Tuesday, February 11, 2014

ယူနိုက်တက်၏ ကစားပုံကို အပျော်တမ်းအဆင့်မျိုးနှင့် ဖူလ်ဟမ်နောက်ခံလူ နှိုင်းယှဉ်

0 comments

Tuesday, February 11, 2014

မန်ချက်စတာ ယူနိုက်တက် အသင်း၏ ကစားပုံသည် အပျော်တမ်းအဆင့် ပြိုင်ပွဲများတွင် မိမိ ကစားဖူး သည့် နေ့ရက်များကိုပင် အမှတ်ရမိစေကြောင်း ဖူလ်ဟမ်နောက်ခံလူ ဒန်ဘန်းက ပြောကြားလိုက်သည်။

ဖူလ်ဟမ်သည် အိုးလ်ထရက်ဖို့ဒ်တွင် ယူနိုက်တက်ကို (၂)ဂိုးစီ သရေခံကစားခဲ့ပြီး အဆိုပါ ပွဲစဉ်တွင် အိမ်ရှင်အသင်းက တစ်ဖက်သတ် တိုက်စစ်ဆင် ထိုးဖောက်မှုများ ပြုလုပ်ခဲ့သော်လည်း ဂိုးရရှိရန် ကြိုးပမ်းမှုများ မအောင်မြင်ခဲ့ချေ။ အထူးသဖြင့် ယူနိုက်တက်သည် ဘောလုံးကို တောင်ပံသို့ ချဲထုတ်ပြီး ဖြတ်တင်ဘောများမှ ဂိုးရရန်သာ အဓိက ဦးတည်ခဲ့ပြီး ဖူလ်ဟမ်ဘက်သို့ ထောင့်ဖြတ်ဘော (၈၁) ကြိမ်ထိ ပေးပို့ တိုက်စစ်ဆင်ခဲ့သည်။ သို့သော်လည်း အရပ်(၆)ပေ၊ (၇)လက်မရှိသော ဘန်းနှင့် ၎င်း၏ ဗဟိုခံစစ် ကစားဖော် ဂျွန်နီဟိုက်တင်ဂါတို့ကို မကျော်နိုင်ခဲ့ဘဲ ရုန်းကန်ခဲ့ရသည်။ ဖူလ်ဟမ်မန်နေဂျာ ရင်းန်မြူလန်စတင်းကလည်း ပွဲအပြီးတွင် ၎င်းနည်းပြအဖြစ် အလုပ်လုပ်ဖူးသည့် အသင်းဟောင်း၏ နည်းဗျူဟာပိုင်းသည် ရိုးရှင်းအားနည်းလွန်းကြောင်း မှတ်ချက်ပြုခဲ့သည်။

ဘန်းကမူ ယူနိုက်တက်၏ ဖြတ်တင်ဘောသက်သက် ကစားပေါက်သည် အပျော်တမ်းအဆင့်တွင် ဒါလင်တန် အသင်း၌ မိမိကစားဖူးသည့် နေ့ရက်များကိုပင် သတိရမိစေကြောင်း ဆိုသည်။ "ကျွန်တော့် အသင်းဖော်တွေကို ပြောပြဖြစ်ပါတယ်။ အပျော်တမ်း ပြိုင်ပွဲတွေက ထွက်ခွာလာပြီးကတည်းက ပွဲတစ်ပွဲမှာ ဒီလောက် အကြိမ်ရေများများ ခေါင်းမတိုက်ဖူးဘူး ဆိုတာကိုပါ။ ဘာပဲဖြစ်ဖြစ် သူတို့ ဒီပုံစံနဲ့ ကစားတာကို ကျွန်တော် ပျော်ပါတယ်။ ကျွန်တော့်အရပ်က (၆)ပေ၊ (၇)လက်မ ရှိတယ်လေ။ ဒီလိုပုံစံ ဘောလုံးမျိုးတွေကို တုံ့ပြန်ဖို့ သိပ်အဆင်ပြေတာပေါ့။ ကျွန်တော်တို့ အနေနဲ့ ယူနိုက်တက်က ထောင့်ဖြတ်ဘောချည်း ကန်တင်နေမှန်း သိလာတော့ ခံစစ်(၄)ယောက်ကို ပိုပြီး နေရာကျဉ်းမြောင်းအောင် အလယ်မှာ စုလိုက်တယ်။ တောင်ပံတိုက်စစ်သမားတွေက ခံစစ်တောင်ပံထိ ဆင်းကူတယ်။ ဒါကို လေ့ကျင့်ရေး အစီအစဉ်တွေမှာ ကတည်းက ပြင်ဆင်ထားပြီးသားပါ။ ကျွန်တော်တို့ ခံစစ်က တကယ့်ကို ကောင်း ခဲ့ပါတယ်။ သူတို့ အခွင့်အရေး များများစားစား မရခဲ့ဘူး။ ဒုတိယဂိုး သွင်းသွားနိုင်တာ သူတို့ကံကောင်း လို့ပါ။ ဒါပေမဲ့ ကျွန်တော်တို့ အဲဒီပွဲမှာ တစ်ခုခု ရနိုင်သေးတယ် ဆိုတာမျိုး ယုံကြည်မှု ပျက်မသွားခဲ့ဘူး"ဟု ဘန်းက ဖွင့်ဟခဲ့သည်။

၎င်းက "ကျွန်တော့် ဘဝမှာ ဒါဟာ ယူနိုက်တက်နဲ့ ပထမဆုံး ရင်ဆိုင် ကစားဖူးတာပါ။ သူတို့အသင်းက ကစားသမားတွေကို ကြည့်ရုံနဲ့တင် တကယ့် ထိပ်တန်းအသင်းကြီး တစ်ခုဆိုတာ သိသာပါတယ်။ သူတို့အိမ်ကွင်းမှာ လာကစားပြီး ရလဒ်ကောင်းတစ်ခု ပိုင်ဆိုင်နိုင်တာ ကျေနပ်စရာပါပဲ"ဟု လည်း ပြောကြားသွားသည်။

Soccer Myanmar

Leave a Reply

 
Shan News © 2011 DheTemplate.com & Main Blogger. Supported by Makeityourring Diamond Engagement Rings

You can add link or short description here