အဖြူရောင် မိန်းမသားများ

(သန့်ဇင်စိုး)

ကျူးဘားနိုင်ငံ၏ တစ်ရက်သော တနင်္ဂနွေနေ့ နံနက်ခင်းတွင် ဖြစ်သည်။ လူအုပ်စုတစ်စု ငြိမ်သက် တိတ်ဆိတ်စွာ လမ်းလျှောက် လာကြသည်။ အားလုံးက အရွယ်စုံ မိန်းမသားများ ဖြစ်ကြသည်။

တူညီဝတ်စုံ မဟုတ်သော်လည်း သူတို့ဝတ်ထားသည့် ပုံစံအမျိုးမျိုးသော ဝတ်စုံများက အဖြူရောင်များ ဖြစ်ကြသည်။ အရာအားလုံးကို အစိုးရ၏ သဘောအတိုင်းသာ လုပ်ဆောင်ရသည့် ကျူးဘား ကွန်မြူနစ် နိုင်ငံတွင် ထိုသို့ စီတန်းလမ်းလျှောက်ခြင်းအတွက် အလွန်စွန့်စား ကြရသည်။

အဆိုပါ အမျိုးသမီးများက ကြောက်ရွံ့ထိတ်လန့်သည့် ပုံတော့မပေါက်ပေ။ အဘယ်ကြောင့်ဆိုသော် သူတို့အားလုံး၏ ရင်ထဲတွင် အလျှံညီးညီး တောက်လောင်နေသော မျှော်လင့်ချက် ရှိသောကြောင့် ဖြစ် သည်။ ယင်းမျှော်လင့်ချက်မှာကား လွတ်လပ်ခြင်း ပေတည်း။

ယင်းအဖွဲ့၏ နာမည်မှာ စပိန် ဘာသာစကားဖြင့် Damas de blanco ဟုခေါ်ပြီး အဓိပ္ပာယ်မှာ အဖြူရောင် မိန်းမသားများဟူ၍ ဖြစ်သည်။ အဆိုပါ အမျိုးသမီးများမှာ ကျူးဘား နိုင်ငံရေး အကျဉ်းသားများ၏ ဇနီးများ၊ ဆွေမျိုးများ ဖြစ်ကြသည်။

တနင်္ဂနွေနေ့တိုင်း အဖြူရောင်မယ်များ လမ်းမများပေါ် ထွက်လာကြကာ တိတ်ဆိတ်စွာ လမ်းလျှောက် ကြပြီး ၎င်းတို့၏ ခင်ပွန်း၊ မောင်ဖား၊ သားသမီးများ ပြန်လည် လွတ်မြောက်လာကြစေ လိုကြောင်း ဆုတောင်း ပတ္ထနာ ပြုကြသည်။ အဖြူရောင်၏ သင်္ကေတမှာ ငြိမ်းချမ်းရေးဟု ၎င်းတို့က ဆိုသည်။

၂၀၀၃ ခုနှစ်၌ ကျူးဘားတွင် အမည်းရောင် နွေဦးဟု ခေါ်တွင်သည့် ကာလအတန်ကြာ အစိုးရ ဖိနှိပ်မှုတစ်ရပ် ဖြစ်ခဲ့သည်။ ဖီဒယ်ကတ်စထရို ခေါင်းဆောင်သော ကွန်မြူနစ် ကျူးဘားအစိုးရက လူ့အခွင့်အရေး တက်ကြွ လှုပ်ရှားသူများ၊ လွတ်လပ်သော စာနယ်ဇင်း သမားများ၊ လစ်ဘရယ် အမြင်ရှိသူ နိုင်ငံရေးသမားများ စုစုပေါင်း ၇၅ ဦးကို လူဖမ်းပွဲကြီး လုပ်ခဲ့ပြီး အမြင့်ဆုံး ထောင်ဒဏ် ၂၈ နှစ်အထိ ချမှတ်ပစ်ခဲ့သည်။

ယင်းနိုင်ငံရေး အကျဉ်းသားများကို ကျူးဘား အစိုးရက တိုင်းပြည်၏ လွတ်လပ်ရေးနှင့် နယ်နိမိတ်ကို ထိပါးမည့် လူများဟု သမုတ်ခဲ့၏။ ပြည်ပအားကိုး ပုဆိန်ရိုးများ၊ မတရားသင်း ဆက်သွယ်သူများ၊ နိုင်ငံခြား သူလျှိုများ၊ အကြမ်းဖက်သမားများဟု အာဏာရှင်တို့ ထုံးစံအတိုင်း စွပ်စွဲပြောဆိုသည်။

ကျူးဘားအစိုးရ၏ အမည်းရောင် နွေဦးကို နိုင်ငံတကာကလည်း ယင်းလုပ်ရပ်သည် နိုင်ငံတကာ စံနှုန်း ဥပဒေများကို ချိုးဖောက်ခြင်း ဖြစ်ကြောင်း ပြစ်တင် ပြောဆိုမှုသာ ပြုလုပ်နိုင်ပြီး လူ ၇၅ ဦးကတော့ သံတိုင်များနောက်သို့ ရောက်သွားခဲ့ပေသည်။

