Sunday, May 26, 2013

ဘိုးဘိုးအောင် ဖန်ဆင်းတဲ့ ဝ လား...... (၁) သို့မဟုတ် ဝ ပြည်နယ် တောင်းဆိုမှုအပေါ်....

0 comments

မေလ ၂၆ ရက်

Photo: ဓါတ်ပုံရိုက်လျင် သေဒဏ် သတ်မှတ်ထားသော ဝ အထူးဒေသ (၂) ဌာနချုပ် တောင်သုံးလုံးရှိရာ မိုင်းမောမြို့ကလေး မြူတွေ လွှမ်းလာချိန် ရိုက်ထားခြင်း ဖြစ်ပါတယ်.....

ဝ ပြည်နယ်တောင်းတဲ့အပေါ် အမျိုးမျိုး ပြောနေ ဆိုနေကြတယ်.... တစ်ချို့ကလည်း ဝ ဟာ တိုင်းရင်းသားမဟုတ်ဘူးလို့ ဆိုကြတယ်..... တစ်ချို့ကလည်း တရုတ်လက်ပါးစေလို့ ဆိုကြတယ်.... တစ်ချို့ကလည်း တရုတ်ကို ကြည့်မရတာနဲ့ ဝ ပါ ဆော်ပစ်ဆိုပီး ပြောနေကြတယ်...... တစ်ချို့ကတော့ ဝ ရဲ့ ကြီးမားတဲ့ လက်နက်ကိုင်တပ်ရဲ့ အခြေအနေကို ထောက်ပြပီး အန္တရာယ်ရှိတယ်လို ဆိုလာတယ်..... ဒါပေမယ့် ဝ တွေပြည်နယ် တောင်းတာဟာ အခုမှမဟုတ်ပဲ အတော်အတန်ကြာပီဆိုတာ အများစု မေ့လျော့နေတဲ့ အချက်ပဲ..... ဒီသတင်း ထွက်ပေါ်လာတာနဲ့ တိုက်တိုက်ဆိုင်ဆိုင် KIA နဲ့ ငြိမ်းချမ်းရေးပီးတော့၊ SSA၊ DKBA နဲ့ အွန်လိုင်းမှာ လှည့်ရန်တိုက်လို့မရချိန် ဦးသိန်းစိန်ရဲ့ နိုင်ငံခြား ခရီးစဉ်ထွက်ချိန်နဲ့လည်း တိုက်ဆိုင်နေတာကို သတိထားမိတယ်......

သူတို့တွေ ဘာရည်ရွယ်ချက်နဲ့ ဒီသတင်းကို အစပျိုးထုတ်လွှင်လာတယ် ဆိုတာကို ထူးပီးမဝေဖန်လိုပေမယ့် ဒီသတင်းအပေါ်မှာစီးမြောရင်း အပြန်အလှန် ဝေဖန်မှုတွေ များလာတယ်...... ဒါပေမယ့် အနှစ်ပါတဲ့ ဝေဖန်မှုက နည်းပါးပီး ထစ်ခနဲရှိ ဒေဝေါကြီး ဒေဝေါကြီးဆိုတဲ့ပုံသဏ္ဍန်နဲ့ တရုတ်က တရုတ်က ဆိုတာကို ထည့်သွင်းပြောလာကြတာပဲ အများဆုံးတွေ့ရတယ်..... အခုလက်ရှိ ဝ ကိစ္စဟာ ကိုယ့်ရဲ့ ပြည်တွင်းရေးဖြစ်တဲ့အတွက် ဝ လူမျိုးတွေ ဘာကြောင့် ပြည်နယ်တောင်းသလဲဆိုတာကို ထည့်သွင်းစဉ်းစားပေးတဲ့လူ နည်းတာကို သတိထားမိတယ်.... တိုင်းရင်းသားအချင်းချင်း ညီအစ်ကိုလို သင့်မြတ်နေရင်တော့ တရုတ်ကို သံသယရှိတာ ဖြစ်သင့်ပါတယ်.... တိုင်းရင်းသားချင်းလည်း ကြုံတိုင်း လူမျိုးတုန်း သတ်နေချိန်မှာ ဘာကြောင့်လဲဆိုတာသိဖို့ ဝ တွေရဲ့ ရပ်တည်မှုကို သေခြာလေ့လာဖို့ လိုပါလိမ့်မယ်....... ကျွန်တော်တို့ရဲ့ တိုင်းရင်းသားဖြစ်တဲ့ ဝ နဲ့ ပါတ်သက်လို့ ဘာကြောင့် ပြည်နယ်တောင်းသလဲဆိုတာကို သိစေဖို့ ဒီစာကို ရေးလိုက်ပါတယ်......

