အဆင့်မြင့် ကုန်စည်ပြပွဲ လားရှိုးမြို့၌ ကျင်းပမည်

ဒီဇင်ဘာ(၂၂)

လားရှိုးမြို့(ဓာတ်ပုံ-Lashio)

ရှမ်းပြည်နယ် (မြောက်ပိုင်း) လားရှိုးမြို့ရှိ မြို့တော်ခန်းမ၌ CREATION STRENGTH Co.,Ltd. မှ ကြီးမှူးကျင်းပသော The Most Amazing Lashio Exibition & Car Show 1/2012 ကုန်စည် ပြပွဲကြီးကို ဒီဇင်ဘာ ၂၁ ရက်မှ ၂၅ ရက်အထိ နံနက် ၉ နာရီမှ ည ၉ နာရီအထိ ငါးရက်တိုင်တိုင် ကျင်းပမည် ဖြစ်ကြောင်း သိရသည်။

အဆိုပါ ပြပွဲတွင် လုံးချင်းအိမ်ရာနှင့် တိုက်ခန်းများ၊ မော်တော်ကားများ၊ အီလက်ထရွန်နစ် ပစ္စည်းများ၊ လူသုံး ကုန်ပစ္စည်းမျိုးစုံ၊ လက်ဝတ်ရတနာများ၊ GSM SIM CARD နှင့် Hand Set များ၊ စားသောက်ကုန် ပစ္စည်းများ၊ ပရိဘောဂ ပစ္စည်းမျိုးစုံ၊ ကွန်ပျူတာနှင့် ဆက်စပ်ပစ္စည်း များကို အရစ်ကျစနစ်ဖြင့် ရောင်းချပေးသွားမည် ဖြစ်ပြီး အထူးအစီအစဉ် တစ်ရပ်အနေဖြင့် ဝယ်ယူသည့် ပစ္စည်း တန်ဖိုး၏ ၃ဝ ရာခိုင်နှုန်းကို ငွေလက်ငင်း ပေးချေရုံဖြင့် ပိုင်ဆိုင်သွားမည့် အခွင့်အရေး ရရှိပြီး ကျန် ၈ဝ ရာခိုင်နှုန်းကို အရစ်ကျ ချေးငွေစနစ်ဖြင့် ခြောက်လမှ ၄၈ လအ တွင်း အရစ်ကျ ပေးချေစနစ်နှင့် မေတ္တာလက်ဆောင်များ ရရှိမည့် အစီအစဉ် များလည်း ပါဝင်မည် ဖြစ်သည်။ ထို့အပြင် ဖျော်ဖြေရေး အထူးအစီအစဉ် အနေဖြင့် ဟာသလူရွှင်တော် 5 Star အဖွဲ့၏ ဟာသ ပြက်လုံးများ၊ ဦးချိုကြီး Model Agency အဖွဲ့၏ အကများနှင့် နာမည်ကြီး အဆိုတော်များဖြင့် စည်ကား သိုက်မြိုက်စွာ စီစဉ်တင်ဆက် သွားမည် ဖြစ်ကြောင်း သိရသည်။

မြ၀တီ

Read more...

အမှတ်တရ ပစ္စည်း လေလံတင် ရောင်းချပွဲ မိုက်ကယ် ဂျက်ဆင်၏ လက်အိတ် ကြေးအမြင့်ဆုံး ရရှိ

ဒီဇင်ဘာ(၂၂)

လာ့အိန်ဂျလိစ်မြို့တွင် ယခုသီတင်းပတ်အတွင်း ပြုလုပ်သည့် အမှတ်တရ ပစ္စည်း လေလံတင် ရောင်းချပွဲတွင် မိုက်ကယ်ဂျက်ဆင်၏ အမှတ်အသားဟု ဆိုရသော ၎င်း၏ လက်အိတ် တစ်ဖက်သည် ကြေးအမြင့်ဆုံး ရရှိ ခဲ့ကြောင်း လေ လံတင်ကုမ္ပဏီက ဒီဇင်ဘာ ၂၁ ရက် တွင် ပြောကြားခဲ့သည်။

မိုက်ကယ်ဂျက်ဆင်၏ လက်အိတ်တစ်ဖက်အား အမေရိကန် ဒေါ်လာ ၁၉၉၀၆၉ ဖြင့် လေလံတင် ရောင်းချခဲ့ကြောင်း Nade D.Sanders လေလံတင် ကုမ္ပဏီက ပြောကြားခဲ့သည်။

သလင်းကျောက်များဖြင့် အလှဆင်ထားသော အဆိုပါလက်အိတ်အား မိုက်ကယ်ဂျက်ဆင်သည် ၁၉၈၄ ခုနှစ်က ပြုလုပ်ခဲ့သော အမေရိကန်ဂီတ ထူးချွန်ဆု ပေးပွဲ၌ ဝတ်ဆင် ခဲ့ခြင်း ဖြစ်ကြောင်း သိရသည်။

ယင်းအမေရိကန် ဂီတဆု ပေးပွဲတွင် မိုက်ကယ်ဂျက်ဆင်၏ "Thriller" တေးအယ်လ်ဘမ်သည် ရောင်းအား အကောင်းဆုံး တေးအယ်လ်ဘမ်ဆုကို ရရှိခဲ့သည်ဟုသိရသည်။

မြ၀တီ

Read more...

