Thursday, November 22, 2012

ရှမ်းပြည်နယ်မြောက်ပိုင်းဈေးကွက်သို့ တရုတ်ဆိုင်ကယ်အ၀င်နည်းနေ

0 comments
နိုဝင်ဘာ(၂၂)

ရှမ်းပြည်နယ်မြောက်ပိုင်းအတွင်းရှိ မြို့အ၀င်ဂိတ်စောင့်ရဲများ၏ အကြမ်းဖက်မှုများနှင့် ဂိတ်ဖြတ်သန်းခ (၂)ဆ ခန့်မြင့်မားလာ မှုကြောင့် ဆိုင်ကယ်အသစ်တင်သွင်းသည့် ကယ်ရီမောင်းသူများမရှိတော့ဘဲ ဆိုင်ကယ် ဈေး ကွက်အတွင်းသို့ ဆိုင်ကယ်အ၀င်နည်း လာကြောင်း ဒေသခံများထံမှ သိရသည်။

“ဂိတ်စောင့်ရဲတွေကို ပြေပြေလည်လည်ညှိပြီး ဂိတ်ကြေးပေး ဖြတ်တာတောင် တစ်ချို့ရဲတွေက ခဲနဲ့ထုလို့ ဆိုင် ကယ်(cover) ကာဗာတွေ၊ မီးခွက်တွေ ကွဲရတာ မနည်းတော့ဘူး၊ ဂိတ်ကြေးကလဲ အရင် ထက် နှစ် ဆလောက် များ လာတယ်” ဟု ကျောက်မဲ ဒေသခံ ဆိုင်ကယ်ကယ်ရီသမား ကိုလင်းက ပြောသည်။

ဂိတ်စောင့်များအနေဖြင့် တရားမ၀င် လက်နက်များကိုင်ဆောင်လာခြင်းကို တားဆီးရေး နှင့် လမ်း လုံခြုံရေးအတွက် စစ်ဆေးခြင်း သာ ပြုလုပ်ရန်အထက်မှ အမိန့်ပေးထားသော်လည်း ဂိတ်ဖြတ်ကြေးကောက်ခံခြင်းအတွက် ကြေညာ ထားခြင်းမရှိကြောင်း လားရှိုး ဒေသခံများထံက သိရှိရသည်။

ကျောက်မဲမော်တော်ယာဉ်ထိန်းသိမ်းရေး(မ.ထ.သ)မှ ဂိတ်ဖြတ်ခ (၂)ဆတိုးကောက်ခံခြင်းမှာ မဟုတ်ကြောင်းနှင့် မည် သည့် အခကြေးငွေမှ ကောက်ခံခြင်းမရှိဟု ကျောက်မဲ(မထသ)ဂိတ်မှ ဒု-ရဲအုပ် ဦးရဲကြည်ထံက သိရှိရသည်။

"ဆိုင်ကယ်ကယ်ရီတွေ နည်းမျိုးစုံနဲ့ဖြတ်ပေမဲ့ သူတို့ကို ဘယ်လောက်နှုန်းနဲ့ သတ်မှတ် ပြီး ကောက် မယ် ဆိုတာမျိုးတော့ မရှိပါဘူး ၊ တစ်ပြားမှလည်း မကောက်ပါဘူး" ဟု ကျောက်မဲ မော်တော် ယာဉ်ထိန်း သိမ်းရေး(မ.ထ.သ)မှ ဒုရဲအုပ်ဦးရဲ ကြည်က ပြောသည်။

၂၀၁၂ခုနှစ် အောက်တိုဘာလဆန်းပိုင်းတွင် စတင်ပြီး ဂိတ်ဖြတ်သန်းခကို ယခင်(၅၀၀)ကျပ်မှ (၁၅၀၀) ကျပ် နှင့် (၂၀၀၀) ၀န်း ကျင်အထိ တိုးမြှင့်ကောက်ခံလျှက်ရှိသည်ဟု မူဆယ်မှ လားရှိုးသို့ ဆိုင်ကယ် တင်ပို့နေသူ တစ်ဦးက ဆိုသည်။

မူဆယ်မြို့မှ လားရှိုးသို့လာရာလမ်းကြောင်းတွင် ဂိတ်(၇)ခုရှိပြီး အဆိုပါ ဂိတ်အချို့မှာ နန်ဖောင်ဂိတ်၊ နန့်ဖက် ကာ၊ နန့်ခိုက် နှင့် ယာဉ်ထိန်းဂိတ်တို့ဖြစ်ကြပြီး လားရှိုးမြို့မှ ကျောက်မဲမြို့သို့ လာရာ လမ်းကြောင်းတွင်လည်း ဂိတ်(၇)ခုရှိကာ အဆိုပါ ဂိတ်အချို့မှာ သီပေါဂိတ်၊ ကုန်းသာဂိတ်နှင့် ကျောက်မဲမော်တော်ယာဉ် ထိန်း သိမ်းရေး(မ.ထ.သ)တို့ဖြစ်ကြသည်။