ဝ တွေဟာ ၁၉၄၇ ဖွဲ့စည်းပုံ အခြေခံဥပဒေအရ ရှမ်းပြည်ရဲ့ လက်အောက်ခံအနေနဲ့ ပါဝင်ခဲ့တယ်..... ပင်ကိုယ်က ကိုယ့်ခေါင်းဆောင်နဲ့ကိုယ် နေခဲ့ကြပြီး ရှမ်းခေါင်းဆောင်တွေနဲ့ တန်းတူရည်တူ ပြောဆို ဆက်ဆံခဲ့တဲ့ ဝ လူမျိုးတွေအတွက်တော့ အဆင်မပြေဘူးပဲ ဆိုရမယ်...... နောက်တစ်ခုက ဝ တွေဟာ ရှမ်းနဲ့ ရာဇဝင်ကြွေးရှိတယ်.... အထူးသဖြင့် ခွန်ဆာတို့နဲ့ အကြီးအကျယ်ငြိခဲ့ပီး သူသေကိုယ်သေ တပ်နှစ်တပ် သတ်ခဲ့ကြတာ သမိုင်းသက်သေတွေ ရှိခဲ့တယ်..... ဒီ ရန်ညှိုးကြောင့်လည်း SSA အပါအဝင် အခြားတိုင်းရင်းသား တပ်တွေက ဝ တပ်ကို လစ်ရင်လစ်သလို အားနည်းတဲ့ရင် တွယ်လေ့ရှိတယ်..... တိုင်းရင်းသားပေါင်းစုံ ပါဝင်တဲ့ ငြိမ်းချမ်းရေးအဖွဲ့ ဖွဲ့ထားပေမယ့် KIA နဲ့ ဝ နဲ့ဟာလည်း မတည့်ပဲ တိုက်ခဲ့ကြတဲ့ သမိုင်းတွေ ရှိခဲ့တယ်......

ဒါတွေကြောင့် ဝ ဟာ စစ်ရေးအဆင်သင့်ဖြစ်အောင် အမြဲပြင်ထားရတယ်..... သူ့လူမျိုးတိုင်းဟာ အသက်ပြည့်ရင် စစ်မှုမထမ်းမနေရ စနစ်ကို ကျင့်သုံးတယ်...... လိုတဲ့ လက်နက်တွေအတွက် ဝ မှာ ကိုယ်ပိုင်လက်နက် စက်ရုံတွေ ရှိတယ်..... သူ့ရဲ့နေရာအရ ကြည့်ရင်လည်း ပါတ်ပါတ်လည်မှာ အခွင့်သာရင် တိုက်မယ့် တိုင်းရင်းသား လက်နက်ကိုင်တွေ ရှိတယ်...... အခြားတစ်ဖက်မှာလည်း ဖိအားပေးနေတဲ့ အစိုးရ စစ်တပ်ရှိတယ်...... နောက်ဘက်မှာလည်း စီးပွားရေးနဲ့ ဖိနင်းဖို့ ပြင်နေတဲ့ တရုတ်နိုင်ငံ ရှိတယ်...... ဒါကြောင့် သူတို့ရဲ့ ရုန်းကန်ရမှု အနေအထား၊ ပထဝီဝင် မျက်နှာသွင်ပြင်ကို လေ့လာကြည့်ဖို့ လိုလိမ့်မယ်.... ဝ လက်နက်အင်အားကြီးထွားတယ် ဆိုတာသည် သူ့ကိုယ်သူ ကာကွယ်ဖို့လည်းဖြစ်တယ်.... မကြီးထွားရင်လည်း SSA သတ်လို့ သေရတဲ့ ဝ စစ်သားတွေက သူတို့အတွက်သင်ခန်းစာ ဖြစ်နေလို့...... ဒါကြောင့် ဝ ရဲ့ လက်နက်အင်အားနဲ့ ပါတ်သက်ပီး စိုးရိမ်နေတာ ဖြစ်သင့်သလို သူတို့ရဲ့ သမိုင်းကြောင်း ရန်ကြွေးတွေကို ကျေကျေလည်လည် လေ့လာဖို့လိုပါလိမ့်မယ်.......

