ဧပြီ(၁၈)
ဗြိတိန်
နိုင်ငံခြားရေး ၀န်ကြီး မစ္စတာ ၀ီလျံဟိဂ်နှင့် သမ္မတရုံး ၀န်ကြီး
ဦးအောင်မင်း ဦးဆောင်သည့် မြန်မာကိုယ်စားလှယ် အဖွဲ့ (ဓာတ်ပုံ – Hla Maung
Shwe / Facebook)“မြန်မာနိုင်ငံမှာ ကျနော်တို့ မြင်ရတဲ့ သိသာတဲ့ အပြောင်းအလဲတွေမှာ ၀န်ကြီး ဦးအောင်မင်းရဲ့ အခန်းကဏ္ဍအပေါ် ချီးမွမ်းစကား ပြောကြားလိုပါတယ်” ဟု ဗြိတိန် နိုင်ငံခြားရေး ၀န်ကြီး ၀ီလျံဟိဂ်က ပြောကြောင်း ဗြိတိန်အစိုးရ သတင်း ထုတ်ပြန်ချက်တွင် ဖော်ပြထားသည်။
မြန်မာနိုင်ငံတွင် နှစ်ပေါင်းများစွာ လက်နက်စွဲကိုင်ထားကြသည့် တိုင်းရင်းသားအဖွဲ့ ၁၁ ဖွဲ့ထဲမှ ၁၀ ဖွဲ့နှင့် အပစ်အခတ် ရပ်စဲရေးများ လုပ်ဆောင်နေသည့် ငြိမ်းချမ်းရေး ဖြစ်စဉ်များ ကို မစ္စတာ ၀ီလျံဟိဂ်နှင့် ဝန်ကြီး ဦးအောင်မင်း တို့ ဧပြီလ ၁၆ ရက်နေ့က ဆွေးနွေးခဲ့ခြင်း ဖြစ်သည်။
ငြိမ်းချမ်းရေး ဖြစ်စဉ်တွင် နောက်ထပ် တိုးတက်မှုများကို ကျွမ်းကျင်ပညာရှင်များ အပါအ၀င် ဗြိတိန်ဘက်မှ မည်ကဲ့သို့ အကောင်းဆုံး အားပေး ထောက်ခံ သွားကြမည်ကို လည်း ထည့်သွင်းဆွေးနွေးကြောင်း သတင်းထုတ်ပြန်ချက်တွင် ဖော်ပြထားသည်။
ကချင်ပြည်နယ်တွင်လည်း ထာဝရ အပစ်အခတ် ရပ်စဲရေး ရရှိရန် ရှေ့ဆက်လုပ်ဆောင်ရမည့် လိုအပ်သည့် အချက်များကိုလည်း နှစ်ဖက် ဆွေးနွေးခဲ့ကြောင်း၊ မကြာမီက မိတ္ထီလာမြို့တွင် ဖြစ်ပွားခဲ့သည့် မွတ်စလင် ဆန့်ကျင်ရေး အဓိကရုဏ်းများတွင် နောက်ကွယ်မှ ပါဝင်ပတ်သက်မှုများနှင့် စပ်လျဉ်း၍လည်း ဆွေးနွေးခဲ့ကြောင်း၊ မြန်မာနိုင်ငံတွင် ဘာသာမတူ အယူကွဲပြားသော်လည်း အတူတကွ လူ့အဖွဲ့အစည်းကို ဖော်ဆောင်ရေးအတွက် ဗြိတိန်အစိုးရက ဆက်လက် အားပေး ထောက်ပံ့ကာ လက်တွဲ လုပ်ဆောင်သွားမည် ဖြစ်ကြောင်း မစ္စတာ ၀ီလျံဟိဂ်က ဆိုသည်။
