ရင်သားကင်ဆာ ကင်းဝေးအောင် အမျိုးသမီးများ အနေဖြင့် အသက် ၄၀ အရွယ်ရောက်လျှင် mammography ဖြင့် စစ်ဆေးမှုများ လုပ်ဆောင်သင့်

နိုဝင်ဘာ(၂၇)

လုံလောက်သော စစ်ဆေးမှုများ မပြုလုပ်ခြင်းကြောင့် မလေးအမျိုးသမီးများသည် ရောဂါဒုတိယ အဆင့်ရောက်မှ ရောဂါအမည်ကို ရှာဖွေဖော်ထုတ် သိရှိကြသည်ဟု ရင်သားကင်ဆာ တိုက်ဖျက်ရေး စင်ကာပူ-မလေးရှား ပူးပေါင်း သုတေသန အဖွဲ့မှ ထုတ်ဖော် ပြောကြားလိုက်သည်။၁၉၉၀ ခုနှစ်မှ ၂၀၀၇ အတွင်း Singapore's National University Hospital နှင့်University  Malaya Medical Centre မှ အမျိုးသမီး လူနာ ၅၂၀၀ ကို စတင် စစ်ဆေးခဲ့ရာ လူမျိုးစုအလိုက် တရုတ်လူမျိုး ၃၇၀၀ ၊ မလေးလူမျိုး ၉၇၀ နှင့် အိန္ဒိယ လူမျိုး ၅၃၀ တို့သည် ရင်သားကင်ဆာ

ဝေဒနာ ခံစားနေရကြောင်း တွေ့ရှိရသည်။ မလေး အမျိုးသမီးများသည် tumour အရွယ်အစားကြီးချိန် ဒုတိ ယအဆင့်တွင် မှ ရောဂါ ကို  ရှာဖွေတွေ့ရှိသည့် သဘောဖြစ်သည်။ အဆိုပါ အဆင့်သည် အန္တရာယ်ပေးနိုင် သည့်အနေအထားတွင်ရှိပြီးကုသရန် ပထမအဆင့် ထက် ခက်ခဲရှုပ်ထွေးလာကြောင်း တွေ့ရသည်။ 

 

ထို့ကြောင့် အမျိုးသမီးများအနေဖြင့် အသက် ၄၀ အရွယ်ရောက်လျှင်  mammography ဖြင့် စစ်ဆေးမှုများ မပျက်မကွက် လုပ်ဆောင်သင့်ကြောင်း အဆိုပါ National University Cancer Institute Singapore မှ အကြီးတန်း အကြံပေး ပုဂ္ဂိုလ် Dr Lee Soo Chin မှ တိုက်တွန်း ပြောကြားထားသည်။ စင်ကာပူ နိုင်ငံတွင် တစ်နှစ် လျှင် ရင်သားကင်ဆာ ဝေဒနာရှင် ပေါင်း ၁၅၀၀ ခန့်ကို ကုသပေးလျက်ရှိသည်။

Mrtv-4