ဝ နဲ့ ရှမ်းနဲ့ ရှိတဲ့ ရာဇဝင်ကြွေးကြောင့် ဝ ကလည်း ရှမ်းအောက်မှာ မနေချင်ဘူး..... အခုအချိန်မှာ အစိုးရက ဝ ဘက်ကလိုက်ရင် ရှမ်းက ကလော်မယ်.... ရှမ်းဘက်ကလိုက်ရင် ဝ က ကလော်မယ်..... ဝ ကလည်း ပြည်နယ်အစိုးရ အုပ်ချုပ်တာတော့ မခံနိုင်ဘူး ဗဟိုအစိုးရ အုပ်ချုပ်တာပဲ ခံ မယ်လို့ ပြောလာတယ်....... ပြည်နယ်အစိုးရကလည်း ဝ ကို ၄၇ အခြေခံဥပဒေအရဆိုပီး အုပ်ချုပ်ချင်တယ်..... ဒီအချိန်မှာ ဝ ကို အတင်းသွားတိုက်မယ်ဆိုရင် ကောင်းကျိုးထက် ဆိုးကျိုးက ပိုများတယ်...... ဝ ဟာ KIA နဲ့ ငြိမ်းချမ်းရေး ဆွေးနွေးဖို့ တိုက်တွန်းတဲ့စာမှာ ခွဲထွက်ခွင့် မပါသော ငြိမ်းချမ်းရေး ဆိုတဲ့ စကားလုံးကို တော်တော်လေး အလေးပေး သုံးထားတာ တွေ့ရတာကို ကြည့်ခြင်းအားဖြင့် ဝ ဟာ ပြည်ထောင်စုအတွက် အန္တရာယ် ဖြစ်လား မဖြစ်လား သုံးသပ်နိုင်ပါတယ်......

ဝ ဟာ မြန်မာပြည်ရဲ့ အရှေ့ဖျား လူဦးရေး အင်မတန်ထူထပ်တဲ့ တရုတ်နိုင်ငံနဲ့ အဦးဆုံးထိစပ်နေတဲ့ မြန်မာနိုင်ငံရဲ့ နယ်မြေလို့ ပြောလို့ရတယ်..... အဲဒိအတွက် သူ့စီကို ပြိုဆင်းလာမယ့် တရုတ်တွေကို သူနိုင်သလောက် တားဆီးနေခဲ့တယ်.... လက်ရှိအနေအထားအရ ဝ ပြည်ဘက်ကနေ ဒီဘက်ကိုဆင်းလာတဲ့ တရုတ်တွေ မရှိသလောက် အတော်လေး နည်းပါးတယ်..... လူဦးရေ ယိုစိမ့်မှုကို သူနိုင်သလောက် တားဆီးထားနိုင်တယ်လို့ ပြောလို့ရတယ်..... ဗဟိုအစိုးရ၊ ပြည်နယ်အစိုးရရဲ့ ပံ့ပိုးကူညီမှု အလျဉ်းမရှိပဲ သူ့ဟာသူ လုပ်ဆောင်နေရတယ်လို့ ဆိုနိုင်တယ်......

