မြန်မာနိုင်ငံ၏ အသွင်ကူးပြောင်းရေးတွင် စိန်ခေါ်ချက် ၁၀ ချက်ရှိဟုဆို

1.10.2013

မြန်မာနိုင်ငံ၏ အသွင်ကူးပြောင်းရေး ကာလတွင် ကြီးမားသည့် စိန်ခေါ်ချက် ၁၀ ချက်ရှိသည် ဟု နိုင်ငံ တကာမှ သုတေသီများနှင့် နိုင်ငံရေး လေ့လာသူများက ပြောဆိုထားကြောင်း ရန်ကုန်မြို့ တော်ဝင်နှင်းဆီ ခန်းမ၌ စက်တင်ဘာ ၂၉ ရက်က ပြုလုပ်သည့် မြန်မာနိုင်ငံ၏ အသွင် ကူးပြောင်းရေး ကာလတွင် ရင်ဆိုင် ရမည့် အခွင့်အလမ်းနှင့် စိန်ခေါ်ချက်များ အကြောင်း ဆွေးနွေးပွဲ တွင် ဒေါက်တာသောင်း ထွန်း က ပြောကြားသည်။

ထိုစိန်ခေါ်ချက်များတွင် တပ်မတော်က နိုင်ငံရေးနှင့် စီးပွားရေးတွင် ပါဝင်ပတ်သက် နေခြင်းအား မည်သို့ပြန်လည် လျှော့ချပြီး စစ်ရေးစွမ်းရည် အပြည့်အ၀နှင့် ကာကွယ်ရေး အတွက် professional army အဖြစ်သာ ရပ်တည်စေရန် မည်ကဲ့သို့ ထိန်းသိမ်းမည်၊ မည်ကဲ့သို့ ကူးပြောင်းမည်နည်း ဆိုသည်မှာ အဓိက အရေးအကြီးဆုံးသော စိန်ခေါ်ချက် ဖြစ်သည်ဟု ပြောကြားသည်။

ဒုတိယ စိန်ခေါ်ချက်အဖြစ် တရားဥပဒေ စိုးမိုးရေးဖြစ်ပြီး တရားစီရင်ရေး ကဏ္ဍတွင် သိသာမြင်သာ သည့် ပြုပြင်ပြောင်းလဲရေး အနည်းဆုံးအဖြစ် ယူဆကြောင်း ပြောကြားသည်။

ထို့နောက် လူ့အခွင့်အရေးနှင့် ပတ်သက်သည့် စိန်ခေါ်ချက်ဖြစ်ပြီး လွတ်လပ်မှု အချို့ကို တွေ့မြင် ရသော်လည်း ကန့်သတ်မှုများလည်း ရှိနေကြောင်း ပြောကြားသည်။ လွတ်လပ် စွာ ပြောဆိုခွင့် ရရှိနေမှု သည် နားလည်မှုနှင့် ရရှိသည့် အဆင့်သာဖြစ်ပြီး လွတ်လပ်စွာ ပြောဆိုမှုအား ကန့်သတ်သည့် ဥပဒေဟောင်းများအား တရားဝင် ဖျက်သိမ်းခြင်း မရှိကြောင်း ကို ထောက်ပြပြော ဆိုသည်။

တိုင်းရင်းသား အခွင့်အရေးနှင် ပြည်တွင်းငြိမ်းချမ်းရေးကို တည်ဆောက်ရန်မှာလည်း ကြီးမားသည့် စိန်ခေါ် မှု တစ်ခုဖြစ်ပြီး ပြည်တွင်းစစ် ဖြစ်ပွားရခြင်း အကြောင်းရင်းထဲတွင် သယံဇာတခွဲမှု မညီမျှခြင်းများ၊ တိုင်းရင်းသားများ၏ ကိုယ့်ကြမ္မာ ကိုယ်ဖန်တီးခွင့် မရှိခြင်းကြောင့် ဖြစ်သည်ဟု ပြောကြားသည်။

ပဉ္စမမြောက် စိန်ခေါ်ချက်အဖြစ် ဘာသာခြား သူများအကြား ဖြစ်ပွားနေသည့် ပဋိပက္ခများဖြစ်ပြီး ဘာသာ မတူသူ တို့ကြား အတူယှဉ်တွဲ နေထိုင်ရေးမှာ အလွန်အရေးကြီးသည့် ကိစ္စရပ် တစ်ခု ဖြစ်လာ သည်ဟု ဆိုသည်။

ထို့နောက် ဆဋ္ဌမ အနေနှင့် လာဘ်ပေး လာဘ်ယူမှုနှင့် အဂတိ လိုက်စားမှုများဖြစ်ပြီး ၎င်းပြဿနာသည် ကြီးမားစွာ အမြစ်တွယ် နေခြင်းလည်းဖြစ်ပြီး တိုင်းပြည်တွင်း ဆင်းရဲမွဲတေမှု လျော့ချခြင်းကိုလည်း များစွာ ထိခိုက်မှု ရှိသည်ဟု ဆိုသည်။