မြန်မာ-ထိုင်းနယ်စပ် တာချီလိတ်မြို့အနီးတွင် နှစ်သစ်ကြိုဆိုပွဲကျင်းပရန်ပြင်ဆင်

ဒီဇင်ဘာ(၂၂)

တာချီလိတ်မြို့အမှတ်(၁)ချစ်ကြည်ရေးတံတား(ဓာတ်ပုံ-တာချီလိတ်)

ရှမ်းပြည်နယ် တာချီလိတ်မြို့ရှိ အမှတ်(၁)ချစ်ကြည်ရေးတံတားအနီးမှာ ဒီဇင်ဘာလ(၃၀)ရက်နေ့ မှ ဇန်န၀ါရီလ (၁) ရက်နေ့အထိ ထိုင်း-မြန်မာ နှစ်နိုင်ငံ နှစ်ဟောင်းနှုတ်ဆက်-နှစ်သစ်ကြိုဆိုပွဲ ကျင်းပပြု လုပ်ဖို့ရှိ်တယ်လို့ တာချီလိတ်မြို့ခံများက ပြောပြပါတယ်။ 

Read more...

ရှမ်းပြည်နယ်တွင် တရုတ်နိုင်ငံ မူးယစ်ထိန်းချုပ်ရေးအဖွဲ့မှ သင်တန်းပေးကွင်းဆင်းဆောင်ရွက်နေ

ဒီဇင်ဘာ(၂၂)

NNCC အဖွဲ့နှင့် မူးယစ်(အထူး) အဖွဲ့များဆွေးနွေးနေပုံ

ရှမ်းပြည်နယ်တွင် ရောက်ရှိနေသည့် တရုတ်နိုင်ငံ အမျိုးသားမူးယစ်ဆေးဝါးထိန်းချုပ်ရေးကော်မရှင် (NNCC) မှ ဒုအထွေ ထွေအတွင်းရေးမှုးချုပ် Mr. An Guojun ဦးစီးတဲ့ အဖွဲ့ဟာ ဒီဇင်ဘာလ ၂၁ ရက်နေ့ မှာ တာကော်တံတား အနီးရှိ ဘိန်းစိုက်ခင်းများအား ဖျက်ဆီးရှင်းလင်းခဲ့တယ်လို့ သိရပါတယ်။ 

Read more...

မုံးဝီးလူငယ်ပြုပြင်ရေးအဖွဲ့ မူးယစ်ဆေးဝါးများ ဖမ်းဆီးရမိ

ဒီဇင်ဘာ(၂၂)



သျှမ်းပြည် (မြောက်ပိုင်း) နမ့်ခမ်းမြို့နယ် မုံးဝီးရွာ လူငယ်ပြုပြင်ရေး အဖွဲ့က မူးယစ်ဆေးဝါး နှိမ်နှင်းရေးလုပ်ငန်းများအရှိန် အဟုန်မြင့် ဆောင်ရွက်နေရာယခုလ ၁၇ ရက်နေ့က ကျေးရွာအတွင်း မူးယစ်ဆေးဝါးရောင်းဝယ် သုံးစွဲသူများနှင့် ၄င်းဆေးဝါးအမြောက်အများကို ဖမ်းဆီးရမိကြောင်း သိရသည်။

မုံးဝီးရွာတွင် ၄င်းနေ့နံနက် ၆ နာရီခွဲခန့်က မူးယစ်ဆေးဖြန့်ဖြူးသူတစ်ဦး၊ ၀ယ်ယူသုံးစွဲသူ ၁၃ ဦးနှင့် မူးယစ်ဆေးဝါး အမြောက်အများကို ဖမ်းဆီးခဲ့ကြောင်း အဆိုပါ လူငယ်အဖွဲ့နှင့် နီးစပ်သူ ဒေသခံတစ်ဦးက သျှမ်းသံတော်ဆင့်သို့ ပြောသည်။

“မနက်စောစော ရွာထဲမှာ မူးယစ်ဆေးအရောင်းအဝယ်လုပ်တဲ့အချိန် စောင့်ဖမ်းတာပေါ့နော် ရောင်းတဲ့လူက အိုက်မြင့်လို့ခေါ်တယ်။ တခြားရွာသားပေါ့နော်။ သုံးစွဲတဲ့သူတွေက မုံးဝီးရွာသားတွေပဲ အမျိုးသမီး၊ အမျိုးသား စုစုပေါင်း ၁၃ ဦး၊  ဘိန်းဖြူဆပ်ပြာခွက်တစ်ခွက် ရာဘဆေးပြား ၁၁၀  ဖမ်းမိပါတယ် ” ဟု သူက ပြောသည်။

အဆိုပါဖမ်းဆီးမိသူများကို ပထမအဆင့်အနေဖြင့် အသိပညာပေး၍ ဒဏ်ငွေဆောင်ခိုင်းကာ ပြန်လည်လွတ် ပေးခဲ့ပြီး ဖမ်းဆီးမိသည့် ဆေးဝါးများကို ရပ်မိရပ်ဖများရှေ့မှောက်တွင် မီးရှို့ဖျက်ဆီးခဲ့ကြောင်း သိရသည်။

မူးယစ်ဆေးဝါးသုံးစွဲသူများအထဲတွင် ဒေသခံပြည်သူ့စစ်တပ်ဖွဲ့ဝင်များ ပါဝင်သည်ဟု သိရသလို မံးဝီးလူငယ် အဖွဲ့၏ မူးယစ်ဆေးဝါးနှိမ်နှင်းရေး လုပ်ငန်းများတွင် ဒေသခံရဲတပ်ဖွဲ့နှင့် အုပ်ချုပ်ရေးအာဏာပိုင်များ ပူးပေါင်းဆောင်ရွက်ခြင်း မရှိကြောင်း သိရသည်။

အဆိုပါအဖွဲ့အား လွန်ခဲ့သည့် နိုဝင်ဘာလကုန်ပိုင်းက မူးယစ်ဆေးဝါးနှိမ်နှင်းရေးအတွက် ရွာသားများ ကိုယ်တိုင် ဖွဲ့စည်းခဲ့ ခြင်းဖြစ်ပြီး ယခုလ ၁၅ ရက်နေ့မှစ၍ မူးယစ်ဆေးနှိမ်နှင်းရေးလုပ်ငန်းများကိုအရှိန်မြင့် လုပ်ဆောင်နေကြောင်း သိရသည်။

ရွှေမြန်မာ

Read more...