ဝ ပြည်နယ်ဟာ ရှမ်းပြည်နယ်ထဲမှာ သယံဇာတတွေထွက်တယ်၊ သတ္ထု၊ ရွှေ၊ ရာဘာ အများကြီးပဲ ဒါကို ပြည်နယ်အစိုးရကလည်း မျက်စိကျတယ်...... ယခင် စစ်အစိုးရ လက်ထက်ကလည်း မျက်စိကျခဲ့တယ်..... ခွန်ဆာကို တိုက်ပီး ဝ လူမျိုးတွေရဲ့ သွေးတွေနဲ့ ရင်းယူထားတဲ့ မြေပေါ်မှာ ရာဘာပင်တွေ စိုက်ထားပီး ဖြစ်ထွန်းလာချိန်မှာမှ ယခင် စစ်အစိုးရက ရွေးကောက်ပွဲမလုပ်ခင် နောက်ကိုဆုတ်ခိုင်းတဲ့အတွက် တိုက်လု တိုက်ခင် အခြေအနေဖြစ်ခဲ့ရတယ်...... ဝ ဒေသရဲ့ ပန်းဆန်းမှာ ရှိတဲ့ လောင်းစကားရုံဟာ တရုတ်လူမျိုးတွေရဲ့ ရှာဖွေထားတဲ့ ပိုက်ဆံတွေ လာရောက်ဖြုန်းတီးရာ၊ တရုတ်တွေရဲ့ ငွေတွေ စီးဝင်သွားရာ နေရာတစ်ခုဖြစ်လို့ တရုတ် အာဏာပိုင်တွေက ပိတ်စေချင်ပေမယ့် အဓိက ဝင်ငွေရလမ်းဖြစ်လို့ ဝ တွေက မပိတ်ပဲ ထားတဲ့အခါမှာ တရုတ်ရဲ့ ဒဏ်ခတ်တာတွေ ခဏခဏ ခံရလေ့ ရှိတယ်....... ဒီအတွက်ကြောင့် ဝ ဟာ တရုတ်ရဲ့ ဒဏ်တွေ နောကျေနေပီလို့ ပြောလို့ရပါတယ်..... ဝ ဒေသရဲ့ စီးပွားရေး ဖွံ့ဖြိုးမှုကတော့ အဲ့ဒိဒေသမှာရှိတဲ့ ၂၄ နာရီ မီးရရှိမှု၊ လမ်းပန်းဆက်သွယ်ရေး ပြေပြစ်မှု၊ ကြိုးဖုန်း၊ အင်တာနက်၊ မိုဘိုင်းဖုန်းဆက်သွယ်ရေး ကောင်းမွန်မှု၊ လောင်စာဆီ ဝယ်ယူရရှိနိုင်မှု၊ ဒေသတွင်း တည်ငြိမ်မှု အစရှိတာတွေနဲ့ ပြန်ကြည့်ရင် သိနိုင်ပါတယ်.....

ဝ နဲ့ ကေအိုင်အေ ကွာခြားမှုကတော့ ကေအိုင်အေက ကချင်နိုင်ငံတော် ဆိုတာကို မျိုးဆက်သစ်တွေကို ရိုက်သွင်းတယ်၊ အဲ့ဒိအတွက် တိုက်ယူရမယ်ဆိုတဲ့ အသိကို မွေးထားတယ်.... ဝ က ဗဟိုအစိုးရရဲ့ စောင့်လျှောက်မှု၊ ကာကွယ်မှုကို တောင်းခဲ့တယ်၊ ခုထိလည်း တောင်းနေတုန်းပဲ....... ဝ လူမျိုးတွေ အရွယ်ရောက်ရင် ဝ တပ်ထဲ မဝင်မနေရ ရှိကြပေမယ့် ဝ နိုင်ငံထူထောင်ဖို့ စိတ်ကူးမရှိကြတာ သတိထားမိတယ်..... ကျွန်တော် ဝ နယ်ဘက်မှာ ရင်းရင်းနှီးနှီး နေခဲ့စဉ်က သူတို့တွေရဲ့ ဘာကြောင့် ဗဟိုအစိုးရက သူတို့ကို နိုင်စားချင်ကြသလဲ ဆိုတဲ့ မေးခွန်းကို ခဏခဏ အမေးခံခဲ့ရတယ်..... 