ထို့ပြင် ပြုပြင်ပြောင်းလဲမှုကို ဖော်ဆောင်ရာတွင် အောက်ခြေပြည်သူ လူထု၏ နေ့စဉ် ဘ၀ထဲသို့ မရောက် ခဲ့ခြင်း ကလည်း အဓိက စိန်ခေါ်မှုတစ်ခု ဖြစ်သည်ဟု ဆိုသည်။

ဒေါက်တာသောင်းထွန်းက ''ပြုပြင်ပြောင်းလဲရေး လုပ်နေပါတယ်လို့ သမ္မတ ကြီးကလည်း ပြောတယ်။ သတင်းမီဒီယာ တွေကလည်း ရေးကြပါတယ်။ အောက်ခြေ ပြည်သူဆီကို အပြောင်းအလဲ ရောက်အောင် ဘယ်လိုလုပ်မလဲဆိုတဲ့ အပိုင်းကတော့ အားနည်းနေပါတယ်'' ဟု ပြောကြားသည်။

ဦးမင်းဇင်ကလည်း အသွင်ကူးပြောင်းရေး ကာလအတွင်း မြန်မာနိုင်ငံ၌ ဖွဲ့စည်းပုံ ခိုင်မာသည့် အင်စတီ ကျူးရှင်းအဖြစ် စစ်တပ်သာ ရှိနေပြီး ကျန်အင်စတီကျူးရှင်းများမှာ အားနည်းနေ သည်ဟု ထောက်ပြခဲ့သည်။ မြန်မာနိုင်ငံ၏ အခြေအနေသည် အင်စတီးကျူးရှင်းများ မရှိသည့်အပြင် Divided Society ဟုခေါ်သော မညီမညွတ် ဖြစ်နေသည့် လူ့အဖွဲ့အစည်း တစ် ခု ဖြစ်နေကြောင်း လည်း ပြောကြားသည်။ နှစ်ပေါင်းများစွာ ဖြစ်ပွားခဲ့သည့် ပဋိပက္ခများကြောင့် ကံကြမ္မာ တစ်ခု တည်း ရှိသည်ဟု ပြည်သူများ မခံယူကြ ကြောင်းနှင့် ထိုသို့သော အခြေအနေတွင် လုပ်ရ ကိုင်ရ ခက်ခဲသည် ဟုလည်း ပြောကြားသည်။

ထို့အပြင် အင်စတီးကျူးရှင်း တစ်ခုအား ပုံဖော်ရာတွင် နိုင်ငံ၏ ယဉ်ကျေးမှု၊ သမိုင်းကြောင်းများအား ထည့်သွင်းစဉ်းစားရန် လိုကြောင်း ပြောကြားသည်။

မြန်မာ့တပ်မတော်အား ပြောင်းလဲရာတွင် တပ်မတော်၏ လိုချင်တပ်မက်မှုများအား သိရန် လို အပ်ပြီး မြန်မာ့တပ်မတော် အနေနှင့် နှစ်ပေါင်း ၂၀ ကျော် တရုတ်နိုင်ငံအား မှီခိုအားထား ခဲ့ရကြောင်းနှင့် တရုတ်ကို မှီခိုသောနည်းဖြင့် မြန်မာ့တပ်မတော်က ခေတ်မီတပ်မတော်တစ်ခု မဖြစ်နိုင်ကြောင်းကို တပ်မတော် ခေါင်းဆောင်များ နားလည်သည်ဟု ဦးမင်းဇင်က ပြောကြားသည်။ တပ်မတော် အား ခေတ်မီစေရန် ၁၉၉၃၊ ၉၄ ခုနှစ်များက ကြိုးစားခဲ့သော်လည်း အောင်မြင်မှု မရှိသောကြောင့် ယခု အချိန်တွင် အနောက်နိုင်ငံများနှင့် ချိတ်ဆက်ရန် ကြိုးစားမှုများ ရှိနေခဲ့သည်ဟု ထည့် သွင်း ပြောကြားသည်။

ရန်ကုန်စီးပွားရေး တက္ကသိုလ် ပါမောက္ခဟောင်း ဦးမော်သန်းက တိုင်းပြည်တစ်ပြည်အတွက် ငြိမ်းချမ်းရေး ရမှ တိုးတက်ဖွံ့ဖြိုးနိုင်ခြင်း ဖြစ်သောကြောင့် ငြိမ်းချမ်းရေးရရန် အလွန် အရေးကြီးသည် ဟု ပြော ဆိုလိုက်သည်။ ငြိမ်းချမ်းရေးရမှ ပတ်ဝန်းကျင်ကောင်း တစ်ခုကို ဖန်တီးနိုင် မှာဖြစ်ပြီး မည်သည့် နည်းလမ်းများအား အသုံးပြုပြီး ပတ်ဝန်းကျင် ကောင်းများကို ဖန်တီးနိုင်မည်နည်းဟု မေးခွန်းထုတ်ခဲ့သည်။

Eleven Media Group