နိုင်ငံလုံးဆိုင်ရာ အပစ်ရပ်စာချုပ် အောက်တိုဘာတွင် လက်မှတ်ရေးထိုးမည်

နိုင်ငံတော်သမ္မတ ဦးသိန်းစိန် ဦးဆောင်သော အစိုးရအဖွဲ့၏ ငြိမ်းချမ်းရေး လုပ်ငန်းစဉ် တတိယ အဆင့်ဖြစ်သော နိုင်ငံလုံးဆိုင်ရာ အပစ်အခတ်ရပ်စဲရေး လက်မှတ်ရေးထိုးပွဲကို အောက်တိုဘာလအတွင်း ပြုလုပ်မည်ဟု ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုတိယဥက္ကဋ္ဌ ဦးအောင်မင်း၏ အဆိုအရ သိရသည်။ အဆိုပါ နိုင်ငံလုံးဆိုင်ရာ အပစ်အခတ်ရပ်စဲရေး လက်မှတ်ရေးထိုးရန် KIO/KIA အဖွဲ့နှင့် အစိုးကြား အပစ်အခတ် ရပ်စဲရေး ပြုလုပ်ရန် ကျန်ရှိနေသေးကြောင်း KIO/KIA အဖွဲ့နှင့် အောက်တိုဘာလ မတိုင်ခင် လက်မှတ်ရေးထိုးမည် ဖြစ်ကြောင်း သမ္မတရုံးဝန်ကြီးလည်းဖြစ်သူ ဦးအောင်မင်းက ဆက်လက် ပြောကြားသည်။ “KIAနဲ့ လက်မှတ်ထိုးဖို့ ကျွန်တော်တို့ဘက်က အဆင်သင့်ပါ။ သူတို့ရဲ့ ပြန်ကြားချက်ကို စောင့်နေတာပါ” ဟု ဦးအောင်မင်းက ဆိုသည်။ KIO/KIA အဖွဲ့နှင့် လက်မှတ် ရေးထိုးနိုင်ရန် အစိုးရ ငြိမ်းချမ်းရေး နည်းပညာ အထောက်အကူပြုအဖွဲ့ (Technical Team) နှင့် KIO ငြိမ်းချမ်းရေး အလုပ်အဖွဲ့တို့အကြား ဆွေးနွေးမှုများ ပြုလုပ်လျက်ရှိကြောင်း ၎င်းက ရှင်းပြသည်။ အစိုးရနှင့် KIO အဖွဲ့တို့ အပစ်အခတ်ရပ်စဲရေး လက်မှတ် ရေးထိုးနိုင်ရန် လိုအပ်သည့် ဆွေးနွေးမှုများအတွက် KIO နည်းပညာ အထောက်အကူပြုအဖွဲ့ ရုံးကို ဇူလိုင်လ ၂၅ ရက်နေ့က မြစ်ကြီးနားမြို့တွင် ဖွင့်လှစ်ခဲ့သည်။ နိုင်ငံလုံးအဆင့် အပစ်အခတ်ရပ်စဲရေး စာချုပ်ကို လက်မှတ် ရေးထိုးရန် ကျန်ရှိသည့် အဖွဲ့အစည်းများနှင့် ညှိနှိုင်းရန်မှာ မိုးရာသီ ဖြစ်သည့်အတွက် သွားလာရေး အခက်အခဲကြောင့် အနည်းငယ် ကြန့်ကြာနေခြင်း ဖြစ်ကြောင်း ဦးအောင်မင်းက ပြောကြားသည်။ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီသည် တိုင်းရင်းသား လက်နက်ကိုင်အဖွဲ့ ၁၁ ဖွဲ့နှင့် ပြည်ထောင်စုအဆင့် အပစ်အခတ်ရပ် စဲရေး လက်မှတ် ရေးထိုးထားပြီး အခြားအဖွဲ့ သုံးဖွဲ့နှင့် ပြည်နယ်အဆင့် လက်မှတ်ရေးထိုးပြီး ဖြစ်ကာ KIA အပါအဝင် လက်နက်ကိုင် အဖွဲ့အစည်း သုံးခုနှင့် ညှိနှိုင်းနေဆဲ ဖြစ်သည်။ နိုင်ငံတော်သမ္မတ ဦးသိန်းစိန်က ဇူလိုင်အတွင်း သွားရောက်ခဲ့သည့် ဥရောပခရီးစဉ် အတွင်းတွင် နိုင်ငံလုံး ဆိုင်ရာ အပစ်အခတ်ရပ်စဲရေး လက်မှတ်ရေးထိုးပွဲကို ဇူလိုင်လတွင် ပြုလုပ်မည်ဟု ဆိုထားသော်လည်း KIO/KIA အဖွဲ့နှင့် လက်မှတ်ရေး ထိုးရန် ကျန်ရှိနေသောကြောင့် ပြုလုပ်နိုင်ခြင်း မရှိခဲ့ပေ။ နိုင်ငံလုံးအဆင့် အပစ်အခတ် ရပ်စဲရေးစာချုပ် ချုပ်ဆိုပြီးပါက နိုင်ငံရေး စကားဝိုင်းအဆင့် Political Dialogue ကို ဆက်လက် ပြုလုပ်သွားမည် ဖြစ်ကြောင်း ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီက ကြေညာထားသည်ဟု ၂၀၁၃ ခုနှစ် သြဂုတ်လ ၂၆ ရက်နေ့ထုတ် The Voice Daily သတင်းစာတွင် ဖော်ပြထားပါသည်။

Credit: ခေတ်လူငယ်