ဝ ကိစ္စဟာ အကိုင်အတွယ် မတတ်ရင်၊ အထိမ်းအသိမ်းမတော်ရင် ရှမ်းပြည်အရင် ပြိုကွဲမယ့် ကိစ္စပါ..... ဝ ကိုပြည်နယ်ပေးရင် ပြည်နယ်အစိုးရ လက်ခံမှာလား မေးစရာရှိလာတယ်...... ကိုယ်တိုင်က တိုင်းရင်သားခြင်း တန်းတူအခွင့်အရေး ကြွေးကျော်နေတဲ့ လူမျိုးကြီး ရှမ်းတွေအနေနဲ့ သူ့ရဲ့ တိုင်းရင်းသားအခွင့်အရေး ရဖို့တောင်းဆိုနေတဲ့ ဝ ကို လက်ခံနိုင်မလား ဆိုတဲ့ မေးခွန်းပါပဲ...... အခုဖြစ်နေတဲ့ ပြဿနာအများစုဟာလည်း ကိုယ်တိုင်က တိုင်းရင်းသားလွတ်လပ်ခွင့် တောင်းနေပေမယ့် ကိုယ့်အောက်က တိုင်းရင်းသားတွေကိုတော့ ကိုယ့်လက်အောက်ခံလို ထားနေတဲ့အတွက် ပြဿနာဖြစ်နေတာပါ..... ဥပမာအနေနဲ့ KIA ရဲ့ အုပ်ချုပ်မှုအောက်မှာ တိုင်းလိုင် ရှမ်းနီတွေကို တန်းတူမထားလို့ ဖြစ်နေတဲ့ ပြဿနာမျိုးပါ..... ဗဟိုအစိုးရရဲ့ အုပ်ချုပ်မှုကို လက်ခံချင်တဲ့ ဝ ကို ပြည်နယ်တောင်းတာကို ပြည်နယ်အစိုးရက သဘောထားကြီးဖို့ လိုမယ်လို့ မှတ်ယူတယ်..... အထူးသဖြင့် တိုင်းရင်းသား အခွင့်အရေး ဆိုတာကို ကြွေးကျော်နေသူတွေက ကိုယ့်အောက်က အခြားတိုင်းရင်းသားတွေကို ဖိနှိပ်တာမျိုးလည်း မဖြစ်ဖို့လိုမယ်.....

ဝ ဒေသကို တရုတ်က ဟယ်လီကော်ပတာ ပေးတယ် ဆိုတာနဲ့ ပါတ်သက်ပီး ပြောချင်တာက ဝ ဒေသရဲ့ တောင်တွေဟာ ပင်လယ်ရေမျက်နှပြင်အထက် အမြင့်ပေ ၅၀၀၀ အထက်မှာရှိတယ်..... ဟယ်လီကော်ပတာရဲ့ အားနည်းချက်ဟာ ပင်လယ်ရေမျက်နှာပြင်ထက် မြင့်လာလေလေ လေဖိအား နည်းလာတဲ့အတွက် အမြင့်ကို ပြန်တက်နိုင်စွမ်း နည်းလာလေလေ၊ ကုန်စည် တင်ယူနိုင်မှု နည်းလာလေပဲ...... ဝ ဒေသမှာ လေယာဉ်ပြေးလမ်းအတွက် မြေပြန့် လုံလုံလောက်လောက် မရှိဘူး.... ဟယ်လီကော်တာ သုံးမယ်ဆိုရင်တောင် အဆင်မပြေတဲ့ အချက်က ဝ ဘက်က တောင်တွေရဲ့ ရာသီဥတုပဲ..... ဝ တွေရဲ့ စီးပွားရေး မြို့တော် ပန်ဆန်းကလွဲပီး ကျန်တဲ့နေရာတွေက မကြာခဏ မြူတွေဆိုင်းပီး မိုးထစ်ချုံးရွာနေတဲ့ ဒေသ..... အထူးသဖြင့် ဝ ဌာနချုပ် တောင်သုံးလုံးရဲ့အောက်ခြေက မိုင်းမောမြို့ကလေးဆိုရင် တိမ်ပေါ်မှာ ရှိနေတယ်လို့ တင်စားရအောင် အမြဲလိုလို မြူတွေဆိုင်းနေလေ့ ရှိပါတယ်..... ဝ ဒေသမှာရှိတဲ့ မြေပြန့်ကလည်း တောင်တွေကြားထဲမှာ ဒယ်အိုးသဖွယ် ဖြစ်နေတာ များပါတယ်.... မြေပြန့်လေး ရတိုင်းမှာ သူတို့ဟာ မြို့တည်ထားရတာပါ...... ဥပမာအားဖြင့် ပန်ဆန်း၊ မိုင်းပေါက်....