အင်းလေးကန် ဟိုတယ်ဇုန်သစ် စီမံကိန်း မြေဧက ၆၀၀ ကျော် သိမ်းယူ

ဒီဇင်ဘာ(၂၂)

အင်းလေးကန် အရှေ့ဘက် အင်ကြင်းကုန်း ကျေးရွာအနီးရှိ ဟိုတယ်ဇုန်အသစ် အတွက် မြေသားလမ်းများ ဖောက်လုပ် ထားသည်ကို တွေ့ရစဉ် (ဓာတ်ပုံ – စနေလင်း / ဧရာဝတီ)

ရှမ်းပြည်နယ် အင်းလေးကန်၏ အရှေ့ဘက် တောင်ခြေတွင် တည်ဆောက်မည့် ဟိုတယ်ဇုန်သစ် စီမံကိန်း အတွက် မြေဧက ၆၂၂ ဧက ကို ပြီးခဲ့သည့် ဒီဇင်ဘာလဆန်းက စတင် သိမ်းယူလိုက်ကြောင်း သိရသည်။

ယင်း စီမံကိန်းနယ် အဖြစ် သတ်မှတ်ထားသည့် ဧက ၆၂၂ ဧကတွင် အင်းလေးကန်အတွင်းရှိ ဘုန်းတော်ကြီး ကျောင်း ၁၃ ကျောင်း ၏ ထင်းစိုက်ခင်း ဧရိယာ ဧက ၃၀၀ ကျော်ဒေသခံများ၏ စိုက်ခင်းများ ပါဝင်ကြောင်း အင်းလေးကန် ဟဲယာရွာမ ရှိ ရွာမ ပထမကျောင်း ဆရာတော် ဦးကုသလ က မိန့်ကြားသည်။

ရှမ်းပြည်နယ်အစိုးရ အဖွဲ့၏ သစ်တောနှင့် သတ္တုတွင်း ၀န်ကြီးက ထို သိမ်းဆည်းထားသည့် မြေ နေရာများထဲမှ တချို့ကို အစားထိုးပေးရန် ညှိနှိုင်း ပေးမည်ဖြစ်ကြောင်း ပြောသည်။

ညောင်ရွှေမြို့နယ် အုပ်ချုပ်ရေးမှူး ရုံးခန်းမ၌ ဒီဇင်ဘာ ၁၇ ရက်နေ့က ကျင်းပသော အင်းလေးကန် ရေရှည် တည်တံ့ရေး ပုဂ္ဂလိက လုပ်ငန်းရှင်များနှင့် ဒေသခံများ ၏ အခန်းကဏ္ဍ ဆိုင်ရာ အလုပ်ရုံ ဆွေးနွေးပွဲတွင် ၀န်ကြီးက ပြောကြားခဲ့ခြင်း ဖြစ်သည်။

“ဟိုတယ်ဇုန် ကိစ္စကတော့ ကျနော်နဲ့ မဆိုင်ပါဘူး။ စီမံ/စီးပွား ၀န်ကြီးနဲ့ ဆိုင်တာပါ။ ဒါပေမယ့် ကျနော် ပြန်ညှိပေးမယ်။ အသိပေး လိုက်ပါ့မယ်။ ကျေးရွာသုံး ထင်းစိုက်ခင်း အတွက် ကျနော်တို့ ဘယ်လိုအစားထိုး လုပ်ပေးလို့ ရမလဲ ဆိုတာ သစ်တောဦးစီးနဲ့ ကျေးရွာကို ဆင်းခိုင်းလိုက်ပါ့မယ်။ ပြန်လုပ်ပေးမယ်”ဟု ၀န်ကြီးက ယင်း ဆွေးနွေးပွဲတွင် ပြောသည်။

အင်းလေးကန် ဟဲယာရွာမ ကျေးရွာမှ ကိုအယ်နီငယ်က အဆိုပါ ထင်းစိုက်ခင်းများသည် လွတ်လပ်ရေးမရခင် စော်ဘွားများ လက် ထက် ကတည်းက အင်းလေးကန် အတွင်းရှိ ဘုန်းတော်ကြီးကျောင်းများအတွက် ထင်းစိုက်ခင်း အဖြစ် ရှိနေခဲ့ကြောင်း၊ ထင်း စိုက် ခင်းများကို ကြိုးဝိုင်းသစ်တော အဖြစ် သတ်မှတ်ခြင်းကိုလည်း မသိကြောင်း၊ ယင်း စီမံကိန်း နှင့် ပက်သက်ပြီး ဒေသခံများကို အသိ ပေးခြင်း မရှိကြောင်း ပြောဆိုသည်။

ကျေးရွာ ထင်းစိုက်ခင်းများ ပြုလုပ်ရာတွင် ဒေသခံများအား အစိုးရကပျိုးပင်ပေးပြီး စိုက်ပျိုးသော စိုက်ခင်းနှင့် ပုဂ္ဂလိက စိုက်ခင်းများ ဖြစ်ကြောင်း၊ စီမံကိန်း မြေနေရာများသည် သစ်တောကြိုးဝိုင်း အတွင်း၌ ဖြစ်ကြောင်း ညောင်ရွှေမြို့နယ် ကြေးတိုင်နှင့် မြေစာရင်း ဦးစီးဌာန တာဝန်ရှိသူ တဦးက ပြောသည်။

“အရင်တုန်းက ရွာပိုင်အနေနဲ့ သတ်မှတ်ထားတဲ့ ထင်းစိုက်ခင်းက အခု အင်းလေးအရှေ့ဘက် သစ်တောကြိုးဝိုင်းထဲမှာ ပါနေ တယ်”ဟု ၎င်းက ဆိုသည်။

