ဇွန်လ ၁၁ ရက်
`` ၀´´ အမျိုးသားသွေးစည်းညီညွတ်ရေးပါတီ(UWSP) ၏ `` ကိုယ်ပိုင်အုပ်ချုပ်ခွင့်ရတိုင်း ´´ မှ `` ကိုယ်ပိုင်အုပ် ချုပ်ခွင့်ရပြည်နယ် ´´အဖြစ် အသိအမှတ်ပြုရေးတောင်းဆိုမှုအပေါ် မြန်မာတိုင်းရင်းသားတွေအကြား ပြစ်တင်မှု၊ ထောက်ခံမှု များ အမျိုးမျိုးပေါ်ပေါက်လျက်ရှိပါတယ်။
ကျွန်တော်က ရှမ်းပြည်နယ်မှာ မွေး၊ ရှမ်းပြည်နယ်မှာ ကြီးပြင်းပြီး ရှမ်းပြည်နယ်မှာ အခြေချနေထိုင်တဲ့စီးပွားရေး လုပ်ငန်းရှင် တစ်ယောက်ဖြစ်တာကြောင့် မိုင်းတုံ-မိုင်းဆက်ဘက်ကို စီးပွားရေးကိစ္စဖြင့် မကြာခဏသွားရောက်ပြီး ``၀´´ အဖွဲ့မှ စီးပွားရေးလုပ်ငန်းရှင်များနှင့်လည်း စီးပွားရေးအရဆက်သွယ်လုပ်ကိုင်မှုများရှိပါတယ်။ ယခုတလော မိုင်းတုံ-မိုင်းဆက်ဘက်မှာ တင့်ကားတွေအများကြီးရောက်လာသည့်အတွက် ကျွန်တော်လည်း ``၀´´ အဖွဲ့မှ စီးပွားရေး လုပ်ငန်းရှင်တစ်ဦးကို မေးမြန်းကြည့်တော့ ``
ကိုယ်ပိုင်အုပ်ချုပ်ခွင့်ရပြည်နယ်တောင်းဆိုတာနဲ့ပတ်သက် ပြီး အစိုးရနဲ့ ``၀´´ အဖွဲ့အကြား အဆင်မပြေမှုတွေဖြစ်နေလို့ အစိုးရတပ်တွေရောက်လာတာဖြစ်ပါတယ်´´ လို့ ပြောပြ သွားခဲ့ပါတယ်။
ကျွန်တော်တို့ရှမ်းပြည်နယ် တစ်ပြည်နယ်လုံးမှာရှိတဲ့ ရှမ်းတိုင်းရင်းသားတွေအနေနဲ့ကတော့ `` ၀ ´´ က `` ကိုယ်ပိုင် အုပ်ချုပ်ခွင့်ရပြည်နယ်´´ အဖြစ် တောင်းဆိုတာကို လုံးဝလက်မခံနိုင်ပါဘူး။ ဘာဖြစ်လို့လဲဆိုတော့ ``၀´´ ရဲ့ တောင်းဆိုမှုဟာ သူတို့အတွက် အကျိုးရှိကောင်းရှိနိုင်ပေမယ့် ပြည်ထောင်စုကြီးတစ်ခုလုံးအတွက် ဆိုးကျိုးတွေ ကိုပဲရနိုင် ပါတယ်။ ကျွန်တော်တို့ မြန်မာနိုင်ငံဟာ ပြည်နယ်(၇)ပြည်နယ်၊ တိုင်း(၇)တိုင်းနဲ့ ဖွဲ့စည်းထားတဲ့ ပြည်ထောင်စု သမ္မတမြန်မာနိုင်ငံဆိုတာ တိုင်းရင်းသားအားလုံးက လက်ခံထားပြီးဖြစ်ပါတယ်။ ဒါ့ပြင် ကိုယ်ပိုင် အုပ်ချုပ်ခွင့်ရ ဒေသ(၅)ခုကို လည်း အသိအမှတ်ပြုထားပေးပြီးဖြစ်ပါတယ်။ စစ်ကိုင်းတိုင်းထဲမှာ နာဂ ကိုယ်ပိုင် အုပ်ချုပ်ခွင့်ရဒေသ ၊ ရှမ်းပြည်နယ်ထဲမှာ ဓနု၊ ပအို့ဝ်၊ ပလောင်၊ ကိုးကန့် ကိုယ်ပိုင်အုပ်ချုပ်ခွင့်ရဒေသ (၅)ခုနဲ့ ``၀´´ ကိုယ်ပိုင် အုပ်ချုပ်ခွင့်ရတိုင်းတို့ပဲဖြစ်ပါတယ်။