ဟယ်လီကော်ပတာ၊ လေယာဉ် အစရှိတာတွေ ရပီဆိုတာနဲ့ အရံစက်ပစ္စည်း အများကြီးလိုပါတယ်..... လေယာဉ်ကွင်းလိုမယ်..... ထိမ်းသိမ်းဖို့ အဆောက်အဦးတွေ၊ အဲ့ဒိလေယာဉ်ကွင်းအတွက် လေကြောင်းရန်ထိမ်းသိမ်းဖို့၊ ကျွမ်းကျင် စစ်သည်၊ ဝန်ထမ်း၊ ထောက်ပို့ အစရှိတာတွေ အများကြီးပါ..... နောက် သူတို့ ရာသီဥတုအရလည်း အဆင်မပြေပါဘူး..... ဒါဖြင့် ဝ ဒေသရဲ့ သံချပ်ကာ ကားတွေကို လက်ညှိုးထိုးမေးနိုင်ပါတယ်..... ဝ ဒေသရဲ့ တစ်နေရာနဲ့ တစ်နေရာ ဆက်သွယ်တဲ့ ကားလမ်းတွေဟာ တစ်ဖက်က တောင် တစ်ဖက်က အသူတရာနက်တဲ့ ချောက်ပါ...... သွားရိုးသွားစဉ် လမ်းမဟုတ်ရင် သံချပ်ကာတင့်ကားတောင် သွားဖို့တော်တော်လေးကို ခဲယဉ်းပါတယ်..... ဝ ဒေသမှာ သံချပ်ကာ ကားတွေ သွားမယ်ဆိုရင် တောင်ပေါ် တောင်စောင်းကနေ အာပီဂျီတစ်ချက်စာပဲ ရှိပါတယ်..... တောင်ပေါ်လမ်းတွေရဲ့ သဘာဝအရ မြူဆိုင်းရင် ရှေ့ကို ဓါတ်တိုင် တစ်တိုင်တောင် ကြိုမြင်ဖို့ ခဲယဉ်းတဲ့အတွက် ကားတွေ မမောင်းပဲ ရပ်နေရတာ ခဏခဏပါ....... ဒါဆိုရင် ဒိသံချပ်ကာတွေရဲ့ ထိရောက်မှုနဲ့ အသုံးချမယ့် နေရာကို တွက်ဆလို့ ရပါတယ်..... 

ဝ ရဲ့ စစ်တပ်ဖွဲ့စည်းပုံကို သေခြာလေ့လာမယ်ဆိုရင် အဓိက အားထားတာ Defense အတွက်ကို ဦးစားပေးပါတယ်.... ဝ စစ်တပ်ရဲ့ လှုပ်ရှားမှုတွေကို သေခြာလေ့လာမယ်ဆိုရင် စစ်တပ်နဲ့ ထိပ်တိုက်တွေ့ဖို့ ပြင်ဆင်နေသလို SSA လှုပ်ရှားမှုတွေများတဲ့ဘက်မှာလည်း အုံနဲ့ ကျင်းနဲ့ လှုပ်ရှားမှုတွေ ရှိတာကို သတိထားကြည့်ဖို့တော့ လိုမယ်....... ဝ ကိုတက်တိုက်ရင် သူ့ဒေသရဲ့ သဘာဝ အတားအဆီးများနဲ့ ဝ လူမျိုးတွေရဲ့ နယ်မြေကျွမ်းကျင်မှုကြောင့် လက်ရှိစစ်တပ် ထက်ဝက်ကျော် ပြုတ်သွားနိုင်ပါတယ်...... ဝ လည်းအထိနာပါလိမ့်မယ်...... ဝ အထိနာရင် သူ့ဘေးမှာ ဝိုင်းနေတဲ့ သူ့ကိုဆော်ချင်တဲ့ အခြားတိုင်းရင်းသားတွေရဲ့ လက်ချက်ဖြစ်သွားပါလိမ့်မယ်.... ဝ ခေါင်းဆောင်တွေ အကြောက်ဆုံးအချက်က အဲ့ဒါပဲ ဖြစ်ပါတယ်.... ဒါကြောင့် ဝ ဘက်ကစပြီး ရန်စတာ၊ ရန်စွာတာ မရှိပဲ သူ့စီးပွားရေး သူလုပ်နေတာကို သတိထားကြည့်ရင် တွေ့ပါလိမ့်မယ်..... တရုတ်ကို သူတို့အားမကိုးခဲ့တာက တရုတ်က ဝင်လာပီးရင် နှင်ထုတ်ရခက်တယ်ဆိုတဲ့ အချက်ပါပဲ.....