အဆိုပါ ထင်းစိုက်ခင်းတွင် လွန်ခဲ့သည့် တလကျော်က ကျွန်းစိုက်ရမည် ဆိုသည့်အတွက် သွားရောက် စိုက်ပျိုးခဲ့ကြောင်း၊ စီမံ ကိန်းမြေ သတ်မှတ်လိုက်သည့် အချိန်တွင်လည်း မည်သည့် ဘုန်းတော်ကြီးကျောင်းကိုမျှ လာရောက် အကြောင်းကြားခြင်း မရှိခဲ့ကြောင်း၊ တာဝန်ရှိသူများက လာရောက် ဆွေးနွေးပြီး အဖြေတခု ရစေလိုကြောင်းလည်း ၎င်းက ဆက်ပြောသည်။

အနောက် ရွာမကျောင်း ဆရာတော် ဦးခေမာနန္ဒက“တကယ်လို့ အစားထိုးပေးမယ် ဆိုရင်တောင် ဘုန်းကြီးတို့ မကြိုက်တဲ့နေရာ၊ ဘာသစ်ပင်မှ မရှိတဲ့နေရာ ဆိုရင် လက်ခံမှာ မဟုတ်ပါဘူး။ ဟိုး အဝေးတောင်ထိပ်မှာ ချထားပေးရင်လည်း လက်ခံဖို့ မရှိပါဘူး။ ဒီ ကိစ္စက ဦးပဉ္စင်းတို့ ဘုန်းကြီးကျောင်းတွေ အားလုံး စုပေါင်း ဆုံးဖြတ်ရမှာ”ဟု မိန့်ကြားသည်။

အင်းလေး ဟိုတယ်ဇုန်အဖြစ် သတ်မှတ်ထားသည့် နေရာနှင့် ကပ်လျက်ရှိသော ညောင်ဝန်း ရေထွက်ပေါက်သည် အင်းလေးကန် တ၀ိုက် ကျေးရွာများက သောက်ရေသုံးရေ အတွက် အဓိက အားထားနေရသော နေရာဖြစ်၍ ဟိုတယ်ဇုန် ဆောက်လုပ်လျှင် သောက်ရေ အခက်အခဲတွေ့ရနိုင်ကြောင်း အင်းလေးကန် အရှေ့ဘက်  အင်းပေါကုန်ရွာမှ ဦးမြင့်ဇော်က ပြောပြသည်။

“ဒီဟိုတယ်ဇုန်ကို မဖြစ်စေချင်ဘူး။ ဓာတုဆေးဝါးတွေက တအား များလာတော့ အင်းလေးကန်ရေကို သောက်လို့ မရဘူး။ အဲဒီ ဟိုတယ်ဇုန်ကြီး လုပ်လိုက်တာက အင်းထဲက လူတွေကို သတ်တာနဲ့ အတူတူပဲ”ဟုလည်း ၎င်းက ဆက်ပြောသည်။

ယင်း ဟိုတယ်ဇုန်သစ် စီမံကိန်းတွင် ထင်းစိုက်ခင်းများအပြင် အင်းလေးကန် အရှေ့ဘက် ကျေးရွာများဖြစ်သော ၀က်တားကင်း၊ ကန်ပဲ့၊ အင်ကြင်းကုန်း၊ ချောင်းပါးကျေးရွာများရှိ ဒေသခံများ၏ စိုက်ခင်းများလည်း ပါဝင်နေကြောင်း သိရသည်။

အဆိုပါ ဒေသခံများကိုလည်း ဟိုတယ်ဇုန်စီမံကိန်းနှင့် ပက်သက်ပြီး အကြောင်းကြား ရှင်းလင်းခြင်း မရှိကြောင်း၊ မြေတူးစက်များ ရောက်ရှိလာမှသာ သတိပြုမိ ကြခြင်း ဖြစ်ကြောင်း၊ မည်သူက ဦးစီး လုပ်ကိုင်နေသည်ကို တိတိကျကျ မသိရကြောင်း အင်ကြင်း ကုန်း ရွာမှ ကိုအောင်ကျော်မျိုးက ပြောသည်။

“ကျမ ကတော့ စိုက်ခင်းတွေပဲ ပြန်လိုချင်တယ်။ ဒါပဲ လုပ်တတ်တော့ ဒါပဲ လုပ်ကိုင် စားသောက်ချင်တယ်။ လျော်ကြေး ဆိုတာကို မလိုချင်ဘူး”ဟု အင်ကြင်းကုန်းရွာမှ ဒေါ်ဖွားမြစ်ကလည်း ပြောဆိုသည်။

လျော်ကြေးငွေ ရရှိခဲ့သည့်တိုင် မိမိတို့ ဒေသခံများ အနေဖြင့် ပညာရေး အပါအ၀င် အစစ အရာရာ အားနည်းသည့် အတွက် ပြန် လည်အခြေချ နေထိုင် လုပ်ကိုင်ရန် မဖြစ်နိုင်ကြောင်း ၎င်းက ဆက်လက်ပြောဆို သွားသည်။

ဧရာဝတီ

Read more...

Internet Cafe ထိုင်သူများသတိထားရန်။

ဒီဇင်ဘာ(၂၂)

အထက်ပါ ပုံက Keylogger hardware ဖြစ်ပါတယ် ဒီ Keylogger တွေက 
မိမိ ဒီကွန်ပျုတာထဲမှာ ရိုက်သွားသမျှ user name တွေ password တွေကို
မှတ်သားထားပါတယ်။

bank card အသုံးပြုတဲ့သူများ ရှိရင်လဲ bank card no  တွေကို အကုန်
မှတ်သားထားမှာ ဖြစ်ပါတယ်။

ဒါကြောင့် Internet cafe မှာ အသုံးပြုရင်ဘဲဖြစ်ဖြစ် ၊ သူများကွန်ပျုတာ
ကို အသုံးပြုရင်ဘဲဖြစ်ဖြစ် သတိထားရမယ် အထက်ပါ ပုံလေးတွေပါ။

 Copy from - shwemyanmar media

Read more...