သို့သော် အဆိုပါ အနက်ရောင် လှုပ်ရှားမှုကို တန်ပြန်မည့် အဖြူရောင် လှုပ်ရှားမှုလည်း ပေါ်လာခဲ့ သည်။ လော်ရာပိုလန် ဆိုသည့် အမျိုးသမီးတစ်ဦးက ဦးဆောင်သည့် အဖြူရောင် မိန်းမသားများ လှုပ်ရှားမှု ဖြစ်သည်။

တနင်္ဂနွေနေ့ ခရစ်ယာန်ရိုးရာ ဝတ်ပြု ကိုးကွယ်သည့် အချိန်တွင်း မြို့တော် ဟားဗနားရှိ စိန့်ရီတာဘုရား ရှိခိုးကျောင်းတွင် စုဝေးကြကာ သူတို့ ချစ်မြတ်နိုးရသူ ထောင်နန်းစံများအတွက် စုဝေး ဆုတောင်းဝတ်ပြု ကိုးကွယ်ကြသည်။ ဆုတောင်းပြီးတိုင်းတွင် အနီးအနား ပန်းခြံတစ်ခုအထိ ရောက်အောင် စုပေါင်း လမ်းလျှောက်ကြသည်။

ထိုကဲ့သို့ အဖြူရောင်ဝတ် လှုပ်ရှားမှုကို အာဂျင်တီးနားတွင်လည်း ပြုလုပ်ဖူးသည်။ ၁၉၇၀ ကာလ စစ်အစိုးရ အာဂျင်တီးနားကို အုပ်စိုးစဉ် ပျောက်ဆုံးသွားသော သားယောက်ျားလေးများအတွက် တောင်းဆိုခြင်းကို အာဂျင်တီးနား မိခင်များ ပြုလုပ်ဖူးသည့် လှုပ်ရှားမှု ဖြစ်သည်။

အဖြူရောင်ဝတ် လမ်းလျှောက်ကြသော ကျူးဘား အမျိုးသမီးများသည် သူတို့အင်္ကျီ အဖြူများပေါ်တွင် ထောင်သွင်း အကျဉ်းချ ခံထားသော သူတို့ လင်သား၊ သားနှင့် ဆွေမျိုးပုံများကို ပုံနှိပ်ထားကြသည်။ ထို့ပြင် သူတို့ထောင်ထဲတွင် နေရန် အာဏာပိုင်များက အမိန့် ချထားသည့်ကာလ အပိုင်းအခြားကိုလည်း ရေးသားထားကြသည်။

ယင်းသို့ ဝတ်ပြု ဆုတောင်းကြသော တနင်္ဂနွေ အဖြူရောင် မိခင်များ၊ ဇနီးများ၊ သမီးများကို အမေရိကန်က ကြိုးကိုင်နေသော အကြမ်းဖက်သမားများဟု ကျူးဘား အစိုးရက ပြောသေးသည်။

၂၀၀၅ ခုနှစ်တွင် ကျူးဘား အစိုးရက အဆိုပါ အဖြူရောင် အမျိုးသမီး အဖွဲ့၏ လှုပ်ရှားမှုများကို တန်ပြန်သည့် အနေနှင့် သူတို့ ကြိုးကိုင်ထားသော ကျူးဘား အမျိုးသမီးရေးရာ အဖွဲ့ကို လူအင်အား တစ်ရာ့ငါးဆယ်ခန့်ဖြင့် စေလွှတ်ပြီး လော်ရာတို့ အဖွဲ့ကို တန်ပြန် ဆန္ဒပြ ကန့်ကွက်စေခဲ့သည်။
ဘယ်ကမှန်း မသိသော လူများထွက်လာပြီး အဖြူရောင် အမျိုးသမီးများ လမ်းလျှောက် လှုပ်ရှားမှုကို တိုက်ခိုက်ခြင်း၊ အော်ဟစ်ဆဲရေးခြင်းများ လုပ်ကြပြီး နောက်ဆုံးတွင် ရဲကားများ ရောက်လာပြီး အမျိုးသမီးများကို အတင်းအဓမ္မ ကားပေါ် ဆွဲတင်ခြင်းများပင် ပြုလုပ်ကြသည်။

နောက်ဆုံး မြင်မကောင်းအောင် ဖိနှိပ်လာသဖြင့် ကျူးဘား သာသနာပိုင် ဘုန်းတော်ကြီး ဂျေမီလူးကပ်စ် အော်တေဂါပင် ဝင်ရောက် မေတ္တာရပ်ခံ ပြောဆိုခဲ့ရသည်။