ဝ တွေဟာ လွတ်လပ်ရေး မရခင်မှသည် လွတ်လပ်ရေး ရပြီးသည့် ယနေ့အချိန်ထိ ကိုယ်ပိုင် အုပ်ချုပ်ခွင့်နဲ့ နေခဲ့ပါတယ်..... ပြည်မ၊ ပြည်နယ် အစိုးရ သြဇာ သူတို့အပေါ် မသက်ရောက်ခဲ့ပါဘူး...... ဘေးမှာလည်း တရုတ်ရဲ့ ဖိအားရှိသလို အဖက်ဖက်မှာလည်း တိုင်းရင်းသား လက်နက်ကိုင် အချင်းချင်းရဲ့ ရန်စောင်မှုတွေကြားမှာ တည်ရှိနေခြင်း ဖြစ်ပါတယ်...... သူတို့နယ်မြေရဲ့ အားနည်းချက်၊ အားသာချက်ကို သူတို့သိတဲ့အတွက်ကြောင့် ရှေးယခင်ကလည်း ပြည်မ အစိုးရကို သူတို့အားကိုးခဲ့သလို ယခုလည်း အားကိုးတဲ့အနေနဲ့ ပြည်နယ်တောင်းဆိုလာတာ ဖြစ်ပါတယ်...... KIA ကို အစိုးရနဲ့ ငြိမ်းချမ်းရေးယူဖို့ တိုက်တွန်းတဲ့ စာမှာပါတဲ့ ခွဲထွက်ခွင့်မပါသော ငြိမ်းချမ်းရေးဆိုတဲ့ စကားလုံးကို သုံးခဲ့တဲ့ ဝ တွေရဲ့ ခွဲထွက်ခွင့်မပါသော ပြည်နယ်တောင်းဆိုခြင်းအပေါ် ကျွန်တော်လည်း ထောက်ခံပါတယ်.... 

ထောက်ခံရခြင်းသည် သူတို့ ပြည်နယ်တောင်းရခြင်း၏ အခြေအနေကို သိရှိတဲ့အတွက် ဖြစ်သလို ပြည်နယ် ပေးသင့် မပေးသင့် ဆိုတာထက် ဘာကြောင့် ပြည်နယ်တောင်းသလဲ ဆိုတာကို မြင်အောင်ကြည့်ပီး အဆင်ပြေအောင် ဘယ်လို ညှိနှိုင်းပေးမလဲ ဆိုတဲ့အမြင်တွေအပေါ်မှာလည်း များစွာ ကြိုဆိုမိပါတယ်...... လူမျိုးကြီး တိုင်းရင်းသား မျိုးနွယ်စုများအနေနဲ့လည်း မိမိကိုယ်တိုင် တိုင်းရင်းသား အခွင့်အရေး တောင်းဆိုနေချိန်မှာ မိမိလက်အောက်က တိုင်းရင်းသားတွေကို မိမိတို့ကိုယ်တိုင် ဖိနှိပ်ထားတာမျိုး မလုပ်သင့်ဘူးလို့လဲ မြင်မိပါတယ်......