ဂိတ်စောင့်ရဲများ၏ အကြမ်းဖက်မှု များပြားလာခြင်းကြောင့် ကယ်ရီသမားအများစုမှာ ဆိုင်ကယ် ကယ် ရီမောင်း နှင်ခြင်း လုပ်ငန်းကို ရပ်ဆိုင်းထားသဖြင့် ကျောက်မဲဆိုင်ကယ်ဈေးကွက်အတွင်းသို့ ဆိုင်ကယ် အသစ်ဝင်ရောက်မှု မရှိသလောက် နည်းပါးလာကြောင်း ကျောက်မဲမြို့ဆိုင်ကယ်ပွဲစားတန်းမှ သိရှိရသည်။

“ဆိုင်ကယ်အသစ်က အ၀င်နည်းလာတော့ ၀ယ်တဲ့သူရှိတာတောင် ရောင်းစရာ ဆိုင်ကယ်ကမရှိဘူး၊ အဟောင်း ဘီးတွေနဲ့လိုင်စင် လုပ်ထားတဲ့ ဘီးတစ်ချို့ ကိုပဲ ချော့ရောင်းနေရတာ၊ ဒီအတိုင်းဆို ပွဲစားတွေရော ကယ်ရီသမား တွေရော မကြာခင်မှာ ဘုံပျောက် တော့မယ်” ဟု လားရှိုးမြို့မှ ဆိုင်ကယ် ပွဲစားတစ်ဦး က ပြော သည်။

မြန်မာတစ်နိုင်ငံလုံး ဆိုင်ကယ်လိုင်စင်ပြုလုပ်ပေးသောကာလ ကုန်ဆုံးပြီးနောက်ပိုင်းတွင် ဂိတ်စောင့်ရဲများ၏ အကြမ်းဖက်မှုများ ပိုမိုများပြားလာခြင်းဖြစ်ကြောင်းကိုလည်း ဒေသခံကယ်ရီသမားများထံက သိရသည်။

တောတွင်းလမ်းများမှ ကွင်းရှောင်၍ စွန့်စားမောင်းနှင်သူအချို့မှာလည်း အသက်အန္တရာယ် များပြားသောကြောင့် ကယ်ရီမောင်းခြင်း လုပ်ငန်းကို လုပ်ကိုင်ခြင်းမပြုတော့ပဲ ကြုံရာကျပန်း အလုပ်များဖြင့် ပြောင်းလဲကာ အသက်မွေးဝမ်း ကြောင်းပြု လုပ်မှုများ လာ ကြောင်းကိုလည်း သိရသည်။

လက်ရှိရှမ်းမြောက်ဆိုင်ကယ်ဈေးကွက်တွင်အဟောင်းဘီးများနှင့် လိုင်စင်ပြုလုပ်ထားသော ဆိုင်ကယ် များသာ အနည်းငယ်ရောင်း ချနေရကာ ပွဲစားအချို့မှာ ဆိုင်ကယ်အရောင်းအ၀ယ်လုပ်ငန်းအား ရပ် တန့် ထားရကြောင်း ကိုလည်း သိရသည်။

ရှမ်းပြည်မြောက်ပိုင်းမှ ဆိုင်ကယ်ကယ်ရီတင်သွင်းသူများအား ဂျော်ကီများဟုခေါ်၍ တရုတ်ပြည်မှ ဆိုင်ကယ် များအား မူဆယ်လမ်း ကြောင်းမှတဆင့် လားရှိုး၊သီပေါ၊ကျောက်မဲ ၊နောင်ချိုနှင့် ပြင်ဦးလွင်မြို့နယ် များ အား ဖြတ်သန်းကာ မန္တလေးနှင့် မြင်းခြံဈေးကွက်သို့ တင်သွင်းလျှက်ရှိနေရာမှ ယခုကဲ့သို့ ဆိုင်ကယ် အသစ် ကယ်ရီ မောင်းနှင်သူများ မရှိတော့၍ ရေရှည်၌ တရုတ်ဆိုင်ကယ် ဈေး ကွက်ပျက်သွားနိုင်ကြောင်းကိုလည်း မန္တလေးမှ ဆိုင်ကယ်ပွဲစားတစ်ဦးက သုံးသပ်သည်။


ဝိမုတ္တိ

Leave a Reply

 
Shan News © 2011 DheTemplate.com & Main Blogger. Supported by Makeityourring Diamond Engagement Rings

You can add link or short description here