မလေးရှား ရှမ်းနှစ်သစ်ကူးနေ့ ကျင်းပ

ဒီဇင်ဘာ(၂၂)

ရှမ်းသက္ကရာဇ် ၂၁၀၇-ခုနှစ်မှာ ကျရောက်တဲ့ ရှမ်းနှစ်သစ်ကူးနေ့ အခမ်းအနားကို မလေးရှားရောက်
ရှမ်းအမျိုးသားများက စည်ကားသိုက်မြိုက်စွာဖြင့် Chinese Assembly Hall မှာ ကျင်းပသွားခဲ့ပါတယ်။

၂၁-၁၂-၂၀၁၂ နေ့မှာ ကျင်းပတဲ့ ရှမ်းနှစ်သစ်ကူးပွဲတော်အခမ်းအနားကို မနက်(၁၀)နာရီအချိန်မှာ
ရှမ်းဥက္ကဋ္ဌ စိုင်းထွန်းလင်းက ဖဲကြိုးဖြတ်ဖွင့်လှစ်ခဲ့ပြီး မလေးရှားအလံတော်နှင့် ရှမ်းအမျိုးသားအလံတော်ကို
အလေးပြုကြပါတယ်။

ဒီနောက်မှာတော့ ရှမ်းနှစ်သစ်ကို ကြိုဆိုပါတယ် ဆိုတဲ့ အဖွင့်သီချင်းဖြင့် သီဆိုဖျော်ဖြေခဲ့ပြီး ရှမ်းနှစ်သစ်ကူးနေ့ ဖြစ်ပေါ်လာပုံအကြောင်းကိုလည်း ရှမ်းဘာသာဖြင့် စိုင်းစမ်းစီက ပြောကြားသွားခဲ့ပါတယ်။

ဒီနောက်မှာတော့ ရှမ်းရိုးရာအကပဒေသာများဖြစ်ကြတဲ့ ကိန္နရီ ကိန္နရာအက၊ အလံအက၊
တိုးနီးယားအကနဲ့တိုင်းရင်းသားလူမျိုးစုအကများ စုံလင်စွာတင်ဆက် ကပြဖျော်ဖြေသွားကြပါတယ်။

ပြီးတော့ ခေတ်ပေါ်တေးဂီတအစီအစဉ်တွေနဲ့လည်း ဖျော်ဖြေသွားကြပါတယ်။

ကိုးဒီသွေး

Read more...

အချုပ်ခန်းမှ ထွက်ပြေး သွားသည့် ဖောက်ထွင်း ဝိဇ္ဇာ ကို ၁၀ ရက် အကြာတွင် ဖမ်းမိ

ဒီဇင်ဘာ(၂၂)

မည်သည့် သော့ အမျိုးအစား ကိုမဆိုငါးစက္ကန့် တွင်း ဖျက်ဆီး နိုင်စွမ်း ရှိပြီး ဖောက်ထွင်း မှုပေါင်း ၂၆ မှု ကျုးလွန်ထားပြီး မင်္ဂလာ တောင်ညွန့် တရားရုံး အချုပ်မှ ထွက်ပြေး လွတ်မြောက် သွားသည့် ဖောက်ထွင်း ဝိဇ္ဇာ နှစ်ဦးကို ၁၀ ရက် အကြာတွင် လားရှိုး မြို့တွင် ပြန်လည် ဖမ်းဆီး ရမိ ခဲ့ကြောင်း ရန်ကုန်တိုင်း ရဲတပ်ဖွဲ့ ထံမှ စုံစမ်း သိရှိ ရသည်။

နေရာ အနှံ့တွင် ဖမ်းဝရမ်း ထုတ် ကြေငြာ ခဲ့ပြီး ၁၀ ရက် အကြာ ဒီဇင်ဘာလ ၂၀ ရက် နေ့လည် ၁ နာရီ တွင် လားရှိုးမြို့ ၈ ရက်ကွက် တွင် သိမ်းနီ လမ်းမပေါ် အရောက်တွင် ရန်ကုန်တိုင်း ဒုစရိုက် နိမ်နင်းရေး တပ်ဖွဲ့ နှင့် ပူးပေါင်းကာ လက်ရ ဖမ်းဆီး နိုင်ခဲ့ပြီး တရားခံ များကို လားရှိုး အမှတ် ( ၁ ) ရဲစခန်း တွင် ခေတ္တ ထိန်းသိမ်း ထားကြောင်း ရဲစခန်းနှင့် မှုခင်း မှတ်တမ်း များ အရ သိရသည်။

ရှိုးဂန်း ( ခ ) စံလင်းအောင် ( ခ ) ဟာမစ် ၂၇ နှစ်နှင့် ကျော်ဇေယျာလင်း ( ခ ) ဖိုးကျော် ၂၇ နှစ် တို့ကို တိုက်ကြီး မြို့နယ်၊ ဂုံးတန်း ကျေးရွာ အုပ်စု၊ ကောက်ကွေးတန်း ကျေးရွာ တွင် အောက်တိုဘာလ ၂၅ ရက်နေ့ ည ၁၀ နာရီ အချိန်တွင် ဖောက်ထွင်းမှု ဖြင့် ဖမ်းဆီး ရမိ ခဲ့ပြီး ဒီဇင်ဘာလ ၁၀ ရက်နေ့ မွန်းလွဲ ၂ နာရီခွဲ အချိန် ခန့်တွင် တရား ရုံးတွင် ရုံးထုတ်စဉ် ထွက်ပြေး လွတ်မြောက် သွားခြင်း ဖြစ်သည်ဟု ရန်ကုန်တိုင်း ရဲတပ်ဖွဲ့ ထံမှ စုံစမ်း သိရှိ ရသည်။