မြန်မာနိုင်ငံတွင် နှစ်ပေါင်းများစွာ အခြေချနေထိုင်ပြီး နိုင်ငံတကာ စံချိန်စံညွှန်းများအရ နိုင်ငံသားဖြစ်ခွင့် အပြည့်အ၀ ရသင့်သည့် ဘင်္ဂါလီများနှင့် ပတ်သက်၍လည်း အရေးကြီးကြောင်း၊ ရခိုင်ပြည်နယ်အတွင်း လူသားချင်း စာနာထောက်ထားရေးဆိုင်ရာ အရေးပေါ် အကူအညီပေးရေး ကိစ္စများလည်း ဆွေးနွေးဖြစ်ခဲ့ကြောင်း သူက ဆက်ပြောသည်။
လွန်ခဲ့သည့် သီတင်းပတ်က G8 ထိပ်သီး နိုင်ငံများ၏ နိုင်ငံခြားရေး ၀န်ကြီးများကလည်း တာဝန်သိ ရင်းနှီးမြှုပ်နှံမှု ဆိုင်ရာ မြန်မာအစိုးရ၏ ကတိပေးမှုကို အားပေးထောက်ခံခဲ့ကြသည်။ လွတ်လပ်ပြီး ကြွယ်ဝချမ်းသာသည့် လူ့အဖွဲ့အစည်းတခု ဖြစ်ပေါ်လာစေရေး မြန်မာနိုင်ငံ၏ အသွင်ကူးပြောင်းရေးကို ဗြိတိန်အစိုးရက ဆက်လက်၍ ကူညီလုပ်ဆောင်ပေးမည် ဆိုသည်ကို ယခု ရှင်းလင်းစွာ ထပ်မံ ပြသလိုက်ခြင်း ဖြစ်ကြောင်း မစ္စတာ ၀ီလျံဟိဂ်က ဆိုသည်။
ဝန်ကြီး ဦးအောင်မင်း ဦးဆောင်သော မြန်မာ ကိုယ်စားလှယ်အဖွဲ့နှင့် ဗြိတိန်အစိုးရ တာဝန်ရှိသူများ၏ ယနေ့ ဧပြီလ ၁၇ ရက်နေ့တွင်လည်း ဆက်လက် တွေ့ဆုံးကြောင်း၊ ယင်းသို့ တွေ့ဆုံရာတွင် ဗြိတိန် အမျိုးသား လုံခြုံရေး အကြံပေးအရာရှိ ကင်မ် ဒါရိုလည်း ပါဝင်ကြောင်း သိရသည်။
သမ္မတရုံး ၀န်ကြီး ဦးအောင်မင်း ဦးဆောင်သော မြန်မာကိုယ်စားလှယ် အဖွဲ့တွင် လူဝင်မှု ကြီးကြပ်ရေး ၀န်ကြီး ဦးခင်ရီ၊ သမ္မတ အကြံပေးအဖွဲ့ဝင်တဦးဖြစ်သူ ဦးလှမောင်ရွှေ စသူတို့ ပါဝင်ပြီး ဗြိတိန်နိုင်ငံ လန်ဒန်မြို့တွင် ယမန်နေ့က ၀န်ကြီးချုပ်ဟောင်း တိုနီဘလဲနှင့် ၄င်း၏ ရုံးအရာရှိချုပ် ဂျွန်နသန် ပါဝဲလ်တို့နှင့်လည်း တွေ့ဆုံခဲ့သေးသည်။
ယခုအခါ ဦးအောင်မင်းနှင့် မြန်မာ ကိုယ်စားလှယ်အဖွဲ့သည် အိုင်ယာလန်နိုင်ငံသို့ ဆက်လက် ထွက်ခွာသွားပြီး အိုင်ယာလန်နိုင်ငံမှ သမ္မတ ဦးသိန်စိန်အား ချီးမြှင့်သည့် ငြိမ်းချမ်းရေး စွမ်းဆောင်ရှင်ဆုကို ဦးအောင်မင်းက ကိုယ်စား လက်ခံရယူမည် ဖြစ်သည်။
ထို့နောက် ဦးအောင်မင်းနှင့် မြန်မာ ကိုယ်စားလှယ် အဖွဲ့သည် အမေရိကန် ပြည်ထောင်စုသို့ ဆက်လက်ထွက်ခွာရန် အစီအစဉ်ရှိကြောင်းလည်း သိရသည်။
ဧရာဝတီ
