7.10.2013
အစားအသောက်ကို အလွန်အမင်း လျှော့စရာမလိုဘဲ ကိုယ်အလေးချိန် လျော့ကျလိုပါသလား။
အစားအသောက် မလျှော့ဘဲ ၀ိတ်ကျချင်သူတွေအတွက် ဘ၀နေထိုင်မှုပုံစံတချို့ ပြောင်းလဲလိုက်ရုံနဲ့ အဆင်ပြေသွားစေမယ့် နည်းလမ်းကောင်းတွေပါ။
၁။ အိပ်ရေး၀၀အိပ်ပါ
မီချီဂန် တက္ကသိုလ်ရဲ့ လေ့လာမှုတစ်ခုအရ တစ်ညမှာ တစ်နာရီ ပိုအိပ်တာနဲ့ တစ်နှစ်ကြာရင် ကိုယ်အလေးချိန် ၁၄ ပေါင် ကျဆင်းသွားကြောင်း သိရပါတယ်။ အိပ်ရေးဝခြင်းက ဆာလောင်စိတ်ကို အထိုက်အလျောက် တားဆီးပေးနိုင်တာကြောင့်ပါ။
၂။ အိမ်မှာ စားပါ
အိမ်မှာချက်ထားတဲ့ အစားအစာတွေကို တစ်ပတ်မှာ အနည်းဆုံး ငါးရက်စားသူတွေဟာ ခန္ဓာကိုယ် သွယ်လျလာတတ်ကြပါတယ်။ ဒါဟာ ဆိုင်တွေမှာ ချက်ပြုတ်တဲ့ အစားအသောက် အများစုဟာ ကျန်းမာရေးနဲ့ မညီညွတ်တဲ့ အဆီပါဝင်မှု များလို့ပါ။
၃။ အစားကို ဖြည်းဖြည်းချင်းစားပါ
အစားအသောက် တစ်နပ်စားချိန်ကို မိနစ် ၂၀ ကြာ အချိန်ပေးပါ။ အစာစားတဲ့အခါ ဖြည်းဖြည်းချင်း ကြေညက်အောင် ၀ါးစားပေးရင် ခန္ဓာကိုယ်က မကြာခင်မှာပဲ ဗိုက်ပြည့်ကြောင်း အချက်ပြပါလိမ့်မည်။ အစားအသောက်ကို အမြန်စားရင်တော့ အချက်ပြတာကို သတိမထားမိဘဲ အလွန်အကျွံစားဖြစ်သွားတတ်ပါတယ်။
၎။ ဟင်းသီးဟင်းရွက် များများစားပါ
အစာတစ်နပ်စားတိုင်း ဟင်းသီးဟင်းရွက် သုံးမျိုးပါအောင်စားပါ။ အစားအသောက်ကို များများစားရမှ ကျေနပ်သူတွေအနေနဲ့ ဟင်းသီးဟင်းရွက်ကို များများစားပေးတာဟာ စိတ်ကျေနပ်မှု ရစေသလို ကိုယ်အလေးချိန်လည်း လျော့ကျစေပါတယ်။ ဟင်းသီးဟင်းရွက်နဲ့ အသီးအနှံထဲမှာ အမျှင်ဓာတ်နဲ့ ရေဓာတ်သာ အဓိကပါပြီး ကယ်လိုရီပါဝင်မှု နည်းတာကြောင့်ပါ။
၅။ ကောက်နှံနဲ့ ပြုလုပ်ိထားတဲ့ အစာစားပါ
ဆန်လုံးညို ၊ ဘာလီ၊ အုတ်ဂျုံ၊ အညိုရောင်ပေါင်မုန့် စတာတွေက ၀ိတ်လျှော့လိုသူတွေအတွက် အသင့်တော်ဆုံးပါပဲ။ အကြောင်းကတော့ ကောက်နှံနဲ့လုပ်ထားတာတွေက ကယ်လိုရီပါဝင်မှုနည်းပြီး ခန္ဓာကိုယ်ထဲမှာ ကောင်းတဲ့ ကိုလက်စ်ထရောမြင့်တက်စေပါတယ်။
၆။ ၀က်ပေါင်ခြောက်ရှောင်ပါ
နံနက်စာစားရင် ဆင်းဒ၀စ်ရ်ှစားသူများ ၀က်ပေါင်ခြောက် မစားပါနဲ့။ ၀က်ပေါင်ခြောက်နှစ်ချောင်းမှာ ကယ်လိုရီ ၁၀၀ လောက်ပါတဲ့အတွက် တစ်နှစ်ကြာရင် ၁၀ပေါင် တက်နိုင်ပါတယ်။ ဟမ်ဘာဂါ စားတဲ့အခါလည်း ဟင်းသီးဟင်းရွက်ပါတာ ရွေးစားပါ။
၇။ သကြားမစားရ
အချိုရည်အစား ရေပြောင်းသောက်ရင် သကြား လက်ဖက်စားဇွန်း တစ်ဇွန်းလောက် ရှောင်ရာရောက်ပါတယ်။ သကြားဟာ ကိုယ်အလေးချိန် တက်တဲ့အပြင် စိတ်ပါ ညှိုးနွမ်းစေပါတယ်။
၈။ အယ်လ်ကိုဟောပမာဏ ကန့်သတ်ပါ