ဖမ်းဆီး ရမိသူ များကို မင်္ဂလာ တောင်ညွန့် ရဲစခန်းမှ ပြစ်မှု ပေါင်း ၅ မှု၊ ပုဇွန်တောင် ရဲ စခန်းမှ ပြစ်မှုပေါင်း ၃ မှု၊ သင်္ဃန်းကျွန်း ရဲစခန်းမှ ပြစ်မှုပေါင်း ၂ မှု၊ တာမွေ ရဲစခန်းမှ ၂ မှု၊ အလုံ ရဲစခန်းမှ ပြစ်မှုပေါင်း ၂ မှု၊ ကမာရွတ် ရဲစခန်းမှ ပြစ်မှုပေါင်း ၄ မှု၊ လှိုင် ရဲစခန်းမှ ( ပ ) ၁၂၁ / ၁၀၁၂၊ ပြစ်မှု ဆိုင်ရာ ဥပဒေ ပုဒ်မ ၃၈၀၊ ကြည့်မြင်တိုင် ရဲစခန်းမှ ပြစ်မှုပေါင်း ၃ မှု၊ စမ်းချောင်း ရဲစခန်းမှ ပြစ်မှုပေါင်း ၂ မှု၊ အင်းစိန် ရဲစခန်းမှ ပြစ်မှုပေါင်း ၂ မှုဖြင့် အမှုဖွင့် အရေးယူ ထားကြောင်း သင်္ဃန်းကျွန်း ရဲတပ်ဖွဲ့ စခန်းမှ ရဲတပ်ဖွဲ့ဝင် တစ်ဦး၏ ပြောကြားချက် အရ သိရသည်။ 

The Voice Weekly

Read more...

ဒေါ်အောင်ဆန်းစုကြည်၏ မြိတ်-ကံမော်ကျွန်းစု ခရီးစဉ်စတင်

ဒီဇင်ဘာ(၂၂)

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်၏ မြိတ်-ကံမော်ကျွန်းစုခရီးစဉ် များအတွက် ရန်ကုန်မြို့မှ ဒီဇင်ဘာလ ၂၂ ရက်နေ့  နံနက်ပိုင်းတွင် လေယာဉ်ဖြင့် စတင်ထွက်ခွာသွားခဲ့ကြောင်း သတင်းရရှိသည်။

 

ဒေါ်အောင်ဆန်းစုကြည်သည် ခရီးစဉ်အတွင်း ဒေသခံလူထူများနှင့် တွေ့ဆုံခြင်း၊ မိန့်ခွန့်ပြောကြားခြင်းများကို ပြုလုပ်မည်ဖြစ်ပြီး ဒီဇင်ဘာလ ၂၄ ရက်နေ့တွင် ရန်ကုန်မြို့သို့ လေကြောင်းခရီးဖြင့် ပြန်လည်ထွက်ခွာလာမည်ဖြစ်ကြောင်း သိရသည်။

မြိတ်-ကံမော်ခရီးစဉ် သွားရောက်မည့် ဒေါ်အောင်ဆန်းစုကြည်အား ရန်ကုန်လေဆိပ်တွင် တွေ့ရစဉ်

 

ဒေါ်အောင်ဆန်းစုကြည်၏ ယခုခရီးစဉ်မတိုင်မီ ဒီဇင်ဘာလ ၁၄ ရက်နေ့က ကံမော်ကျေးရွာတွင် ဒေါ်အောင်ဆန်းစုကြည် မိန့်ခွန်းပြောကြားရန် စီစဉ်ထားသည့် စင်မြင့်အနီးတွင်  အသေးစား ပေါက်ကွဲမှုတစ်ခု ဖြစ်ပွားခဲ့သော်လည်း ခရီးစဉ် ကို ဖျက်သိမ်းခြင်းမရှိဘဲ သွားရောက်ခဲ့ခြင်းဖြစ်ကြောင်း သိရသည်။

 ဒေါ်အောင်ဆန်းစုကြည်သည် နိုဝင်ဘာလ ၂၉ ရက်နေ့မှ ၃၀ ရက်နေ့ အထိ မုံရွာခရိုင်၊ ဆားလင်းကြီးမြို့နယ်ရှိ လက်ပံတောင်းတောင် စီမံကိန်းအပါအ၀င် အကျဉ်းထောင်များသို့လည်းကောင်း၊ ဒီဇင်ဘာလ ၉ ရက်၊ ၁၀ ရက်များတွင် ဗိုလ်ချုပ်အောင်ဆန်း၏ မွေးရပ်ဇာတိဖြစ်သော မကွေးတိုင်း၊

နတ်မောက်မြို့နယ် အပါအ၀င် မကွေးတိုင်းဒေသကြီးအတွင်းရှိ မြို့နယ်များသို့ သွားရောက်၍ ဒေသခံပြည်သူလူထုများနှင့် တွေ့ဆုံခြင်း၊ မိန့်ခွန်းပြောကြားခြင်းများကို ပြုလုပ်ခဲ့သည်။

 မြိတ်-ကံမော်ခရီးစဉ် သွားရောက်မည့် ဒေါ်အောင်ဆန်းစုကြည်အား ရန်ကုန်လေဆိပ်တွင် တွေ့ရစဉ်

 

 Eleven Media Group

Read more...