ဝ ကိစ္စဟာ ရှုပ်ထွေးမှု မှန်ပါတယ်...... ဝ ဟာ တရုတ်ရဲ့ ဝှက်ဖဲဆိုရင်ဖြင့် ပါသွားခဲ့တာ ကြာပါပီ..... ဒီဘက်ကလည်း တက်တိုက်နိုင်တာ မဟုတ်ပါဘူး...... ဝ ဒေသ တောင်သုံးလုံးအနားကို ဒီဘက်က အရိပ်တောင် ဖြတ်ဖူးတာ မဟုတ်ပါဘူး....... ဝ ဆိုတာ လွတ်လပ်ရေး ရပီးကတည်းက ဗဟိုအစိုးရရဲ့ အုပ်ချုပ်မှုအောက်မှာ မရှိခဲ့ပေမယ့် ဘေးနားက ဝါးမြိုချင်တဲ့ အိမ်နီးခြင်းကြီး ရှိနေရဲ့သားနဲ့ အခုအချိန်ထိ မြန်မာနိုင်ငံအောက်မှာ ရှိနေတာဟာ ဘာကြောင့်လည်းဆိုတာ စဉ်းစားဖို့လိုပါလိမ့်မယ်..... ဒါပေမယ့် ထည့်သွင်း စဉ်းစားစေချင်တာကတော့ ဝ ဒေသဟာ လွတ်လပ်ရေး မရခင်မှသည် ယခုရပီးချိန်အထိ ဗဟိုအစိုးရရဲ့ အုပ်ချုပ်မှုနဲ့ ကင်းလွတ်နေခဲ့ပါတယ်.... မြန်မာစစ်တပ်ကိုယ်တိုင် ရှေးကလည်း မသိမ်းပိုက်နိုင်ခဲ့သလို အခုလည်း သိမ်းပိုက်နိုင်ဖို့ မသေခြာပါဘူး..... 

ဒီအတွက် ကျွန်တော့်အနေနဲ့ ဝ ရဲ့ ပြည်နယ်တောင်းဆိုခြင်းကို ဆက်ဆက်ခါ ဆန့်ကျင်နေကြသူများအပေါ် မေးလိုတာကတော့ ဗဟိုအစိုးရလည်း လက်လှမ်းမမှီ၊ ကိုယ်တိုင်လည်း ကိုယ်ပိုင်နိုင်ငံ ထူထောင်နိုင်တဲ့ အနေအထားရှိတဲ့ ဝ ဟာ ဘာကြောင့် ကိုယ်ပိုင်နိုင်ငံ မထူထောင်ပဲ မြန်မာပြည်ကို ဖက်တွယ်နေသလဲ၊ ဘာကြောင့် ဝ ဟာ အင်အားကြီးတဲ့ တရုတ်ဘက်ကို ပါမသွားခဲ့သလဲ၊ အခုအချိန်ထိ ဗဟိုအစိုးရရဲ့ စောင့်လျှောက်မှုကို တောင်းဆိုနေသလဲ ဆိုတဲ့မေးခွန်းပါပဲ........ ပြည်နယ် မပေးချင်ဘူးဆိုရင်ဖြင့် ဝ ဒေသနဲ့ သူတို့ ကြုံတွေ့နေရတဲ့ ညှပ်ပူး ညှပ်ပိတ် အခက်အခဲအပေါ် ဘယ်လိုဖြေရှင်းသင့်တယ်လို့ မြင်ပါသလဲ ဆိုတဲ့ မေးခွန်းတွေပါပဲ..... အပြုသဘောဆန်စွာ ဆွေးနွေးမည့်သူများကို လက်ကမ်းကြိုလျက်ပါပဲ.......


ဘိုးဘိုးအောင် ဖန်ဆင်းတဲ့ ဝ လား...... (၂) 


James Mint

Leave a Reply

 
Shan News © 2011 DheTemplate.com & Main Blogger. Supported by Makeityourring Diamond Engagement Rings

You can add link or short description here