အရက်ပါတဲ့ လူမှုရေးဝိုင်းတွေ သွားရင် ကော့တေး၊ ဘီယာ၊ ၀ိုင် ၊ အရက် စတာတွေကို လက်လှမ်းမယ့်အစား ရေကိုအရင်သောက်လိုက်ပါ။ အရက်သောက်မိတဲ့အခါ အရက်ကြောင့် ကယ်လိုရီ ရှိတဲ့အပြင် အာဟာရတန်ဖိုးနည်းတာတွေကိုပါ မဆင်ခြင်ဘဲ စားမိစေနိုင်ပါတယ်။
၉။ လက်ဖက်စိမ်း လက်ဖက်ရည် သောက်ပါ
အဲ့ဒါသောက်တာဟာ နည်းလမ်းကောင်းပါ။ ခန္ဓာကိုယ်ကယ်လိုရီ လောင်ကျွမ်းစေတဲ့အပြင် ဇီဝရုပ် ဖြစ်ပျက်မှု အားကောင်းစေပါတယ်။ လက်ဖက်စိမ်းလက်ဖက်ရည် အနည်းငယ် သောက်ရင်တောင် စိတ် လန်းဆန်း စေနိုင်ပါတယ်။
၁၀။ ယောဂကျင့်ပါ
ယောဂကျင့်တဲ့ အမျိုးသမီးတွေဟာ မကျင့်သူတွေထက် အလေးချိန်နည်းကြောင်း အမေရိကန် အာဟာရအဖွဲ့အစည်းက ဆိုပါတယ်။ အကြောင်းက ယောဂကျင့်သူတွေဟာ အစားကို အလွန်စားတတ်တဲ့ အကျင့် မရှိကြလို့ပါ။ စိတ်တည်ငြိမ်အေးချမ်းနေတဲ့အတွက် အစားအသောက်ကိုလည် သင့်တင့်တဲ့ ပမာဏသာ စားလေ့ရှိတယ်လို့ သုတေသီတွေက ဆိုပါတယ်။
၁၁။ သကြားမပါသောပီကေ၀ါးပါ
အဲ့ဒါဟာ သွားရေစာ စားချင်စိတ် နည်းစေပါတယ်။ တီဗွီကြည့်ရင်း အင်တာနက်သုံးရင်း ညစာစားပါက သွားရေစာစားချင်စိတ် ပြင်းပြနိုင်ပါတယ်။ သကြားမပါတဲ့ အနံ့မွှေးတဲ့ ပီကေ ၀ါးပေးရင် အခြားသွားရေစာတွေ စားချင်စိတ် လျော့ နိုင်ပါတယ်။
၁၂။ တစ်နေ့ ကယ်လိုရီ ၁၀၀ လောင်ကျွမ်းအောင် လုပ်ပါ
အစားမလျှော့ဘဲ တစ်နှစ် ကိုယ်အလေးချိန် ၁၀ပေါင် ကျချင်ရင် တစ်နေ့ ကယ်လိုရီ ၁၀၀ ကျဖို့ မိနစ် ၂၀ ကြာ တစ်မိုင် လမ်းလျှောက်ခြင်း၊ မိနစ် ၂၀ ကြာ ဥယျာဉ်စိုက်ပျိုးခြင်း၊ မိနစ် ၃၀ ကြာ အိမ်သန့်ှရှင်းရေး လုပ်ခြင်း၊ ၁၀ မိနစ်ကြာ လမ်းအမြန်လျှောက်ခြင်း စတဲ့ လှုပ်ရှားမှုမျိုး လုပ်ပေးပါ။
၁၃။ အသားမပါတဲ့ အာဟာရ မကြာခဏစားပါ
သားသတ်လွတ်စားတာဟာ ကိုယ်အလေးချိန် သွယ်လျစေတယ်လို့ Web MD သုတေသနအရ သိရပါတယ်။ ပျှမ်းမျှ သားသတ်လွတ်စားသူတွေဟာ အသားစားသူတွေထက် ၂၀% အလေးချိန် လျော့တတ်တယ်။ ပဲနီလေးစွပ်ပြုတ် ၊ ပဲအမျိုးမျိုးပါတဲ့ ဟင်းလျာတွေဟာ အမျှင်ဓာတ်ပါပြီး အာဟာရဓာတ်ရစေကာ သွယ်လျကျန်းမာစေပါတယ်။
http://thutakabar.blogspot.ru/2012/05/blog-post_24.htmlမှကူးယူဖော်ပြပေးပါသည်။
+%E1%80%B1%E1%80%90%E1%80%AC%E1%80%84%E1%80%B9%E1%82%80%E1%80%80%E1%80%AE%E1%80%B8%E1%81%BF%E1%80%99%E1%80%AD%E1%80%B3%E1%82%95%E1%80%94%E1%80%9A%E1%80%B9%E1%80%A5%E1%80%80%E1%81%A0%E1%80%8C+%E1%80%A5%E1%80%AE%E1%80%B8%E1%80%B1%E1%80%85%E1%80%AC%E1%80%9A%E1%80%BC%E1%80%94%E1%80%B9%E1%80%B8%E1%80%95%E1%80%AD%E1%80%AF%E1%80%84%E1%80%B9%E1%80%99%E1%80%BD+%E1%80%90%E1%80%84%E1%80%B9%E1%80%BB%E1%80%95%E1%80%B1%E1%80%94%E1%80%95%E1%80%B6%E1%80%AF.JPG)
.jpg)