ကေအဲန်ယူ၏ ဗဟိုခေါင်းဆောင် ကြီး ၅ ကြီးကို ရွေးချယ်လိုက်ပြီ

ဒီဇင်ဘာ(၂၂)

ယခုကျင်းပပြုလုပ်သည့် ၁၅ကြိမ်မြောက် ကရင် အမျိုးသားအစည်းအရုံး (ကေအဲန်ယူ) ကွန်ကရက် တွင် ကေအဲန်ယူ၏ ဗဟိုခေါင်းဆောင်ကြီး ၅ကြီးကို ယနေ့၌ လျှို့ဝှက်မဲပေး စနစ်ဖြင့် ရွေးချယ်တင်မြောက် လိုက်ပြီဟု သိရသည်။

အဆိုပါ အသစ်ရွေးချယ်ခံရသည့် ဗဟိုခေါင်းဆောင် ၅ဦးမှာ ဥက္ကဌ ဗိုလ်ချုပ်ကြီး မူတူစေးဖိုး၊ ဒုဥက္ကဌ နော်စီဖိုးရာစိန်၊ အထွေထွေအတွင်းရေးမှူး ပဒိုစောကွယ်ထူးဝင်း၊ တွဲဖက် အတွင်းရေးမှူး (၁) ပဒိုစောသောသီဘွဲနှင့် တွဲဖက်အတွင်းရေးမှူး (၂) မန်းမန်းမန်းတို့ဖြစ်သည်။

ယနေ့တွင် ကျန်ရှိသေးသည့် ကေအဲန်ယူ၏ ဗဟိုအလုပ်အမှုဆောင် ခေါင်းဆောင်များကို မရွေးချယ်ရသေးသော်လည်း တရားသူကြီးချုပ်ကိုတော့ ပဒိုအားတိုးကို ရွေးချယ်တင်မြောက်လိုက် သည်ဟု သတင်းရရှိသည်။

ယခု ၁၅ကြိမ်မြောက် ကေအဲန်ယူ ကွန်ကရက်တွင် မဲပေးပိုင်ခွင့်ရှိသူ ကိုယ်စားလှယ် ၁၇၀ဦးမှ ကေအဲန်ယူ၏ အမြဲတမ်း ဗဟိုကော်မတီဝင် ၃၁ဦးကို လျှို့ဝှက်မဲပေးစနစ်ဖြင့် ယမန်နေ့က စတင်ရွေးချယ်ခဲ့ခြင်းဖြစ်သည်။

ကရင်ပြည်နယ်၊ လှိုင်းဘွဲမြို့နယ်အတွင်းရှိ လေးဝါးစခန်း၌ နိုဝင်ဘာလ ၂၆ရက်နေ့က စတင်ကျင်း ပသည့် ကေအဲန်ယူ ကွန်ဂရက်သို့ ကေအဲန်ယူ၏ ခရိုင်၊ တပ်မဟာ ၇ခု၊ ဗဟို(လခသ)နှင့် တပ်(သ၀ခ)မှ ကိုယ်စား လှယ်များ အပါအ၀င် ပြည်တွင်း ပြည်ပရှိ လူထုအခြေပြုအဖွဲ့များမှ ကိုယ်စားလှယ်များ၊ လေ့လာသူများ စုစုပေါင်း ၁၇၅ဦး တက်ရောက်ခဲ့ကြသည်။

ကေအိုင်စီ

Read more...

မူဆယ်မြို့နယ် အမျိုးသမီးများက မူးယစ်ဆေးဝါး သုံးစွဲသူ ၃၀၀ ခန့် အရေးယူ

ဒီဇင်ဘာ(၂၂)


ရှမ်းပြည်နယ် မြောက်ပိုင်း၊ မူဆယ်မြို့နယ် မုံးပေါ်ဒေသအတွင်း အမျိုးသမီးများဦးဆောင်၍ မူးယစ်ဆေးဝါး တိုက်ဖျက်
ခဲ့ရာ သုံးစွဲသူ ၂၈၂ ဦးနှင့် ရောင်းဝယ်သူ ၁၂ ဦးအား အရေးယူနိုင်ခဲ့ကြောင်းဦးဆောင် ပါဝင်ခဲ့သူ ဆရာမ တဦးက ပြောသည်။

ဇုန်ပြည်သူလူထု မူးယစ်ဆေးဝါး တားဆီး ကာကွယ်ရေးအသင်း'မှ မုံးပေါ်ဒေသ နမ်ခေါင်ကျေးရွာအုပ်စု လချပ်၊ မနောင်ကောင်း၊ ဖာလပ်၊ လုံဂျာ၊ ဒွန်ဒုကျေးရွာတို့မှ မူးယစ်ဆေးဝါး ရောင်းဝယ် သူများနှင့် သုံးစွဲသူများအား အရေးယူခဲ့သည်ဟုအဆို ပါ ဘာသာရေး ဆရာမက ပြောသည်။

“ခုတော့ အိမ်ရှေ့မှာလည်း ဘာပစ္စည်းပဲဖြစ်ဖြစ် ထားလို့ရပြီ။ အရင်ကဆိုဘာပစ္စည်းမှ ထားလို့ မရဘူး။ စိတ်ဆင်းရဲ စရာတွေပဲ။ ခုတော့ မရှိသလောက်ပဲ။ ကျမတို့ဘက်ကတော့ တဝက်တော့ အောင်မြင်ပြီလို့ မြင်တယ်။အရင်တုန်း ကတော့ အိမ်ပတ်ဝန်းကျင်မှာ ဘိန်းစားများလွန်းလို့မိဘတွေမျက်ရည်နဲ့ နေရတယ်။ခုတော့မိဘတွေနဲ့အတူအလုပ်လုပ်နေတာ တွေ့ရတယ်။ကျမတို့လည်း ပျော်ရပါ တယ်” ဟု မဇ္စျိမကို ပြောသည်။

မုံးပေါ်ဒေသအတွင်း ဘိန်းဖြူ၊ ယာဘ နှင့် ဒေသအခေါ် မဟောင် ဆေးများ အဓိက သုံးစွဲကြသည်။ ရောင်းချသူနှင့် သုံးစွဲသူများကို သတိပေးတားမြစ်၍ မရပါကမုံးပေါ် ပြည်သူ့စစ် အချုပ်တွင် ခေတ္တဖမ်းဆီးပြီး ဒဏ်ငွေအဖြစ် နှစ်သိန်းမှ၁ဝ သိန်းအထိချ မှတ်ခြင်း ဖြစ်သည်။

