အင်းလေးကန် (အင်းလေးအင်း)နှင့် စကားအင်းတွင် ငါးလုပ်ငန်းရာသီအတွက် လေလံတင် ရောင်းချမည့်ရက် ရွှေ့ဆိုင်း

ဇွန်လ ၁၅ ရက်

ရှမ်းပြည်နယ် တောင်ပိုင်းရှိ အင်းလေးကန် (အင်းလေးအင်း) အပါအ၀င် အင်းနှင့် တင်ဒါ ပိုက်ချက်များအား လေလံတင်ရောင်းချရန် မူလစီစဉ်ထားသည့်ရက်ကို ရွှေ့ဆိုင်းလိုက်ကြောင်း သတင်းရရှိသည်။

ရှမ်းပြည်နယ် တောင်ကြီးခရိုင် ညောင်ရွှေမြို့နယ် အတွင်းရှိ ဂရန်အင်း/တင်ဒါ ပိုက်ချက်များအား ၂၀၁၃-၂၀၁၄ ခုနှစ် ငါးလုပ်ငန်းရာသီ အတွက် အိတ်ဖွင့်တင်ဒါ စနစ်ဖြင့် ရောင်းချမည် ဖြစ်သဖြင့် မည်သူမဆို ၀ယ်ယူလိုပါက ၂၀၁၃ ခုနှစ် ဇွန် ၁၁ ရက် နံနက် ၁၀ နာရီအချိန်တွင် ရှမ်းပြည်နယ် ငါးလုပ်ငန်း ဦးစီးဌာနရုံး တောင်ကြီးမြို့တွင် လေလံတင် ရောင်းချမည်ဖြစ်ကြောင်း မူလက ထုတ်ပြန်ကြေညာခဲ့ခြင်း ဖြစ်သည်။

ဂရန်အင်းများတွင် အင်းလေးအင်း၊ စံကားအင်း၊ တင်ဒါပိုက်ချက်များတွင် ကိုးမိုင်တံတားဝပိုက်ချက်၊ ငါးရှဥ့်ဖြူတံတားအောက် ပိုက်ချက်၊ ရွှေရန်ပြေတံတားအောက် ပိုက်ချက်တို့ ပါဝင်သည်ဟု ယင်းကြေညာချက်တွင် ဖော်ပြခဲ့သည်။

''အင်းလေလံအတွက် ရက်ပြောင်းလိုက်တယ်လို့ သိရပါတယ်။ လေလံဆွဲမယ့် အဖွဲ့တွေကို ၂၇ ရက်နေ့ကို ပြန်ချိန်းလိုက်တယ်''ဟု ညောင်ရွှေမြို့နယ်မှ သဘာဝပတ်ဝန်းကျင် ထိန်းသိမ်းရေး လုပ်ကိုင်သူ တစ်ဦးက ဇွန် ၁၃ ရက်က ပြောပြသည်။

အင်းလေးကန်အား ယခင်ကလည်း ငါးလုပ်ငန်း ရာသီအတွက် လေလံဆွဲမှုများ ပြုလုပ်ခဲ့ပြီး ယခုနှစ်များအတွင်း အင်းလေးကန်၊ အင်းလေးဒေသ၀န်းကျင်သည် သဘာဝပတ်ဝန်းကျင် ယိုယွင်းမှုနှင့် ပတ်သက်၍ ထိန်းသိမ်းရန် လိုအပ်နေပြီ ဖြစ်...

အင်းလေးအင်းဟု ဂရန်အင်းအဖြစ် ထည့်သွင်း ဖော်ပြထားသည့် အင်းလေးကန်နှင့် စံကားအင်းတို့သည် အင်းလေးကန် တောရိုင်းတိရစ္ဆာန် ဘေးမဲ့တောတွင် ပါဝင်နေသည်။ အင်းလေးကန် တောရိုင်းတိရစ္ဆာန် ဘေးမဲ့တောကို ၁၉၈၅ ခုနှစ် ဇန်န၀ါရီ ၃၀ ရက်နေ့တွင် တည်ထောင်ခဲ့ပြီး ရှမ်းပြည်တောင်ပိုင်း တောင်ကြီးခရိုင်ရှိ ညောင်ရွှေမြို့နယ်၊ ပင်လောင်းမြို့နယ်နှင့် ဖယ်ခုံမြို့နယ်တို့အတွင်း တည်ရှိကာ အာဆီယံ အမွေအနှစ် ဥယျာဉ်တစ်ခု ဖြစ်သည်။

ယခုနှစ်များ အတွင်းတွင် အင်းလေးကန်သည် သဘာဝ ထိန်းသိမ်းရေး နယ်မြေများမှ အခြားမြေ အသုံးချမှုသို့ ပြောင်းလဲ အသုံးပြုရန် နည်းလမ်း အမျိုးမျိုးဖြင့် ဆောင်ရွက်လာခြင်း၊ ဥပမာ လူနေအိမ်ခြေ များပြားလာမှု၊ စိုက်ပျိုးမြေများ တိုးချဲ့လာမှု၊ ဟိုတယ်နှင့် စားသောက်ဆိုင်များ များပြားလာမှု၊ ဘေးမဲ့တောအတွင်း ငါးလုပ်ငန်း ဦးစီးဌာနမှ တရားဝင် ငါးဖမ်းလိုင်စင်များ ချထားမှုကြောင့် ဒေသခံတို့၏ ရေရှည်အသုံးချနိုင်မှု အတွက် ထိန်းသိမ်းရေး လုပ်ငန်းစဉ်များ ဆောင်ရွက်ရာတွင် အခက်အခဲ ရှိနေခြင်း၊ အင်းလေးကန်အတွင်း ရေအရည်အသွေး ကျဆင်းစေသည့် ဖြစ်စဉ်များ တိုးမြှင့်လာခြင်း စသည်တို့ကို ကြုံတွေ့နေရသည်ဟု သိရသည်။

အင်းလေးကန်အား ယခင်ကလည်း ငါးလုပ်ငန်း ရာသီအတွက် လေလံဆွဲမှုများ ပြုလုပ်ခဲ့ပြီး ယခုနှစ်များအတွင်း အင်းလေးကန်၊ အင်းလေးဒေသ၀န်းကျင်သည် သဘာဝပတ်ဝန်းကျင် ယိုယွင်းမှုနှင့် ပတ်သက်၍ ထိန်းသိမ်းရန် လိုအပ်နေပြီ ဖြစ်သည့်အတွက် ပြန်လည်သုံးသပ်ရမည့် အခြေအနေ ဖြစ်သည်ဟု သဘာဝပတ်ဝန်းကျင် ထိန်းသိမ်းရေးဆိုင်ရာ ကျွမ်းကျင်သူများက ဆိုပါသည်။

''အင်းလေးမှာပဲ ပေါက်တဲ့ ငါးမျိုးစိတ်တွေ ရှိပါတယ်။ ဒါတွေကို မထိန်းသိမ်းနိုင်တော့ရင် ကုန်သွားမယ်။ မရှိတော့ရင် ကန်လည်း တန်ဖိုးကျသွားမယ်'' ဟု အဆိုပါ သဘာဝပတ်ဝန်းကျင် ထိန်းသိမ်းရေး လုပ်ကိုင်သူက ပြောကြားသည်။

EMG