``၀´´အဖွဲ့လိုပဲ အခြားကိုယ်ပိုင်အုပ်ချုပ်ခွင့်ရဒေသတွေမှာ နေထိုင်ကြတဲ့ တိုင်းရင်းသားတွေက ကိုယ်ပိုင်အုပ်ချုပ် ခွင့်ရပြည်နယ်အဖြစ် တောင်းဆိုလာအောင် သွေးထိုးလှုံ့ဆော်လိုက်တဲ့ သဘောပဲလို့ကျွန်တော်ယူဆမိပါတယ်။ ခေတ်အဆက်ဆက်အေးအတူပူအမျှနေလာခဲ့တဲ့ တိုင်းရင်းသားအချင်းချင်းကြားမှာ ထင်ယောင်ထင်မှားစကားတွေနဲ့ သွေးကွဲသွားမှာကို စိုးရိမ်ရပါတယ်။ အခုဆိုရင်``၀´´ တိုင်းရင်းသားတွေအပေါ် ထင်ကြေးအမျိုးမျိုးပေးနေကြပါပြီ။ အချို့က``၀´´ အဖွဲ့ဟာတိုင်းရင်းသားလက်နက်ကိုင်အဖွဲ့အစည်းတွေထဲမှာ လက်နက်နဲ့လူအင်အား အတောင့် တင်းဆုံးလို့ကြွေးကြော်ပြီး တစ်ဖက်နိုင်ငံအားကိုးရှိနေလို့ ကိုယ်ပိုင်အုပ်ချုပ်ခွင့်ရပြည်နယ်တောင်းဆိုရဲတာ လို့ပြစ်တင် ပြောနေကြပါပြီ။ အချို့ကလည်း ``၀´´ အဖွဲ့ရဲ့ကိုယ်ပိုင်အုပ်ချုပ်ခွင့်ရပြည်နယ်တောင်းဆိုတာကို နားလည်တဲ့သဘော ထားနဲ့ ကြည့်တက်မြင်တက်ရင် ထောက်ခံသင့်ပါတယ်လို့ ပြောနေသူများလည်း ရှိပါတယ်။
အကြောင်းပြချက်အမျိုးမျိုးနဲ့ ပြစ်တင်သည်ဖြစ်စေ၊ ထောက်ခံသည်ဖြစ်စေ `` ကိုယ်ပိုင်အုပ်ချုပ်ခွင့်ရပြည်နယ် ´´ တောင်းဆိုမှုဟာ တစ်မျိုးသားလုံးနှင့် သက်ဆိုင်တဲ့ တိုင်းရင်းသားအရေးကိစ္စဖြစ်နေတဲ့ အတွက်ကြောင့် အကောင်းဘက်ကိုပဲ ဦးတည်စေချင်ပါတယ်။ ကျွန်တော်တို့ရှမ်းပြည်နယ်ထဲမှာနေလာခဲ့တဲ့ ``၀´´ တိုင်းရင်းသား တွေကို ရှမ်းတိုင်းရင်းသားတွေက ညီရင်းအကိုလိုပဲသဘောထားဆက်ဆံခဲ့ပါတယ်။ အခုဆိုရင် ``၀´´ အဖွဲ့ရဲ့ တောင်းဆိုမှုဟာ ကျွန်တော်တို့ ရှမ်းပြည်နယ်ကို ဂယက်ရိုက်လာခဲ့ပါတယ်။ ကျွန်တော်တို့ ရှမ်းပြည်နယ်ဟာ အေးချမ်းတည်ငြိမ်မှုတွေ တဖြည်းဖြည်းရရှိနေဆဲကာလမှာ ``၀´´ အဖွဲ့ကြောင့် တိုက်ပွဲတွေဖြစ်ပွားလာမှာကို စိုးရိမ်နေ ကြပါတယ်။
လက်ရှိအခြေအနေအရ ``၀´´ အဖွဲ့ဟာ တစ်ဖက်နိုင်ငံရဲ့ထောက်ပံ့မှုကို အားကိုးပြီး အစိုးရတပ်တွေနဲ့ ရင်ဆိုင် တိုက်ခိုက်ဖို့ပြင်ဆင်နေတာဆိုရင် ကျွန်တော်တို့ ရှမ်းပြည်နယ်ကိုလည်း အချိန်မရွေးတိုက်ခိုက်ပြီး ပြည်နယ်ထပ်ပြီး တိုးချဲ့တောင်းဆိုမှုတွေ ဖြစ်လာနိုင်တဲ့အတွက် ``၀´´ အဖွဲ့ရဲ့ ``ကိုယ်ပိုင်အုပ်ချုပ်ခွင့်ရပြည်နယ်´´ တောင်းဆိုမှု ကို ကျွန်တော်တို့ ရှမ်းတိုင်းရင်းသားများအားလုံးက လက်မခံနိုင်ကြောင်းနဲ့ ပြည်ထောင်စုကြီးပြိုကွဲစေမယ့် အက်ကြောင်းသံ တစ်ခုသာဖြစ်ပါတယ်လို့ ပြောချင်ပါတယ်ဗျာ။
စိုင်းအောင်ခမ်း
