြောင်းကို။ အဲဒီလို လူတွေနဲ့ဆိုရင် ပြေလည်သွားနိုင်တဲ့ အကြောင်း ရှိတယ်။ အခုလက်ရှိ မျိုးဆက်မှာ ဖြစ်နိုင်ပါ့မလား။

ဦးခွန်ထွန်းဦး ။ ။ ကြိုးစားရင်တော့ ဖြစ်မှာပါ။ အခု ကျနော်တို့ ကြိုးစားနေတာ ၂၀ ရမယ်။ ၃၀ ရမယ်။ ၅၀ ရလည်း ကျနော်တို့က အမြတ်ပေါ့။ ဒါကတော့ တိုင်းပြည်အတွက် ပြိုကွဲအောင် လုပ်နေတာမှ မဟုတ်တာ။ ကောင်းအောင် လုပ်နေတာပဲ။ နောက်ပြီးတော့ သူတို့လည်း ပြောနေတာ နိုင်ငံ ပွင့်လင်းလာပြီ။ တိုင်းပြည်အုပ်ချုပ်နေသူတွေလည်း နိုင်ငံတကာ သွားပြီး လေ့လာနေပြီ။ ဒါကို သူတို့ လက်ခံပါတယ်။ လူကြီးတွေဆီကလည်း ပြန်ကြားပါတယ်။ ဒီဟာက တကယ်တမ်းတော့ ဦးနေဝင်း ပြောခဲ့သလို ခွဲထွက်တာမှ မဟုတ်တာ။ အဲဒီတော့ တိုင်းပြည်တိုးတက်အောင် တိုင်းပြည်ကိုချစ်လို့ ဒီလောက် လုပ်နေတဲ့သဘောပဲ။

ဦးကျော်ဇံသာ ။ ။ နောက်ဆုံး မေးပါရစေ။ SNLD ကတော့ ဦးခွန်ထွန်းဦးက ဖယ်ဒရယ်စနစ်ကို ကိုင်စွဲပြီးတော့ ဆက်လက်ရပ်တည်မယ်။ ကျားဖြူပါတီကတော့။

ဦးခွန်ထွန်းဦး ။ ။ သူကတော့ စီးပွားရေး ဦးစားပေးပြီးတော့ လုပ်ဆောင်နေပါတယ်။ ကျနော်တို့ကတော့ ကျားဖြူပါတီနဲ့ ပတ်သက်ရင်တော့ သိပ်ပြီးတော့လည်း မဝေဖန်ချင်ဘူး။

Leave a Reply

 
Shan News © 2011 DheTemplate.com & Main Blogger. Supported by Makeityourring Diamond Engagement Rings

You can add link or short description here