အဖွဲ့အနေဖြင့် မူးယစ်ဆေးဝါးတိုက်ဖျက်ရေး အမှတ်တံဆိပ်ပါ ဦးထုပ်နှင့်အကျီင်္များကိုဝတ်ဆင်၍ ကျေးရွာများအတွင်းတိုက်ဖျက်ရေး ခရီးစဉ်များသွားရောက်စဉ်တွင်သက်ဆိုင်ရာအာဏာပိုင်များကအနှောက်အယှက်ပေးခြင်းမရှိကြောင်းသလိုပူးပေါင်းဆောင်ရွက်မှုလည်း မရှိဟုဆိုသည်။

မုံးပေါ်ဒေသအတွင်း မူးယစ်ဆေး ရောင်းဝယ်သူ ၅၄ ဦးနှင့် သုံးစွဲသူ ဦးရေ၁၄၉ ဦး ကျန်ရှိနေသေးကြောင်း သူက ဆက်ပြောသည်။ 
ထိုသို့ တိုက်ဖျက်နေသော်လည်း မုံးပေါ်မြို့မ ဈေးရွာတွင် ယခင်က ရောင်းဝယ်သူ ၁ဝ ဦးကျော်သာရှိရာမှ ယခု ၂၃ ဦး ထပ်မံတိုးမြင့်လာပြီး စုစုပေါင်း ၃၃ ဦးရှိလာသဖြင့် ၎င်းတို့အား ထပ်မံ ဖမ်းဆီး အရေးယူသွားရန် အထောက်အထား
ကောက်ခံနေပြီ ဖြစ်ကြောင်း ဒေသခံ တဦးလည်းဖြစ်၊ ရပ်ရွာ ဖွံ့ဖြိုးရေးနှင့်သဘာဝပတ်ဝန်းကျင် ထိန်းသိမ်းရေး လုပ်ငန်းများ လုပ်ဆောင်နေသူကိုမုန်မောင်ဘရန် က ပြောသည်။

“မုံးပေါ်ရွာအနီးတွေတော့ ရောင်းတဲ့လူ မရှိသလောက်ပဲ။ ခု ပိုများလာတာက မုံးပေါ်ဈေးကြီးမှာ။ နောက်ကွယ်မှာ စစ်တပ်က ပါနေတယ်။ အာဏာပိုင်တွေရဲ့လာဘ်စားမှုတွေနဲ့ ပတ်သက်နေတယ်လို့ ယူဆထားတယ်။ ဒါကြောင့် ခုစုံစမ်း စစ်ဆေး ဖို့ စီစဉ်နေပြီ။

သတိပေးလို့ မရဘူးဆိုရင် မြို့နယ်၊ ခရိုင်အဆင့်ဆင့် တိုင်ကြားသွားဖို့လုပ်နေတယ်” ဟု သူက မဇ္စျိမကို ပြောသည်။ 
ကိုမုန်မောင်ဘရန်သည် သြဂုတ်လအတွင်းက ထိုမုံးပေါ်ဒေသအတွင်းမူးယစ်ဆေးဝါး ရောင်းဝယ်သူနှင့် သုံးစွဲသူများ ပိုမိုများပြားလာမှုအပေါ် ဒေသအတွင်း လေ့လာမှုတခု ပြုလုပ်ခဲ့သူ ဖြစ်သည်။

ဒီဇင်ဘာလ၁၂ရက်မှ၁၄ရက်ထိ် ဆွေးနွေးပွဲ ပြုလုပ်၍ လေးလကြာမူးယစ်ဆေးဝါးတိုက်ဖျက်နိုင်ခဲ့မှုများကိုပြန်လည်သုံးသပ်ကြသည်။

မုံးပေါ်ဒေသ ကျေးရွာအုပ်စု ၈ အုပ်စုမှ မုံးပေါ်၊ မန်ပိန်း၊ နမ်ခေါင်၊ နမ်ချက်၊ဝင်းဆိုင်၊ မန်ကန်၊ မန်ဘန်၊ ဖာလပ်၊ လုံဂျာ၊ မန်ဂျေ၊ မန်နောင်းကောင် စသည့်ကျေးရွာများ အပါအဝင် ကျေးရွာပေါင်း ၂ဝ တွင် ကချင်၊ ရှမ်းနှင့် တရုတ် လူမျိုးများနေထိုင်ကြရာ လူဦးရေ ၁ဝ,၇၅၅ ဦးတွင် မူးယစ်ဆေးဝါးသုံးစွဲသူ ၂ဝ ရာခိုင်နှုန်း ရှိသည်ဟု မဇ္စျိမက လက်ခံရရှိသော ၎င်းတို့၏သုံးသပ်ချက် စာတမ်း တွင် ဖော်ပြထားသည်။

ထို့ပြင် မူးယစ်ဆေးဝါးတိုက်ဖျက်ရေးလုပ်ငန်းတွင် သက်ဆိုင်ရာ အစိုးရ အာဏာပိုင်များဘက်မှ ပူးပေါင်း ပါဝင်လာခြင်း မရှိခြင်း၊ ဒေသခံအမျုိးသားများ ပါဝင်မှု အားနည်းခြင်း၊တရားဥပဒေ စိုးမိုးခြင်း မရှိခြင်း၊ မူးယစ်ဆေးဝါးသုံးစွဲသူများ အား ပြန်လည်
 ထူထောင်ရေးနှင့် ဆေးဝါး တိုက်ဖျက်ရေး စခန်း မရှိခြင်းအပြင် ထိပ်ပိုင်းမူးယစ်ဆေးဝါး ရောင်းဝယ် သူများအား မတိုက်ဖျက်နိုင်ခြင်း စသည့်စိန်ခေါ်မှု ကြုံတွေ့နေရသည်ဟု သုံးသပ်ချက်တွင် ပါရှိသည်။

 (မဇ္စျိမသတင်းဌာန)

Read more...