နောက်တော့ သူတို့ကိုယ်တိုင်ပင် အဖမ်းခံရတော့သည်။ ၂၀၁၀ ပြည့်နှစ်တွင် ဟာဗနား ဆန္ဒပြပွဲတွင် ဦးဆောင် ပါဝင်ခဲ့သည့် အဖြူရောင် အမျိုးသမီး အိုင်ဗိုနီမာလီဇာဂါလာနို အဖမ်းခံရသည်။ ကျူးဘားမှ ငတ်မွတ်မှုများ၊ ဒုက္ခများနှင့် ဆင်းရဲနွမ်းပါးမှုများ ရပ်တန့်စေရေး အစိုးရကို ဖိအားပေးသည့် လှုပ်ရှားမှုများအတွင်း ပါဝင်မှုဖြင့် အဖမ်းခံရခြင်း ဖြစ်သည်။

အဆိုပါ ဖမ်းဆီးမှုကို မကျေနပ်သောကြောင့် ကန့်ကွက် ဆန္ဒပြသူများလည်း ထပ်အဖမ်းခံရသည်။ သူတို့ကို တရားစွဲဆိုခြင်း မပြုဘဲ ဖမ်းဆီးထားခြင်းဖြစ်ကာ ပြည်သူကို မတည်ငြိမ်အောင် သွေးထိုးသည်ဟု စွပ်စွဲကာ စစ်ကြောခဲ့ခြင်း ဖြစ်သည်။

နိုင်ငံတကာ လူ့အခွင့်အရေး အဖွဲ့များ၊ အစိုးရများ၊ ပြည်တွင်း တက်ကြွ လှုပ်ရှားသူများ၏ ဖိအား ကြောင့် မာလီဇာ၊ မာတီနက်ဇ်၊ အယ်ဗားရက်ဇ်တို့ သုံးဦး ၅၂ ရက်ကြာ ထိန်းသိမ်းခံရပြီး ပြန်လည် လွတ်မြောက် လာခဲ့သည်။ အဖြူရောင် အမျိုးသမီးများ ဦးဆောင်သော လူထုလှုပ်ရှားမှု၏ အောင်မြင်မှု အသေးလေးဟု ဆိုချင် ဆိုနိုင်ပေမည်။

၂၀၀၅ ခုနှစ်ကတည်းက ယင်းအမျိုးသမီး အဖွဲ့သည် ဥရောပသမဂ္ဂက ချီးမြှင့်သည့် လူ့အခွင့်အရေးဆု Sakharov ဆုကို ရရှိခဲ့သည်။ ခေါင်းဆောင် အမျိုးသမီးငါးဦး တက်ရောက် ဆုယူပေးပါရန် ဖိတ်ကြားခြင်း ခံရသည်။ သို့သော် ထိုစဉ်က သူတို့ ဆုသွားယူခွင့် မရခဲ့ကြ။ နောက်တော့ ကျူးဘားအစိုးရ အုပ်စိုးသူ ပြောင်းပြီး ဖြေလျှော့မှုများ စလာစဉ်တွင် ခရီးသွားခွင့် ရလာသဖြင့် အမျိုးသမီး ခေါင်းဆောင်များ ထိုဆု သွားယူခွင့် ရခဲ့ပေသည်။

၂၀၁၃ ခုနှစ်ရောက်မှ သွားခွင့်ရခြင်း ဖြစ်သည်။ အဖြူရောင် အမျိုးသမီး အဖွဲ့ခေါင်းဆောင် ဘာတာ ဆိုးလာ သွားရောက်ခွင့်ရခြင်း ဖြစ်သည်။ ဘာတာသည် သူမ၏ ခရီးစဉ်အတွင်း ကမ္ဘာအနှံ့ လှည့်လည်ခဲ့ကာ ကျူးဘားနိုင်ငံရေး အကျဉ်းသားများနှင့် မိသားစုဘဝများ အကြောင်းကို လှည့်လည် ပြောဆို ရှင်းပြခဲ့ပြီး ကမ္ဘာ့ ခေါင်းဆောင် အများအပြားနှင့် တွေ့ဆုံခွင့်ရခဲ့သည်။

ဗာတီကန်သို့ ဘုရားဖူး သွားရောက်ခဲ့စဉ် ပုပ်ရဟန်းမင်းကြီး ဖရန်စစ်က ဘာတာဆိုးလာကို လက်ခံ တွေ့ဆုံခဲ့ကာ သူမတို့ တိုက်ပွဲ အောင်မြင်စေကြောင်း ဆုမွန်ခြွေပေးခဲ့သည်။

လွတ်လပ်မှုကို ဆာလောင်ခြင်းသည် လူသားပီသသော လိုလားချက်တစ်ခု ဖြစ်သည်နှင့်အညီ မိန်းမ သားများကလည်း ဦးဆောင်ကာ လွတ်လပ်ခြင်း ပန်းတိုင်သို့ ချီတက်သွားနေနိုင်ကြောင်း ကျူးဘားသူများက သက်သေပြခဲ့ကြခြင်း ဖြစ်သည်။

ကျူးဘားတွင် နိုင်ငံရေး အကျဉ်းသားများ ရှိနေသေးသရွေ့ အမျိုးသမီးများ၏ တနင်္ဂနွေ အဖြူရောင် လှုပ်ရှားမှုများ ရှိနေဦးမည် ဖြစ်သည်ဟု အဖြူရောင် မိခင်များက ဆိုသည်။

The Voice Weekly